Liṅga Purāṇa 2.10

इति श्रीलिंङ्गमहापुराणे उत्तरभागे नवमो ऽध्यायः सनत्कुमार उवाच भूय एव ममाचक्ष्व महिमानमुमापतेः । भवभक्त महाप्राज्ञ भगवन्नन्दिकेश्वर

iti śrīliṃṅgamahāpurāṇe uttarabhāge navamo 'dhyāyaḥ sanatkumāra uvāca bhūya eva mamācakṣva mahimānamumāpateḥ / bhavabhakta mahāprājña bhagavannandikeśvara

Sanskrit only: no published translation is held for this verse.

शैलादिरुवाच सनत्कुमार संक्षेपात्तव वक्ष्याम्यशेषतः । महिमानं महेशस्य भवस्य परमेष्ठिनः

śailādiruvāca sanatkumāra saṃkṣepāttava vakṣyāmyaśeṣataḥ / mahimānaṃ maheśasya bhavasya parameṣṭhinaḥ

Sanskrit only: no published translation is held for this verse.

नास्य प्रकृतिबन्धो ऽभूद्बुद्धिबन्धो न कश्चन । न चाहङ्कारबन्धश्च मनोबन्धश्च नो ऽभवत्

nāsya prakṛtibandho 'bhūdbuddhibandho na kaścana / na cāhaṅkārabandhaśca manobandhaśca no 'bhavat

Sanskrit only: no published translation is held for this verse.

चित्तबन्धो न तस्याभूच्छ्रोत्रबन्धो न चाभवत् । न त्वचां चक्षुषां वापि बन्धो जज्ञे कदाचन

cittabandho na tasyābhūcchrotrabandho na cābhavat / na tvacāṃ cakṣuṣāṃ vāpi bandho jajñe kadācana

Sanskrit only: no published translation is held for this verse.

जिह्वाबन्धो न तस्याभूद्घ्राणबन्धो न कश्चन । पादबन्धः पाणिबन्धो वाग्बन्धश्चैव सुव्रत

jihvābandho na tasyābhūdghrāṇabandho na kaścana / pādabandhaḥ pāṇibandho vāgbandhaścaiva suvrata

Sanskrit only: no published translation is held for this verse.

उपस्थेन्द्रिय बन्धश्च भूततन्मात्रबन्धनम् । नित्यशुद्धस्वभावेन नित्यबुद्धो निसर्गतः

upasthendriya bandhaśca bhūtatanmātrabandhanam / nityaśuddhasvabhāvena nityabuddho nisargataḥ

Sanskrit only: no published translation is held for this verse.

नित्यमुक्त इति प्रोक्तो मुनिभिस्तत्त्ववेदिभिः । अनादि मध्यनिष्ठस्य शिवस्य परमेष्ठिनः

nityamukta iti prokto munibhistattvavedibhiḥ / anādi madhyaniṣṭhasya śivasya parameṣṭhinaḥ

Sanskrit only: no published translation is held for this verse.

बुद्धिं सूते नियोगेन प्रकृतिः पुरुषस्य च । अहङ्कारं प्रसूते ऽस्या बुद्धिस्तस्य नियोगतः

buddhiṃ sūte niyogena prakṛtiḥ puruṣasya ca / ahaṅkāraṃ prasūte 'syā buddhistasya niyogataḥ

Sanskrit only: no published translation is held for this verse.

अन्तर्यामीति देहेषु प्रसिद्धस्य स्वयंभुवः । इन्द्रियाणि दशैकं च तन्मात्राणि च शासनात्

antaryāmīti deheṣu prasiddhasya svayaṃbhuvaḥ / indriyāṇi daśaikaṃ ca tanmātrāṇi ca śāsanāt

Sanskrit only: no published translation is held for this verse.

अहङ्कारो ऽतिसंसूते शिवस्य परमेष्ठिनः । तन्मात्राणि नियोगेन तस्य संसुवते प्रभो

ahaṅkāro 'tisaṃsūte śivasya parameṣṭhinaḥ / tanmātrāṇi niyogena tasya saṃsuvate prabho

Sanskrit only: no published translation is held for this verse.

महाभूतान्यशेषेण महादेवस्य धीमतः । ब्रह्मादीनां तृणान्तं हि देहिनां देहसंगतिम्

mahābhūtānyaśeṣeṇa mahādevasya dhīmataḥ / brahmādīnāṃ tṛṇāntaṃ hi dehināṃ dehasaṃgatim

Sanskrit only: no published translation is held for this verse.

महाभूतान्यशेषाणि जनयन्ति शिवाज्ञया । अध्यवस्यति सर्वार्थान्बुद्धिस्तस्याज्ञया विभोः

mahābhūtānyaśeṣāṇi janayanti śivājñayā / adhyavasyati sarvārthānbuddhistasyājñayā vibhoḥ

Sanskrit only: no published translation is held for this verse.

अन्तर्यामीति देहेषु प्रसिद्धस्य स्वयंभुवः । स्वभावसिद्धमैश्वर्यं स्वभावादेव भूतयः

antaryāmīti deheṣu prasiddhasya svayaṃbhuvaḥ / svabhāvasiddhamaiśvaryaṃ svabhāvādeva bhūtayaḥ

Sanskrit only: no published translation is held for this verse.

तस्याज्ञया समस्तार्थानहङ्कारो ऽतिमन्यते । चित्तं चेतयते चापि मनः संकल्पयत्यपि

tasyājñayā samastārthānahaṅkāro 'timanyate / cittaṃ cetayate cāpi manaḥ saṃkalpayatyapi

Sanskrit only: no published translation is held for this verse.

श्रोत्रं शृणोति तच्छक्त्या शब्दस्पर्शादिकं च यत् । शंभोराज्ञबलेनैव भवस्य परमेष्ठिनः

śrotraṃ śṛṇoti tacchaktyā śabdasparśādikaṃ ca yat / śaṃbhorājñabalenaiva bhavasya parameṣṭhinaḥ

Sanskrit only: no published translation is held for this verse.

वचनं कुरुते वाक्यं नादानादि कदाचन । शरीराणामशेषाणां तस्य देवस्य शासनात्

vacanaṃ kurute vākyaṃ nādānādi kadācana / śarīrāṇāmaśeṣāṇāṃ tasya devasya śāsanāt

Sanskrit only: no published translation is held for this verse.

करोति पाणिरादानं न गत्यादि कदाचन । सर्वेषामेव जन्तूनां नियमादेव वेधसः

karoti pāṇirādānaṃ na gatyādi kadācana / sarveṣāmeva jantūnāṃ niyamādeva vedhasaḥ

Sanskrit only: no published translation is held for this verse.

विहारं कुरुते पादो नोत्सर्गादि कदाचन । समस्तदेहिवृन्दानां शिवस्यैव नियोगतः

vihāraṃ kurute pādo notsargādi kadācana / samastadehivṛndānāṃ śivasyaiva niyogataḥ

Sanskrit only: no published translation is held for this verse.

उत्सर्गं कुरुते पायुर्न वदेत कदाचन । जन्तोर्जातस्य सर्वस्य परमेश्वरशासनात्

utsargaṃ kurute pāyurna vadeta kadācana / jantorjātasya sarvasya parameśvaraśāsanāt

Sanskrit only: no published translation is held for this verse.

आनन्दं कुरुते शश्वदुपस्थं वचनाद्विभोः । सर्वेषामेव भूतानामीश्वरस्यैव शासनात्

ānandaṃ kurute śaśvadupasthaṃ vacanādvibhoḥ / sarveṣāmeva bhūtānāmīśvarasyaiva śāsanāt

Sanskrit only: no published translation is held for this verse.

अवकाशमशेषाणां भूतानां संप्रयच्छति । आकाशं सर्वदा तस्य परमस्यैव शासनात्

avakāśamaśeṣāṇāṃ bhūtānāṃ saṃprayacchati / ākāśaṃ sarvadā tasya paramasyaiva śāsanāt

Sanskrit only: no published translation is held for this verse.

निर्देशेन शिवस्यैव भेदैः प्राणादिभिर्निजैः । बिभर्त्ति सर्वभूतानां शरीराणि प्रभञ्जनः

nirdeśena śivasyaiva bhedaiḥ prāṇādibhirnijaiḥ / bibhartti sarvabhūtānāṃ śarīrāṇi prabhañjanaḥ

Sanskrit only: no published translation is held for this verse.

निर्देशाद्देवदेवस्य सप्तस्कन्धगतो मरुत् । लोकयात्रां वहत्येव भेदैः स्वैरावहादिभिः

nirdeśāddevadevasya saptaskandhagato marut / lokayātrāṃ vahatyeva bhedaiḥ svairāvahādibhiḥ

Sanskrit only: no published translation is held for this verse.

नागाद्यैः पञ्चभिर्भेदैः शरीरेषु प्रवर्तते । अपदेशेन देवस्य परमस्य समीरणः

nāgādyaiḥ pañcabhirbhedaiḥ śarīreṣu pravartate / apadeśena devasya paramasya samīraṇaḥ

Sanskrit only: no published translation is held for this verse.

हव्यं वहति देवानां कव्यं कव्याशिनामपि । पाकं च कुरुते वह्निः शङ्करस्यैव शासनात्

havyaṃ vahati devānāṃ kavyaṃ kavyāśināmapi / pākaṃ ca kurute vahniḥ śaṅkarasyaiva śāsanāt

Sanskrit only: no published translation is held for this verse.

भुक्तमाहारजातं यत्पचते देहिनां तथा । उदरस्थः सदा वह्निर्विश्वेश्वरनियोगतः

bhuktamāhārajātaṃ yatpacate dehināṃ tathā / udarasthaḥ sadā vahnirviśveśvaraniyogataḥ

Sanskrit only: no published translation is held for this verse.

संजीवयन्त्यशेषाणि भूतान्यापस्तदाज्ञया । अविलङ्घ्या हि सर्वेषामाज्ञा तस्य गरीयसी

saṃjīvayantyaśeṣāṇi bhūtānyāpastadājñayā / avilaṅghyā hi sarveṣāmājñā tasya garīyasī

Sanskrit only: no published translation is held for this verse.

चराचराणि भूतानि बिभर्त्येव तदाज्ञया । आज्ञया तस्य देवस्य देवदेवः पुरन्दरः

carācarāṇi bhūtāni bibhartyeva tadājñayā / ājñayā tasya devasya devadevaḥ purandaraḥ

Sanskrit only: no published translation is held for this verse.

जीवतां व्याधिभिः पीडां मृतानां यातनाशतैः । विश्वंभरः सदाकालं लोकैः सर्वैरलङ्घ्यया

jīvatāṃ vyādhibhiḥ pīḍāṃ mṛtānāṃ yātanāśataiḥ / viśvaṃbharaḥ sadākālaṃ lokaiḥ sarvairalaṅghyayā

Sanskrit only: no published translation is held for this verse.

देवान्पात्य सुरान् हन्ति त्रैलोक्यमखिलं स्थितः । अधार्मिकाणां वै नाशं करोति शिवशासनात्

devānpātya surān hanti trailokyamakhilaṃ sthitaḥ / adhārmikāṇāṃ vai nāśaṃ karoti śivaśāsanāt

Sanskrit only: no published translation is held for this verse.

वरुणः सलिलैर्लोकान्संभावयति शासनात् । मज्जयत्याज्ञया तस्य पाशैर्बध्नाति चासुरान्

varuṇaḥ salilairlokānsaṃbhāvayati śāsanāt / majjayatyājñayā tasya pāśairbadhnāti cāsurān

Sanskrit only: no published translation is held for this verse.

पुण्यानुरपं सर्वेषां प्राणिनां संप्रयच्छति । वित्तं वित्तेश्वरस्तस्य शासनात्परमोष्ठिनः

puṇyānurapaṃ sarveṣāṃ prāṇināṃ saṃprayacchati / vittaṃ vitteśvarastasya śāsanātparamoṣṭhinaḥ

Sanskrit only: no published translation is held for this verse.

उदयास्तमये कुर्वन्कुरुते कालमाज्ञया । आदित्यस्तस्य नित्यस्य सत्यस्यपरमात्मनः

udayāstamaye kurvankurute kālamājñayā / ādityastasya nityasya satyasyaparamātmanaḥ

Sanskrit only: no published translation is held for this verse.

पुष्पाण्यौषधिजातानि प्रह्लादयति च प्रजाः । अमृतांशुः कलाधारः कालकालस्य शासनात्

puṣpāṇyauṣadhijātāni prahlādayati ca prajāḥ / amṛtāṃśuḥ kalādhāraḥ kālakālasya śāsanāt

Sanskrit only: no published translation is held for this verse.

आदित्या वसवो रुद्रा अश्विनौ मरुतस्तथा । अन्याश्च देवताः सर्वास्तच्छासनविनिर्मिताः

ādityā vasavo rudrā aśvinau marutastathā / anyāśca devatāḥ sarvāstacchāsanavinirmitāḥ

Sanskrit only: no published translation is held for this verse.

गन्धर्वा देवसंवाश्च सिद्धाः साध्याश्च चारणाः । यक्षरक्षःपिशाचाश्च स्थिताः शास्त्रेषु वेधसः

gandharvā devasaṃvāśca siddhāḥ sādhyāśca cāraṇāḥ / yakṣarakṣaḥpiśācāśca sthitāḥ śāstreṣu vedhasaḥ

Sanskrit only: no published translation is held for this verse.

ग्रहनक्षत्रताराश्च यज्ञा वेदास्तपांसि च । ऋषीणां च गणाः सर्वे शासनं तस्य धिष्ठिताः

grahanakṣatratārāśca yajñā vedāstapāṃsi ca / ṛṣīṇāṃ ca gaṇāḥ sarve śāsanaṃ tasya dhiṣṭhitāḥ

Sanskrit only: no published translation is held for this verse.

कव्याशिनां गणाः सप्तसमुद्रा गिरिसिंधवः । शासने तस्य वर्तन्ते काननानि सरांसि च

kavyāśināṃ gaṇāḥ saptasamudrā girisiṃdhavaḥ / śāsane tasya vartante kānanāni sarāṃsi ca

Sanskrit only: no published translation is held for this verse.

कलाः काष्ठा निमेषाश्चमुहूर्ता दिवसाः क्षपाः । ऋत्वब्दपक्षमासाश्च नियोगात्तस्य धिष्ठिताः

kalāḥ kāṣṭhā nimeṣāścamuhūrtā divasāḥ kṣapāḥ / ṛtvabdapakṣamāsāśca niyogāttasya dhiṣṭhitāḥ

Sanskrit only: no published translation is held for this verse.

युगमन्वन्तराण्यस्य शंभोस्तिष्ठन्ति शासनात् । पराश्चैवपरार्धाश्च कालभेदास्तथापरे

yugamanvantarāṇyasya śaṃbhostiṣṭhanti śāsanāt / parāścaivaparārdhāśca kālabhedāstathāpare

Sanskrit only: no published translation is held for this verse.

देवानां जातयश्चाष्टौ तिरश्चां पञ्च जातयः । मनुष्याश्च प्रवर्तन्ते देवदेवस्य धीमतः

devānāṃ jātayaścāṣṭau tiraścāṃ pañca jātayaḥ / manuṣyāśca pravartante devadevasya dhīmataḥ

Sanskrit only: no published translation is held for this verse.

जातानि भूतवृन्दानि चतुर्दशसु योनिषु । सर्वलोकनिषण्णानि तिष्ठन्त्यस्यैव शासनात्

jātāni bhūtavṛndāni caturdaśasu yoniṣu / sarvalokaniṣaṇṇāni tiṣṭhantyasyaiva śāsanāt

Sanskrit only: no published translation is held for this verse.

चतुर्दशसु लोकेषु स्थिता जाताः प्रजाः प्रभोः । सर्वेश्वरस्य तस्यैव नियोगवशवर्तिनः

caturdaśasu lokeṣu sthitā jātāḥ prajāḥ prabhoḥ / sarveśvarasya tasyaiva niyogavaśavartinaḥ

Sanskrit only: no published translation is held for this verse.

पातालानि समस्तानि भुवनान्यस्य शासनात् । ब्रह्माण्डानि च शेषाणि तथा सावरणानि च

pātālāni samastāni bhuvanānyasya śāsanāt / brahmāṇḍāni ca śeṣāṇi tathā sāvaraṇāni ca

Sanskrit only: no published translation is held for this verse.

वर्तमानानि सर्वाणि ब्रह्माण्डानि तदाज्ञया । वर्तन्ते सर्वभूताद्यैः समेतानि समन्ततः

vartamānāni sarvāṇi brahmāṇḍāni tadājñayā / vartante sarvabhūtādyaiḥ sametāni samantataḥ

Sanskrit only: no published translation is held for this verse.

अतीतान्यप्यसंख्यानि ब्रह्माण्डानि तदाज्ञया । प्रवृत्तानि पदार्थौङ्घैः सहितानि समन्ततः

atītānyapyasaṃkhyāni brahmāṇḍāni tadājñayā / pravṛttāni padārthauṅghaiḥ sahitāni samantataḥ

Sanskrit only: no published translation is held for this verse.

ब्रह्माण्डानि भविष्यन्ति सह वस्तुभिरात्मक्तैः । करिष्यन्ति शिवस्याज्ञां सर्वैरावरणैः सह

brahmāṇḍāni bhaviṣyanti saha vastubhirātmaktaiḥ / kariṣyanti śivasyājñāṃ sarvairāvaraṇaiḥ saha

Sanskrit only: no published translation is held for this verse.