Liṅga Purāṇa 1.99

ऋषय ऊचुः संभवः सूचितो देव्यास् त्वया सूत महामते । सविस्तरं वदस्वाद्य सतीत्वे च यथातथम्

ṛṣaya ūcuḥ saṃbhavaḥ sūcito devyās tvayā sūta mahāmate / savistaraṃ vadasvādya satītve ca yathātatham

Sanskrit only: no published translation is held for this verse.

मेनाजत्वं महादेव्या दक्षयज्ञविमर्दनम् । विष्णुना च कथं दत्ता देवदेवाय शंभवे

menājatvaṃ mahādevyā dakṣayajñavimardanam / viṣṇunā ca kathaṃ dattā devadevāya śaṃbhave

Sanskrit only: no published translation is held for this verse.

कल्याणं वा कथं तस्य वक्तुमर्हसि सांप्रतम् । तेषां तद्वचनं श्रुत्वा सूतः पौराणिकोत्तमः

kalyāṇaṃ vā kathaṃ tasya vaktumarhasi sāṃpratam / teṣāṃ tadvacanaṃ śrutvā sūtaḥ paurāṇikottamaḥ

Sanskrit only: no published translation is held for this verse.

संभवं च महादेव्याः प्राह तेषां महात्मनाम् । सूत उवाच ब्रह्मणा कथितं पूर्वं दण्डिने तत् सुविस्तरम्

saṃbhavaṃ ca mahādevyāḥ prāha teṣāṃ mahātmanām / sūta uvāca brahmaṇā kathitaṃ pūrvaṃ daṇḍine tat suvistaram

Sanskrit only: no published translation is held for this verse.

युष्माभिर् वै कुमाराय तेन व्यासाय धीमते । तस्मादहमुपश्रुत्य प्रवदामि सुविस्तरम्

yuṣmābhir vai kumārāya tena vyāsāya dhīmate / tasmādahamupaśrutya pravadāmi suvistaram

Sanskrit only: no published translation is held for this verse.

वचनाद्वो महाभागाः प्रणम्योमां तथा भवम् । सा भगाख्या जगद्धात्री लिङ्गमूर्तेस्त्रिवेदिका

vacanādvo mahābhāgāḥ praṇamyomāṃ tathā bhavam / sā bhagākhyā jagaddhātrī liṅgamūrtestrivedikā

Sanskrit only: no published translation is held for this verse.

लिङ्गस्तु भगवान्द्वाभ्यां जगत्सृष्टिर्द्विजोत्तमाः । लिङ्गमूर्तिः शिवो ज्योतिस् तमसश्चोपरि स्थितः

liṅgastu bhagavāndvābhyāṃ jagatsṛṣṭirdvijottamāḥ / liṅgamūrtiḥ śivo jyotis tamasaścopari sthitaḥ

Sanskrit only: no published translation is held for this verse.

लिङ्गवेदिसमायोगाद् अर्धनारीश्वरोभवत् । ब्रह्माणं विदधे देवम् अग्रे पुत्रं चतुर्मुखम्

liṅgavedisamāyogād ardhanārīśvarobhavat / brahmāṇaṃ vidadhe devam agre putraṃ caturmukham

Sanskrit only: no published translation is held for this verse.

प्राहिणोति स्म तस्यैव ज्ञानं ज्ञानमयो हरः । विश्वाधिको ऽसौ भगवान् अर्धनारीश्वरो विभुः

prāhiṇoti sma tasyaiva jñānaṃ jñānamayo haraḥ / viśvādhiko 'sau bhagavān ardhanārīśvaro vibhuḥ

Sanskrit only: no published translation is held for this verse.

हिरण्यगर्भं तं देवो जायमानमपश्यत । सो ऽपि रुद्रं महादेवं ब्रह्मापश्यत शङ्करम्

hiraṇyagarbhaṃ taṃ devo jāyamānamapaśyata / so 'pi rudraṃ mahādevaṃ brahmāpaśyata śaṅkaram

Sanskrit only: no published translation is held for this verse.

तं दृष्ट्वा संस्थितं देवम् अर्धनारीश्वरं प्रभुम् । तुष्टाव वाग्भिर् इष्टाभिर् वरदं वारिजोद्भवः

taṃ dṛṣṭvā saṃsthitaṃ devam ardhanārīśvaraṃ prabhum / tuṣṭāva vāgbhir iṣṭābhir varadaṃ vārijodbhavaḥ

Sanskrit only: no published translation is held for this verse.

विभजस्वेति विश्वेशं विश्वात्मानमजो विभुः । ससर्ज देवीं वामाङ्गात् पत्नीं चैवात्मनः समाम्

vibhajasveti viśveśaṃ viśvātmānamajo vibhuḥ / sasarja devīṃ vāmāṅgāt patnīṃ caivātmanaḥ samām

Sanskrit only: no published translation is held for this verse.

श्रद्धा ह्यस्य शुभा पत्नी ततः पुंसः पुरातनी । सैवाज्ञया विभोर्देवी दक्षपुत्री बभूव ह

śraddhā hyasya śubhā patnī tataḥ puṃsaḥ purātanī / saivājñayā vibhordevī dakṣaputrī babhūva ha

Sanskrit only: no published translation is held for this verse.

सतीसंज्ञा तदा सा वै रुद्रमेवाश्रिता पतिम् । दक्षं विनिन्द्य कालेन देवी मैना ह्यभूत्पुनः

satīsaṃjñā tadā sā vai rudramevāśritā patim / dakṣaṃ vinindya kālena devī mainā hyabhūtpunaḥ

Sanskrit only: no published translation is held for this verse.

नारदस्यैव दक्षो ऽपि शापादेवं विनिन्द्य च । अवज्ञादुर्मदो दक्षो देवदेवमुमापतिम्

nāradasyaiva dakṣo 'pi śāpādevaṃ vinindya ca / avajñādurmado dakṣo devadevamumāpatim

Sanskrit only: no published translation is held for this verse.

अनादृत्य कृतिं ज्ञात्वा सती दक्षेण तत्क्षणात् । भस्मीकृत्वात्मनो देहं योगमार्गेण सा पुनः

anādṛtya kṛtiṃ jñātvā satī dakṣeṇa tatkṣaṇāt / bhasmīkṛtvātmano dehaṃ yogamārgeṇa sā punaḥ

Sanskrit only: no published translation is held for this verse.

बभूव पार्वती देवी तपसा च गिरेः प्रभोः । ज्ञात्वैतद्भगवान् भर्गो ददाह रुषितः प्रभुः

babhūva pārvatī devī tapasā ca gireḥ prabhoḥ / jñātvaitadbhagavān bhargo dadāha ruṣitaḥ prabhuḥ

Sanskrit only: no published translation is held for this verse.

दक्षस्य विपुलं यज्ञं च्यावनेर् वचनादपि । च्यवनस्य सुतो धीमान् दधीच इति विश्रुतः

dakṣasya vipulaṃ yajñaṃ cyāvaner vacanādapi / cyavanasya suto dhīmān dadhīca iti viśrutaḥ

Sanskrit only: no published translation is held for this verse.

विजित्य विष्णुं समरे प्रसादात् त्र्यंबकस्य च । विष्णुना लोकपालांश् च शशाप च मुनीश्वरः

vijitya viṣṇuṃ samare prasādāt tryaṃbakasya ca / viṣṇunā lokapālāṃś ca śaśāpa ca munīśvaraḥ

Sanskrit only: no published translation is held for this verse.

रुद्रस्य क्रोधजेनैव वह्निना हविषा सुराः । विनाशो वै क्षणादेव मायया शङ्करस्य वै

rudrasya krodhajenaiva vahninā haviṣā surāḥ / vināśo vai kṣaṇādeva māyayā śaṅkarasya vai

Sanskrit only: no published translation is held for this verse.