Liṅga Purāṇa 2.2

इति श्रीलिङ्गमहापुराणे उत्तरभागे कौशिकवृत्तकथनं नाम प्रथमोध्यायः मार्कण्डेय उवाच ततो नारायणो देवस्तस्मै सर्वं प्रदाय वै । कालयोगेन विश्वत्मा समं चक्रे ऽथ तुंबरोः

iti śrīliṅgamahāpurāṇe uttarabhāge kauśikavṛttakathanaṃ nāma prathamodhyāyaḥ mārkaṇḍeya uvāca tato nārāyaṇo devastasmai sarvaṃ pradāya vai / kālayogena viśvatmā samaṃ cakre 'tha tuṃbaroḥ

Sanskrit only: no published translation is held for this verse.

नारदं मुनिशार्दूलमेवं वृत्तमभूत्पुरा । नारायणस्य गीतानां गानं श्रेष्ठं पुनः पुनः

nāradaṃ muniśārdūlamevaṃ vṛttamabhūtpurā / nārāyaṇasya gītānāṃ gānaṃ śreṣṭhaṃ punaḥ punaḥ

Sanskrit only: no published translation is held for this verse.

गानेनाराधितो विष्णुः सत्कीर्ति ज्ञानवर्चसी । ददाति तुष्टिं स्थानं च यथासौ कौशिकस्य वै

gānenārādhito viṣṇuḥ satkīrti jñānavarcasī / dadāti tuṣṭiṃ sthānaṃ ca yathāsau kauśikasya vai

Sanskrit only: no published translation is held for this verse.

पद्माक्षप्रभृतीनां च संसिद्धिं प्रददौ हरिः । तस्मात्त्वया महाराज विष्णुक्षत्रे विशेषतः

padmākṣaprabhṛtīnāṃ ca saṃsiddhiṃ pradadau hariḥ / tasmāttvayā mahārāja viṣṇukṣatre viśeṣataḥ

Sanskrit only: no published translation is held for this verse.

अर्चनं गाननृत्याद्यं वाद्योत्सवसमन्वितम् । कर्तव्यं विष्णुभक्तैर्हि पुरुषैरनिशं नृप

arcanaṃ gānanṛtyādyaṃ vādyotsavasamanvitam / kartavyaṃ viṣṇubhaktairhi puruṣairaniśaṃ nṛpa

Sanskrit only: no published translation is held for this verse.

श्रोतव्यं च सदा नित्यं श्रोतव्योसौ हरिस्तथा । विष्णुक्षेत्रे तु यो विद्वान् कारयेद्भक्तिसंयुतः

śrotavyaṃ ca sadā nityaṃ śrotavyosau haristathā / viṣṇukṣetre tu yo vidvān kārayedbhaktisaṃyutaḥ

Sanskrit only: no published translation is held for this verse.

गाननृत्यादिकं चैव विष्ण्वाख्यानां कथां तथा । जतिस्मृतिं च मेधां च तथैवोपरमे स्मृतिम्

gānanṛtyādikaṃ caiva viṣṇvākhyānāṃ kathāṃ tathā / jatismṛtiṃ ca medhāṃ ca tathaivoparame smṛtim

Sanskrit only: no published translation is held for this verse.

प्राप्नोति विष्णुसायुज्यं सत्यमेतन्नृपाधिप । एतत्ते कथितं राजन् यन्मां त्वं परिपृच्छसि

prāpnoti viṣṇusāyujyaṃ satyametannṛpādhipa / etatte kathitaṃ rājan yanmāṃ tvaṃ paripṛcchasi

Sanskrit only: no published translation is held for this verse.

किं वदामि च ते भूतो वद धर्मभृतां वर

kiṃ vadāmi ca te bhūto vada dharmabhṛtāṃ vara

Sanskrit only: no published translation is held for this verse.