Liṅga Purāṇa 2.15

इति श्रीलिङ्गमहापुराणे उत्तरभागे पञ्चब्रह्मकथनं नाम चतुर्दशो ऽध्यायः सनत्कुमार उवाच भूयो ऽपि शिवमाहात्म्यं समाचक्ष्व महामते । सर्वज्ञो ह्यसि भूताना मधिनाथ महागुण

iti śrīliṅgamahāpurāṇe uttarabhāge pañcabrahmakathanaṃ nāma caturdaśo 'dhyāyaḥ sanatkumāra uvāca bhūyo 'pi śivamāhātmyaṃ samācakṣva mahāmate / sarvajño hyasi bhūtānā madhinātha mahāguṇa

Sanskrit only: no published translation is held for this verse.

शैलादिरुवाच शिवमाहात्म्यमेकाग्रः शृणु वक्ष्यामि ते मुने । बहुभिर्बहुधा शब्दैः कीर्तितं मुनिसत्तमैः

śailādiruvāca śivamāhātmyamekāgraḥ śṛṇu vakṣyāmi te mune / bahubhirbahudhā śabdaiḥ kīrtitaṃ munisattamaiḥ

Sanskrit only: no published translation is held for this verse.

सदसद्रूपमित्याहुः सदसत्पतिरित्यपि । तं शिवं मुनयः केचित्प्रवदन्ति च सूरयः

sadasadrūpamityāhuḥ sadasatpatirityapi / taṃ śivaṃ munayaḥ kecitpravadanti ca sūrayaḥ

Sanskrit only: no published translation is held for this verse.

भूतभावविकारेण द्वितीयेन स उच्यते । व्यक्तं तेन विहीनत्वादव्यक्तमसदित्यपि

bhūtabhāvavikāreṇa dvitīyena sa ucyate / vyaktaṃ tena vihīnatvādavyaktamasadityapi

Sanskrit only: no published translation is held for this verse.

उभे ते शिवरूपे हि शिवादन्यं न विद्यते । तयोः पतित्वाच्च शिवः सदसत्पतिरुच्यते

ubhe te śivarūpe hi śivādanyaṃ na vidyate / tayoḥ patitvācca śivaḥ sadasatpatirucyate

Sanskrit only: no published translation is held for this verse.

क्षराक्षरात्मकं प्राहुः क्षराक्षरपरं तथा । शिवं महेश्वरं केचिन्मुनयस्तत्त्वचिन्तकाः

kṣarākṣarātmakaṃ prāhuḥ kṣarākṣaraparaṃ tathā / śivaṃ maheśvaraṃ kecinmunayastattvacintakāḥ

Sanskrit only: no published translation is held for this verse.

उक्तमक्षरमव्यक्तं व्यक्तं क्षरमुदाहृतम् । रूपे ते शङ्करस्यैव तस्मान्न पर उच्यते

uktamakṣaramavyaktaṃ vyaktaṃ kṣaramudāhṛtam / rūpe te śaṅkarasyaiva tasmānna para ucyate

Sanskrit only: no published translation is held for this verse.

तयोः परः शिवः शान्तः क्षराक्षरपरो बुधैः । उच्यते परमार्थेन महादेवो महेश्वरः

tayoḥ paraḥ śivaḥ śāntaḥ kṣarākṣaraparo budhaiḥ / ucyate paramārthena mahādevo maheśvaraḥ

Sanskrit only: no published translation is held for this verse.

समस्तव्यक्तरूपं तु ततः स्मृत्वा स मुच्यते । समष्टिव्यष्टिरूपं तु समष्टिव्यष्टिकारणम्

samastavyaktarūpaṃ tu tataḥ smṛtvā sa mucyate / samaṣṭivyaṣṭirūpaṃ tu samaṣṭivyaṣṭikāraṇam

Sanskrit only: no published translation is held for this verse.

वदन्ति केचिदाचार्याः शिवं परमकारणम् । समष्टिं विदुरव्यक्तं व्यष्टिं व्यक्तं मुनीश्वराः

vadanti kecidācāryāḥ śivaṃ paramakāraṇam / samaṣṭiṃ viduravyaktaṃ vyaṣṭiṃ vyaktaṃ munīśvarāḥ

Sanskrit only: no published translation is held for this verse.

रूपे ते गदिते शंभोर्नास्त्यन्यद्वस्तुसंभवम् । तयोः कारमभावेन शिवो हि परमेश्वरः

rūpe te gadite śaṃbhornāstyanyadvastusaṃbhavam / tayoḥ kāramabhāvena śivo hi parameśvaraḥ

Sanskrit only: no published translation is held for this verse.

उच्यते योगशास्त्रज्ञैः समष्टिव्यष्टिकारणम् । क्षेत्रक्षेत्रज्ञरूपी च शिवः कैश्चिदुदाहृतः

ucyate yogaśāstrajñaiḥ samaṣṭivyaṣṭikāraṇam / kṣetrakṣetrajñarūpī ca śivaḥ kaiścidudāhṛtaḥ

Sanskrit only: no published translation is held for this verse.

परमात्मा परं ज्योतिर्भगवान्परमेश्वरः । चतुर्विशतितत्त्वानि समष्टिव्यष्टिकारणम्

paramātmā paraṃ jyotirbhagavānparameśvaraḥ / caturviśatitattvāni samaṣṭivyaṣṭikāraṇam

Sanskrit only: no published translation is held for this verse.

प्राहुः क्षेत्रज्ञशब्देन भोक्तारं पुरुषं तथा । क्षेत्रक्षेत्रविदावेते रूपे तस्य स्वयंभुवः

prāhuḥ kṣetrajñaśabdena bhoktāraṃ puruṣaṃ tathā / kṣetrakṣetravidāvete rūpe tasya svayaṃbhuvaḥ

Sanskrit only: no published translation is held for this verse.

न किञ्चिच्च शिवादन्यदिति प्राहुर्मनीषिणः । अपरब्रह्मरूपं तं परब्रह्मात्मकं शिवम्

na kiñcicca śivādanyaditi prāhurmanīṣiṇaḥ / aparabrahmarūpaṃ taṃ parabrahmātmakaṃ śivam

Sanskrit only: no published translation is held for this verse.

केचिदाहुर्महादेवमनादि निधनं प्रभुम् । भूतेन्द्रियान्तः करणप्रधानविषयात्मकम्

kecidāhurmahādevamanādi nidhanaṃ prabhum / bhūtendriyāntaḥ karaṇapradhānaviṣayātmakam

Sanskrit only: no published translation is held for this verse.

अपरं ब्रह्म निर्दिष्टं परं ब्रह्म चिदात्मकम् । ब्रह्मणी ते महेशस्य शिवस्यास्य स्वयंभुवः

aparaṃ brahma nirdiṣṭaṃ paraṃ brahma cidātmakam / brahmaṇī te maheśasya śivasyāsya svayaṃbhuvaḥ

Sanskrit only: no published translation is held for this verse.

शङ्करस्य परस्यैव शिवादन्यन्न विद्यते । विद्याविद्यास्वरूपी च शङ्करः कैश्चिदुच्यते

śaṅkarasya parasyaiva śivādanyanna vidyate / vidyāvidyāsvarūpī ca śaṅkaraḥ kaiściducyate

Sanskrit only: no published translation is held for this verse.

धाता विधाता लोकानामादिदेवो महेश्वरः । विद्येति च तमेवाहुरविद्येति मुनीश्वराः

dhātā vidhātā lokānāmādidevo maheśvaraḥ / vidyeti ca tamevāhuravidyeti munīśvarāḥ

Sanskrit only: no published translation is held for this verse.

प्रपञ्चजातमखिलं ते स्वरूपे स्वयंभुवः । भ्रान्तिर्विद्या परं चेति शिवरूपमनुत्तमम्

prapañcajātamakhilaṃ te svarūpe svayaṃbhuvaḥ / bhrāntirvidyā paraṃ ceti śivarūpamanuttamam

Sanskrit only: no published translation is held for this verse.

अवापुर्मुनयो योगात्केचिदागमवेदिनः । अर्थेषु बहुरूपेषु विज्ञानं भ्रान्तिरुच्यते

avāpurmunayo yogātkecidāgamavedinaḥ / artheṣu bahurūpeṣu vijñānaṃ bhrāntirucyate

Sanskrit only: no published translation is held for this verse.

आत्माकारेण संवित्तिर्बुधैर्विद्येति कीर्त्यते । विकल्परहितं तत्त्वं परमित्यभिधीयते

ātmākāreṇa saṃvittirbudhairvidyeti kīrtyate / vikalparahitaṃ tattvaṃ paramityabhidhīyate

Sanskrit only: no published translation is held for this verse.

तृतीयरूपमीशस्य नान्यत्किञ्चन सर्वतः । व्यक्ताव्यक्तज्ञरूपीति शिवः कैश्चिन्निगद्यते

tṛtīyarūpamīśasya nānyatkiñcana sarvataḥ / vyaktāvyaktajñarūpīti śivaḥ kaiścinnigadyate

Sanskrit only: no published translation is held for this verse.

विधाता सर्व लोकानां धाता च परमेश्वरः । त्रयोविंशतितत्त्वानि व्यक्तशब्देन सूरयः

vidhātā sarva lokānāṃ dhātā ca parameśvaraḥ / trayoviṃśatitattvāni vyaktaśabdena sūrayaḥ

Sanskrit only: no published translation is held for this verse.

वदन्त्यव्यक्तशब्देन प्रकृतिः च परां तथा । कथयन्ति ज्ञशब्देन पुरुषं गुमभोगिनम्

vadantyavyaktaśabdena prakṛtiḥ ca parāṃ tathā / kathayanti jñaśabdena puruṣaṃ gumabhoginam

Sanskrit only: no published translation is held for this verse.

तत्त्रयं शाङ्करं रूपं नान्यत्किञ्चिदशाङ्करम्

tattrayaṃ śāṅkaraṃ rūpaṃ nānyatkiñcidaśāṅkaram

Sanskrit only: no published translation is held for this verse.