Library·Liṅga Purāṇa·2·2.18
इति श्रीलिङ्गमहापुराणे उत्तरभागे सप्तदशो ऽध्यायः देवा ऊचुः य एष भगवान् रुद्रो ब्रह्मविष्णुमहेश्वराः । स्कन्दश्चापि तथा चेद्रो भुवनानि चतुर्दश । अश्विनौ ग्रहतारास्च नक्षत्राणि च खं दिशः
iti śrīliṅgamahāpurāṇe uttarabhāge saptadaśo 'dhyāyaḥ devā ūcuḥ ya eṣa bhagavān rudro brahmaviṣṇumaheśvarāḥ / skandaścāpi tathā cedro bhuvanāni caturdaśa / aśvinau grahatārāsca nakṣatrāṇi ca khaṃ diśaḥ
Sanskrit only: no published translation is held for this verse.
भूतानि च तथा सूर्यः सोमश्चाष्टौ ग्रहास्तथा । प्राणः कालो यमो मृत्युरमृतः परमेश्वरः
bhūtāni ca tathā sūryaḥ somaścāṣṭau grahāstathā / prāṇaḥ kālo yamo mṛtyuramṛtaḥ parameśvaraḥ
Sanskrit only: no published translation is held for this verse.
भूतं भव्यं भविष्यच्च वर्तमानं महेश्वरः । विश्वं कृत्स्नं जगत्सर्वं सत्यं तस्मै नमोनमः
bhūtaṃ bhavyaṃ bhaviṣyacca vartamānaṃ maheśvaraḥ / viśvaṃ kṛtsnaṃ jagatsarvaṃ satyaṃ tasmai namonamaḥ
Sanskrit only: no published translation is held for this verse.
त्वमादौ च तथा भूतो भूर्भुवः स्वस्तथैव च । अन्ते त्वं विश्वरूपो ऽसि शीर्षं तु जगतः संदा
tvamādau ca tathā bhūto bhūrbhuvaḥ svastathaiva ca / ante tvaṃ viśvarūpo 'si śīrṣaṃ tu jagataḥ saṃdā
Sanskrit only: no published translation is held for this verse.
ब्रह्मैकस्त्वं द्वित्रिधार्थमधश्च त्वं सुरेश्वरः । शान्तिश्च त्वं तथा पुष्टिस्तुष्टिश्चाप्यहुतं हुतम्
brahmaikastvaṃ dvitridhārthamadhaśca tvaṃ sureśvaraḥ / śāntiśca tvaṃ tathā puṣṭistuṣṭiścāpyahutaṃ hutam
Sanskrit only: no published translation is held for this verse.
विश्वं चैव तथाविश्वं दत्तं वादत्तमीश्वरम् । कृतं चाप्यकृतं देवं परमप्यपरं ध्रुवम् । परायणं सतां चैव ह्यसतामपि शङ्करम्
viśvaṃ caiva tathāviśvaṃ dattaṃ vādattamīśvaram / kṛtaṃ cāpyakṛtaṃ devaṃ paramapyaparaṃ dhruvam / parāyaṇaṃ satāṃ caiva hyasatāmapi śaṅkaram
Sanskrit only: no published translation is held for this verse.
अपाम सोमम् अमृता अभूमागन्म ज्योतिरविदाम देवान् । किं नूनमस्मान्कृणवदरातिः किमु धूर्तिरमृतं मर्त्यस्य
apāma somam amṛtā abhūmāganma jyotiravidāma devān / kiṃ nūnamasmānkṛṇavadarātiḥ kimu dhūrtiramṛtaṃ martyasya
Sanskrit only: no published translation is held for this verse.
एतज्जगद्धितं दिव्यमक्षरं सूक्ष्ममव्ययम्
etajjagaddhitaṃ divyamakṣaraṃ sūkṣmamavyayam
Sanskrit only: no published translation is held for this verse.
प्राजा पत्यं पवित्रं च सौम्यमग्राह्यमव्ययम् । अग्राह्येणापि वा ग्राह्यं वायव्येन समीरणः
prājā patyaṃ pavitraṃ ca saumyamagrāhyamavyayam / agrāhyeṇāpi vā grāhyaṃ vāyavyena samīraṇaḥ
Sanskrit only: no published translation is held for this verse.
सौम्येन सौम्यं ग्रसति तेजसा स्वेन लीलया । तस्मै नमो ऽपसंहर्त्रे महाग्रासाय शूलिने
saumyena saumyaṃ grasati tejasā svena līlayā / tasmai namo 'pasaṃhartre mahāgrāsāya śūline
Sanskrit only: no published translation is held for this verse.
हृदिस्था देवताः सर्वा हृदि प्राणे प्रतिष्ठिताः । हृदि त्वमसि यो नित्यं तिस्रो मात्राः परस्तु सः
hṛdisthā devatāḥ sarvā hṛdi prāṇe pratiṣṭhitāḥ / hṛdi tvamasi yo nityaṃ tisro mātrāḥ parastu saḥ
Sanskrit only: no published translation is held for this verse.
शिरश्चोत्तरतश्चैव पादौ दक्षिणतस्तथा । यो वै चोत्तरतः साक्षात्स ओङ्कारः सनातनः
śiraścottarataścaiva pādau dakṣiṇatastathā / yo vai cottarataḥ sākṣātsa oṅkāraḥ sanātanaḥ
Sanskrit only: no published translation is held for this verse.
ओङ्कारो यः स एवेह प्रणवो व्याप्य तिष्ठति । अनन्तस्तारसूक्ष्मं च शुक्लं वैद्युतमेव च
oṅkāro yaḥ sa eveha praṇavo vyāpya tiṣṭhati / anantastārasūkṣmaṃ ca śuklaṃ vaidyutameva ca
Sanskrit only: no published translation is held for this verse.
परं ब्रह्मा स ईशान एकोरुद्रः स एव च । भवान्महेश्वरः साक्षान्महादेवो न संशयः
paraṃ brahmā sa īśāna ekorudraḥ sa eva ca / bhavānmaheśvaraḥ sākṣānmahādevo na saṃśayaḥ
Sanskrit only: no published translation is held for this verse.
ऊर्ध्वमुन्नामयत्येव स ओङ्कारः प्रकीर्तितः । प्राणानवति यस्तस्मात् प्रणवः परिकीर्तितः
ūrdhvamunnāmayatyeva sa oṅkāraḥ prakīrtitaḥ / prāṇānavati yastasmāt praṇavaḥ parikīrtitaḥ
Sanskrit only: no published translation is held for this verse.
सर्वं व्याप्नोति यस्तस्मात्सर्वव्यापी सनातनः । ब्रह्मा हरिश्च भगवानाद्यन्तं नोपलब्धवान्
sarvaṃ vyāpnoti yastasmātsarvavyāpī sanātanaḥ / brahmā hariśca bhagavānādyantaṃ nopalabdhavān
Sanskrit only: no published translation is held for this verse.
तथान्ये च ततो ऽनन्तो रुद्रः परमकारणम् । यस्तारयति संसारात्तार इत्यभिधीयते
tathānye ca tato 'nanto rudraḥ paramakāraṇam / yastārayati saṃsārāttāra ityabhidhīyate
Sanskrit only: no published translation is held for this verse.
सूक्ष्मो भूत्वा शरीराणि सर्वदा ह्यधितिष्ठिति । तस्मात्सूक्ष्मः समाख्यातो भगवन्नीललोहितः
sūkṣmo bhūtvā śarīrāṇi sarvadā hyadhitiṣṭhiti / tasmātsūkṣmaḥ samākhyāto bhagavannīlalohitaḥ
Sanskrit only: no published translation is held for this verse.
नीलश्च लोहितश्चैव प्रधानपुरुषान्वयात् । स्कन्दते ऽस्य यतः शुक्रं तथा शुक्रमपैतिच
nīlaśca lohitaścaiva pradhānapuruṣānvayāt / skandate 'sya yataḥ śukraṃ tathā śukramapaitica
Sanskrit only: no published translation is held for this verse.
विद्योतयति यस्तस्माद्वैद्युतः परिगीयते । बृहत्त्वाद्बृंहणत्वाच्च बृहते च परापरे
vidyotayati yastasmādvaidyutaḥ parigīyate / bṛhattvādbṛṃhaṇatvācca bṛhate ca parāpare
Sanskrit only: no published translation is held for this verse.
तस्माद्बृंहति यस्माद्धि परं ब्रह्मेति कीर्तितम् । अद्वितीयो ऽथ भगवांस्तुरीयः परमेश्वरः
tasmādbṛṃhati yasmāddhi paraṃ brahmeti kīrtitam / advitīyo 'tha bhagavāṃsturīyaḥ parameśvaraḥ
Sanskrit only: no published translation is held for this verse.
ईशानमस्य जगतः स्वर्दृशां चक्षुर् ईश्वरम् । ईशानमिन्द्रसूरयः सर्वेषामपि सर्वदा
īśānamasya jagataḥ svardṛśāṃ cakṣur īśvaram / īśānamindrasūrayaḥ sarveṣāmapi sarvadā
Sanskrit only: no published translation is held for this verse.
ईशानः सर्वविद्यानां यत्तदीशान उच्यते । यदीक्षते च भगवान्निरीक्ष्यमिति चाज्ञया
īśānaḥ sarvavidyānāṃ yattadīśāna ucyate / yadīkṣate ca bhagavānnirīkṣyamiti cājñayā
Sanskrit only: no published translation is held for this verse.
आत्मज्ञानं महादेवो योगं गमयति स्वयम् । भगवांश्चोच्यते देवो देवदेवो महेश्वरः
ātmajñānaṃ mahādevo yogaṃ gamayati svayam / bhagavāṃścocyate devo devadevo maheśvaraḥ
Sanskrit only: no published translation is held for this verse.
सर्वांल्लोकान्क्रमेणैव यो गृह्णति महेश्वरः । विसृजत्येप देवेशो वासयत्यपि लीलया
sarvāṃllokānkrameṇaiva yo gṛhṇati maheśvaraḥ / visṛjatyepa deveśo vāsayatyapi līlayā
Sanskrit only: no published translation is held for this verse.
एषो हि देवः प्रदिशो ऽनुसर्वाः पूर्वो हि जातः स उ गर्भे अन्तः । स एव जातः स जनिष्यमाणः प्रत्यङ्मुखास्तिष्ठति सर्वतोमुखः
eṣo hi devaḥ pradiśo 'nusarvāḥ pūrvo hi jātaḥ sa u garbhe antaḥ / sa eva jātaḥ sa janiṣyamāṇaḥ pratyaṅmukhāstiṣṭhati sarvatomukhaḥ
Sanskrit only: no published translation is held for this verse.
उपासितव्यं यत्नेन तदेतत्सद्भिरव्ययम् । यतो वाचो निवर्तन्ते ह्यप्राप्य मनसा सह
upāsitavyaṃ yatnena tadetatsadbhiravyayam / yato vāco nivartante hyaprāpya manasā saha
Sanskrit only: no published translation is held for this verse.
तदग्रहणमेवेह यद्वाग्वदति यत्नतः । अपरं च परं वेति परायणमिति स्वयम्
tadagrahaṇameveha yadvāgvadati yatnataḥ / aparaṃ ca paraṃ veti parāyaṇamiti svayam
Sanskrit only: no published translation is held for this verse.
वदन्ति वाचः सर्वज्ञः शङ्करं नीललोहितम् । एष सर्वो नमस्तस्मै पुरुषः पिङ्गलः शिवः
vadanti vācaḥ sarvajñaḥ śaṅkaraṃ nīlalohitam / eṣa sarvo namastasmai puruṣaḥ piṅgalaḥ śivaḥ
Sanskrit only: no published translation is held for this verse.
स एष स महारुद्रो विश्वं भूतं भविष्यति । भुवनं बहुधा जातं जायमानमितस्ततः
sa eṣa sa mahārudro viśvaṃ bhūtaṃ bhaviṣyati / bhuvanaṃ bahudhā jātaṃ jāyamānamitastataḥ
Sanskrit only: no published translation is held for this verse.
हिरण्यबाहुर्भगवान् हिरण्यपतिरीश्वरः । अंबिकापतिरीशानो हेमरेता वृषध्वजः
hiraṇyabāhurbhagavān hiraṇyapatirīśvaraḥ / aṃbikāpatirīśāno hemaretā vṛṣadhvajaḥ
Sanskrit only: no published translation is held for this verse.
उमापतिर्विरूपाक्षो विश्वसृग्विश्ववाहनः । ब्रह्माणं विदधे यो ऽसौ पुत्रमग्रे सनातनम्
umāpatirvirūpākṣo viśvasṛgviśvavāhanaḥ / brahmāṇaṃ vidadhe yo 'sau putramagre sanātanam
Sanskrit only: no published translation is held for this verse.
प्रहिणोति स्म तस्यैव ज्ञानमात्मप्रकाशकम् । तमेकं पुरुषं रुद्रं पुरुहुतं पुरुष्टुतम्
prahiṇoti sma tasyaiva jñānamātmaprakāśakam / tamekaṃ puruṣaṃ rudraṃ puruhutaṃ puruṣṭutam
Sanskrit only: no published translation is held for this verse.
बालाग्रमात्रं हृदयस्य मध्ये विश्वन्देवं वह्निरूपं वरेण्यम् । तमात्मस्थं ये ऽनुपश्यन्ति धीरास्तेषां शान्तिः शाश्वती नेतरेषाम्
bālāgramātraṃ hṛdayasya madhye viśvandevaṃ vahnirūpaṃ vareṇyam / tamātmasthaṃ ye 'nupaśyanti dhīrāsteṣāṃ śāntiḥ śāśvatī netareṣām
Sanskrit only: no published translation is held for this verse.
महतो यो महीयांश्च ह्यणोरप्यणुरव्ययः । गुहायां निहितश्चात्मा जन्तोरस्य महेश्वरः
mahato yo mahīyāṃśca hyaṇorapyaṇuravyayaḥ / guhāyāṃ nihitaścātmā jantorasya maheśvaraḥ
Sanskrit only: no published translation is held for this verse.
वेश्मभूतो ऽस्य विश्वस्य कमलस्थो हृति स्वयम् । गह्वरं गहनं तत्स्थं तस्यान्तश्चोर्ध्वतः स्थितः
veśmabhūto 'sya viśvasya kamalastho hṛti svayam / gahvaraṃ gahanaṃ tatsthaṃ tasyāntaścordhvataḥ sthitaḥ
Sanskrit only: no published translation is held for this verse.
तत्रापि दह्रं गगनमोङ्कारं परमेश्वरम् । बालाग्रमात्रं तन्मध्ये ऋतं परमकारणम्
tatrāpi dahraṃ gaganamoṅkāraṃ parameśvaram / bālāgramātraṃ tanmadhye ṛtaṃ paramakāraṇam
Sanskrit only: no published translation is held for this verse.
सत्यं ब्रह्म महादेवं पुरुषं कृष्णपिङ्गलम् । ऊर्ध्वरतेसमीशानं विरूपाक्षमजोद्भवम्
satyaṃ brahma mahādevaṃ puruṣaṃ kṛṣṇapiṅgalam / ūrdhvaratesamīśānaṃ virūpākṣamajodbhavam
Sanskrit only: no published translation is held for this verse.
अधितिष्ठति योनिं यो योनिं वाचैक ईश्वरः । देहं पञ्चविधं येन तमीशानं पुरातनम्
adhitiṣṭhati yoniṃ yo yoniṃ vācaika īśvaraḥ / dehaṃ pañcavidhaṃ yena tamīśānaṃ purātanam
Sanskrit only: no published translation is held for this verse.
प्राणेष्वन्तर्मनसो लिङ्गमाहुर्यस्मिन्क्रोधो या च तृष्णा क्षमा च । तृष्णां छित्त्वा हेतुजालस्य मूलं बुद्ध्याचिन्त्यं स्थापयित्वा च रुद्रे
prāṇeṣvantarmanaso liṅgamāhuryasminkrodho yā ca tṛṣṇā kṣamā ca / tṛṣṇāṃ chittvā hetujālasya mūlaṃ buddhyācintyaṃ sthāpayitvā ca rudre
Sanskrit only: no published translation is held for this verse.
एकं तमाहुर्वै रुद्रं शाश्वतं परमेश्वरम् । परात्परतरं वापि परात्परतरं ध्रुवम्
ekaṃ tamāhurvai rudraṃ śāśvataṃ parameśvaram / parātparataraṃ vāpi parātparataraṃ dhruvam
Sanskrit only: no published translation is held for this verse.
ब्रह्मणो जनकं विष्णोर्वह्नेर्वायोः सदाशिवम् । ध्यात्वाग्निना च शोध्याङ्गं विशोध्य च पृथक्पृथक्
brahmaṇo janakaṃ viṣṇorvahnervāyoḥ sadāśivam / dhyātvāgninā ca śodhyāṅgaṃ viśodhya ca pṛthakpṛthak
Sanskrit only: no published translation is held for this verse.
पञ्चभूतानि संयम्य मात्राविधिगुणक्रमात् । मात्राः पञ्च चतस्रश्च त्रिमात्रादिस्ततः परम्
pañcabhūtāni saṃyamya mātrāvidhiguṇakramāt / mātrāḥ pañca catasraśca trimātrādistataḥ param
Sanskrit only: no published translation is held for this verse.
एकमात्रममात्रं हि द्वादशान्ते व्यवस्थितम् । स्थित्वा स्थाप्यामृतो भूत्वा व्रतं पाशुपतं चरेत्
ekamātramamātraṃ hi dvādaśānte vyavasthitam / sthitvā sthāpyāmṛto bhūtvā vrataṃ pāśupataṃ caret
Sanskrit only: no published translation is held for this verse.
एतद्व्रतं पाशुपतं चरिष्यामि समासतः । अग्निमाधाय विधिवदृग्यजुः सामसंभवैः
etadvrataṃ pāśupataṃ cariṣyāmi samāsataḥ / agnimādhāya vidhivadṛgyajuḥ sāmasaṃbhavaiḥ
Sanskrit only: no published translation is held for this verse.
उपोषितः शुचिः स्नातः शुक्लांबरधरः स्वयम् । शुक्लयज्ञोपवीति च शुक्लमाल्यानुलेपनः
upoṣitaḥ śuciḥ snātaḥ śuklāṃbaradharaḥ svayam / śuklayajñopavīti ca śuklamālyānulepanaḥ
Sanskrit only: no published translation is held for this verse.
जुहुयाद्विरजोविद्वान् विरजाश्च भविष्यति । वायवः पञ्च शुध्यतां वाङ्मनश्चरणादयः
juhuyādvirajovidvān virajāśca bhaviṣyati / vāyavaḥ pañca śudhyatāṃ vāṅmanaścaraṇādayaḥ
Sanskrit only: no published translation is held for this verse.
श्रोत्रं जिह्वा ततः प्राणस्ततो बुद्धिस्तथैव च । शिरः पाणिस्तथा पार्श्वं पृष्ठोदरमनन्तरम्
śrotraṃ jihvā tataḥ prāṇastato buddhistathaiva ca / śiraḥ pāṇistathā pārśvaṃ pṛṣṭhodaramanantaram
Sanskrit only: no published translation is held for this verse.
जङ्घे शिश्रमुपस्थं च पायुर्मेढ्रं तथैव च । त्वचा मांसं च रुधिरं मेदो ऽस्थीनि तथैव च
jaṅghe śiśramupasthaṃ ca pāyurmeḍhraṃ tathaiva ca / tvacā māṃsaṃ ca rudhiraṃ medo 'sthīni tathaiva ca
Sanskrit only: no published translation is held for this verse.
शब्दः स्पर्शं च रूपं च रसो गन्धस्तथैव च । भूतानि चैव शुध्यन्तां देहे मेदादयस्तथा
śabdaḥ sparśaṃ ca rūpaṃ ca raso gandhastathaiva ca / bhūtāni caiva śudhyantāṃ dehe medādayastathā
Sanskrit only: no published translation is held for this verse.
अन्नं प्राणे मनो ज्ञानं शुध्यन्तां वै शिवेच्छया । हुत्वाज्येन समिद्भिश्च चरुणा च यथाक्रमम्
annaṃ prāṇe mano jñānaṃ śudhyantāṃ vai śivecchayā / hutvājyena samidbhiśca caruṇā ca yathākramam
Sanskrit only: no published translation is held for this verse.
उपसंहृत्य रुद्राग्निं गृहीत्वा भस्म यत्नतः । अग्निरित्यादिना धीमान् विमृज्याङ्गानि संस्पृशेत्
upasaṃhṛtya rudrāgniṃ gṛhītvā bhasma yatnataḥ / agnirityādinā dhīmān vimṛjyāṅgāni saṃspṛśet
Sanskrit only: no published translation is held for this verse.
एतत्पाशुपतं दिव्यं व्रतं पाशविमोचनम् । ब्राह्मणानां हितं प्रोक्तं क्षत्रियाणां तथैव च
etatpāśupataṃ divyaṃ vrataṃ pāśavimocanam / brāhmaṇānāṃ hitaṃ proktaṃ kṣatriyāṇāṃ tathaiva ca
Sanskrit only: no published translation is held for this verse.
वैश्यानामपि योग्यानां यतीनां तु विशेषतः । वानप्रस्थाश्रमस्थानां गृहस्थानां सतामपि
vaiśyānāmapi yogyānāṃ yatīnāṃ tu viśeṣataḥ / vānaprasthāśramasthānāṃ gṛhasthānāṃ satāmapi
Sanskrit only: no published translation is held for this verse.
विमुक्तिर्विधिनानेन दृष्ट्वा वै ब्रह्मचारिणाम् । अग्निरित्यादिना भस्म गृहीत्वा ह्यग्निहोत्रजम्
vimuktirvidhinānena dṛṣṭvā vai brahmacāriṇām / agnirityādinā bhasma gṛhītvā hyagnihotrajam
Sanskrit only: no published translation is held for this verse.
सो ऽपि पाशुपतो विप्रो विमृज्याङ्गानि संस्पृशेत् । भस्माच्छन्नो द्विजो विद्वान् महापातकसंभवैः
so 'pi pāśupato vipro vimṛjyāṅgāni saṃspṛśet / bhasmācchanno dvijo vidvān mahāpātakasaṃbhavaiḥ
Sanskrit only: no published translation is held for this verse.
पापौर्विमुच्यते सद्यो मुच्यते च न संशयः । वीर्यमग्रेर्यतो भस्म वीर्यवान्भस्मसंयुतः
pāpaurvimucyate sadyo mucyate ca na saṃśayaḥ / vīryamagreryato bhasma vīryavānbhasmasaṃyutaḥ
Sanskrit only: no published translation is held for this verse.
भस्मास्नानरतो विप्रो भस्मशायी जितेन्द्रियः । सर्वपापविनिर्मुक्तः शिवसायुज्यमाप्नुयात्
bhasmāsnānarato vipro bhasmaśāyī jitendriyaḥ / sarvapāpavinirmuktaḥ śivasāyujyamāpnuyāt
Sanskrit only: no published translation is held for this verse.
तस्मात्सर्वप्रयत्नेन भूत्यङ्गं पूजयेद्वुधः । रेरेकारो न कर्तव्यस्तुन्तुङ्कारस्तथैव च
tasmātsarvaprayatnena bhūtyaṅgaṃ pūjayedvudhaḥ / rerekāro na kartavyastuntuṅkārastathaiva ca
Sanskrit only: no published translation is held for this verse.
न तत्क्षमति देवेशो ब्रह्मा वा यदि केशवः । मम पुत्रो भस्मधारी गणेशश्च वरानने
na tatkṣamati deveśo brahmā vā yadi keśavaḥ / mama putro bhasmadhārī gaṇeśaśca varānane
Sanskrit only: no published translation is held for this verse.
तेषां विरुद्धं यत्त्याज्यं स याति नरकार्णवम् । गृहस्थो ब्रह्महीनोपि त्रिपुण्ड्रं यो न कारयेत्
teṣāṃ viruddhaṃ yattyājyaṃ sa yāti narakārṇavam / gṛhastho brahmahīnopi tripuṇḍraṃ yo na kārayet
Sanskrit only: no published translation is held for this verse.
पूजा कर्म क्रिया तस्य दानं स्नानं तथैव च । निष्फलं जायते सर्वं यथा भस्मनि वै हुतम्
pūjā karma kriyā tasya dānaṃ snānaṃ tathaiva ca / niṣphalaṃ jāyate sarvaṃ yathā bhasmani vai hutam
Sanskrit only: no published translation is held for this verse.
तस्माच्च सर्वकार्येषु त्रिपुण्ड्रं धारयेद्बुधः । इत्युक्त्वा भगवान्ब्रह्मा स्तुत्वा देवैः समं प्रभुः
tasmācca sarvakāryeṣu tripuṇḍraṃ dhārayedbudhaḥ / ityuktvā bhagavānbrahmā stutvā devaiḥ samaṃ prabhuḥ
Sanskrit only: no published translation is held for this verse.
भस्माच्छन्नैः स्वयं छन्नो विरराम विशांपते । अथ तेषां प्रसादार्थं पशूनां पतिरीश्वरः
bhasmācchannaiḥ svayaṃ channo virarāma viśāṃpate / atha teṣāṃ prasādārthaṃ paśūnāṃ patirīśvaraḥ
Sanskrit only: no published translation is held for this verse.
सगमश्चांबया सार्धं सान्निध्यमकरोत्प्रभुः । अथ संनिहितं रुद्रं तुष्टुवुः सुरपुङ्गवम्
sagamaścāṃbayā sārdhaṃ sānnidhyamakarotprabhuḥ / atha saṃnihitaṃ rudraṃ tuṣṭuvuḥ surapuṅgavam
Sanskrit only: no published translation is held for this verse.
रुद्राध्यायेन सर्वेशं देवदेव मुमापतिम् । देवोपि देवानालोक्य घृणया वृषभध्वजः
rudrādhyāyena sarveśaṃ devadeva mumāpatim / devopi devānālokya ghṛṇayā vṛṣabhadhvajaḥ
Sanskrit only: no published translation is held for this verse.
तुष्टोस्मीत्याह देवेभ्यो वरं दातुं सुरारिहा
tuṣṭosmītyāha devebhyo varaṃ dātuṃ surārihā
Sanskrit only: no published translation is held for this verse.