Liṅga Purāṇa 2.13

इति श्रीलिङ्गमहापुराणे उत्तरभागे द्वादशो ऽध्यायः सनत्कुमार उवाच भूयो ऽपि वद मे नन्दिन् महिमानमुमापते । अष्टमूर्तेर्महेशस्य शिवस्य परमेष्ठिनः

iti śrīliṅgamahāpurāṇe uttarabhāge dvādaśo 'dhyāyaḥ sanatkumāra uvāca bhūyo 'pi vada me nandin mahimānamumāpate / aṣṭamūrtermaheśasya śivasya parameṣṭhinaḥ

Sanskrit only: no published translation is held for this verse.

नन्दिकेश्वर उवाच वक्ष्यामि ते महेशस्य महिमानमुमापतेः । अष्टमूर्तेर्जगद्व्याप्य स्थितस्य परमेष्ठिनः

nandikeśvara uvāca vakṣyāmi te maheśasya mahimānamumāpateḥ / aṣṭamūrterjagadvyāpya sthitasya parameṣṭhinaḥ

Sanskrit only: no published translation is held for this verse.

चराचराणां भूतानां धाता विश्वंभरात्मकः । शर्व इत्युच्यते देवः सर्वशास्त्रार्थपारगैः

carācarāṇāṃ bhūtānāṃ dhātā viśvaṃbharātmakaḥ / śarva ityucyate devaḥ sarvaśāstrārthapāragaiḥ

Sanskrit only: no published translation is held for this verse.

विश्वंभरात्मनस्तस्य सर्वस्य परमेष्ठिनः । विकेशी कथ्यते पत्नी तनयोङ्गारकः स्मृतः

viśvaṃbharātmanastasya sarvasya parameṣṭhinaḥ / vikeśī kathyate patnī tanayoṅgārakaḥ smṛtaḥ

Sanskrit only: no published translation is held for this verse.

भव इत्युच्यते देवो भगवान्वेदवादिभिः । संजीवनस्य लोकानां भवस्य परमात्मनः

bhava ityucyate devo bhagavānvedavādibhiḥ / saṃjīvanasya lokānāṃ bhavasya paramātmanaḥ

Sanskrit only: no published translation is held for this verse.

उमा संकीर्तिता देवी सुतः शुक्रश्च सूरिभिः । सप्तलोकाण्डकव्यापी सर्वलोकैकरक्षिता

umā saṃkīrtitā devī sutaḥ śukraśca sūribhiḥ / saptalokāṇḍakavyāpī sarvalokaikarakṣitā

Sanskrit only: no published translation is held for this verse.

वह्न्यात्मा भगवान्देवः स्मृतः पशुपतिर्बुधैः । स्वाहा पत्न्यात्मनस्तस्य प्रोक्ता पशुपतेः प्रिया

vahnyātmā bhagavāndevaḥ smṛtaḥ paśupatirbudhaiḥ / svāhā patnyātmanastasya proktā paśupateḥ priyā

Sanskrit only: no published translation is held for this verse.

षण्मुखो भगवान् देवो बुधैः पुत्र उदाहृतः । समस्तभुवनव्यापी भर्ता सर्वशरीरिणाम्

ṣaṇmukho bhagavān devo budhaiḥ putra udāhṛtaḥ / samastabhuvanavyāpī bhartā sarvaśarīriṇām

Sanskrit only: no published translation is held for this verse.

पवनात्मा बुधैर्देव ईशान इति कीर्त्यते । ईशानस्य जगत्कर्तुर्देवस्य पवनात्मनः

pavanātmā budhairdeva īśāna iti kīrtyate / īśānasya jagatkarturdevasya pavanātmanaḥ

Sanskrit only: no published translation is held for this verse.

शिवा देवी बुदैरुक्ता पुत्रश्चास्य मनोजवः । चराचराणां भूतानां सर्वेषां सर्वकामदः

śivā devī budairuktā putraścāsya manojavaḥ / carācarāṇāṃ bhūtānāṃ sarveṣāṃ sarvakāmadaḥ

Sanskrit only: no published translation is held for this verse.

व्योमात्मा भगवान्देवो भीम इत्युच्यते बुधैः । महामहिम्नो देवस्य भीमस्य गगनात्मनः

vyomātmā bhagavāndevo bhīma ityucyate budhaiḥ / mahāmahimno devasya bhīmasya gaganātmanaḥ

Sanskrit only: no published translation is held for this verse.

दिशो दश स्मृता देव्यः सुतः सर्गश्च सूरिभिः । सूर्यात्मा भगवान्देवः सर्वेषां च विभूतिदः

diśo daśa smṛtā devyaḥ sutaḥ sargaśca sūribhiḥ / sūryātmā bhagavāndevaḥ sarveṣāṃ ca vibhūtidaḥ

Sanskrit only: no published translation is held for this verse.

रुद्र इत्युच्यते देवैर्भगवान् भुक्तिमुक्तिदः । सूर्यात्म कस्य रुद्रस्य भक्तानां भक्तिदायिनः

rudra ityucyate devairbhagavān bhuktimuktidaḥ / sūryātma kasya rudrasya bhaktānāṃ bhaktidāyinaḥ

Sanskrit only: no published translation is held for this verse.

सुवर्चला स्मृता देवी सुतश्चास्य शनैश्चरः । समस्तसौम्यवस्तूनां प्रकृतित्वेन विश्रुतः

suvarcalā smṛtā devī sutaścāsya śanaiścaraḥ / samastasaumyavastūnāṃ prakṛtitvena viśrutaḥ

Sanskrit only: no published translation is held for this verse.

सोमात्मको बुधैर्देवो महादेव इति स्मृतः । सोमात्मकस्य देवस्य महादेवस्य सूरिभिः

somātmako budhairdevo mahādeva iti smṛtaḥ / somātmakasya devasya mahādevasya sūribhiḥ

Sanskrit only: no published translation is held for this verse.

दयिता रोहिणी प्रोक्ता बुधश्चैव शरीरजः । हव्यकव्यस्थितिं कुर्वन् हव्यकव्याशिनां तदा

dayitā rohiṇī proktā budhaścaiva śarīrajaḥ / havyakavyasthitiṃ kurvan havyakavyāśināṃ tadā

Sanskrit only: no published translation is held for this verse.

यजमानात्मको देवो महादेवो बुधैः प्रभुः । उग्र इत्युच्यते सद्भिरीशानश्चेति चापरैः

yajamānātmako devo mahādevo budhaiḥ prabhuḥ / ugra ityucyate sadbhirīśānaśceti cāparaiḥ

Sanskrit only: no published translation is held for this verse.

उग्राह्वयस्य देवस्य यजमानात्मनः प्रभोः । दीक्षा पत्नी बुधैरुक्ता संतानाख्यः सुतस्तथा

ugrāhvayasya devasya yajamānātmanaḥ prabhoḥ / dīkṣā patnī budhairuktā saṃtānākhyaḥ sutastathā

Sanskrit only: no published translation is held for this verse.

शरीरिणां शरीरेषु कठिनं कोङ्कणादिवत् । पार्थिवं तद्वपुर्ज्ञेयं शर्वतत्त्वं बुभुत्सुभिः

śarīriṇāṃ śarīreṣu kaṭhinaṃ koṅkaṇādivat / pārthivaṃ tadvapurjñeyaṃ śarvatattvaṃ bubhutsubhiḥ

Sanskrit only: no published translation is held for this verse.

देहेदेहे तु देवेशो देहभाजां यदव्ययम् । वस्तुद्रव्यात्मकं तस्य भवस्य परमात्मनः

dehedehe tu deveśo dehabhājāṃ yadavyayam / vastudravyātmakaṃ tasya bhavasya paramātmanaḥ

Sanskrit only: no published translation is held for this verse.

ज्ञेयं च तत्त्वविद्भिर्वै सर्ववेदार्थपारगैः । आग्नेयः परिणामो यो विग्रहेषु शरीरिणाम्

jñeyaṃ ca tattvavidbhirvai sarvavedārthapāragaiḥ / āgneyaḥ pariṇāmo yo vigraheṣu śarīriṇām

Sanskrit only: no published translation is held for this verse.

मूर्तिः पशुपतिर्ज्ञेया सा तत्त्वं वेत्तुमिच्छुभिः । वायव्यः परिणामो यः शरीरेषु शरीरिणाम्

mūrtiḥ paśupatirjñeyā sā tattvaṃ vettumicchubhiḥ / vāyavyaḥ pariṇāmo yaḥ śarīreṣu śarīriṇām

Sanskrit only: no published translation is held for this verse.

बुधैरीशोति सा तस्य तनुर्ज्ञेया न संशयः । सुषिरं यच्छरीरस्थमशेषाणां शरीरिणाम्

budhairīśoti sā tasya tanurjñeyā na saṃśayaḥ / suṣiraṃ yaccharīrasthamaśeṣāṇāṃ śarīriṇām

Sanskrit only: no published translation is held for this verse.

भीमस्य सा तनुर्ज्ञेया तत्त्वविज्ञानकाङ्क्षिभिः । चक्षुरादिगतं तेजो यच्छरीरस्थमङ्गिनाम्

bhīmasya sā tanurjñeyā tattvavijñānakāṅkṣibhiḥ / cakṣurādigataṃ tejo yaccharīrasthamaṅginām

Sanskrit only: no published translation is held for this verse.

रुद्रस्यापि तनुर्ज्ञेया परमार्थं बुभुत्सुभिः । सर्वभूतशरीरेषु मनश्चन्द्रात्मकं हि यत्

rudrasyāpi tanurjñeyā paramārthaṃ bubhutsubhiḥ / sarvabhūtaśarīreṣu manaścandrātmakaṃ hi yat

Sanskrit only: no published translation is held for this verse.

महादेवस्य सा मूर्तिर्बोद्धव्या तत्त्वचिन्तकैः । आत्मा यो यजमानाख्यः सर्वभूतशरीरगः

mahādevasya sā mūrtirboddhavyā tattvacintakaiḥ / ātmā yo yajamānākhyaḥ sarvabhūtaśarīragaḥ

Sanskrit only: no published translation is held for this verse.

मूर्तिरुग्रस्य सा ज्ञेया परमात्मबुभुत्सुभिः । जातानां सर्व भूतानां चतुर्दशसु योनिषु

mūrtirugrasya sā jñeyā paramātmabubhutsubhiḥ / jātānāṃ sarva bhūtānāṃ caturdaśasu yoniṣu

Sanskrit only: no published translation is held for this verse.

अष्टमूर्तेरनन्यत्वं वदन्ति परमर्षयः । सप्तमूर्तिमयान्याहुरीशस्याङ्गानि देहिनाम्

aṣṭamūrterananyatvaṃ vadanti paramarṣayaḥ / saptamūrtimayānyāhurīśasyāṅgāni dehinām

Sanskrit only: no published translation is held for this verse.

आत्मा तस्याष्टमी मूर्तिः सर्वभूतशरीरगा । अष्टमूर्तिममुं देवं सर्वलोकात्मकं विभुम्

ātmā tasyāṣṭamī mūrtiḥ sarvabhūtaśarīragā / aṣṭamūrtimamuṃ devaṃ sarvalokātmakaṃ vibhum

Sanskrit only: no published translation is held for this verse.

भजस्व सर्वभावेन श्रेयः प्राप्तुं यदीच्छसि । प्राणिनो यस्य कस्यापि क्रियते यद्यनुग्रहः

bhajasva sarvabhāvena śreyaḥ prāptuṃ yadīcchasi / prāṇino yasya kasyāpi kriyate yadyanugrahaḥ

Sanskrit only: no published translation is held for this verse.

अष्टमूर्तेर्महेशस्य कृतमाराधनं भवेत् । निग्रहश्चेत् कृतो लोके देहिनो यस्य कस्यचित्

aṣṭamūrtermaheśasya kṛtamārādhanaṃ bhavet / nigrahaścet kṛto loke dehino yasya kasyacit

Sanskrit only: no published translation is held for this verse.

अष्टमूर्तेर्महेशस्य स एव विहितो भवेत् । यद्यवज्ञा कृता लोके यस्य कस्य चिदङ्गिनः

aṣṭamūrtermaheśasya sa eva vihito bhavet / yadyavajñā kṛtā loke yasya kasya cidaṅginaḥ

Sanskrit only: no published translation is held for this verse.

अष्टमूर्तेर्महे शस्य विहिता सा भवेद्विभोः । अभयं यत् प्रदत्तं स्यादङ्गिनो वस्य कस्यचित्

aṣṭamūrtermahe śasya vihitā sā bhavedvibhoḥ / abhayaṃ yat pradattaṃ syādaṅgino vasya kasyacit

Sanskrit only: no published translation is held for this verse.

आराधनं कृतं तस्मादष्टमूर्तेर्न संशयः । सर्वोपकारकरणं प्रदानमभयस्य च

ārādhanaṃ kṛtaṃ tasmādaṣṭamūrterna saṃśayaḥ / sarvopakārakaraṇaṃ pradānamabhayasya ca

Sanskrit only: no published translation is held for this verse.

आराधनं तु देवस्य अष्टमूर्तेर्न संशयः । सर्वोपकारकरणं सर्वानुग्रह एव च

ārādhanaṃ tu devasya aṣṭamūrterna saṃśayaḥ / sarvopakārakaraṇaṃ sarvānugraha eva ca

Sanskrit only: no published translation is held for this verse.

तदर्चनं परं प्राहुरष्टमूर्तेर्मुनीश्वराः । अनुग्रहणमन्येषां विधातव्यं त्वयाङ्गिनाम्

tadarcanaṃ paraṃ prāhuraṣṭamūrtermunīśvarāḥ / anugrahaṇamanyeṣāṃ vidhātavyaṃ tvayāṅginām

Sanskrit only: no published translation is held for this verse.

सर्वाभयप्रदानं च शिवाराधनमिच्छता

sarvābhayapradānaṃ ca śivārādhanamicchatā

Sanskrit only: no published translation is held for this verse.