Liṅga Purāṇa 2.12

इति श्रीलिङ्गमहापुराणे उत्तरभागे एकादशो ऽध्यायः सनत्कुमार उवाच मूर्तयो ऽष्ठौ ममाचक्ष्वशङ्करस्य महात्मनः । विश्वरूपस्य देवस्य गणेश्वर महामते

iti śrīliṅgamahāpurāṇe uttarabhāge ekādaśo 'dhyāyaḥ sanatkumāra uvāca mūrtayo 'ṣṭhau mamācakṣvaśaṅkarasya mahātmanaḥ / viśvarūpasya devasya gaṇeśvara mahāmate

Sanskrit only: no published translation is held for this verse.

नन्दिकेश्वर उवाच हन्त ते कथयिष्यामि महिमानमुमापतेः । विश्वरूपस्य देवस्य सरोजभवसंभव

nandikeśvara uvāca hanta te kathayiṣyāmi mahimānamumāpateḥ / viśvarūpasya devasya sarojabhavasaṃbhava

Sanskrit only: no published translation is held for this verse.

भूर् आपो ःग्निर् मरुद् व्योम भास्करो दीक्षितः शशी । भवस्य मूर्तयः प्रोक्ताः शिवस्य परमेष्ठनः

bhūr āpo ḥgnir marud vyoma bhāskaro dīkṣitaḥ śaśī / bhavasya mūrtayaḥ proktāḥ śivasya parameṣṭhanaḥ

Sanskrit only: no published translation is held for this verse.

खात्मेन्दुवह्निसूर्यांभोधराः पवन इत्यपि । तस्याष्ट मूर्तयः प्रोक्ता देवदेवस्य धीमतः

khātmenduvahnisūryāṃbhodharāḥ pavana ityapi / tasyāṣṭa mūrtayaḥ proktā devadevasya dhīmataḥ

Sanskrit only: no published translation is held for this verse.

अग्निहोत्रेर्पिते तेन सूर्यात्मनि महात्मनि । तद्विभूतिस्तथा सर्वे देवास्तृप्यन्ति सर्वदाः

agnihotrerpite tena sūryātmani mahātmani / tadvibhūtistathā sarve devāstṛpyanti sarvadāḥ

Sanskrit only: no published translation is held for this verse.

वृक्षस्य मूलसेकेन यथा शाखोपशाखिकाः । तथा तस्यार्चया देवास् तथा स्युस् तद्विभूतयः

vṛkṣasya mūlasekena yathā śākhopaśākhikāḥ / tathā tasyārcayā devās tathā syus tadvibhūtayaḥ

Sanskrit only: no published translation is held for this verse.

तस्य द्वादशधा भिन्नं रूपं सूर्यात्मकं प्रभोः । सर्वदेवात्मकं याज्यं यजान्ति मुनिपुङ्गवाः

tasya dvādaśadhā bhinnaṃ rūpaṃ sūryātmakaṃ prabhoḥ / sarvadevātmakaṃ yājyaṃ yajānti munipuṅgavāḥ

Sanskrit only: no published translation is held for this verse.

अमृताख्या कला तस्य सर्वस्यादित्यरूपिणः । भूतसंजीवनी चेष्टा लोकोस्मिन् पीयते सदा

amṛtākhyā kalā tasya sarvasyādityarūpiṇaḥ / bhūtasaṃjīvanī ceṣṭā lokosmin pīyate sadā

Sanskrit only: no published translation is held for this verse.

चन्द्राख्यकिरणास्तस्य धूर्जटेर्भास्करात्मनः । ओषधीनां विवृद्ध्यर्थं हिमवृष्टिं वितन्वते

candrākhyakiraṇāstasya dhūrjaṭerbhāskarātmanaḥ / oṣadhīnāṃ vivṛddhyarthaṃ himavṛṣṭiṃ vitanvate

Sanskrit only: no published translation is held for this verse.

सुक्लाख्यारश्मयस्तस्य शंभोर्मार्तण्डरूपिणः । धर्मं वितन्वते लोके सस्यपाकादिकारणम्

suklākhyāraśmayastasya śaṃbhormārtaṇḍarūpiṇaḥ / dharmaṃ vitanvate loke sasyapākādikāraṇam

Sanskrit only: no published translation is held for this verse.

दिवाकरात्मनस्तस्य हरिकेशाह्वयः करः । नक्षत्रपोषकश्चैव प्रसिद्धः परमेष्ठिनः

divākarātmanastasya harikeśāhvayaḥ karaḥ / nakṣatrapoṣakaścaiva prasiddhaḥ parameṣṭhinaḥ

Sanskrit only: no published translation is held for this verse.

विश्वकर्माह्वयस्तस्य किरणो बुधपोषकः । सर्वेश्वरस्य देवस्य सप्तसप्तिस्वरूपिणः

viśvakarmāhvayastasya kiraṇo budhapoṣakaḥ / sarveśvarasya devasya saptasaptisvarūpiṇaḥ

Sanskrit only: no published translation is held for this verse.

विश्वव्यच इति ख्यातः किरणस्तस्य शूलिनः । शुक्रपोषकभावेन प्रतीतः सूर्यरूपिणः

viśvavyaca iti khyātaḥ kiraṇastasya śūlinaḥ / śukrapoṣakabhāvena pratītaḥ sūryarūpiṇaḥ

Sanskrit only: no published translation is held for this verse.

संयद्वसुरीति ख्यातो यस्य रश्मिस्त्रिशूलिनः । लोहिताङ्गं प्रपुष्णाति सहस्रकिरणात्मनः

saṃyadvasurīti khyāto yasya raśmistriśūlinaḥ / lohitāṅgaṃ prapuṣṇāti sahasrakiraṇātmanaḥ

Sanskrit only: no published translation is held for this verse.

अर्वावसुरीति ख्यातो रश्मिस्तस्य पिनाकिनः । बृहस्पतिं प्रपुष्णाति सर्वदा तपनात्मनः

arvāvasurīti khyāto raśmistasya pinākinaḥ / bṛhaspatiṃ prapuṣṇāti sarvadā tapanātmanaḥ

Sanskrit only: no published translation is held for this verse.

स्वराडिति समाख्यातः शिवस्यांशुः शनैश्चरम् । हरिदश्वात्मनस्तस्य प्रपुष्णाति दिवानिशम्

svarāḍiti samākhyātaḥ śivasyāṃśuḥ śanaiścaram / haridaśvātmanastasya prapuṣṇāti divāniśam

Sanskrit only: no published translation is held for this verse.

सूर्यात्मकस्य देवस्य विश्वयोनेरुमापतेः । सुषुम्णाख्यः सदा रश्मिः पुष्णाति शिशिरद्युतिम्

sūryātmakasya devasya viśvayonerumāpateḥ / suṣumṇākhyaḥ sadā raśmiḥ puṣṇāti śiśiradyutim

Sanskrit only: no published translation is held for this verse.

सौम्यानां वसुजातानां प्रकृतित्वमुपागता । तस्य सोमाह्वया मूर्तिः शङ्करस्य जगद्गुरोः

saumyānāṃ vasujātānāṃ prakṛtitvamupāgatā / tasya somāhvayā mūrtiḥ śaṅkarasya jagadguroḥ

Sanskrit only: no published translation is held for this verse.

तस्य सोमात्मक रूप शुक्रत्वेन व्यवस्थितम् । शरीरभाजां सर्वेषां देवस्यान्तकशासिनः

tasya somātmaka rūpa śukratvena vyavasthitam / śarīrabhājāṃ sarveṣāṃ devasyāntakaśāsinaḥ

Sanskrit only: no published translation is held for this verse.

शरीरिणामशेषाणां मनस्येव व्यवस्थितम् । वपुः सोमात्मकं शंभोस्तस्य सर्वजगद्गुरोः

śarīriṇāmaśeṣāṇāṃ manasyeva vyavasthitam / vapuḥ somātmakaṃ śaṃbhostasya sarvajagadguroḥ

Sanskrit only: no published translation is held for this verse.

शंभोः षोडशधाभिन्ना स्थितामृतकलात्मनः । सर्वभूतशरीरेषु सोमाख्या मूर्तिरुत्तमा

śaṃbhoḥ ṣoḍaśadhābhinnā sthitāmṛtakalātmanaḥ / sarvabhūtaśarīreṣu somākhyā mūrtiruttamā

Sanskrit only: no published translation is held for this verse.

देवान्पितॄंश् च पुष्णाति सुधयामृतया सदा । मूर्तिः सोमाह्वया तस्य देवदेवस्य शासितुः

devānpitṝṃś ca puṣṇāti sudhayāmṛtayā sadā / mūrtiḥ somāhvayā tasya devadevasya śāsituḥ

Sanskrit only: no published translation is held for this verse.

पुष्णात्योषधिजातानि देहिनामात्मशुद्धये । सोमाह्वया तनुस्तस्य भवानीमिति निर्दिशेत्

puṣṇātyoṣadhijātāni dehināmātmaśuddhaye / somāhvayā tanustasya bhavānīmiti nirdiśet

Sanskrit only: no published translation is held for this verse.

यज्ञानां पतिभावेन जीवानां तपसामपि । प्रसिद्धरूपमेतद्वै मोमात्मकमुमापतेः

yajñānāṃ patibhāvena jīvānāṃ tapasāmapi / prasiddharūpametadvai momātmakamumāpateḥ

Sanskrit only: no published translation is held for this verse.

जलानामोषधीनां च पतिभावेन विश्रुतम् । सोमात्मकं वपुस्तस्य शंभोर्भगवतः प्रभोः

jalānāmoṣadhīnāṃ ca patibhāvena viśrutam / somātmakaṃ vapustasya śaṃbhorbhagavataḥ prabhoḥ

Sanskrit only: no published translation is held for this verse.

देवो हिरण्मयो मृष्टः परस्परविवेकिनः । करणानामशेषाणां देवतानां निराकृतिः

devo hiraṇmayo mṛṣṭaḥ parasparavivekinaḥ / karaṇānāmaśeṣāṇāṃ devatānāṃ nirākṛtiḥ

Sanskrit only: no published translation is held for this verse.

जीवत्वेन स्थिते तस्मिञ्छिवे सोमात्मके प्रभौ । मधुरा विलयं याति सर्वलोकैकरक्षिणी

jīvatvena sthite tasmiñchive somātmake prabhau / madhurā vilayaṃ yāti sarvalokaikarakṣiṇī

Sanskrit only: no published translation is held for this verse.

यजमानाह्वया मूर्तिः शैवी हव्यैरहर्निशम् । पुष्णाति देवताः सर्वाः कव्यैः पितृगणानपि

yajamānāhvayā mūrtiḥ śaivī havyairaharniśam / puṣṇāti devatāḥ sarvāḥ kavyaiḥ pitṛgaṇānapi

Sanskrit only: no published translation is held for this verse.

यजमानाह्वया या सा तनुश्चाहुतिजा तया । वृष्ट्या भावयति स्पष्टं सर्वमेव परापरम्

yajamānāhvayā yā sā tanuścāhutijā tayā / vṛṣṭyā bhāvayati spaṣṭaṃ sarvameva parāparam

Sanskrit only: no published translation is held for this verse.

अन्तःस्थं च बहिःस्थं च ब्रह्माण्डानां स्थितं जलम् । भूतानां च शरीरस्थं शंभोर्मूर्तिर्गरीयसी

antaḥsthaṃ ca bahiḥsthaṃ ca brahmāṇḍānāṃ sthitaṃ jalam / bhūtānāṃ ca śarīrasthaṃ śaṃbhormūrtirgarīyasī

Sanskrit only: no published translation is held for this verse.

नदीनाममृतं साक्षान्नदानामपि सर्वदा । समुद्राणां च सर्वत्र व्यापी सर्वमुमापतिः

nadīnāmamṛtaṃ sākṣānnadānāmapi sarvadā / samudrāṇāṃ ca sarvatra vyāpī sarvamumāpatiḥ

Sanskrit only: no published translation is held for this verse.

संजीविनी समस्तानां भूतानामेव पाविनी । अंबिका प्राणसंस्था या मूर्तिलंबुमयी परा

saṃjīvinī samastānāṃ bhūtānāmeva pāvinī / aṃbikā prāṇasaṃsthā yā mūrtilaṃbumayī parā

Sanskrit only: no published translation is held for this verse.

अन्तःस्थश् च बहिःस्थश् च ब्रह्माण्डानां विभावसुः । यज्ञानां च शरीरस्थः शंभोर्मूर्तिर्गरीयसी

antaḥsthaś ca bahiḥsthaś ca brahmāṇḍānāṃ vibhāvasuḥ / yajñānāṃ ca śarīrasthaḥ śaṃbhormūrtirgarīyasī

Sanskrit only: no published translation is held for this verse.

शरीरस्था च भूतानां श्रेयसी मूर्तिरैश्वरी । मूर्तिः पावक संस्था या शंभोरत्यन्तपूजिता

śarīrasthā ca bhūtānāṃ śreyasī mūrtiraiśvarī / mūrtiḥ pāvaka saṃsthā yā śaṃbhoratyantapūjitā

Sanskrit only: no published translation is held for this verse.

भेदा एकोनपञ्चाशद्वेदविद्भिरुदाहृताः । हव्यं वहति देवानां शंभोर्यज्ञात्मकं वपुः

bhedā ekonapañcāśadvedavidbhirudāhṛtāḥ / havyaṃ vahati devānāṃ śaṃbhoryajñātmakaṃ vapuḥ

Sanskrit only: no published translation is held for this verse.

कव्यं पितृगणानां च हूयमानं द्विजातिभिः । सर्वदेवमयं शंभोः श्रेष्ठमग्यात्मकं वपुः

kavyaṃ pitṛgaṇānāṃ ca hūyamānaṃ dvijātibhiḥ / sarvadevamayaṃ śaṃbhoḥ śreṣṭhamagyātmakaṃ vapuḥ

Sanskrit only: no published translation is held for this verse.

वदन्ति वेदशास्त्रज्ञा यजन्ति च यथाविधि । अन्तःस्थो जगदण्डानां बहिःस्थश्च समीरणः

vadanti vedaśāstrajñā yajanti ca yathāvidhi / antaḥstho jagadaṇḍānāṃ bahiḥsthaśca samīraṇaḥ

Sanskrit only: no published translation is held for this verse.

शरीरस्थश्च भूतानां शैवी मूर्तिः पटीयसी । प्राणाद्या नागकूर्माद्या आवहाद्याश्च वायवः

śarīrasthaśca bhūtānāṃ śaivī mūrtiḥ paṭīyasī / prāṇādyā nāgakūrmādyā āvahādyāśca vāyavaḥ

Sanskrit only: no published translation is held for this verse.

ईशानमूर्तेरेकस्य भेदाः सर्वे प्रकीर्तिताः । अन्तःस्थं जगदण्डानां बहिःस्थं च वियद्विभोः

īśānamūrterekasya bhedāḥ sarve prakīrtitāḥ / antaḥsthaṃ jagadaṇḍānāṃ bahiḥsthaṃ ca viyadvibhoḥ

Sanskrit only: no published translation is held for this verse.

शरीरस्थं च भूतानां शंभोमूर्तिर्गरीयसी । शंभोर्विश्वंभरा मूर्तिः सर्वब्रह्माधिदेवता

śarīrasthaṃ ca bhūtānāṃ śaṃbhomūrtirgarīyasī / śaṃbhorviśvaṃbharā mūrtiḥ sarvabrahmādhidevatā

Sanskrit only: no published translation is held for this verse.

चराचराणां भूतानां सर्वेषां धारणे मता । चराचराणां भूतानां शरीराणि विदुर्बुधाः

carācarāṇāṃ bhūtānāṃ sarveṣāṃ dhāraṇe matā / carācarāṇāṃ bhūtānāṃ śarīrāṇi vidurbudhāḥ

Sanskrit only: no published translation is held for this verse.

पञ्चकेनेसमूर्तीनां समारब्धानि सर्वथा । पञ्चभूतानि चन्द्रार्कावात्मेति मुनिपुङ्गवाः

pañcakenesamūrtīnāṃ samārabdhāni sarvathā / pañcabhūtāni candrārkāvātmeti munipuṅgavāḥ

Sanskrit only: no published translation is held for this verse.

मूर्तयो ऽष्टौ शिवस्याहुर्देवदेवस्य धीमतः । आत्मा तस्याष्टमी मूर्तिर्यजमानाह्वया परा

mūrtayo 'ṣṭau śivasyāhurdevadevasya dhīmataḥ / ātmā tasyāṣṭamī mūrtiryajamānāhvayā parā

Sanskrit only: no published translation is held for this verse.

चराचर शरीरेषु सर्वेष्वेव स्थिता तदा । दीक्षितं ब्राह्मणं प्राहुरात्मानं च मुनीश्वराः

carācara śarīreṣu sarveṣveva sthitā tadā / dīkṣitaṃ brāhmaṇaṃ prāhurātmānaṃ ca munīśvarāḥ

Sanskrit only: no published translation is held for this verse.

यजमानाह्वया मूर्तिः शिवस्य शिवदायिनः । मूर्तयो ऽष्टौ शिवस्यैता वन्दनीयाः प्रयत्नतः

yajamānāhvayā mūrtiḥ śivasya śivadāyinaḥ / mūrtayo 'ṣṭau śivasyaitā vandanīyāḥ prayatnataḥ

Sanskrit only: no published translation is held for this verse.

श्रेयो ःर्थिभिर् नरैर् नित्यं श्रेयसामेकहेतवः

śreyo ḥrthibhir narair nityaṃ śreyasāmekahetavaḥ

Sanskrit only: no published translation is held for this verse.