Liṅga Purāṇa 2.23

इति श्रीलिङ्गमहापुराणे उत्तरभागे द्वाविंशतितमो ऽध्यायः शैलादिरुवाच अथ ते संप्रवक्ष्यामि शिवार्चनमनुत्तमम् । त्रिसंध्यम् अर्चयेद् ईशम् अग्निकार्यं च शक्तितः

iti śrīliṅgamahāpurāṇe uttarabhāge dvāviṃśatitamo 'dhyāyaḥ śailādiruvāca atha te saṃpravakṣyāmi śivārcanamanuttamam / trisaṃdhyam arcayed īśam agnikāryaṃ ca śaktitaḥ

Sanskrit only: no published translation is held for this verse.

शिवस्नानं पुरा कृत्वा तत्त्वशुद्धिं च पूर्ववत् । पुष्पहस्तः प्रविश्याथ पूजास्थानं समाहितः

śivasnānaṃ purā kṛtvā tattvaśuddhiṃ ca pūrvavat / puṣpahastaḥ praviśyātha pūjāsthānaṃ samāhitaḥ

Sanskrit only: no published translation is held for this verse.

प्राणायामत्रयं कृत्वा दाहनाप्लावनानि च । गन्धादिवासितकरो महामुद्रां प्रविन्यसेत्

prāṇāyāmatrayaṃ kṛtvā dāhanāplāvanāni ca / gandhādivāsitakaro mahāmudrāṃ pravinyaset

Sanskrit only: no published translation is held for this verse.

विज्ञानेन तनुं कृत्वा ब्रह्माग्नेरपि यत्नतः । अव्यक्तबुद्ध्यहङ्कारतन्मात्रासंभवां तनुम्

vijñānena tanuṃ kṛtvā brahmāgnerapi yatnataḥ / avyaktabuddhyahaṅkāratanmātrāsaṃbhavāṃ tanum

Sanskrit only: no published translation is held for this verse.

शिवामृतेन संपूतं शिवस्य च यथातथम् । अधोनिष्ठ्या वितस्त्यां तु नाभ्यामुपरि तिष्ठति

śivāmṛtena saṃpūtaṃ śivasya ca yathātatham / adhoniṣṭhyā vitastyāṃ tu nābhyāmupari tiṣṭhati

Sanskrit only: no published translation is held for this verse.

हृदयं तद्विजानीयाद्विश्वस्यायतनं महत् । हृत्पद्मकर्णिकायां तु देवं साक्षात्सदाशिवम्

hṛdayaṃ tadvijānīyādviśvasyāyatanaṃ mahat / hṛtpadmakarṇikāyāṃ tu devaṃ sākṣātsadāśivam

Sanskrit only: no published translation is held for this verse.

पञ्चवक्त्रं दशभुजं सर्वाभरणभूषितम् । प्रतिवक्त्रं त्रिनेत्रं च शशाङ्ककृतशेखरम्

pañcavaktraṃ daśabhujaṃ sarvābharaṇabhūṣitam / prativaktraṃ trinetraṃ ca śaśāṅkakṛtaśekharam

Sanskrit only: no published translation is held for this verse.

बद्धपद्मासनासीनं शुद्धस्फटिकसन्निभम् । ऊर्ध्वं वक्त्रं सितं ध्यायेत्पूर्वं कुङ्कुमसन्निभम्

baddhapadmāsanāsīnaṃ śuddhasphaṭikasannibham / ūrdhvaṃ vaktraṃ sitaṃ dhyāyetpūrvaṃ kuṅkumasannibham

Sanskrit only: no published translation is held for this verse.

नीलाभं दक्षिणं वक्त्रमतिरक्तं तथोत्तरम् । गोक्षीरधवलं दिव्यं पश्चिमं परमेष्ठिनः

nīlābhaṃ dakṣiṇaṃ vaktramatiraktaṃ tathottaram / gokṣīradhavalaṃ divyaṃ paścimaṃ parameṣṭhinaḥ

Sanskrit only: no published translation is held for this verse.

शूलं परशुखङ्गं च वज्रं शक्तिं च दक्षिणे । वामे पाशाङ्कुशं घण्टां नागं नाराचमुत्तमम्

śūlaṃ paraśukhaṅgaṃ ca vajraṃ śaktiṃ ca dakṣiṇe / vāme pāśāṅkuśaṃ ghaṇṭāṃ nāgaṃ nārācamuttamam

Sanskrit only: no published translation is held for this verse.

वरदाभयहस्तं वा शेषं पूर्ववदेव तु । सर्वाभरणसंयुक्तं चित्रांबरधरं शिवम्

varadābhayahastaṃ vā śeṣaṃ pūrvavadeva tu / sarvābharaṇasaṃyuktaṃ citrāṃbaradharaṃ śivam

Sanskrit only: no published translation is held for this verse.

ब्रह्माङ्गविग्रहं देवं सर्वदेवोत्तमोत्तमम् । पूजयेत्सर्वभावेन ब्रह्माङ्गैर्ब्रह्मणः पतिम्

brahmāṅgavigrahaṃ devaṃ sarvadevottamottamam / pūjayetsarvabhāvena brahmāṅgairbrahmaṇaḥ patim

Sanskrit only: no published translation is held for this verse.

उक्तानि पञ्च ब्रह्माणि शिवाङ्गानि शृणुष्व मे । शक्तिभूतानि च तथा हृदयादीनि सुव्रत

uktāni pañca brahmāṇi śivāṅgāni śṛṇuṣva me / śaktibhūtāni ca tathā hṛdayādīni suvrata

Sanskrit only: no published translation is held for this verse.

ॐ ईशानः सर्वविद्यानां हृदयाय शक्तिबीजाय नमः । ॐ ईश्वरः सर्वभूतानाममृताय शिरसेनमः

oṃ īśānaḥ sarvavidyānāṃ hṛdayāya śaktibījāya namaḥ / oṃ īśvaraḥ sarvabhūtānāmamṛtāya śirasenamaḥ

Sanskrit only: no published translation is held for this verse.

ॐ ब्रह्माधिपतये कालाग्निरुपाय शिखायै नमः । ॐ ब्रह्मणोधिपतये कालचण्डमारुताय कवचाय नमः

oṃ brahmādhipataye kālāgnirupāya śikhāyai namaḥ / oṃ brahmaṇodhipataye kālacaṇḍamārutāya kavacāya namaḥ

Sanskrit only: no published translation is held for this verse.

ॐ ब्रह्मणे बृंहणाय ज्ञानमूर्तये नेत्राय नमः । ॐ शिवाय सदाशिवाय पाशुपतास्राय अप्रतिहताय फट्फट्

oṃ brahmaṇe bṛṃhaṇāya jñānamūrtaye netrāya namaḥ / oṃ śivāya sadāśivāya pāśupatāsrāya apratihatāya phaṭphaṭ

Sanskrit only: no published translation is held for this verse.

ॐ सद्योजाताय भवेभवेनाति भवे भवस्य मां भवोद्भवाय शिवमूर्तये नमः । ॐ हंसशिखाय विद्यादेहाय आत्मस्वरूपाय परापराय शिवाय शिवतमाय नमः

oṃ sadyojātāya bhavebhavenāti bhave bhavasya māṃ bhavodbhavāya śivamūrtaye namaḥ / oṃ haṃsaśikhāya vidyādehāya ātmasvarūpāya parāparāya śivāya śivatamāya namaḥ

Sanskrit only: no published translation is held for this verse.

कथितानि शिवाङ्गानि मूर्तिविद्या च तस्य वै । ब्रह्माङ्गमूर्ति विद्याङ्गसहितां शिवशासने

kathitāni śivāṅgāni mūrtividyā ca tasya vai / brahmāṅgamūrti vidyāṅgasahitāṃ śivaśāsane

Sanskrit only: no published translation is held for this verse.

सौराणि च प्रवक्ष्यामि बाष्कलाद्यानि सुव्रत । अङ्गानि सर्ववेदेषु सारभूतानि सुव्रत

saurāṇi ca pravakṣyāmi bāṣkalādyāni suvrata / aṅgāni sarvavedeṣu sārabhūtāni suvrata

Sanskrit only: no published translation is held for this verse.

ॐभूः ॐभुवः ॐ स्वः ॐमहः ओञ्जनः ओन्तपः ॐसत्यम् ॐऋतम् ॐब्रह्मानवाक्षरमयं मन्त्रं बाष्कलं परिकीर्तितम् । न क्षरतीति लोके ऽस्मिंस्ततो ह्यक्षरमुच्यते । सत्यम् अक्षरम् इत्य् उक्तं प्रणवादिनमो ःन्तकम्

oṃbhūḥ oṃbhuvaḥ oṃ svaḥ oṃmahaḥ oñjanaḥ ontapaḥ oṃsatyam oṃṛtam oṃbrahmānavākṣaramayaṃ mantraṃ bāṣkalaṃ parikīrtitam / na kṣaratīti loke 'smiṃstato hyakṣaramucyate / satyam akṣaram ity uktaṃ praṇavādinamo ḥntakam

Sanskrit only: no published translation is held for this verse.

ॐ भूर्भुवः स्वः तत्सवितुर्वरेण्यं भर्गो देवस्य धीमहि । धियो यो नः प्रचोदयात् नमः सूर्याय खखोल्काय नमः

oṃ bhūrbhuvaḥ svaḥ tatsaviturvareṇyaṃ bhargo devasya dhīmahi / dhiyo yo naḥ pracodayāt namaḥ sūryāya khakholkāya namaḥ

Sanskrit only: no published translation is held for this verse.

मूलमन्त्रमिति प्रोक्तं भास्करस्य महात्मनः । नवाक्षरेण दीप्ताद्य मूलमन्त्रेण भास्करम्

mūlamantramiti proktaṃ bhāskarasya mahātmanaḥ / navākṣareṇa dīptādya mūlamantreṇa bhāskaram

Sanskrit only: no published translation is held for this verse.

पूजयेदङ्गमन्त्राणि कथयामि समासतः । वेदादिभिः प्रभूताद्यं प्रणवेन तु मध्यमम्

pūjayedaṅgamantrāṇi kathayāmi samāsataḥ / vedādibhiḥ prabhūtādyaṃ praṇavena tu madhyamam

Sanskrit only: no published translation is held for this verse.

ॐभूः ब्रह्मणे हृदयाय नमः । ॐभुवः विष्णवे शिरसे नमः । ॐस्वः रुद्राय शिखायै नमः ॐभूर्भुवः स्वः ज्वालामानिन्यै देवाय नमः ॐमहः महेश्वराय कवचाय नमः । ओञ्जनः शिवाय नेत्रेभ्यो नमः । ओन्तपस्तापनाय अस्त्राय नमः । एवं प्रसंगादेवेह सौराणि कथितानि ह । शैवानि च समासेन न्यासयोगेन सुव्रत

oṃbhūḥ brahmaṇe hṛdayāya namaḥ / oṃbhuvaḥ viṣṇave śirase namaḥ / oṃsvaḥ rudrāya śikhāyai namaḥ oṃbhūrbhuvaḥ svaḥ jvālāmāninyai devāya namaḥ oṃmahaḥ maheśvarāya kavacāya namaḥ / oñjanaḥ śivāya netrebhyo namaḥ / ontapastāpanāya astrāya namaḥ / evaṃ prasaṃgādeveha saurāṇi kathitāni ha / śaivāni ca samāsena nyāsayogena suvrata

Sanskrit only: no published translation is held for this verse.

इत्थं मन्त्रमयं देवं पूजयेद्धृदयांबुजे । नाभौ होमं तु कर्तव्यं जनयित्वा यथाक्रमम्

itthaṃ mantramayaṃ devaṃ pūjayeddhṛdayāṃbuje / nābhau homaṃ tu kartavyaṃ janayitvā yathākramam

Sanskrit only: no published translation is held for this verse.

मनसा सर्वकार्याणि शिवाग्नौ देवमीश्वरम् । पञ्चब्रह्माङ्गसंभूतं शिवमूर्तिं सदाशिवम्

manasā sarvakāryāṇi śivāgnau devamīśvaram / pañcabrahmāṅgasaṃbhūtaṃ śivamūrtiṃ sadāśivam

Sanskrit only: no published translation is held for this verse.

रक्तपद्मासनासीनं सकलीकृत्य यत्नतः । मूलेन मूर्तिमन्त्रेण ब्रह्माङ्गाद्यैस्तू सुव्रत

raktapadmāsanāsīnaṃ sakalīkṛtya yatnataḥ / mūlena mūrtimantreṇa brahmāṅgādyaistū suvrata

Sanskrit only: no published translation is held for this verse.

समिदाज्याहुतीर्हुत्वा मनसा चन्द्रमण्डलात् । चन्द्रस्थानात्समुत्पन्नां पूर्णधारामनुस्मरेत्

samidājyāhutīrhutvā manasā candramaṇḍalāt / candrasthānātsamutpannāṃ pūrṇadhārāmanusmaret

Sanskrit only: no published translation is held for this verse.

पूर्णाहुतिविधानेन ज्ञानिनां शिवशासने । शिवं वक्त्रगतं ध्यायेत्तेजोमात्रं च शाङ्करम्

pūrṇāhutividhānena jñānināṃ śivaśāsane / śivaṃ vaktragataṃ dhyāyettejomātraṃ ca śāṅkaram

Sanskrit only: no published translation is held for this verse.

ललाटे देवदेवेशं भ्रमध्ये वा स्मरेत्पुनः । यच्च हृत्कमले सर्वं समाप्य विधिविस्तरम्

lalāṭe devadeveśaṃ bhramadhye vā smaretpunaḥ / yacca hṛtkamale sarvaṃ samāpya vidhivistaram

Sanskrit only: no published translation is held for this verse.

शुद्धदीपशिखाकारं भावयेद्भवनाशनम् । लिङ्गे च पूजयेद्देवं स्थण्डिले वा सदाशिवम्

śuddhadīpaśikhākāraṃ bhāvayedbhavanāśanam / liṅge ca pūjayeddevaṃ sthaṇḍile vā sadāśivam

Sanskrit only: no published translation is held for this verse.