Library·Liṅga Purāṇa·2·2.1
अथ श्रीसटीकलिङ्गमहापुराणोत्तरभागप्रारंभः श्रीगणेशाय नमः ऋषय ऊचुः कृष्णस् तुष्यति केनेह सर्वदेवेश्वरेश्वरः । वक्तुमर्हासि चास्माकं सूत सर्वार्थविद्भवान्
atha śrīsaṭīkaliṅgamahāpurāṇottarabhāgaprāraṃbhaḥ śrīgaṇeśāya namaḥ ṛṣaya ūcuḥ kṛṣṇas tuṣyati keneha sarvadeveśvareśvaraḥ / vaktumarhāsi cāsmākaṃ sūta sarvārthavidbhavān
Sanskrit only: no published translation is held for this verse.
सूत उवाच पुरा पृष्टो महातेजा मार्कण्डेयो महामुनिः । अंबरीषेण विप्रेन्द्रास् तद् वदामि यथातथम्
sūta uvāca purā pṛṣṭo mahātejā mārkaṇḍeyo mahāmuniḥ / aṃbarīṣeṇa viprendrās tad vadāmi yathātatham
Sanskrit only: no published translation is held for this verse.
अंबरीष उवाच मुने समस्तधर्माणां पारगस् त्वं महामते । मार्कण्डेय पुराणो ऽसि पुराणार्थविशारदः
aṃbarīṣa uvāca mune samastadharmāṇāṃ pāragas tvaṃ mahāmate / mārkaṇḍeya purāṇo 'si purāṇārthaviśāradaḥ
Sanskrit only: no published translation is held for this verse.
नारायणानां दिव्यानां धर्माणां श्रेष्ठमुत्तमम् । तत्किं ब्रूहि महाप्राज्ञ भक्तानामिह सुव्रत
nārāyaṇānāṃ divyānāṃ dharmāṇāṃ śreṣṭhamuttamam / tatkiṃ brūhi mahāprājña bhaktānāmiha suvrata
Sanskrit only: no published translation is held for this verse.
सूत उवाच तस्य तद्वचनं श्रुत्वा समुत्थाय कृताञ्जलिः । स्मरन् नारायणं देवं कृष्णम् अच्युतम् अव्ययम्
sūta uvāca tasya tadvacanaṃ śrutvā samutthāya kṛtāñjaliḥ / smaran nārāyaṇaṃ devaṃ kṛṣṇam acyutam avyayam
Sanskrit only: no published translation is held for this verse.
मार्कण्डेय उवाच शृणु भूप यथान्यायं पुण्यं नारायणात्मकम् । स्मरणं पूजनं चैव प्रणामो भक्तिपूर्वकम्
mārkaṇḍeya uvāca śṛṇu bhūpa yathānyāyaṃ puṇyaṃ nārāyaṇātmakam / smaraṇaṃ pūjanaṃ caiva praṇāmo bhaktipūrvakam
Sanskrit only: no published translation is held for this verse.
प्रत्येकम् अश्वमेधस्य यज्ञस्य समम् उच्यते । य एकः पुरुषः श्रेष्ठः परमात्मा जनार्दनः
pratyekam aśvamedhasya yajñasya samam ucyate / ya ekaḥ puruṣaḥ śreṣṭhaḥ paramātmā janārdanaḥ
Sanskrit only: no published translation is held for this verse.
यस्माद्ब्रह्मा ततः सर्वं समाश्रित्यैव मुच्यते । धर्ममेकं प्रवक्ष्यामि यद्दृष्टं विदितं मया
yasmādbrahmā tataḥ sarvaṃ samāśrityaiva mucyate / dharmamekaṃ pravakṣyāmi yaddṛṣṭaṃ viditaṃ mayā
Sanskrit only: no published translation is held for this verse.
पुरा त्रेतायुगे कश्चित् कौशिको नाम वै द्विजः । वासुदेवपरो नित्यं सामगानरतः सदा
purā tretāyuge kaścit kauśiko nāma vai dvijaḥ / vāsudevaparo nityaṃ sāmagānarataḥ sadā
Sanskrit only: no published translation is held for this verse.
भोजनासन शय्यासु सदा तद्गतमानसः । उदारचरितं विष्णोर् गायमानः पुनः पुनः
bhojanāsana śayyāsu sadā tadgatamānasaḥ / udāracaritaṃ viṣṇor gāyamānaḥ punaḥ punaḥ
Sanskrit only: no published translation is held for this verse.
विष्णोः स्थलं समासाद्य हरेः क्षेत्रमनुत्तमम् । अगायत हरिं तत्र तालवर्णलयान्वितम्
viṣṇoḥ sthalaṃ samāsādya hareḥ kṣetramanuttamam / agāyata hariṃ tatra tālavarṇalayānvitam
Sanskrit only: no published translation is held for this verse.
मूर्च्छनास्वरयोगेन श्रुतिभेदेन भेदितम् । भक्तियोगं समापन्नो भिक्षामात्रं हि तत्र वै
mūrcchanāsvarayogena śrutibhedena bheditam / bhaktiyogaṃ samāpanno bhikṣāmātraṃ hi tatra vai
Sanskrit only: no published translation is held for this verse.
तत्रैवं गायमानं च दृष्ट्वा कश्चिद्द्विजस्तदा । पद्माख्य इति विख्यातस्तस्मै चान्नं ददौ तदा
tatraivaṃ gāyamānaṃ ca dṛṣṭvā kaściddvijastadā / padmākhya iti vikhyātastasmai cānnaṃ dadau tadā
Sanskrit only: no published translation is held for this verse.
सकुटुंबो महातेजा ह्युष्णमन्नं हि तत्र वै । कौशिको हि ताद हृष्टो गायन्नास्ते हरिं प्रभुम्
sakuṭuṃbo mahātejā hyuṣṇamannaṃ hi tatra vai / kauśiko hi tāda hṛṣṭo gāyannāste hariṃ prabhum
Sanskrit only: no published translation is held for this verse.
शृण्वन्नास्ते स पद्माख्यः काले काले विनिर्गतः । कालयोगेन संप्राप्ताः शिष्या वै कौशिकस्य च
śṛṇvannāste sa padmākhyaḥ kāle kāle vinirgataḥ / kālayogena saṃprāptāḥ śiṣyā vai kauśikasya ca
Sanskrit only: no published translation is held for this verse.
सप्त राजन्यवैश्यानां विप्राणां कुलसंभवाः । ज्ञानविद्याधिकाः शुद्धा वासुदेवपरायणाः
sapta rājanyavaiśyānāṃ viprāṇāṃ kulasaṃbhavāḥ / jñānavidyādhikāḥ śuddhā vāsudevaparāyaṇāḥ
Sanskrit only: no published translation is held for this verse.
तेषाम् अपि तथान्नाद्यं पद्माक्षः प्रददौ स्वयम् । शिष्यैश्च सहितो नित्यं कौशिको हृष्टमानसः
teṣām api tathānnādyaṃ padmākṣaḥ pradadau svayam / śiṣyaiśca sahito nityaṃ kauśiko hṛṣṭamānasaḥ
Sanskrit only: no published translation is held for this verse.
विष्णुस्थले हरिं तत्र आस्ते गायन्यथाविधि । तत्रैव मालवो नाम वैश्यो विष्णुपरायणः
viṣṇusthale hariṃ tatra āste gāyanyathāvidhi / tatraiva mālavo nāma vaiśyo viṣṇuparāyaṇaḥ
Sanskrit only: no published translation is held for this verse.
दीपमालां हरेर्नित्यं करोति प्रीतिमानसः । मालवी नाम भार्या च तस्य नित्यं पतिव्रता
dīpamālāṃ harernityaṃ karoti prītimānasaḥ / mālavī nāma bhāryā ca tasya nityaṃ pativratā
Sanskrit only: no published translation is held for this verse.
गोमयेन समालिप्य हरेः क्षेत्रं समन्ततः । भर्त्रा सहास्ते सुप्रीता शृण्वती गानमुत्तमम्
gomayena samālipya hareḥ kṣetraṃ samantataḥ / bhartrā sahāste suprītā śṛṇvatī gānamuttamam
Sanskrit only: no published translation is held for this verse.
कुशस्थलात्समापन्ना ब्राह्मणाः शंसितव्रताः । पञ्चाशद्वै समापन्ना हरेर्गानार्थमुत्तमाः
kuśasthalātsamāpannā brāhmaṇāḥ śaṃsitavratāḥ / pañcāśadvai samāpannā harergānārthamuttamāḥ
Sanskrit only: no published translation is held for this verse.
साधयन्तो हि कार्याणि कौशिकस्य महात्मनः । ज्ञानविद्यार्थतत्त्वज्ञाः शृण्वन्तो ह्यवसंस्तु ते
sādhayanto hi kāryāṇi kauśikasya mahātmanaḥ / jñānavidyārthatattvajñāḥ śṛṇvanto hyavasaṃstu te
Sanskrit only: no published translation is held for this verse.
ख्यातमासीत्तदा तस्य गानं वै कौशिकस्य तत् । श्रुत्वा राजा समभ्येत्य कलिङ्गो वाक्यमब्रवीत्
khyātamāsīttadā tasya gānaṃ vai kauśikasya tat / śrutvā rājā samabhyetya kaliṅgo vākyamabravīt
Sanskrit only: no published translation is held for this verse.
कौशिकाद्य गणैः सार्धं गायस्वेह च मां पुनः । शृणुध्वं च तथा यूयं कुशस्थलजना अपि
kauśikādya gaṇaiḥ sārdhaṃ gāyasveha ca māṃ punaḥ / śṛṇudhvaṃ ca tathā yūyaṃ kuśasthalajanā api
Sanskrit only: no published translation is held for this verse.
तच्छ्रुत्वा कौशिकः प्राह राजानं सांत्वया गिरा । न जिह्वा मे महाराजन् वाणी च मम सर्वदा
tacchrutvā kauśikaḥ prāha rājānaṃ sāṃtvayā girā / na jihvā me mahārājan vāṇī ca mama sarvadā
Sanskrit only: no published translation is held for this verse.
हरेरन्यमपिन्द्रं वा स्तौति नैव च वक्ष्यति । एवमुक्ते तु तच्छिष्यो वासिष्ठो गौतमो हरिः
hareranyamapindraṃ vā stauti naiva ca vakṣyati / evamukte tu tacchiṣyo vāsiṣṭho gautamo hariḥ
Sanskrit only: no published translation is held for this verse.
सारस्वतस्तथा चित्रश्चित्रमाल्यस्तथा शिशुः । ऊचुस्ते पार्थिवं तद्वद्यथा प्राह च कौशिकः
sārasvatastathā citraścitramālyastathā śiśuḥ / ūcuste pārthivaṃ tadvadyathā prāha ca kauśikaḥ
Sanskrit only: no published translation is held for this verse.
श्रवकास्ते तथा प्रोचुः पार्थिवं विष्णुतत्पराः । श्रोत्राणीमानि शृण्वन्ति हरेरन्यं न पार्थिव
śravakāste tathā procuḥ pārthivaṃ viṣṇutatparāḥ / śrotrāṇīmāni śṛṇvanti hareranyaṃ na pārthiva
Sanskrit only: no published translation is held for this verse.
गानकीर्तिं वयं तस्य शृणुमोन्यां न च स्तुतिम् । तच्छ्रुत्वा पार्थिवो रुष्टो गायतामिति चाब्रवीत्
gānakīrtiṃ vayaṃ tasya śṛṇumonyāṃ na ca stutim / tacchrutvā pārthivo ruṣṭo gāyatāmiti cābravīt
Sanskrit only: no published translation is held for this verse.
स्वभृत्यान्ब्राह्मणा ह्येते कीर्तिं शृण्वन्ति मे यथा । न शृण्वन्ति कथं तस्मात् गायमाने समन्ततः
svabhṛtyānbrāhmaṇā hyete kīrtiṃ śṛṇvanti me yathā / na śṛṇvanti kathaṃ tasmāt gāyamāne samantataḥ
Sanskrit only: no published translation is held for this verse.
एव मुक्तास्तदा भृत्या जगुः पार्थिवमुत्तमम् । निरुद्धमार्गा विप्रास्ते गाने वृत्ते तु दुःखिताः
eva muktāstadā bhṛtyā jaguḥ pārthivamuttamam / niruddhamārgā viprāste gāne vṛtte tu duḥkhitāḥ
Sanskrit only: no published translation is held for this verse.
काष्ठसंकुभिरन्योन्यं श्रोत्राणि विदधुर्द्विजाः । कौशिकाद्याश्च तां ज्ञात्वा मनोवृत्तिं नृपस्य वै
kāṣṭhasaṃkubhiranyonyaṃ śrotrāṇi vidadhurdvijāḥ / kauśikādyāśca tāṃ jñātvā manovṛttiṃ nṛpasya vai
Sanskrit only: no published translation is held for this verse.
प्रसह्यास्मांस्तु गायेत स्वगानेसौ नृपः स्थितः । इति विप्राः सुनियता जिह्वाग्रं चिच्छिदुः करैः
prasahyāsmāṃstu gāyeta svagānesau nṛpaḥ sthitaḥ / iti viprāḥ suniyatā jihvāgraṃ cicchiduḥ karaiḥ
Sanskrit only: no published translation is held for this verse.
ततो राजा सुसंक्रुद्धः स्वदेशात्तान्न्यवासयत् । आदाय सर्वं वित्तं च ततस्ते जग्मुरुत्तराम्
tato rājā susaṃkruddhaḥ svadeśāttānnyavāsayat / ādāya sarvaṃ vittaṃ ca tataste jagmuruttarām
Sanskrit only: no published translation is held for this verse.
दिशमासाद्य कालेन कालधर्मेणयोजिताः । तानागतान्यमो दृष्ट्वा किं कर्तव्यमिति स्म ह
diśamāsādya kālena kāladharmeṇayojitāḥ / tānāgatānyamo dṛṣṭvā kiṃ kartavyamiti sma ha
Sanskrit only: no published translation is held for this verse.
चोष्टितं तत्क्षणे राजन् ब्रह्मा प्राह सुराधिपान् । कौशिकादीन् द्विजानद्य वासयध्वं यथासुखम्
coṣṭitaṃ tatkṣaṇe rājan brahmā prāha surādhipān / kauśikādīn dvijānadya vāsayadhvaṃ yathāsukham
Sanskrit only: no published translation is held for this verse.
गानयोगेन ये नित्यं पूजयन्ति जनार्दनम् । तानानयत भद्रं वो यदि देवत्वमिच्छथ
gānayogena ye nityaṃ pūjayanti janārdanam / tānānayata bhadraṃ vo yadi devatvamicchatha
Sanskrit only: no published translation is held for this verse.
इत्युक्ता लोकपालस्ते कौशिकेति पुनः पुनः । मालवेति तथा केचित् पद्माक्षेति तथा परे
ityuktā lokapālaste kauśiketi punaḥ punaḥ / mālaveti tathā kecit padmākṣeti tathā pare
Sanskrit only: no published translation is held for this verse.
क्रोशमानाः समभ्येत्य तानादाय विहायसा । ब्रह्मलोकं गताः शीघ्रं मुहूर्तेनैव ते सुराः
krośamānāḥ samabhyetya tānādāya vihāyasā / brahmalokaṃ gatāḥ śīghraṃ muhūrtenaiva te surāḥ
Sanskrit only: no published translation is held for this verse.
कौशिकादींस्ततो दृष्ट्वा ब्रह्मा लोकपितामहः । प्रत्युद्गम्य यथान्यायं स्वागतेनाभ्यपूजयत्
kauśikādīṃstato dṛṣṭvā brahmā lokapitāmahaḥ / pratyudgamya yathānyāyaṃ svāgatenābhyapūjayat
Sanskrit only: no published translation is held for this verse.
ततः कोलाहलमभूदतिगौरवमुल्बणम् । ब्रह्मणा चरितं दृष्ट्वा देवानां नृपसत्तम
tataḥ kolāhalamabhūdatigauravamulbaṇam / brahmaṇā caritaṃ dṛṣṭvā devānāṃ nṛpasattama
Sanskrit only: no published translation is held for this verse.
हिरण्यगर्भो भगवांस्तान्निवार्य सुरोत्तमान् । कौशिकादीन्समादाय मुनीन् देवैः समावृतः
hiraṇyagarbho bhagavāṃstānnivārya surottamān / kauśikādīnsamādāya munīn devaiḥ samāvṛtaḥ
Sanskrit only: no published translation is held for this verse.
विष्णुलोकं ययौ शीघ्रं वासुदेवपरायणः । तत्र नारायणोदेवः श्वेतद्वीपनिवासिभिः
viṣṇulokaṃ yayau śīghraṃ vāsudevaparāyaṇaḥ / tatra nārāyaṇodevaḥ śvetadvīpanivāsibhiḥ
Sanskrit only: no published translation is held for this verse.
ज्ञानयोगेश्वरैः सिद्धैर्विष्णुभक्तैः समाहितैः । नारायणसमैर्दिव्यैश्चतुर्बाहुधरैः शुभैः
jñānayogeśvaraiḥ siddhairviṣṇubhaktaiḥ samāhitaiḥ / nārāyaṇasamairdivyaiścaturbāhudharaiḥ śubhaiḥ
Sanskrit only: no published translation is held for this verse.
विष्णुचिह्नसमापन्नैर्दीप्यमानैरकल्मषैः । अष्टाशीतिसहस्रैश्च सेव्यमानो महाजनैः
viṣṇucihnasamāpannairdīpyamānairakalmaṣaiḥ / aṣṭāśītisahasraiśca sevyamāno mahājanaiḥ
Sanskrit only: no published translation is held for this verse.
अस्माभिर्नारदाद्यैश्च सनकाद्यैरकल्मषैः । भूतैर्नानाविधैश्चैव दिव्यस्त्रीभिः समन्ततः
asmābhirnāradādyaiśca sanakādyairakalmaṣaiḥ / bhūtairnānāvidhaiścaiva divyastrībhiḥ samantataḥ
Sanskrit only: no published translation is held for this verse.
सेव्यमानोथ मध्ये वै सहस्रद्वारसंवृते । सहस्रयोजनायामे दिव्ये मणिमये शुभे
sevyamānotha madhye vai sahasradvārasaṃvṛte / sahasrayojanāyāme divye maṇimaye śubhe
Sanskrit only: no published translation is held for this verse.
विमाने विमले चित्रे भद्रपीठासने हरिः । लोककार्ये प्रसक्तानां दत्तदृष्टिश्च माधवः
vimāne vimale citre bhadrapīṭhāsane hariḥ / lokakārye prasaktānāṃ dattadṛṣṭiśca mādhavaḥ
Sanskrit only: no published translation is held for this verse.
तस्मिन्काले ऽथ भगवान् कौशिकाद्यैश्च संवृतः । आगम्य प्रणिपत्याग्रे तुष्टाव गरुडध्वजम्
tasminkāle 'tha bhagavān kauśikādyaiśca saṃvṛtaḥ / āgamya praṇipatyāgre tuṣṭāva garuḍadhvajam
Sanskrit only: no published translation is held for this verse.
ततो किलोक्य भगवान् हरिर्नारायणः प्रभुः । कौशिकेत्याह संप्रीत्या तान्सर्वांश्च यथाक्रमम्
tato kilokya bhagavān harirnārāyaṇaḥ prabhuḥ / kauśiketyāha saṃprītyā tānsarvāṃśca yathākramam
Sanskrit only: no published translation is held for this verse.
जयघोषो महानसीन्महाश्चर्ये समागते । ब्रह्माणमाह विश्वात्मा शृणु ब्रह्मन् मयोदितम्
jayaghoṣo mahānasīnmahāścarye samāgate / brahmāṇamāha viśvātmā śṛṇu brahman mayoditam
Sanskrit only: no published translation is held for this verse.
कौशिकस्य इमे विप्राः साध्यसाधनतत्पराः । हिताय संप्रवृत्ता वै कुशस्थलनिवासिनः
kauśikasya ime viprāḥ sādhyasādhanatatparāḥ / hitāya saṃpravṛttā vai kuśasthalanivāsinaḥ
Sanskrit only: no published translation is held for this verse.
मत्कीर्तिश्रवणे युक्ता ज्ञानतत्त्वार्थकोविदाः । अनन्यदेवताभक्ताः साध्या देवा भवन्त्विमे
matkīrtiśravaṇe yuktā jñānatattvārthakovidāḥ / ananyadevatābhaktāḥ sādhyā devā bhavantvime
Sanskrit only: no published translation is held for this verse.
दिव्यरूपधरः श्रीमान् शृण्वन्गानमिहाधिपः । आस्व नित्यं यथाकामं यावल्लोका भवन्ति वै
divyarūpadharaḥ śrīmān śṛṇvangānamihādhipaḥ / āsva nityaṃ yathākāmaṃ yāvallokā bhavanti vai
Sanskrit only: no published translation is held for this verse.
पद्माक्षमाह भगवान् धनदो भवमाधवः । धनानामीश्वरो भूत्वा यथाकालं हि मां पुनः
padmākṣamāha bhagavān dhanado bhavamādhavaḥ / dhanānāmīśvaro bhūtvā yathākālaṃ hi māṃ punaḥ
Sanskrit only: no published translation is held for this verse.
मालबं मालवीं चैवं प्राह दामोदरो हरिः । मम लोके यथाकालं भार्यया सह मालव
mālabaṃ mālavīṃ caivaṃ prāha dāmodaro hariḥ / mama loke yathākālaṃ bhāryayā saha mālava
Sanskrit only: no published translation is held for this verse.
दिव्यरूपधरः श्रीमान् शृण्वन्गानमिहाधिपः । आस्व नित्यं यथाकामं यावल्लोका भवन्ति वै
divyarūpadharaḥ śrīmān śṛṇvangānamihādhipaḥ / āsva nityaṃ yathākāmaṃ yāvallokā bhavanti vai
Sanskrit only: no published translation is held for this verse.
पद्माक्षमाह भगवान् धनदो भवमाधवः । धनानामीश्वरो भूत्वा यथाकालं हि मां पुनः
padmākṣamāha bhagavān dhanado bhavamādhavaḥ / dhanānāmīśvaro bhūtvā yathākālaṃ hi māṃ punaḥ
Sanskrit only: no published translation is held for this verse.
आगम्य दृष्ट्वा मां नित्यं कुरु राज्यं यथासुखम् । एवमुक्त्वा हरिर्विष्णुर्ब्रह्माणमिदमब्रवीत्
āgamya dṛṣṭvā māṃ nityaṃ kuru rājyaṃ yathāsukham / evamuktvā harirviṣṇurbrahmāṇamidamabravīt
Sanskrit only: no published translation is held for this verse.
कौशिकस्यास्य गानेन योगनिद्रा च मे गता । विष्णुस्थले च मां स्तौति शिष्यैरेष समन्ततः
kauśikasyāsya gānena yoganidrā ca me gatā / viṣṇusthale ca māṃ stauti śiṣyaireṣa samantataḥ
Sanskrit only: no published translation is held for this verse.
राज्ञा निरस्तः क्रूरेण कलिङ्गेन महीयसा । स जिह्वाच्छेदनं कृत्वा हरेरन्यं कथञ्चन
rājñā nirastaḥ krūreṇa kaliṅgena mahīyasā / sa jihvācchedanaṃ kṛtvā hareranyaṃ kathañcana
Sanskrit only: no published translation is held for this verse.
न स्तोष्यामीति नियतः प्राप्तोसौ मम लोकताम् । एते च विप्रा नियता मम भक्ता यशस्विनः
na stoṣyāmīti niyataḥ prāptosau mama lokatām / ete ca viprā niyatā mama bhaktā yaśasvinaḥ
Sanskrit only: no published translation is held for this verse.
श्रोत्रच्छिद्रमथाहत्य शङ्कुभिर्वै परस्परम् । श्रोष्यामो नैव चान्यद्वै हरेः कीर्तिमितिस्म ह
śrotracchidramathāhatya śaṅkubhirvai parasparam / śroṣyāmo naiva cānyadvai hareḥ kīrtimitisma ha
Sanskrit only: no published translation is held for this verse.
एते विप्रास्च देवत्वं मम सान्निध्यमेव च । मालवो भार्यया सार्धं मत्क्षेत्रं परिमृज्य वै
ete viprāsca devatvaṃ mama sānnidhyameva ca / mālavo bhāryayā sārdhaṃ matkṣetraṃ parimṛjya vai
Sanskrit only: no published translation is held for this verse.
दीपमालादिभिर्नित्यमभ्यर्च्य सततं हि माम् । गानं शृणोति नियतो मत्कीर्तिचरितान्वितम्
dīpamālādibhirnityamabhyarcya satataṃ hi mām / gānaṃ śṛṇoti niyato matkīrticaritānvitam
Sanskrit only: no published translation is held for this verse.
तेनासौ प्राप्तवांल्लोकं मम ब्रह्मा सनातनम् । पद्माक्षोसौ ददौ भोज्यं कौशिकस्य महात्मनः
tenāsau prāptavāṃllokaṃ mama brahmā sanātanam / padmākṣosau dadau bhojyaṃ kauśikasya mahātmanaḥ
Sanskrit only: no published translation is held for this verse.
धनेशत्वमवाप्तोसौ मम सान्निध्यमेव च । एवमुक्त्वा हरिस्तत्र समाजे लोकपूजितः
dhaneśatvamavāptosau mama sānnidhyameva ca / evamuktvā haristatra samāje lokapūjitaḥ
Sanskrit only: no published translation is held for this verse.
तस्मिन् क्षणे समापन्ना मधुराक्षरपेशलैः । विपञ्चीगुणतत्त्वज्ञैर्वाद्यविद्याविशारदैः
tasmin kṣaṇe samāpannā madhurākṣarapeśalaiḥ / vipañcīguṇatattvajñairvādyavidyāviśāradaiḥ
Sanskrit only: no published translation is held for this verse.
मन्दं मन्दस्मिता देवी विचित्राभरणान्विता । गायमाना समायाता लक्ष्मीर्विष्णुपरिग्रहा
mandaṃ mandasmitā devī vicitrābharaṇānvitā / gāyamānā samāyātā lakṣmīrviṣṇuparigrahā
Sanskrit only: no published translation is held for this verse.
वृता सहस्रकोटीभिरङ्गनाभिः समन्ततः । ततो गणाधिपा दृष्ट्वा भुशुण्डीपरिघायुधाः
vṛtā sahasrakoṭībhiraṅganābhiḥ samantataḥ / tato gaṇādhipā dṛṣṭvā bhuśuṇḍīparighāyudhāḥ
Sanskrit only: no published translation is held for this verse.
ब्रह्मादींस्तर्जयन्तस्ते मुनीन्देवान्समन्ततः । उत्सारयन्तः संहृष्टा धिष्ठिताः पर्वतोपमाः
brahmādīṃstarjayantaste munīndevānsamantataḥ / utsārayantaḥ saṃhṛṣṭā dhiṣṭhitāḥ parvatopamāḥ
Sanskrit only: no published translation is held for this verse.
सर्वे वयं हि निर्याताः सार्धं वै ब्रह्मणा सुरैः । तस्मिन् क्षणे समाहूतस्तुंबरुर्मुनिसत्तमः
sarve vayaṃ hi niryātāḥ sārdhaṃ vai brahmaṇā suraiḥ / tasmin kṣaṇe samāhūtastuṃbarurmunisattamaḥ
Sanskrit only: no published translation is held for this verse.
प्रविवेश समीपं वै देव्या देवस्य चैव हि । तत्रासीनो यथायोगं नानामूर्च्छासमन्वितम्
praviveśa samīpaṃ vai devyā devasya caiva hi / tatrāsīno yathāyogaṃ nānāmūrcchāsamanvitam
Sanskrit only: no published translation is held for this verse.
जगौ कलपदं हृष्टो विपञ्चीं चाभ्यवादयत् । नानारत्नसमायुक्तैर्दिव्यैराभरणोत्तमैः
jagau kalapadaṃ hṛṣṭo vipañcīṃ cābhyavādayat / nānāratnasamāyuktairdivyairābharaṇottamaiḥ
Sanskrit only: no published translation is held for this verse.
दिव्यमाल्यैस्तथा शुभ्रैः पूजितो मुनिसत्तमः । निर्गतस्तुंबरुर्हृष्टो अन्ये च ऋषयः सुराः
divyamālyaistathā śubhraiḥ pūjito munisattamaḥ / nirgatastuṃbarurhṛṣṭo anye ca ṛṣayaḥ surāḥ
Sanskrit only: no published translation is held for this verse.
दृष्ट्वा संपूजितं यान्तं यथायोगमरिन्दम । नारदोथ मुनिर्दृष्ट्वा तुंबरोः सत्क्रियां हरेः
dṛṣṭvā saṃpūjitaṃ yāntaṃ yathāyogamarindama / nāradotha munirdṛṣṭvā tuṃbaroḥ satkriyāṃ hareḥ
Sanskrit only: no published translation is held for this verse.
शोकाविष्टेन मनसा संतप्तहृदयेक्षणः । चिन्तामापेदिवांस्तत्र शोकमूर्च्छाकुलात्मकः
śokāviṣṭena manasā saṃtaptahṛdayekṣaṇaḥ / cintāmāpedivāṃstatra śokamūrcchākulātmakaḥ
Sanskrit only: no published translation is held for this verse.
केनाहं हि हरेत्यास्ये योगं देवीसमीपतः । अहो तुंबरुणा प्राप्तं धिङ्मां मूढं विचेतसम्
kenāhaṃ hi haretyāsye yogaṃ devīsamīpataḥ / aho tuṃbaruṇā prāptaṃ dhiṅmāṃ mūḍhaṃ vicetasam
Sanskrit only: no published translation is held for this verse.
योहं हरेः सन्निकाशं भूतैर्निर्यातितः कथम् । जीवन्यास्यामि कुत्राहमहो तुंबरुणा कृतम्
yohaṃ hareḥ sannikāśaṃ bhūtairniryātitaḥ katham / jīvanyāsyāmi kutrāhamaho tuṃbaruṇā kṛtam
Sanskrit only: no published translation is held for this verse.
इति संचिन्तयन् विप्रस्तप आस्थितवान्मुनिः । दिव्यं वर्षसहस्रं तु निरुच्छ्वाससमन्वितः
iti saṃcintayan viprastapa āsthitavānmuniḥ / divyaṃ varṣasahasraṃ tu nirucchvāsasamanvitaḥ
Sanskrit only: no published translation is held for this verse.
ध्यायन्विष्णुमथाध्यास्ते तुंबरोः सत्क्रियां स्मरन् । रोदमानो मुहुर्विद्वान् धिङ्मामिति च चिन्तयन्
dhyāyanviṣṇumathādhyāste tuṃbaroḥ satkriyāṃ smaran / rodamāno muhurvidvān dhiṅmāmiti ca cintayan
Sanskrit only: no published translation is held for this verse.
तत्र यत्कृतवान्विष्णुस्तच्छृणुष्व नराधिप
tatra yatkṛtavānviṣṇustacchṛṇuṣva narādhipa
Sanskrit only: no published translation is held for this verse.