Liṅga Purāṇa 2.14

इति श्रीलिङ्गमहापुराणे उत्तरभागे त्रयोदशो ऽध्यायः सनत्कुमार उवाच पञ्च ब्रह्माणि मे नन्दिन्नाचक्ष्व गणसत्तम । श्रेयःकरणभूतानि पवित्राणि शरीरिणाम्

iti śrīliṅgamahāpurāṇe uttarabhāge trayodaśo 'dhyāyaḥ sanatkumāra uvāca pañca brahmāṇi me nandinnācakṣva gaṇasattama / śreyaḥkaraṇabhūtāni pavitrāṇi śarīriṇām

Sanskrit only: no published translation is held for this verse.

नन्दिकेश्वर उवाच शिवस्यैव स्वरूपाणि पञ्च ब्रह्माह्वयानि ते । कथयामि यथातत्त्वं पद्मयोनेः सुतोत्तम

nandikeśvara uvāca śivasyaiva svarūpāṇi pañca brahmāhvayāni te / kathayāmi yathātattvaṃ padmayoneḥ sutottama

Sanskrit only: no published translation is held for this verse.

सर्वलोकैकसंहर्ता सर्वलोकैकरक्षिता । सर्वलोकैकनिर्माता पञ्चब्रह्मात्मकः शविः

sarvalokaikasaṃhartā sarvalokaikarakṣitā / sarvalokaikanirmātā pañcabrahmātmakaḥ śaviḥ

Sanskrit only: no published translation is held for this verse.

सर्वेषामेव लोकानां यदुपादानकारणम् । निमित्तकारणं चाहुस्स शिवः पञ्चधा स्मृतः

sarveṣāmeva lokānāṃ yadupādānakāraṇam / nimittakāraṇaṃ cāhussa śivaḥ pañcadhā smṛtaḥ

Sanskrit only: no published translation is held for this verse.

मूर्तयः पञ्च विख्याताः पञ्च ब्रह्माह्वयाः पराः । सर्वलोकशरण्यस्य शिवस्य परमात्मनः

mūrtayaḥ pañca vikhyātāḥ pañca brahmāhvayāḥ parāḥ / sarvalokaśaraṇyasya śivasya paramātmanaḥ

Sanskrit only: no published translation is held for this verse.

क्षेत्रज्ञः प्रथमा मूर्तिशिवस्य परमेष्ठिनः । भोक्ता प्रकृतिवर्गस्य भोग्यस्येशानसंज्ञितः

kṣetrajñaḥ prathamā mūrtiśivasya parameṣṭhinaḥ / bhoktā prakṛtivargasya bhogyasyeśānasaṃjñitaḥ

Sanskrit only: no published translation is held for this verse.

स्थाणोस्तत्पुरुषाख्या च द्वितीया मूर्तिरुच्यते । प्रकृतिः सा हि विज्ञेया परमात्मगुहात्मिका

sthāṇostatpuruṣākhyā ca dvitīyā mūrtirucyate / prakṛtiḥ sā hi vijñeyā paramātmaguhātmikā

Sanskrit only: no published translation is held for this verse.

अघोराख्या तृतीया च शंभोर्मूर्तिर्गरीयसी । बुद्धेः सा मूर्तिरित्युक्ता धर्माद्यष्टाङ्गसंयुता

aghorākhyā tṛtīyā ca śaṃbhormūrtirgarīyasī / buddheḥ sā mūrtirityuktā dharmādyaṣṭāṅgasaṃyutā

Sanskrit only: no published translation is held for this verse.

चतुर्थी वामदेवाख्या मूर्तिः शंभोर्गरियसी । अहङ्कारात्मकत्वेन व्याप्य सर्वं व्यवस्थिता

caturthī vāmadevākhyā mūrtiḥ śaṃbhorgariyasī / ahaṅkārātmakatvena vyāpya sarvaṃ vyavasthitā

Sanskrit only: no published translation is held for this verse.

सद्योजाताह्वया शंभोः पचमी मूर्तिरुच्यते । मनस्तत्त्वात्मकत्वेन स्थिता सर्वशरीरिषु

sadyojātāhvayā śaṃbhoḥ pacamī mūrtirucyate / manastattvātmakatvena sthitā sarvaśarīriṣu

Sanskrit only: no published translation is held for this verse.

ईशानः परमो देवः परमेष्ठी सनातनः । श्रोत्रेन्द्रियात्मकत्वेन सर्वभूतेष्ववस्थितः

īśānaḥ paramo devaḥ parameṣṭhī sanātanaḥ / śrotrendriyātmakatvena sarvabhūteṣvavasthitaḥ

Sanskrit only: no published translation is held for this verse.

स्थितस्तत्पुरुषो देवः शरीरेषु शरीरिणाम् । त्वगिन्द्रियात्मकत्वेन तत्त्वविद्भिरुदाहृतः

sthitastatpuruṣo devaḥ śarīreṣu śarīriṇām / tvagindriyātmakatvena tattvavidbhirudāhṛtaḥ

Sanskrit only: no published translation is held for this verse.

अघोरोपि महादेवश्चक्षुरात्मतया बुधैः । कीर्तितः सर्वभूतानां शरीरेषु व्यवस्थितः

aghoropi mahādevaścakṣurātmatayā budhaiḥ / kīrtitaḥ sarvabhūtānāṃ śarīreṣu vyavasthitaḥ

Sanskrit only: no published translation is held for this verse.

जिह्वेन्द्रियात्मकत्वेन वामदेवोपि विश्रुतः । अङ्गभाजामशेषाणामङ्गेषुं परिधिष्ठितः

jihvendriyātmakatvena vāmadevopi viśrutaḥ / aṅgabhājāmaśeṣāṇāmaṅgeṣuṃ paridhiṣṭhitaḥ

Sanskrit only: no published translation is held for this verse.

घ्राणेन्द्रियात्मकत्वेन सद्योजातः स्मृतो बुधैः । प्राणभाजां समस्तानां विग्रहेषु व्यवस्थितः

ghrāṇendriyātmakatvena sadyojātaḥ smṛto budhaiḥ / prāṇabhājāṃ samastānāṃ vigraheṣu vyavasthitaḥ

Sanskrit only: no published translation is held for this verse.

सर्वेष्वेव शरीरेषु प्राणभाजां प्रतिष्ठितः । वागिन्द्रियात्मकत्वेन बुधैरीशान उच्यते

sarveṣveva śarīreṣu prāṇabhājāṃ pratiṣṭhitaḥ / vāgindriyātmakatvena budhairīśāna ucyate

Sanskrit only: no published translation is held for this verse.

पाणीन्द्रियात्मकत्वेन स्थितस्तत्पुरुषो बुधैः । उच्यते विग्रहेष्वेव सर्वविग्रहधारिणाम्

pāṇīndriyātmakatvena sthitastatpuruṣo budhaiḥ / ucyate vigraheṣveva sarvavigrahadhāriṇām

Sanskrit only: no published translation is held for this verse.

सर्वविग्रहिणां देहे ह्यघोरोपि व्यवस्थितः । पादेन्द्रियात्मकत्वेन कीर्तितस् तत्त्ववेदिभिः

sarvavigrahiṇāṃ dehe hyaghoropi vyavasthitaḥ / pādendriyātmakatvena kīrtitas tattvavedibhiḥ

Sanskrit only: no published translation is held for this verse.

पाय्विन्द्रियात्मकत्वेन वामदेवो व्यवस्थितः । सर्वभूतनिकायानां कायेषु मुनिभिः स्मृतः

pāyvindriyātmakatvena vāmadevo vyavasthitaḥ / sarvabhūtanikāyānāṃ kāyeṣu munibhiḥ smṛtaḥ

Sanskrit only: no published translation is held for this verse.

उपस्थात्मतया देवः सद्योजातः स्थितः प्रभुः । इष्यते वेदशास्त्रज्ञैर्देहेषु प्राणधारिणाम्

upasthātmatayā devaḥ sadyojātaḥ sthitaḥ prabhuḥ / iṣyate vedaśāstrajñairdeheṣu prāṇadhāriṇām

Sanskrit only: no published translation is held for this verse.

ईशानं प्राणिनां देवं शब्दतन्मात्ररूपिणम् । आकाशजनकं प्राहुर्मुनिवृन्दारकप्रजाः

īśānaṃ prāṇināṃ devaṃ śabdatanmātrarūpiṇam / ākāśajanakaṃ prāhurmunivṛndārakaprajāḥ

Sanskrit only: no published translation is held for this verse.

प्राहुस्तत्पुरुषं देवं स्पर्शतन्मात्रकात्मकम् । समीरजनकं प्राहुर्भगवन्तं मुनीश्वराः

prāhustatpuruṣaṃ devaṃ sparśatanmātrakātmakam / samīrajanakaṃ prāhurbhagavantaṃ munīśvarāḥ

Sanskrit only: no published translation is held for this verse.

रूपतन्मात्रकं देवमघोरमपि घोरकम् । प्राहुर्वेदविदो मुख्या जनकं जातवेदसः

rūpatanmātrakaṃ devamaghoramapi ghorakam / prāhurvedavido mukhyā janakaṃ jātavedasaḥ

Sanskrit only: no published translation is held for this verse.

रसतन्मात्ररूपत्वात् प्रथितं तत्त्ववेदिनः । वामदेवमपां प्राहुर्जनकत्वेन संस्थितम्

rasatanmātrarūpatvāt prathitaṃ tattvavedinaḥ / vāmadevamapāṃ prāhurjanakatvena saṃsthitam

Sanskrit only: no published translation is held for this verse.

सद्योजातं महादेवं गन्धतन्मात्ररूपिणम् । भूम्यात्मानं प्रशंसंति सर्वतत्त्वार्थवेदिनः

sadyojātaṃ mahādevaṃ gandhatanmātrarūpiṇam / bhūmyātmānaṃ praśaṃsaṃti sarvatattvārthavedinaḥ

Sanskrit only: no published translation is held for this verse.

आकाशात्मानमीशानमादिदेवं मुनीश्वराः । परमेण महत्त्वेन संभूतं प्राहुरद्भुतम्

ākāśātmānamīśānamādidevaṃ munīśvarāḥ / parameṇa mahattvena saṃbhūtaṃ prāhuradbhutam

Sanskrit only: no published translation is held for this verse.

प्रभुं तत्पुरुषं देवं पवनं पवनात्मकम् । समस्तलोकव्यापित्वात्प्रथितं सूरयो विदुः

prabhuṃ tatpuruṣaṃ devaṃ pavanaṃ pavanātmakam / samastalokavyāpitvātprathitaṃ sūrayo viduḥ

Sanskrit only: no published translation is held for this verse.

अथार्चिततया ख्यातमघोरं दहनात्मकम् । कथयन्ति महात्मानं वेदवाक्यार्थवेदिनः

athārcitatayā khyātamaghoraṃ dahanātmakam / kathayanti mahātmānaṃ vedavākyārthavedinaḥ

Sanskrit only: no published translation is held for this verse.

तोयात्मकं महादेवं वामदेवं मनोरमंम् । जगत्संजीवनत्वेन कथितं मुनयो विदुः

toyātmakaṃ mahādevaṃ vāmadevaṃ manoramaṃm / jagatsaṃjīvanatvena kathitaṃ munayo viduḥ

Sanskrit only: no published translation is held for this verse.

विश्वंभरात्मकं देवं सद्योजातं जगद्गुरुम् । चराचरेकभर्तारं परं कविवरा विदुः

viśvaṃbharātmakaṃ devaṃ sadyojātaṃ jagadgurum / carācarekabhartāraṃ paraṃ kavivarā viduḥ

Sanskrit only: no published translation is held for this verse.

पञ्चब्रह्मात्मकं सर्वं जगत्स्थावरजङ्गमम् । शिवानन्दं तदित्याहुर्मुनयस्तत्त्वदर्शिनः

pañcabrahmātmakaṃ sarvaṃ jagatsthāvarajaṅgamam / śivānandaṃ tadityāhurmunayastattvadarśinaḥ

Sanskrit only: no published translation is held for this verse.

पञ्चविंशतितत्त्वात्मा प्रपञ्चे यः प्रदृश्यते । पञ्चब्रह्मात्मकत्वेन स शिवो नान्यतां गतः

pañcaviṃśatitattvātmā prapañce yaḥ pradṛśyate / pañcabrahmātmakatvena sa śivo nānyatāṃ gataḥ

Sanskrit only: no published translation is held for this verse.

पञ्चविंशतितत्त्वात्मा पञ्चब्रह्मात्मकः शिवः । श्रेयोर्थिभिरतो नित्यं चिन्तनीयः प्रयत्नतः

pañcaviṃśatitattvātmā pañcabrahmātmakaḥ śivaḥ / śreyorthibhirato nityaṃ cintanīyaḥ prayatnataḥ

Sanskrit only: no published translation is held for this verse.