Liṅga Purāṇa 2.19

इति श्रीलिङ्गमहापुराणे उत्तरभागेष्टादशोध्यायः शैलादिरुवाच तं प्रभुं प्रीतमनसं प्रणिपत्य वृषध्वजम् । अपृच्छन्मुनयो देवाः प्रीतिकण्टकितत्वचः

iti śrīliṅgamahāpurāṇe uttarabhāgeṣṭādaśodhyāyaḥ śailādiruvāca taṃ prabhuṃ prītamanasaṃ praṇipatya vṛṣadhvajam / apṛcchanmunayo devāḥ prītikaṇṭakitatvacaḥ

Sanskrit only: no published translation is held for this verse.

देवा ऊचुः भगवान् केन मार्गेण पूजनीयो द्विजातिभिः । कुत्र वा केन रूपेण वक्तुमर्हसि शङ्करः

devā ūcuḥ bhagavān kena mārgeṇa pūjanīyo dvijātibhiḥ / kutra vā kena rūpeṇa vaktumarhasi śaṅkaraḥ

Sanskrit only: no published translation is held for this verse.

कस्याधिकारः पूजायां ब्राह्मणस्य कथं प्रभो । क्षत्रियाणां कथं देव वैश्यानां वृषभध्वज

kasyādhikāraḥ pūjāyāṃ brāhmaṇasya kathaṃ prabho / kṣatriyāṇāṃ kathaṃ deva vaiśyānāṃ vṛṣabhadhvaja

Sanskrit only: no published translation is held for this verse.

स्त्रीशूद्राणां कथं वापि कुण्डगोलादिनां तु वा । हिताय जगतां सर्वमस्माकं वक्तुमर्हसि

strīśūdrāṇāṃ kathaṃ vāpi kuṇḍagolādināṃ tu vā / hitāya jagatāṃ sarvamasmākaṃ vaktumarhasi

Sanskrit only: no published translation is held for this verse.

सूत उवाच तेषां भावं समालोक्य मुनीनां नीललोहितः । प्राह गंभीरया वाचा मण्डलस्थः सदाशिवः

sūta uvāca teṣāṃ bhāvaṃ samālokya munīnāṃ nīlalohitaḥ / prāha gaṃbhīrayā vācā maṇḍalasthaḥ sadāśivaḥ

Sanskrit only: no published translation is held for this verse.

मण्डले चाग्रतो पश्यन्देवदेवं सहोमया । देवाश्च मुनयः सर्वे विद्युत्कोटिसमप्रभम्

maṇḍale cāgrato paśyandevadevaṃ sahomayā / devāśca munayaḥ sarve vidyutkoṭisamaprabham

Sanskrit only: no published translation is held for this verse.

अष्टबाहुं चतुर्वक्त्रं द्वादशाक्षं महाभुजम् । अर्धनारीश्वरं देवं जटामुकुटधारिणम्

aṣṭabāhuṃ caturvaktraṃ dvādaśākṣaṃ mahābhujam / ardhanārīśvaraṃ devaṃ jaṭāmukuṭadhāriṇam

Sanskrit only: no published translation is held for this verse.

सर्वाभरणसंयुक्तं रक्तमाल्यानुलेपनम् । रक्तांबरधरं सृष्टिस्थितिसंहारकारकम्

sarvābharaṇasaṃyuktaṃ raktamālyānulepanam / raktāṃbaradharaṃ sṛṣṭisthitisaṃhārakārakam

Sanskrit only: no published translation is held for this verse.

तस्य पूर्वमुखं पीतं प्रसन्नं पुरुषात्मकम् । अघोरं दक्षिणं वक्त्रं नीलाञ्जनचयोपमम्

tasya pūrvamukhaṃ pītaṃ prasannaṃ puruṣātmakam / aghoraṃ dakṣiṇaṃ vaktraṃ nīlāñjanacayopamam

Sanskrit only: no published translation is held for this verse.

दंष्ट्राकरालमत्युग्रं ज्वालामालासमावातम् । रक्तश्मश्रुञ्जटायुक्तं चोत्तरे विद्रुमप्रभम्

daṃṣṭrākarālamatyugraṃ jvālāmālāsamāvātam / raktaśmaśruñjaṭāyuktaṃ cottare vidrumaprabham

Sanskrit only: no published translation is held for this verse.

प्रसन्नं वामदेवाख्यं वरदं विश्वरूपिणम् । पश्चिमं वदनं तस्य गोक्षीरधवलं शुभम्

prasannaṃ vāmadevākhyaṃ varadaṃ viśvarūpiṇam / paścimaṃ vadanaṃ tasya gokṣīradhavalaṃ śubham

Sanskrit only: no published translation is held for this verse.

मुक्ताफलमयैर्हारैर्भूषितं तिलकोज्ज्वलम् । सद्योजातमुखं दिव्यं भास्करस्य स्मरारिणः

muktāphalamayairhārairbhūṣitaṃ tilakojjvalam / sadyojātamukhaṃ divyaṃ bhāskarasya smarāriṇaḥ

Sanskrit only: no published translation is held for this verse.

आदित्यमग्रतो पश्यन्पूर्ववच्चतुराननम् । भास्करं पुरतो देवं चतुर्वक्रं च पूर्ववत्

ādityamagrato paśyanpūrvavaccaturānanam / bhāskaraṃ purato devaṃ caturvakraṃ ca pūrvavat

Sanskrit only: no published translation is held for this verse.

भानुं दक्षिणतो देवं चतुर्वक्त्रं च पूर्ववत् । रविमुत्तरतो ऽपश्यन्पूर्ववच्चतुराननम्

bhānuṃ dakṣiṇato devaṃ caturvaktraṃ ca pūrvavat / ravimuttarato 'paśyanpūrvavaccaturānanam

Sanskrit only: no published translation is held for this verse.

विस्तारां मण्डले पूर्वे उत्तरां दक्षिणे स्थिताम् । बोधनीं पश्चिमे भागे मण्डलस्य प्रजापतेः

vistārāṃ maṇḍale pūrve uttarāṃ dakṣiṇe sthitām / bodhanīṃ paścime bhāge maṇḍalasya prajāpateḥ

Sanskrit only: no published translation is held for this verse.

अध्यायनीं च कौबेर्यामेकवक्त्रां चतुर्भुजाम् । सर्वाभरणसंपन्नाः शक्तयः सर्वसंमताः

adhyāyanīṃ ca kauberyāmekavaktrāṃ caturbhujām / sarvābharaṇasaṃpannāḥ śaktayaḥ sarvasaṃmatāḥ

Sanskrit only: no published translation is held for this verse.

ब्रह्माणं दक्षिणे भागे विष्णुं वामे जनार्दनम् । ऋग्यजुः साममार्गेण मूर्तित्रयमयंशिवम्

brahmāṇaṃ dakṣiṇe bhāge viṣṇuṃ vāme janārdanam / ṛgyajuḥ sāmamārgeṇa mūrtitrayamayaṃśivam

Sanskrit only: no published translation is held for this verse.

ईशानं वरदं देवमीशानं परमेश्वरम् । ब्रह्मासनस्थं वदरं धर्मज्ञानासनोपरि

īśānaṃ varadaṃ devamīśānaṃ parameśvaram / brahmāsanasthaṃ vadaraṃ dharmajñānāsanopari

Sanskrit only: no published translation is held for this verse.

वैराग्यैश्वर्यसंयुक्ते प्रभूते विमले तथा । सारं सर्वेश्वरं देवमाराध्यं परमं सुखम्

vairāgyaiśvaryasaṃyukte prabhūte vimale tathā / sāraṃ sarveśvaraṃ devamārādhyaṃ paramaṃ sukham

Sanskrit only: no published translation is held for this verse.

सितपङ्कजमध्यस्थं दीप्ताद्यैरभिसंवृतम् । दीप्तां दीपशिखाकारां सूक्ष्मां विद्युत्प्रभां शुभाम्

sitapaṅkajamadhyasthaṃ dīptādyairabhisaṃvṛtam / dīptāṃ dīpaśikhākārāṃ sūkṣmāṃ vidyutprabhāṃ śubhām

Sanskrit only: no published translation is held for this verse.

जयामग्निशीखाकारां प्रभां कनकसप्रभाम् । विभूतिं विद्रुमप्रख्यां विमलां पद्मसन्निभाम्

jayāmagniśīkhākārāṃ prabhāṃ kanakasaprabhām / vibhūtiṃ vidrumaprakhyāṃ vimalāṃ padmasannibhām

Sanskrit only: no published translation is held for this verse.

अमोघां कर्णिकाकारां विद्युतं विश्ववर्णिनीम् । चतुर्वक्त्रां चतुर्वर्णां देवीं वै सर्वतोमुखीम्

amoghāṃ karṇikākārāṃ vidyutaṃ viśvavarṇinīm / caturvaktrāṃ caturvarṇāṃ devīṃ vai sarvatomukhīm

Sanskrit only: no published translation is held for this verse.

सोममङ्गारकं देवं बुधं बुद्धिमतां वरम् । बृहस्पतिं बृहद्वुद्धिं भार्गवं तेजसां निधिम्

somamaṅgārakaṃ devaṃ budhaṃ buddhimatāṃ varam / bṛhaspatiṃ bṛhadvuddhiṃ bhārgavaṃ tejasāṃ nidhim

Sanskrit only: no published translation is held for this verse.

मन्दं मन्दगतिं चैव समन्तात्तस्य ते सदा । सूर्यं शिवो जगन्नाथः सोमः साक्षादुमा स्वयम्

mandaṃ mandagatiṃ caiva samantāttasya te sadā / sūryaṃ śivo jagannāthaḥ somaḥ sākṣādumā svayam

Sanskrit only: no published translation is held for this verse.

पञ्चभूतानि शेषाणि तन्मयं च चराचरम् । दृष्टैव मुनयः सर्वे देवदेवमुमापतिम्

pañcabhūtāni śeṣāṇi tanmayaṃ ca carācaram / dṛṣṭaiva munayaḥ sarve devadevamumāpatim

Sanskrit only: no published translation is held for this verse.

कृताञ्जलिपुटाः सर्वे मुनयो देवतास्तथा । अस्तु वन्वाग्भिरिष्टभिर्वरदं नीललोहितम्

kṛtāñjalipuṭāḥ sarve munayo devatāstathā / astu vanvāgbhiriṣṭabhirvaradaṃ nīlalohitam

Sanskrit only: no published translation is held for this verse.

ऋषय ऊचुः नमः शिवाय रुद्राय कद्रुद्राय प्रचेतसे । मीढुष्टमाय सर्वाय शिपिविष्टायरंहसे

ṛṣaya ūcuḥ namaḥ śivāya rudrāya kadrudrāya pracetase / mīḍhuṣṭamāya sarvāya śipiviṣṭāyaraṃhase

Sanskrit only: no published translation is held for this verse.

प्रभूते विमले सारे ह्याधारे परमे सुखे । नवशक्त्यावृतं देवं पद्मस्थं भास्करं प्रभुम्

prabhūte vimale sāre hyādhāre parame sukhe / navaśaktyāvṛtaṃ devaṃ padmasthaṃ bhāskaraṃ prabhum

Sanskrit only: no published translation is held for this verse.

आदित्यं भास्करं भानुं रविं देवं दिवाकरम् । उमां प्रभां तथा प्रज्ञां संध्यां सावित्रिकामपि

ādityaṃ bhāskaraṃ bhānuṃ raviṃ devaṃ divākaram / umāṃ prabhāṃ tathā prajñāṃ saṃdhyāṃ sāvitrikāmapi

Sanskrit only: no published translation is held for this verse.

विस्तारामुत्तरां देवीं बोदनीं प्रणमाम्यहम् । आप्यायनीं च वरदां ब्रह्माणं केशवं हरम्

vistārāmuttarāṃ devīṃ bodanīṃ praṇamāmyaham / āpyāyanīṃ ca varadāṃ brahmāṇaṃ keśavaṃ haram

Sanskrit only: no published translation is held for this verse.

सोमादिवृन्दं च यथाक्रमेम संपूज्य मन्त्रैर्विहितक्रमेण । स्मरामि देवं रविमण्डलस्थं सदाशिवं शङ्करमादिदेवम्

somādivṛndaṃ ca yathākramema saṃpūjya mantrairvihitakrameṇa / smarāmi devaṃ ravimaṇḍalasthaṃ sadāśivaṃ śaṅkaramādidevam

Sanskrit only: no published translation is held for this verse.

इन्द्रादिदेवांश्च तथेश्वरांश्च नारायणं पद्मजमादिदेवम् । प्रागाद्यधोर्ध्वं च यथाक्रमेण वज्रादिपद्मं च तथा स्मरामि

indrādidevāṃśca tatheśvarāṃśca nārāyaṇaṃ padmajamādidevam / prāgādyadhordhvaṃ ca yathākrameṇa vajrādipadmaṃ ca tathā smarāmi

Sanskrit only: no published translation is held for this verse.

सिंदूरवर्णाय समण्डलाय सुवर्णवज्राभरणाय तुभ्यम् । पद्माभनेत्राय सपङ्कजाय ब्रह्मेन्द्रनारायणकारणाय

siṃdūravarṇāya samaṇḍalāya suvarṇavajrābharaṇāya tubhyam / padmābhanetrāya sapaṅkajāya brahmendranārāyaṇakāraṇāya

Sanskrit only: no published translation is held for this verse.

रथं च सप्ताश्वमनूरुवीरं गणं तथा सप्तविधं क्रमेण । ऋतुप्रवाहेण च वालीखिल्यान्स्मरामि मन्देहगणक्षयं च

rathaṃ ca saptāśvamanūruvīraṃ gaṇaṃ tathā saptavidhaṃ krameṇa / ṛtupravāheṇa ca vālīkhilyānsmarāmi mandehagaṇakṣayaṃ ca

Sanskrit only: no published translation is held for this verse.

हुत्वा तिलाद्यैर्विविधैस्तथाग्नौ पुनः समाप्यैव तथैव सर्वम् । उद्वास्य हृत्पङ्कजमध्यसंस्थं स्मरामि बिंबं तव देवदेव

hutvā tilādyairvividhaistathāgnau punaḥ samāpyaiva tathaiva sarvam / udvāsya hṛtpaṅkajamadhyasaṃsthaṃ smarāmi biṃbaṃ tava devadeva

Sanskrit only: no published translation is held for this verse.

स्मरामि बिंबानि यथाक्रमेण रक्तानि पद्मामललोचनानि । पद्मं च सव्ये वरदं च वामे करे तथा भूषितभूषणानि

smarāmi biṃbāni yathākrameṇa raktāni padmāmalalocanāni / padmaṃ ca savye varadaṃ ca vāme kare tathā bhūṣitabhūṣaṇāni

Sanskrit only: no published translation is held for this verse.

दंष्ट्राकरालं तव दिव्यवक्त्रं विद्युत्प्रभं दैत्ययङ्करं च । स्मरामि रक्षाभिरतं द्विजानां मन्देहरक्षोगणभर्त्सनं च

daṃṣṭrākarālaṃ tava divyavaktraṃ vidyutprabhaṃ daityayaṅkaraṃ ca / smarāmi rakṣābhirataṃ dvijānāṃ mandeharakṣogaṇabhartsanaṃ ca

Sanskrit only: no published translation is held for this verse.

सोमं सितं भूमिजमग्निर्णं चामीकराभं बुधमिन्दुसूनुम् । बृहस्पतिं काञ्चनसन्निकाशं शुक्रं सितं कृष्णतरं च मन्दम्

somaṃ sitaṃ bhūmijamagnirṇaṃ cāmīkarābhaṃ budhamindusūnum / bṛhaspatiṃ kāñcanasannikāśaṃ śukraṃ sitaṃ kṛṣṇataraṃ ca mandam

Sanskrit only: no published translation is held for this verse.

स्मरामि सव्यमभयं वाममूरुगतं वरम् । सर्वेषां मन्दपर्यन्तं महादेवं च भास्करम्

smarāmi savyamabhayaṃ vāmamūrugataṃ varam / sarveṣāṃ mandaparyantaṃ mahādevaṃ ca bhāskaram

Sanskrit only: no published translation is held for this verse.

पूर्णेन्दुवर्णेन च पुष्पधप्रस्थेन तोयने शुभेन पूर्णम् । पात्रं दृढं ताम्रमयं प्रकल्प्य दास्ये तवार्ध्यं भगवन्प्रसीद

pūrṇenduvarṇena ca puṣpadhaprasthena toyane śubhena pūrṇam / pātraṃ dṛḍhaṃ tāmramayaṃ prakalpya dāsye tavārdhyaṃ bhagavanprasīda

Sanskrit only: no published translation is held for this verse.

नमः शिवाय देवाय ईश्वराय कपर्दिने । रुद्राय विष्णवे तुभ्यं ब्रह्मणे सूर्यमूर्तये

namaḥ śivāya devāya īśvarāya kapardine / rudrāya viṣṇave tubhyaṃ brahmaṇe sūryamūrtaye

Sanskrit only: no published translation is held for this verse.

सूत उवाच यः शिवं मण्डलं देवं संपूज्यैवं समाहितः । प्रातर्मध्याह्नसायाह्ने पठेत्स्तवमनुत्तमम्

sūta uvāca yaḥ śivaṃ maṇḍalaṃ devaṃ saṃpūjyaivaṃ samāhitaḥ / prātarmadhyāhnasāyāhne paṭhetstavamanuttamam

Sanskrit only: no published translation is held for this verse.

इत्थं शिवेन सायुज्यं लभते नात्र संशयः

itthaṃ śivena sāyujyaṃ labhate nātra saṃśayaḥ

Sanskrit only: no published translation is held for this verse.