Liṅga Purāṇa 2.17

इति श्रीलिङ्गमहापुराणे उत्तरभागे षोडशो ऽध्यायः सनत्कुमार उवाच भूयो देवगणश्रेष्ठ शिवमाहात्म्यमुत्तमम् । शृण्वतो नास्ति मे तृप्तिस्त्व द्वाक्यामृतपानतः

iti śrīliṅgamahāpurāṇe uttarabhāge ṣoḍaśo 'dhyāyaḥ sanatkumāra uvāca bhūyo devagaṇaśreṣṭha śivamāhātmyamuttamam / śṛṇvato nāsti me tṛptistva dvākyāmṛtapānataḥ

Sanskrit only: no published translation is held for this verse.

कथं शरीरी भगवान् कस्माद्रुद्रः प्रतापवान् । सर्वात्मा च कथं शम्भुः कथं पाशुपतं व्रतम्

kathaṃ śarīrī bhagavān kasmādrudraḥ pratāpavān / sarvātmā ca kathaṃ śambhuḥ kathaṃ pāśupataṃ vratam

Sanskrit only: no published translation is held for this verse.

कथं वा देवमुख्यैश्च श्रुतो दृष्टश्च शङ्करः । शैलादिरुवाच अव्यक्तादभवत्स्थाणुः शिवः परमकारणम्

kathaṃ vā devamukhyaiśca śruto dṛṣṭaśca śaṅkaraḥ / śailādiruvāca avyaktādabhavatsthāṇuḥ śivaḥ paramakāraṇam

Sanskrit only: no published translation is held for this verse.

स सर्वकारणोपेत ऋपिर्विश्वाविकः प्रभुः । देवानां प्रथमं देवं जायमानं मुखाम्बुजात्

sa sarvakāraṇopeta ṛpirviśvāvikaḥ prabhuḥ / devānāṃ prathamaṃ devaṃ jāyamānaṃ mukhāmbujāt

Sanskrit only: no published translation is held for this verse.

ददर्श चाग्रे ब्रह्माणं चाज्ञया तमवैक्षत । दृष्टो रुद्रेण देवेशः ससर्ज सकलं च सः

dadarśa cāgre brahmāṇaṃ cājñayā tamavaikṣata / dṛṣṭo rudreṇa deveśaḥ sasarja sakalaṃ ca saḥ

Sanskrit only: no published translation is held for this verse.

वर्णाश्रमव्यवस्थाश्च स्थापयामास वै विराट् । सोमं ससर्ज यज्ञार्थं सोमादिदमजायत

varṇāśramavyavasthāśca sthāpayāmāsa vai virāṭ / somaṃ sasarja yajñārthaṃ somādidamajāyata

Sanskrit only: no published translation is held for this verse.

चरुश्च वह्निर्यज्ञश्च वज्रपाणिः शचीपतिः । विष्णुर्नारायणः श्रीमान् सर्वं सोममयं जगत्

caruśca vahniryajñaśca vajrapāṇiḥ śacīpatiḥ / viṣṇurnārāyaṇaḥ śrīmān sarvaṃ somamayaṃ jagat

Sanskrit only: no published translation is held for this verse.

रुद्राध्यायेन ते देवा रुद्रं तुष्टुवुरीश्वरम् । प्रसन्नवदनस्तस्थौ देवानां मध्यतः प्रभुः

rudrādhyāyena te devā rudraṃ tuṣṭuvurīśvaram / prasannavadanastasthau devānāṃ madhyataḥ prabhuḥ

Sanskrit only: no published translation is held for this verse.

अपहृत्य च विज्ञानमेषामेव महेश्वरः । देवा ह्यपृच्छंस्तं देवं को भवानिति शङ्करम्

apahṛtya ca vijñānameṣāmeva maheśvaraḥ / devā hyapṛcchaṃstaṃ devaṃ ko bhavāniti śaṅkaram

Sanskrit only: no published translation is held for this verse.

अब्रवीद्भगवान्रुद्रो ह्यहमेकः पुरातनः । आसं प्रथम एवाहं वर्तामि च सुरोत्तमाः

abravīdbhagavānrudro hyahamekaḥ purātanaḥ / āsaṃ prathama evāhaṃ vartāmi ca surottamāḥ

Sanskrit only: no published translation is held for this verse.

भविष्यामि च लोके ऽस्मिन्मत्तो नान्यः कुतश्चन । व्यतिरिक्तं न मत्तो ऽस्ति नान्यत्किञ्चित्सुरोत्तमाः

bhaviṣyāmi ca loke 'sminmatto nānyaḥ kutaścana / vyatiriktaṃ na matto 'sti nānyatkiñcitsurottamāḥ

Sanskrit only: no published translation is held for this verse.

नित्यो ऽनित्यो ऽहमनघो ब्राह्माहं ब्रह्मणस्पतिः । दिशश्च विदिशश्चाहं प्रकृतिश्च पुमानहम्

nityo 'nityo 'hamanagho brāhmāhaṃ brahmaṇaspatiḥ / diśaśca vidiśaścāhaṃ prakṛtiśca pumānaham

Sanskrit only: no published translation is held for this verse.

त्रिष्टुब्जगत्यनुष्टुप् च च्छन्दोहं तन्मयः शिवः । सत्योहं सर्वगः शान्तस्त्रेताग्निर्गौरवं गुरुः

triṣṭubjagatyanuṣṭup ca cchandohaṃ tanmayaḥ śivaḥ / satyohaṃ sarvagaḥ śāntastretāgnirgauravaṃ guruḥ

Sanskrit only: no published translation is held for this verse.

गौरहं गह्वरश्चाहं नित्यं गहनगोचरः । ज्येष्ठोहं सर्वतत्त्वानां वरिष्ठोहमपां पतिः

gaurahaṃ gahvaraścāhaṃ nityaṃ gahanagocaraḥ / jyeṣṭhohaṃ sarvatattvānāṃ variṣṭhohamapāṃ patiḥ

Sanskrit only: no published translation is held for this verse.

आपोहं भगवानीशस्तेजोहं वेदिरप्यहम् । ऋग्वेदोहं यजुर्वेदः सामवेदोहमात्मभूः

āpohaṃ bhagavānīśastejohaṃ vedirapyaham / ṛgvedohaṃ yajurvedaḥ sāmavedohamātmabhūḥ

Sanskrit only: no published translation is held for this verse.

अथर्वणोहं मन्त्रोहं तथा चाङ्गिरसां वरः । इतिहासपुराणानि कल्पोहं कल्पनाप्यहम्

atharvaṇohaṃ mantrohaṃ tathā cāṅgirasāṃ varaḥ / itihāsapurāṇāni kalpohaṃ kalpanāpyaham

Sanskrit only: no published translation is held for this verse.

अक्षरं च क्षरं चाहं क्षान्तिः शान्तिरहं क्षमा । गुह्योहं सर्ववेदेषु वरेण्योहमजोप्यहम्

akṣaraṃ ca kṣaraṃ cāhaṃ kṣāntiḥ śāntirahaṃ kṣamā / guhyohaṃ sarvavedeṣu vareṇyohamajopyaham

Sanskrit only: no published translation is held for this verse.

पुष्करं च पवित्रं च मध्यं चाहं ततः परम् । बहिश्चाहं तथा चान्तः पुरस्तादहमव्ययः

puṣkaraṃ ca pavitraṃ ca madhyaṃ cāhaṃ tataḥ param / bahiścāhaṃ tathā cāntaḥ purastādahamavyayaḥ

Sanskrit only: no published translation is held for this verse.

ज्योतिश्चाहं तमश्चाहं ब्रह्मा विष्णुर्महेश्वरः । बुद्धिश्चाहमहङ्कारस्तन्मात्राणीन्द्रियाणि च

jyotiścāhaṃ tamaścāhaṃ brahmā viṣṇurmaheśvaraḥ / buddhiścāhamahaṅkārastanmātrāṇīndriyāṇi ca

Sanskrit only: no published translation is held for this verse.

एवं सर्वं च मामेव यो वेद सुर सत्तमाः । स एव सर्ववित्सर्वं सर्वात्मा परमेश्वरः

evaṃ sarvaṃ ca māmeva yo veda sura sattamāḥ / sa eva sarvavitsarvaṃ sarvātmā parameśvaraḥ

Sanskrit only: no published translation is held for this verse.

गां गोभिर्ब्राह्मणान्सर्वान्ब्रह्मण्येन हवींषि च । आयुषायुस्तथा सत्यं सत्येन सुरसत्तमाः

gāṃ gobhirbrāhmaṇānsarvānbrahmaṇyena havīṃṣi ca / āyuṣāyustathā satyaṃ satyena surasattamāḥ

Sanskrit only: no published translation is held for this verse.

धर्मं धर्मेण सर्वांश्च तर्पयामि स्वतेजसा । इत्यादौ भगवानुक्त्वा तत्रैवान्तरधीयत

dharmaṃ dharmeṇa sarvāṃśca tarpayāmi svatejasā / ityādau bhagavānuktvā tatraivāntaradhīyata

Sanskrit only: no published translation is held for this verse.

नापश्यन्त ततो देवं रुद्रं परमकारणम् । ते देवाः परमात्मानं रुद्रं ध्यायन्ति शङ्करम्

nāpaśyanta tato devaṃ rudraṃ paramakāraṇam / te devāḥ paramātmānaṃ rudraṃ dhyāyanti śaṅkaram

Sanskrit only: no published translation is held for this verse.

सनारायणका देवाः सेंद्राश्च मुनयस्तथा । तथोर्ध्वबाहवो देवा रुद्रं स्तुन्वन्ति संकरम्

sanārāyaṇakā devāḥ seṃdrāśca munayastathā / tathordhvabāhavo devā rudraṃ stunvanti saṃkaram

Sanskrit only: no published translation is held for this verse.