Library·Liṅga Purāṇa·2·2.25
इति श्रीलिङ्गमहापुराणे उत्तरभागे चतुर्विशो ऽध्यायः शैलादिरुवाच शिवाग्निकार्यं वक्ष्यामि शिवेन परिभाषितम् । जनयित्वाग्रतः प्राचीं शुभे देशे सुसंस्कृते
iti śrīliṅgamahāpurāṇe uttarabhāge caturviśo 'dhyāyaḥ śailādiruvāca śivāgnikāryaṃ vakṣyāmi śivena paribhāṣitam / janayitvāgrataḥ prācīṃ śubhe deśe susaṃskṛte
Sanskrit only: no published translation is held for this verse.
पूर्वाग्रमुत्तराग्रं च कुर्यात्सूत्रत्रयंशुभम् । चतुरस्त्रीकृते क्षेत्रे कुर्यात्कुण्डानि यत्नतः
pūrvāgramuttarāgraṃ ca kuryātsūtratrayaṃśubham / caturastrīkṛte kṣetre kuryātkuṇḍāni yatnataḥ
Sanskrit only: no published translation is held for this verse.
नित्यहोमाग्निकुण्डं च त्रिमेखलसमायुतम् । चतुस्त्रिद्व्यङ्गुलायामा मेखला हस्तमात्रतः
nityahomāgnikuṇḍaṃ ca trimekhalasamāyutam / catustridvyaṅgulāyāmā mekhalā hastamātrataḥ
Sanskrit only: no published translation is held for this verse.
हस्तमात्रं भवेत्कुण्डं योनिः प्रादेशमात्रतः । अश्वत्थपत्रवद्योनीं मेखलोपरि कल्पयेत्
hastamātraṃ bhavetkuṇḍaṃ yoniḥ prādeśamātrataḥ / aśvatthapatravadyonīṃ mekhalopari kalpayet
Sanskrit only: no published translation is held for this verse.
कुण्डमध्ये तु नाभिः स्यादष्टपत्रं सकर्णिकम् । प्रादेशमात्रं विधिना कारयेद्ब्रह्मणः सुत
kuṇḍamadhye tu nābhiḥ syādaṣṭapatraṃ sakarṇikam / prādeśamātraṃ vidhinā kārayedbrahmaṇaḥ suta
Sanskrit only: no published translation is held for this verse.
षष्ठेनोल्लेखनं प्रोक्तं प्रोक्षणं वर्मणा स्मृतम् । नेत्रेणालोक्य वै कुण्डं षड्रेखाः कारयेद्बुधः
ṣaṣṭhenollekhanaṃ proktaṃ prokṣaṇaṃ varmaṇā smṛtam / netreṇālokya vai kuṇḍaṃ ṣaḍrekhāḥ kārayedbudhaḥ
Sanskrit only: no published translation is held for this verse.
प्रागायतेन विप्रेन्द्र ब्रह्मविष्णुमहेश्वराः । उत्तराग्राः शिवा रेखाः प्रोक्षयेद्वर्मणा पुनः
prāgāyatena viprendra brahmaviṣṇumaheśvarāḥ / uttarāgrāḥ śivā rekhāḥ prokṣayedvarmaṇā punaḥ
Sanskrit only: no published translation is held for this verse.
शमीपिप्पलसंभूतामरणीं षोडशाङ्गुलाम् । मथित्वा वह्निबीजेन शक्तिन्यासं हृदैव तु
śamīpippalasaṃbhūtāmaraṇīṃ ṣoḍaśāṅgulām / mathitvā vahnibījena śaktinyāsaṃ hṛdaiva tu
Sanskrit only: no published translation is held for this verse.
प्रक्षिपेद्विधिना वह्निमन्वाधाय यथाविधि । तूष्णीं प्रादेशमात्रैस्तु याज्ञिकैः शकलैः शुभैः
prakṣipedvidhinā vahnimanvādhāya yathāvidhi / tūṣṇīṃ prādeśamātraistu yājñikaiḥ śakalaiḥ śubhaiḥ
Sanskrit only: no published translation is held for this verse.
परिसंमोहनं कुर्याज्जलेनाष्टसु दिक्षु वै । परिस्तीर्य विधानेन प्रागाद्येवमनुक्रमात्
parisaṃmohanaṃ kuryājjalenāṣṭasu dikṣu vai / paristīrya vidhānena prāgādyevamanukramāt
Sanskrit only: no published translation is held for this verse.
उत्तराग्रं पुरस्ताद्धि प्रागग्रं दक्षिणे पुनः । पश्चिमे चोत्तराग्रं तु सौम्ये पूर्वाग्रमेव तु
uttarāgraṃ purastāddhi prāgagraṃ dakṣiṇe punaḥ / paścime cottarāgraṃ tu saumye pūrvāgrameva tu
Sanskrit only: no published translation is held for this verse.
ऐन्द्रे चैन्द्राग्रमावाह्य याम्य एवं विधीयते । सौम्यस्योपरिचान्द्राग्नं वारुणाग्नमधस्ततः
aindre caindrāgramāvāhya yāmya evaṃ vidhīyate / saumyasyoparicāndrāgnaṃ vāruṇāgnamadhastataḥ
Sanskrit only: no published translation is held for this verse.
द्वन्द्वरूपेण पात्राणि बर्हःष्वासाद्य सुव्रत । अधोमुखानि सर्वाणि द्रव्याणि च तथोत्तरे
dvandvarūpeṇa pātrāṇi barhaḥṣvāsādya suvrata / adhomukhāni sarvāṇi dravyāṇi ca tathottare
Sanskrit only: no published translation is held for this verse.
तस्योपरि न्यसेद्दर्भाञ्छिवं दक्षिणतोन्यसेत् । पूजयेन्मूलमन्त्रेण पश्चाद्धोमं समाचरेत्
tasyopari nyaseddarbhāñchivaṃ dakṣiṇatonyaset / pūjayenmūlamantreṇa paścāddhomaṃ samācaret
Sanskrit only: no published translation is held for this verse.
प्रोक्षणीपात्रमादाय पूरयेदंबुना पुनः । प्रादेसमात्रौ तु कुशौ स्थापयेदुदकोपरि
prokṣaṇīpātramādāya pūrayedaṃbunā punaḥ / prādesamātrau tu kuśau sthāpayedudakopari
Sanskrit only: no published translation is held for this verse.
प्लावयेच्च कुशाग्रं तु वसोः सूर्यस्य रश्मिभिः । विकीर्य सर्वपात्राणि सुसंप्रोक्ष्य विधानतः
plāvayecca kuśāgraṃ tu vasoḥ sūryasya raśmibhiḥ / vikīrya sarvapātrāṇi susaṃprokṣya vidhānataḥ
Sanskrit only: no published translation is held for this verse.
प्रणीतापात्रमादाय पूरयेदंबुना पुनः । अन्योदककुशग्रैस्तु सम्यगाच्छाद्य सुव्रत
praṇītāpātramādāya pūrayedaṃbunā punaḥ / anyodakakuśagraistu samyagācchādya suvrata
Sanskrit only: no published translation is held for this verse.
हस्ताभ्यां नासिकं पात्रमैशान्यां दिशि विन्यसेत् । आज्याधिश्रयणं कुर्यात्पश्चिमोत्तरतः शुभम्
hastābhyāṃ nāsikaṃ pātramaiśānyāṃ diśi vinyaset / ājyādhiśrayaṇaṃ kuryātpaścimottarataḥ śubham
Sanskrit only: no published translation is held for this verse.
भस्ममिश्रांस्तथाङ्गारान् ग्राहयेत्सकलेन वै । पश्चिमोत्तरतो नीत्वा तत्र चाज्यं प्रतापयेत्
bhasmamiśrāṃstathāṅgārān grāhayetsakalena vai / paścimottarato nītvā tatra cājyaṃ pratāpayet
Sanskrit only: no published translation is held for this verse.
कुशानग्नौ तु प्रज्वाल्य पर्यग्निं त्रिभिराचरेत् । तान्सर्वांस्तत्र निःक्षिप्य चाग्रे चाज्यं निधापयेत्
kuśānagnau tu prajvālya paryagniṃ tribhirācaret / tānsarvāṃstatra niḥkṣipya cāgre cājyaṃ nidhāpayet
Sanskrit only: no published translation is held for this verse.
अङ्गुष्ठमात्रौ तु कुशौ प्रक्षाल्य विधिनैव तु । पर्यग्निं च ततः कुर्यात्तैरेव नवभिः पुनः
aṅguṣṭhamātrau tu kuśau prakṣālya vidhinaiva tu / paryagniṃ ca tataḥ kuryāttaireva navabhiḥ punaḥ
Sanskrit only: no published translation is held for this verse.
पर्यग्निं च पुनः कुर्यात्तदाज्यमवरोपयेत् । अथापकर्षयेत् पात्रं क्रमेणोत्तरपश्चिमे
paryagniṃ ca punaḥ kuryāttadājyamavaropayet / athāpakarṣayet pātraṃ krameṇottarapaścime
Sanskrit only: no published translation is held for this verse.
संयुज्य चाग्निं काष्ठेन प्रक्षाल्यारोप्य पश्चिमे । आज्यस्योत्पवनं कुर्यात्पवित्राभ्यां सहैव तु
saṃyujya cāgniṃ kāṣṭhena prakṣālyāropya paścime / ājyasyotpavanaṃ kuryātpavitrābhyāṃ sahaiva tu
Sanskrit only: no published translation is held for this verse.
पृथगादाय हस्ताभ्यां प्रवाहेण यथाक्रमम् । अङ्गुष्ठानामिकाभ्यां तु उभाभ्यां मूलविद्यया
pṛthagādāya hastābhyāṃ pravāheṇa yathākramam / aṅguṣṭhānāmikābhyāṃ tu ubhābhyāṃ mūlavidyayā
Sanskrit only: no published translation is held for this verse.
अभ्युक्ष्य दापयेदग्नौ पवित्रे घृतपङ्किते । सौवर्णं स्रुक्स्रुवं कुर्याद्रत्निमात्रेण सुव्रत
abhyukṣya dāpayedagnau pavitre ghṛtapaṅkite / sauvarṇaṃ sruksruvaṃ kuryādratnimātreṇa suvrata
Sanskrit only: no published translation is held for this verse.
राजतं वा यथान्यायं सर्वलक्षणसंयुतम् । अथवा याज्ञिकैर्वृक्षैः कर्तव्यौ स्रुक्स्रुवा वुभौ
rājataṃ vā yathānyāyaṃ sarvalakṣaṇasaṃyutam / athavā yājñikairvṛkṣaiḥ kartavyau sruksruvā vubhau
Sanskrit only: no published translation is held for this verse.
अरत्निमात्रमायामं तत्पोत्रे तु बिलं भवेत् । षडङ्गुलपरीणाहॄं दण्डमूलं महामुने
aratnimātramāyāmaṃ tatpotre tu bilaṃ bhavet / ṣaḍaṅgulaparīṇāhṝṃ daṇḍamūlaṃ mahāmune
Sanskrit only: no published translation is held for this verse.
तदर्धं कण्ठानालं स्यात्पुष्करं मूलवद्भवेत् । गोवालसदृशं दण्डं म्रुवाग्रं नासिकासमम्
tadardhaṃ kaṇṭhānālaṃ syātpuṣkaraṃ mūlavadbhavet / govālasadṛśaṃ daṇḍaṃ mruvāgraṃ nāsikāsamam
Sanskrit only: no published translation is held for this verse.
पुटद्वयसमायुक्तं मुक्ताद्येन प्रपूरितम् । षट्त्रिंशदङ्गुलायाममष्टाङ्गुलसविस्तरम्
puṭadvayasamāyuktaṃ muktādyena prapūritam / ṣaṭtriṃśadaṅgulāyāmamaṣṭāṅgulasavistaram
Sanskrit only: no published translation is held for this verse.
उत्सेधस्तु तदर्धं स्यात्सूत्रेण समितं ततः । सप्ताङ्गुलं भवेदास्यं विस्तरायामतः पुनः
utsedhastu tadardhaṃ syātsūtreṇa samitaṃ tataḥ / saptāṅgulaṃ bhavedāsyaṃ vistarāyāmataḥ punaḥ
Sanskrit only: no published translation is held for this verse.
त्रिभागैकं भवेदग्रं कृत्वा शेषं परित्यजेत् । कण्ठं च द्व्यङ्गुलायामं विस्तारं चतुरङ्गुलम्
tribhāgaikaṃ bhavedagraṃ kṛtvā śeṣaṃ parityajet / kaṇṭhaṃ ca dvyaṅgulāyāmaṃ vistāraṃ caturaṅgulam
Sanskrit only: no published translation is held for this verse.
वेदिरष्टाङ्गुलायामाविस्तारस्तत्प्रमाणतः । तस्य मध्ये बिलं कुर्याच्चतुरङ्गुलमानतः
vediraṣṭāṅgulāyāmāvistārastatpramāṇataḥ / tasya madhye bilaṃ kuryāccaturaṅgulamānataḥ
Sanskrit only: no published translation is held for this verse.
बिलं सुवर्तितं कुर्यादष्टपत्रं सुकर्णिकम् । परितो बिलबाह्ये तु पट्टिकार्धाङ्गुलेन तु
bilaṃ suvartitaṃ kuryādaṣṭapatraṃ sukarṇikam / parito bilabāhye tu paṭṭikārdhāṅgulena tu
Sanskrit only: no published translation is held for this verse.
तद्ब्राह्मे च विनिदं तु पद्मपत्रविचित्रितम् । यवद्वयप्रमाणेन तद्ब्राह्मे पट्टिका भवेत्
tadbrāhme ca vinidaṃ tu padmapatravicitritam / yavadvayapramāṇena tadbrāhme paṭṭikā bhavet
Sanskrit only: no published translation is held for this verse.
वेदिकामध्यतो रन्ध्रं कनिष्ठाङ्गुलमानतः । खातं यावन्मुखान्तः स्याद्बिलमानं तु निम्रगम्
vedikāmadhyato randhraṃ kaniṣṭhāṅgulamānataḥ / khātaṃ yāvanmukhāntaḥ syādbilamānaṃ tu nimragam
Sanskrit only: no published translation is held for this verse.
दण्डं षडङ्गुलं नालं दण्डाग्रे दण्डिकात्रयम् । अर्धाङ्गुलविवृद्ध्यातु कर्तव्यं चतुरङ्गुलम्
daṇḍaṃ ṣaḍaṅgulaṃ nālaṃ daṇḍāgre daṇḍikātrayam / ardhāṅgulavivṛddhyātu kartavyaṃ caturaṅgulam
Sanskrit only: no published translation is held for this verse.
त्रयोदशाङ्गुलायामं दण्डमूले घटं भवेत् । द्व्यङ्गुलस्तु भवेत्कुंभो नाभिं विद्याद्दशाङ्गुलम्
trayodaśāṅgulāyāmaṃ daṇḍamūle ghaṭaṃ bhavet / dvyaṅgulastu bhavetkuṃbho nābhiṃ vidyāddaśāṅgulam
Sanskrit only: no published translation is held for this verse.
वेदिमध्ये तथा कृत्वा पादं कुर्याच्च द्व्यङ्गुलम् । पद्मपृष्ठसमाकारं पादं वै कर्णिकाकृतिम्
vedimadhye tathā kṛtvā pādaṃ kuryācca dvyaṅgulam / padmapṛṣṭhasamākāraṃ pādaṃ vai karṇikākṛtim
Sanskrit only: no published translation is held for this verse.
गजोष्ठसदृशाकारं तस्य पृष्ठाकृतिर्भवेत् । अभिचारादिकार्येषु कुर्यात्कृष्णायसेन तु
gajoṣṭhasadṛśākāraṃ tasya pṛṣṭhākṛtirbhavet / abhicārādikāryeṣu kuryātkṛṣṇāyasena tu
Sanskrit only: no published translation is held for this verse.
पञ्चविंशत्कुशेनैव स्रुक्स्रुवौ मार्जयेत् पुनः । अग्रमग्रेण संशोध्य मध्यं मध्येन सुव्रत
pañcaviṃśatkuśenaiva sruksruvau mārjayet punaḥ / agramagreṇa saṃśodhya madhyaṃ madhyena suvrata
Sanskrit only: no published translation is held for this verse.
मूलं मूलेन विधिना अग्नौ ताप्य हृदा पुनः । आज्यस्थाली प्रणीता च प्रोक्षणी तिस्र एव च
mūlaṃ mūlena vidhinā agnau tāpya hṛdā punaḥ / ājyasthālī praṇītā ca prokṣaṇī tisra eva ca
Sanskrit only: no published translation is held for this verse.
सौवर्णी राजती वापि ताम्री वा मृन्मयी तु वा । अन्यथा नैव कर्तव्यं शान्तिके पौष्टिके शुभे
sauvarṇī rājatī vāpi tāmrī vā mṛnmayī tu vā / anyathā naiva kartavyaṃ śāntike pauṣṭike śubhe
Sanskrit only: no published translation is held for this verse.
आयसी त्वभिचारे तु शान्तिके मृन्मयी तु वा । षडङ्गुलं सुविस्तीर्णं पात्राणां मुखमुच्यते
āyasī tvabhicāre tu śāntike mṛnmayī tu vā / ṣaḍaṅgulaṃ suvistīrṇaṃ pātrāṇāṃ mukhamucyate
Sanskrit only: no published translation is held for this verse.
प्रोक्षणी द्व्यङ्गुलोत्सेधा प्रणीता द्व्यङ्गुलाधिका । आज्यस्थाली ततस्तस्या उत्सेधो द्व्यङ्गुलाधिकः
prokṣaṇī dvyaṅgulotsedhā praṇītā dvyaṅgulādhikā / ājyasthālī tatastasyā utsedho dvyaṅgulādhikaḥ
Sanskrit only: no published translation is held for this verse.
यैः समिद्भिर्हुतं प्रोक्तं तैरेव परिधिर्भवेत् । मध्याङ्गुलपरीणाहा अवक्रआ निर्व्रणाः समाः
yaiḥ samidbhirhutaṃ proktaṃ taireva paridhirbhavet / madhyāṅgulaparīṇāhā avakraā nirvraṇāḥ samāḥ
Sanskrit only: no published translation is held for this verse.
द्वात्रिंशदङ्गुलायामास्तिस्रः परिधयःस्मृताः । द्वात्रिंशदङ्गुलायामैस्त्रिंशद्दर्भैः परिस्तरेत्
dvātriṃśadaṅgulāyāmāstisraḥ paridhayaḥsmṛtāḥ / dvātriṃśadaṅgulāyāmaistriṃśaddarbhaiḥ paristaret
Sanskrit only: no published translation is held for this verse.
चतुरङ्गुलमध्ये तु ग्रथितं तु प्रदाक्षिणम् । अभिचारादिकार्येषु शिवाग्न्याधानवर्जितम्
caturaṅgulamadhye tu grathitaṃ tu pradākṣiṇam / abhicārādikāryeṣu śivāgnyādhānavarjitam
Sanskrit only: no published translation is held for this verse.
अकोमलाः स्थिरा विप्र संग्राह्यस्त्वाभिचारिके । समग्राः सुसमाः स्थूलाः कनिष्ठाङ्गुलसंमिताः
akomalāḥ sthirā vipra saṃgrāhyastvābhicārike / samagrāḥ susamāḥ sthūlāḥ kaniṣṭhāṅgulasaṃmitāḥ
Sanskrit only: no published translation is held for this verse.
अवक्रआनिर्व्रणाः स्रिग्धा द्वादशाङ्गुलसंमिताः । समिधस्थं प्रमाणं हि सर्वकार्येषु सुव्रत
avakraānirvraṇāḥ srigdhā dvādaśāṅgulasaṃmitāḥ / samidhasthaṃ pramāṇaṃ hi sarvakāryeṣu suvrata
Sanskrit only: no published translation is held for this verse.
गव्यं घृतं ततः श्रेष्ठ कापिलं तु ततो ऽधिकम् । आहुतीनां ग्रमणं तु म्रुवं पूर्णं यथा भवेत्
gavyaṃ ghṛtaṃ tataḥ śreṣṭha kāpilaṃ tu tato 'dhikam / āhutīnāṃ gramaṇaṃ tu mruvaṃ pūrṇaṃ yathā bhavet
Sanskrit only: no published translation is held for this verse.
अन्नमक्षप्रमाणं स्याच्छुक्तिमात्रेण वै तिलः । यवानां च तदर्धं स्यात्फलानां स्वप्रमाणतः
annamakṣapramāṇaṃ syācchuktimātreṇa vai tilaḥ / yavānāṃ ca tadardhaṃ syātphalānāṃ svapramāṇataḥ
Sanskrit only: no published translation is held for this verse.
क्षिरस्य मधुनो दध्नः प्रमाणं घृतवद्भवेत् । चतुःम्रुवप्रमाणेन म्रुचा पूर्णाहुतिर्भवेत्
kṣirasya madhuno dadhnaḥ pramāṇaṃ ghṛtavadbhavet / catuḥmruvapramāṇena mrucā pūrṇāhutirbhavet
Sanskrit only: no published translation is held for this verse.
तदर्धं स्विष्टकृत्प्रोक्तं शेषं सर्वमथापि वा । शान्तिकं पौष्टिकं चैव शिवाग्नौ जुहुयात्सदा
tadardhaṃ sviṣṭakṛtproktaṃ śeṣaṃ sarvamathāpi vā / śāntikaṃ pauṣṭikaṃ caiva śivāgnau juhuyātsadā
Sanskrit only: no published translation is held for this verse.
लौकिकाग्नौ महाभाग मोहनोच्चाटनादयः । शिवाग्निं जनयित्वा तु सर्वकर्माणे सुव्रत
laukikāgnau mahābhāga mohanoccāṭanādayaḥ / śivāgniṃ janayitvā tu sarvakarmāṇe suvrata
Sanskrit only: no published translation is held for this verse.
सप्त जिह्वाः प्रकल्प्यैव सर्वकार्याणि कारयेत् । अथवा सर्वकार्याणि जिह्वामात्रेण सिध्यति
sapta jihvāḥ prakalpyaiva sarvakāryāṇi kārayet / athavā sarvakāryāṇi jihvāmātreṇa sidhyati
Sanskrit only: no published translation is held for this verse.
शिवाग्निरिति विप्रेन्द्रा जिह्वामात्रेण साधकः
śivāgniriti viprendrā jihvāmātreṇa sādhakaḥ
Sanskrit only: no published translation is held for this verse.
ॐ बहुरूपायै मध्यजिह्वायै अनेकवर्णायै दक्षिणोत्तरमध्यगायै शान्तिपौष्टिकमोक्षादिफलप्रदायै स्वाहा
oṃ bahurūpāyai madhyajihvāyai anekavarṇāyai dakṣiṇottaramadhyagāyai śāntipauṣṭikamokṣādiphalapradāyai svāhā
Sanskrit only: no published translation is held for this verse.
ॐ हिरण्यायै चामीकराभायै ईशानजिह्वायै ज्ञानप्रदायै स्वाहा
oṃ hiraṇyāyai cāmīkarābhāyai īśānajihvāyai jñānapradāyai svāhā
Sanskrit only: no published translation is held for this verse.
ॐ कनकायै कनकनिभायै रम्यायै एएन्द्रजिह्वायै स्वाहा
oṃ kanakāyai kanakanibhāyai ramyāyai eendrajihvāyai svāhā
Sanskrit only: no published translation is held for this verse.
ॐ रक्तायै रक्तवर्णायै आग्नेयजिह्वायै अनेकवर्णायै विद्वेषणमोहनायै स्वाहा
oṃ raktāyai raktavarṇāyai āgneyajihvāyai anekavarṇāyai vidveṣaṇamohanāyai svāhā
Sanskrit only: no published translation is held for this verse.
ॐ कृष्णायै नैरृतजिह्वायै मारणायै स्वाहा
oṃ kṛṣṇāyai nairṛtajihvāyai māraṇāyai svāhā
Sanskrit only: no published translation is held for this verse.
ॐ सुप्रभायैपश्चिमजिह्वायै मुक्ताफलायै शान्तिकायै पौष्टिकायै स्वाहा
oṃ suprabhāyaipaścimajihvāyai muktāphalāyai śāntikāyai pauṣṭikāyai svāhā
Sanskrit only: no published translation is held for this verse.
ॐ अभिव्यक्तायै वायव्यजिह्वायै शत्रूच्चाटनायै स्वाहा
oṃ abhivyaktāyai vāyavyajihvāyai śatrūccāṭanāyai svāhā
Sanskrit only: no published translation is held for this verse.
ॐ वह्नये तेजस्विने स्वाहा
oṃ vahnaye tejasvine svāhā
Sanskrit only: no published translation is held for this verse.
एतावद्वह्निसंस्कारमथवा वह्निकर्मसु । नैमित्तिके च विधिना शिवाग्निं कारयेत्पुनः
etāvadvahnisaṃskāramathavā vahnikarmasu / naimittike ca vidhinā śivāgniṃ kārayetpunaḥ
Sanskrit only: no published translation is held for this verse.
निरीक्षणं प्रोक्षणं ताडनं च षष्ठेन फडन्तेन अभ्युक्षणं चतुर्थेन खननोत्किरणं षष्ठेन पूरणं समीकरणमाद्येन सेचनं वौषडन्तेन कृट्टनं षष्ठेन संमार्जनोपलेपने तुरीयेण कुण्डपरिकल्पनं निवृत्त्या त्रिभिरेव कुण्डपरिधानं चतुर्थेन कुण्डार्चनमाद्येन रेखाचतुष्टयसपादनं षष्ठेन फडन्तेन वज्रीकरणं चतुष्पदापादनमाद्येन एवं कुण्डसंस्कारमष्टादशविधम्
nirīkṣaṇaṃ prokṣaṇaṃ tāḍanaṃ ca ṣaṣṭhena phaḍantena abhyukṣaṇaṃ caturthena khananotkiraṇaṃ ṣaṣṭhena pūraṇaṃ samīkaraṇamādyena secanaṃ vauṣaḍantena kṛṭṭanaṃ ṣaṣṭhena saṃmārjanopalepane turīyeṇa kuṇḍaparikalpanaṃ nivṛttyā tribhireva kuṇḍaparidhānaṃ caturthena kuṇḍārcanamādyena rekhācatuṣṭayasapādanaṃ ṣaṣṭhena phaḍantena vajrīkaraṇaṃ catuṣpadāpādanamādyena evaṃ kuṇḍasaṃskāramaṣṭādaśavidham
Sanskrit only: no published translation is held for this verse.
कुण्डसंस्कारानन्तरमक्षपाटनं षष्ठेन विष्टरन्यासमाद्येन वज्रासने वागीश्वर्यावाहनम्॥२५।६७ ॥ ॐ ह्रीं वागीश्वरीं श्यामवर्णां विशालाक्षीं यौवनोन्मत्तविग्रहाम् । ऋतुमतीं वागीश्वरशक्तिमावाहयामि
kuṇḍasaṃskārānantaramakṣapāṭanaṃ ṣaṣṭhena viṣṭaranyāsamādyena vajrāsane vāgīśvaryāvāhanam//25.67 // oṃ hrīṃ vāgīśvarīṃ śyāmavarṇāṃ viśālākṣīṃ yauvanonmattavigrahām / ṛtumatīṃ vāgīśvaraśaktimāvāhayāmi
Sanskrit only: no published translation is held for this verse.
वागीश्वरीं पूजयामि
vāgīśvarīṃ pūjayāmi
Sanskrit only: no published translation is held for this verse.
र्ॐ इं वागीश्वराय नमः । आवाहनस्थापनसन्निधानसन्निरोधपूजान्तं वागीश्वरीं संभाव्य गर्भाधानवह्निसंस्कारम्
roṃ iṃ vāgīśvarāya namaḥ / āvāhanasthāpanasannidhānasannirodhapūjāntaṃ vāgīśvarīṃ saṃbhāvya garbhādhānavahnisaṃskāram
Sanskrit only: no published translation is held for this verse.
एकवक्त्रं चतुर्भुजं शुद्धस्फटिकाभं वरदाभयहस्तं परशुमृगधरं जटामुकुटमण्डितं सर्वाभरणभूषितमावाहयामि
ekavaktraṃ caturbhujaṃ śuddhasphaṭikābhaṃ varadābhayahastaṃ paraśumṛgadharaṃ jaṭāmukuṭamaṇḍitaṃ sarvābharaṇabhūṣitamāvāhayāmi
Sanskrit only: no published translation is held for this verse.
र्ॐ इं वागीश्वराय नमः । आवाहनस्थापनसन्निधानसन्निरोधपूजान्तं वागीश्वरीं संभाव्य गर्भाधानवह्निसंस्कारम्
roṃ iṃ vāgīśvarāya namaḥ / āvāhanasthāpanasannidhānasannirodhapūjāntaṃ vāgīśvarīṃ saṃbhāvya garbhādhānavahnisaṃskāram
Sanskrit only: no published translation is held for this verse.
अरणीजनितं कान्तोद्भवंवा अग्निहोत्रजंवा ताम्रपात्रेशरावेवा आनीय निरीक्षणताडनाभ्युक्षणप्रक्षालनमाद्येनक्रव्यादाशिवपरित्यागोपि प्रथमेन वह्नेस्त्रैकारणं जठरभ्रूमद्यादावाह्यग्निं वैकारणमूर्तावाग्नेयेन उद्दीपनमाद्येन पुरषेण संहितया धारणा धेनुमुद्रां तुरीयेणावगुण्ठ्य जानुभ्यामवनिं गत्वा शरावोत्थापनं कुण्डोपरि निधाय प्रदक्षिणमावर्त्य तुरीयेणात्मसम्मुखां वागीश्वरीं गर्भनाड्यां गर्भाधानान्तरीयेण कमलप्रदानमाद्येन वौषडन्तेन कुशार्घ्यं दत्त्वा इन्धनप्रदानमाद्येन प्रज्वालनं गर्भाधानं चसद्येनाद्येन पूजनं वामेन पूजनं द्वितीयेन सीमन्तोन्नयनमघोरेणतृतीयेन पूजनम्
araṇījanitaṃ kāntodbhavaṃvā agnihotrajaṃvā tāmrapātreśarāvevā ānīya nirīkṣaṇatāḍanābhyukṣaṇaprakṣālanamādyenakravyādāśivaparityāgopi prathamena vahnestraikāraṇaṃ jaṭharabhrūmadyādāvāhyagniṃ vaikāraṇamūrtāvāgneyena uddīpanamādyena puraṣeṇa saṃhitayā dhāraṇā dhenumudrāṃ turīyeṇāvaguṇṭhya jānubhyāmavaniṃ gatvā śarāvotthāpanaṃ kuṇḍopari nidhāya pradakṣiṇamāvartya turīyeṇātmasammukhāṃ vāgīśvarīṃ garbhanāḍyāṃ garbhādhānāntarīyeṇa kamalapradānamādyena vauṣaḍantena kuśārghyaṃ dattvā indhanapradānamādyena prajvālanaṃ garbhādhānaṃ casadyenādyena pūjanaṃ vāmena pūjanaṃ dvitīyena sīmantonnayanamaghoreṇatṛtīyena pūjanam
Sanskrit only: no published translation is held for this verse.
अवयवव्याप्तिक्त्रोदनं वक्त्रनिष्कृतिरिति तृतीयेन गर्भजातकर्मपुरुषेण पूजनं तुरीयेम षष्ठेन प्रोक्षणं सूतकशुद्धये चाग्निसूनुरक्षाकुसास्त्रेण वक्त्रेणाग्नौ मूलमीसाग्रं नैरृतिमूलं वायव्याग्रं वायव्यमूलमीशाग्रमिति कुशास्तरममितिपूर्वोक्तमिध्ममग्रमूलघृताक्तं लालापनोदाय षष्ठेन जुहुयात्
avayavavyāptiktrodanaṃ vaktraniṣkṛtiriti tṛtīyena garbhajātakarmapuruṣeṇa pūjanaṃ turīyema ṣaṣṭhena prokṣaṇaṃ sūtakaśuddhaye cāgnisūnurakṣākusāstreṇa vaktreṇāgnau mūlamīsāgraṃ nairṛtimūlaṃ vāyavyāgraṃ vāyavyamūlamīśāgramiti kuśāstaramamitipūrvoktamidhmamagramūlaghṛtāktaṃ lālāpanodāya ṣaṣṭhena juhuyāt
Sanskrit only: no published translation is held for this verse.
पञ्चपूर्वातिक्रमेण परिधिविष्टरन्यासो ऽपि आद्येन विष्टरोपरि हिरण्यगर्भहरनारायणानपि पूजयेत्
pañcapūrvātikrameṇa paridhiviṣṭaranyāso 'pi ādyena viṣṭaropari hiraṇyagarbhaharanārāyaṇānapi pūjayet
Sanskrit only: no published translation is held for this verse.
इन्द्रादिलोकपालांश्च पूजयेत्
indrādilokapālāṃśca pūjayet
Sanskrit only: no published translation is held for this verse.
वज्रावर्तपर्यन्तानपि पूजयेत्
vajrāvartaparyantānapi pūjayet
Sanskrit only: no published translation is held for this verse.
वागीश्वरवागीश्वरीपूजाद्येनमुद्वास्य हुतं विसर्जयेत्
vāgīśvaravāgīśvarīpūjādyenamudvāsya hutaṃ visarjayet
Sanskrit only: no published translation is held for this verse.
स्रक्स्रुवसंस्कारमथो निरीक्षणप्रोक्षमताडनाभ्युक्षणादीनि पूर्ववत् स्रक् स्रुवं च हस्तद्वये गृहीत्वा संस्थापनमाद्येन ताडनमपि स्रुक्स्रुवोपरि दर्भानुलेखनमूलमद्यमाग्रेण त्रित्वेन स्रक्शाक्ति स्रुवमपि शंभुं दक्षिणपार्श्वे कुशोपरि शक्तये नमः शंभवे नमः
sraksruvasaṃskāramatho nirīkṣaṇaprokṣamatāḍanābhyukṣaṇādīni pūrvavat srak sruvaṃ ca hastadvaye gṛhītvā saṃsthāpanamādyena tāḍanamapi sruksruvopari darbhānulekhanamūlamadyamāgreṇa tritvena srakśākti sruvamapi śaṃbhuṃ dakṣiṇapārśve kuśopari śaktaye namaḥ śaṃbhave namaḥ
Sanskrit only: no published translation is held for this verse.
ततो ह्यन्तिसूत्रेण स्रुक्स्रुवौ तुरीयेम वेष्टयेदर्चयेच्च
tato hyantisūtreṇa sruksruvau turīyema veṣṭayedarcayecca
Sanskrit only: no published translation is held for this verse.
धेनुमुद्रां दर्शायित्वा तुरीयेणावगुण्ठ्य षष्ठेन रक्षां विधाय स्रुक्स्रुवसंस्कारः पूर्वमेवोक्तः
dhenumudrāṃ darśāyitvā turīyeṇāvaguṇṭhya ṣaṣṭhena rakṣāṃ vidhāya sruksruvasaṃskāraḥ pūrvamevoktaḥ
Sanskrit only: no published translation is held for this verse.
पुनराज्यसंस्कारः पूर्वेमेवोक्तः निरीक्षणप्रोक्षणताडनाभुक्षणादीनि पूर्ववत्
punarājyasaṃskāraḥ pūrvemevoktaḥ nirīkṣaṇaprokṣaṇatāḍanābhukṣaṇādīni pūrvavat
Sanskrit only: no published translation is held for this verse.
आज्यप्रतापनमैशान्यां वा षष्ठेन वेद्युपरि विन्यस्य घृतपात्रं वितस्तिमात्रं कुशपवित्रं वामहस्ताङ्गुष्ठानामिकाग्रं गृहीत्वा दक्षिणाङ्गुष्ठानामिकामूलं गृहीत्वाग्निज्वालोत्पवनं स्वाहान्तेन तुरीयेण पुनः षड् दर्भान् गृहीत्वा पूर्ववत्स्वात्मसंप्लवनं स्वहान्तेनाद्येन कुशद्वयपवित्रबन्धनं चाद्येनघृते न्यसेदिति पवित्रीकरणम्
ājyapratāpanamaiśānyāṃ vā ṣaṣṭhena vedyupari vinyasya ghṛtapātraṃ vitastimātraṃ kuśapavitraṃ vāmahastāṅguṣṭhānāmikāgraṃ gṛhītvā dakṣiṇāṅguṣṭhānāmikāmūlaṃ gṛhītvāgnijvālotpavanaṃ svāhāntena turīyeṇa punaḥ ṣaḍ darbhān gṛhītvā pūrvavatsvātmasaṃplavanaṃ svahāntenādyena kuśadvayapavitrabandhanaṃ cādyenaghṛte nyasediti pavitrīkaraṇam
Sanskrit only: no published translation is held for this verse.
दर्भद्वयं प्रगृह्याग्निप्रज्वालनं घृतं त्रिधा वर्तयेत् । संप्रोक्ष्याग्नौ निधापयेदिति नीराजनम्
darbhadvayaṃ pragṛhyāgniprajvālanaṃ ghṛtaṃ tridhā vartayet / saṃprokṣyāgnau nidhāpayediti nīrājanam
Sanskrit only: no published translation is held for this verse.
पुनर्दर्भान् गृहीत्वा कीटकादि निरीक्ष्यार्घ्येण संप्रोक्ष्य दर्भानग्नौ निधाय इत्यवद्योतनम्
punardarbhān gṛhītvā kīṭakādi nirīkṣyārghyeṇa saṃprokṣya darbhānagnau nidhāya ityavadyotanam
Sanskrit only: no published translation is held for this verse.
दर्भद्वयं गृहीत्वाग्निज्वालया घृतं निरीक्षयेत्
darbhadvayaṃ gṛhītvāgnijvālayā ghṛtaṃ nirīkṣayet
Sanskrit only: no published translation is held for this verse.
दर्भेण गृहीत्वा तेनाग्रद्वयेन शुक्लपक्षद्वयेनाद्येनेति कृष्णपक्षसंपातनं घृतं त्रिभागेन विभज्य स्रुवेणैकभागेनाज्येनाग्नयेस्वाहा द्वितीयेनाज्येन सोमाय स्वाहा आज्येन ॐ अग्नीषोमाभ्यां स्वाहा आज्येनाग्नये स्विष्टकृते स्वाहा
darbheṇa gṛhītvā tenāgradvayena śuklapakṣadvayenādyeneti kṛṣṇapakṣasaṃpātanaṃ ghṛtaṃ tribhāgena vibhajya sruveṇaikabhāgenājyenāgnayesvāhā dvitīyenājyena somāya svāhā ājyena oṃ agnīṣomābhyāṃ svāhā ājyenāgnaye sviṣṭakṛte svāhā
Sanskrit only: no published translation is held for this verse.
पुनः कुशेन गृहीत्वा संहिताभिमन्त्रेण नमोन्तेनाभिमन्त्रयेत्
punaḥ kuśena gṛhītvā saṃhitābhimantreṇa namontenābhimantrayet
Sanskrit only: no published translation is held for this verse.
अभिमन्त्र्य देनुमुद्राप्रदर्शनकवचावगुण्ठनास्त्रेण रक्षाम् । अथ संस्कृते निधापयेत् आज्यसंस्कारः
abhimantrya denumudrāpradarśanakavacāvaguṇṭhanāstreṇa rakṣām / atha saṃskṛte nidhāpayet ājyasaṃskāraḥ
Sanskrit only: no published translation is held for this verse.
आज्येन म्रुग्वदनेन चक्रआभिघारणं शक्तिबीजादिशानमूर्तये स्वाहा । पूर्ववत्पुरुषवत्त्राय स्वाहा अघोरहृदयायस्वाहा वामदेवाय गुह्याय स्वाहा सद्योजातमूर्तये स्वाहा । इति वक्त्रोद्घाटनम्
ājyena mrugvadanena cakraābhighāraṇaṃ śaktibījādiśānamūrtaye svāhā / pūrvavatpuruṣavattrāya svāhā aghorahṛdayāyasvāhā vāmadevāya guhyāya svāhā sadyojātamūrtaye svāhā / iti vaktrodghāṭanam
Sanskrit only: no published translation is held for this verse.
ईशानमूर्तये तत्पुरुषवक्त्राय स्वाहा तत्पुरुषवक्त्राय अघोरहृदयाय स्वाहा अघोरहृदयाय वामगुह्याय सद्योजतमूर्तये स्वाहा इति वक्त्रसंधानम् ईशानमूर्तये तत्पुरुषाय वक्त्राय अघोरहृदयाय वामदेवाय गुह्या सद्योजाताय स्वाहा इति वक्त्रसंधानम्
īśānamūrtaye tatpuruṣavaktrāya svāhā tatpuruṣavaktrāya aghorahṛdayāya svāhā aghorahṛdayāya vāmaguhyāya sadyojatamūrtaye svāhā iti vaktrasaṃdhānam īśānamūrtaye tatpuruṣāya vaktrāya aghorahṛdayāya vāmadevāya guhyā sadyojātāya svāhā iti vaktrasaṃdhānam
Sanskrit only: no published translation is held for this verse.
ईशानमूर्तये तत्पुरुषाय वक्त्राय अघोरहृदयाय वामदेवाय गुह्याय सद्योजातमूर्तये स्वाहा इति वक्त्रैक्यकरणम्
īśānamūrtaye tatpuruṣāya vaktrāya aghorahṛdayāya vāmadevāya guhyāya sadyojātamūrtaye svāhā iti vaktraikyakaraṇam
Sanskrit only: no published translation is held for this verse.
शिवाग्निं जनयित्वैवं सर्वकर्माणि कारयेत् । केवलं जिह्वया वापि शान्तिकाद्यानि सर्वदा
śivāgniṃ janayitvaivaṃ sarvakarmāṇi kārayet / kevalaṃ jihvayā vāpi śāntikādyāni sarvadā
Sanskrit only: no published translation is held for this verse.
गर्भाधानादिकार्येषु वह्नेः प्रत्येकमव्यय । दश आहुतायो देया योनिबीजेन पञ्चधा
garbhādhānādikāryeṣu vahneḥ pratyekamavyaya / daśa āhutāyo deyā yonibījena pañcadhā
Sanskrit only: no published translation is held for this verse.
शिवाग्नौ कल्पयेद्दिव्यं पूर्ववत्परमासनम् । आवाहनं तथा न्यासं यथा देवे तथार्चनम्
śivāgnau kalpayeddivyaṃ pūrvavatparamāsanam / āvāhanaṃ tathā nyāsaṃ yathā deve tathārcanam
Sanskrit only: no published translation is held for this verse.
मूलमन्त्रं सकृज्जप्त्वा देवदेवं प्रमम्य च । प्राणायामत्रयं कृत्वा सगर्भं सर्वसंमतम्
mūlamantraṃ sakṛjjaptvā devadevaṃ pramamya ca / prāṇāyāmatrayaṃ kṛtvā sagarbhaṃ sarvasaṃmatam
Sanskrit only: no published translation is held for this verse.
परिपेचनपूर्वं च तदिध्ममभिगार्य च । जुहुयादग्निमध्ये तु ज्वलिते ऽथ महामुने
paripecanapūrvaṃ ca tadidhmamabhigārya ca / juhuyādagnimadhye tu jvalite 'tha mahāmune
Sanskrit only: no published translation is held for this verse.
आघारावपि चाधाय चाज्येनैव तु षण्मुके । आज्यभागौ तु जुहुयाद्विधिनैव घृतेन च
āghārāvapi cādhāya cājyenaiva tu ṣaṇmuke / ājyabhāgau tu juhuyādvidhinaiva ghṛtena ca
Sanskrit only: no published translation is held for this verse.
चक्षुषी चाज्यभागौ तु चाग्नये च तथोत्तरे । आत्मनो दक्षिणे चैव सोमायेति द्विजोत्तम
cakṣuṣī cājyabhāgau tu cāgnaye ca tathottare / ātmano dakṣiṇe caiva somāyeti dvijottama
Sanskrit only: no published translation is held for this verse.
प्रत्यङ्मुखस्य देवस्य शिवाग्नेर्ब्रह्मणः सुत । अक्षि वै दक्षिणं चैव चोत्तरं चोत्तरं तथा
pratyaṅmukhasya devasya śivāgnerbrahmaṇaḥ suta / akṣi vai dakṣiṇaṃ caiva cottaraṃ cottaraṃ tathā
Sanskrit only: no published translation is held for this verse.
दक्षिणं तु महाभाग भवत्येव न संशयः । आज्येनाहुतयस्तत्र मूलेनैव दशैव तु
dakṣiṇaṃ tu mahābhāga bhavatyeva na saṃśayaḥ / ājyenāhutayastatra mūlenaiva daśaiva tu
Sanskrit only: no published translation is held for this verse.
चरुणा च यथावद्धि समिद्भिश्च तथा स्मृतम् । पूर्णाहुतिं ततो दद्यान्मूलमन्त्रेण सुव्रत
caruṇā ca yathāvaddhi samidbhiśca tathā smṛtam / pūrṇāhutiṃ tato dadyānmūlamantreṇa suvrata
Sanskrit only: no published translation is held for this verse.
सर्वावरणदेवानां पञ्चपञ्चैव पूर्ववत् । ईशानादिक्रमेणैव शक्तिबीजक्रमेण च
sarvāvaraṇadevānāṃ pañcapañcaiva pūrvavat / īśānādikrameṇaiva śaktibījakrameṇa ca
Sanskrit only: no published translation is held for this verse.
प्रायाश्चित्तमगोरेण स्वेष्टान्तं पूर्ववत्स्मृतम् । त्रिप्रकारं मया प्रोक्तमग्निकार्यं सुशोभनम्
prāyāścittamagoreṇa sveṣṭāntaṃ pūrvavatsmṛtam / triprakāraṃ mayā proktamagnikāryaṃ suśobhanam
Sanskrit only: no published translation is held for this verse.
यतावसरमेवं हि कुर्यान्नित्यं महामुने । जीवितान्ते लभेत्स्वर्गं लभेते अग्निहीपनम्
yatāvasaramevaṃ hi kuryānnityaṃ mahāmune / jīvitānte labhetsvargaṃ labhete agnihīpanam
Sanskrit only: no published translation is held for this verse.
नरकं चैव नाप्नोति यस्य कस्यापि कर्मणः । अहिंसकं चरेद्धोमं साधको मुक्तिकाङ्क्षकः
narakaṃ caiva nāpnoti yasya kasyāpi karmaṇaḥ / ahiṃsakaṃ careddhomaṃ sādhako muktikāṅkṣakaḥ
Sanskrit only: no published translation is held for this verse.
हृदिस्थं चिन्तयेदग्निं ध्यानयज्ञेन होमयेत् । देहस्थं सर्वभूतानां शिवं सर्वजगत्पतिम्
hṛdisthaṃ cintayedagniṃ dhyānayajñena homayet / dehasthaṃ sarvabhūtānāṃ śivaṃ sarvajagatpatim
Sanskrit only: no published translation is held for this verse.
तं ज्ञात्वा होमयेद्भक्त्या प्राणायामेन नित्यशः । बाह्यहोमप्रदाता तु पाषाणे दर्दुरो भवेत्
taṃ jñātvā homayedbhaktyā prāṇāyāmena nityaśaḥ / bāhyahomapradātā tu pāṣāṇe darduro bhavet
Sanskrit only: no published translation is held for this verse.