Liṅga Purāṇa 2.27

उर्वारुकमिव बन्धनान् मृत्योर् मुक्षीय मामृतात् । मन्त्रेणानेन राजानं सेचयेद्वाथ होमयेत्

urvārukamiva bandhanān mṛtyor mukṣīya māmṛtāt / mantreṇānena rājānaṃ secayedvātha homayet

Sanskrit only: no published translation is held for this verse.

सर्वद्रव्याभिषेकं च होमद्रव्यैर्यथाक्रमम् । प्रागाद्यं ब्रह्मभिः प्रोक्तं सर्वद्रव्यैर्यथाक्रमम्

sarvadravyābhiṣekaṃ ca homadravyairyathākramam / prāgādyaṃ brahmabhiḥ proktaṃ sarvadravyairyathākramam

Sanskrit only: no published translation is held for this verse.

तत्पुरषाय विद्महे महादेवाय धीमहि । तन्नो रुद्रः प्रचोदयात् ॥ लिप् २,२७।२४५ ॥
स्वाहान्तं पुरुषेणैवं प्राक्कुण्डं होमयोद्द्विजः । अघोरेण च याम्ये च होमयेत्कृष्णवाससा

tatpuraṣāya vidmahe mahādevāya dhīmahi / tanno rudraḥ pracodayāt // LiP 2,27.245 //
svāhāntaṃ puruṣeṇaivaṃ prākkuṇḍaṃ homayoddvijaḥ / aghoreṇa ca yāmye ca homayetkṛṣṇavāsasā

Sanskrit only: no published translation is held for this verse.

वामदेवाय नमो ज्येष्ठाय नमः श्रेष्ठाय नमो रुद्राय नमः । इत्याद्युक्तक्रमेणैव जुहुयात्पश्चिमे नरः

vāmadevāya namo jyeṣṭhāya namaḥ śreṣṭhāya namo rudrāya namaḥ / ityādyuktakrameṇaiva juhuyātpaścime naraḥ

Sanskrit only: no published translation is held for this verse.

सद्येन पश्चिमे होमः सर्वद्रव्यैर्यथाक्रमम् । सद्योजातं प्रपद्यामि सद्योजाताय वै नमः

sadyena paścime homaḥ sarvadravyairyathākramam / sadyojātaṃ prapadyāmi sadyojātāya vai namaḥ

Sanskrit only: no published translation is held for this verse.

भवे भवेनाति भवे भवस्व मां भवोद्भवाय नमः । स्वाहादं जुहुयादग्नौ मन्त्रेणानेन बुद्धिमान्

bhave bhavenāti bhave bhavasva māṃ bhavodbhavāya namaḥ / svāhādaṃ juhuyādagnau mantreṇānena buddhimān

Sanskrit only: no published translation is held for this verse.

आग्नेय्यां च विधानेन ऋचा रौद्रेण होमयेत् । जातवेदसे सुनवाम सोममित्यादिना ततः । नैरृते पूर्ववद्द्रव्यैः सर्वैर्हेमो विधीयते

āgneyyāṃ ca vidhānena ṛcā raudreṇa homayet / jātavedase sunavāma somamityādinā tataḥ / nairṛte pūrvavaddravyaiḥ sarvairhemo vidhīyate

Sanskrit only: no published translation is held for this verse.

मन्त्रेणानेन दिव्येन सर्वसिद्धिकरेण च । निमि निशि दिश स्वाहा खड्ग राक्षस भेदन

mantreṇānena divyena sarvasiddhikareṇa ca / nimi niśi diśa svāhā khaḍga rākṣasa bhedana

Sanskrit only: no published translation is held for this verse.

रुधिराज्यार्द्र नैरृत्यै स्वाहा नमः स्वधानमः । यथेष्टं विधिना द्रव्यैर्मत्रेणानेन होमयेत्

rudhirājyārdra nairṛtyai svāhā namaḥ svadhānamaḥ / yatheṣṭaṃ vidhinā dravyairmatreṇānena homayet

Sanskrit only: no published translation is held for this verse.

यम्यां हि विविधैर्द्रव्यैरीशानेन द्विजोत्तमाः । ईशान्यामथ पूर्वेक्तैर्द्रव्यैर्हेममताचरेत्

yamyāṃ hi vividhairdravyairīśānena dvijottamāḥ / īśānyāmatha pūrvektairdravyairhemamatācaret

Sanskrit only: no published translation is held for this verse.

इशानाय कद्रुद्राय प्रचेतसे त्र्यंबकाय शर्वाय तन्नो रुद्रः प्रचोदयात्

iśānāya kadrudrāya pracetase tryaṃbakāya śarvāya tanno rudraḥ pracodayāt

Sanskrit only: no published translation is held for this verse.

प्रधानं पूर्ववद्द्रव्यैरीशानेन द्विजोत्तमाः । प्रतिद्रव्यं सहस्रेण जुहुयान्नृपसन्निधौ

pradhānaṃ pūrvavaddravyairīśānena dvijottamāḥ / pratidravyaṃ sahasreṇa juhuyānnṛpasannidhau

Sanskrit only: no published translation is held for this verse.

स्वयं वा जुहुयादग्नौ भूपतिः शिवात्सलः । ईशानः सर्वविद्यानामीश्वीरः सर्वभूतानां ब्रह्माधिपतिर्ब्रह्मणो ऽधिपतिर्ब्रह्मा शिवो मे अस्तु सदा शिवोम्

svayaṃ vā juhuyādagnau bhūpatiḥ śivātsalaḥ / īśānaḥ sarvavidyānāmīśvīraḥ sarvabhūtānāṃ brahmādhipatirbrahmaṇo 'dhipatirbrahmā śivo me astu sadā śivom

Sanskrit only: no published translation is held for this verse.

प्रायाश्चित्तमघोरेण शेषं सामान्यमाचरेत् । कृताधिवासं राजानं शङ्खभेर्यादिनिस्वनैः

prāyāścittamaghoreṇa śeṣaṃ sāmānyamācaret / kṛtādhivāsaṃ rājānaṃ śaṅkhabheryādinisvanaiḥ

Sanskrit only: no published translation is held for this verse.

जयशब्दरवैर्दिव्यैर्वेदघोषैः सुशोभनैः । सेचयेत्कूर्चतोयेन प्रोक्षयेद्वा नृपोत्तमम्

jayaśabdaravairdivyairvedaghoṣaiḥ suśobhanaiḥ / secayetkūrcatoyena prokṣayedvā nṛpottamam

Sanskrit only: no published translation is held for this verse.

रुद्राध्यायेन विधिना रुद्रभस्माङ्गधारिणम् । शङ्खचामरभेर्याद्यं छत्रं चन्द्रसमप्रभम्

rudrādhyāyena vidhinā rudrabhasmāṅgadhāriṇam / śaṅkhacāmarabheryādyaṃ chatraṃ candrasamaprabham

Sanskrit only: no published translation is held for this verse.

शिबिकां वैजयन्तीं च साधयेन्नृपतेः शुभाम् । राज्याभिषेकयुक्ताय क्षत्रियायेश्वराय वा

śibikāṃ vaijayantīṃ ca sādhayennṛpateḥ śubhām / rājyābhiṣekayuktāya kṣatriyāyeśvarāya vā

Sanskrit only: no published translation is held for this verse.

नृपचिह्नानि नान्येषां क्षत्रियाणां विधीयते । प्रमाणं चैव सर्वेषां द्वादशाङ्गुलमुच्यते

nṛpacihnāni nānyeṣāṃ kṣatriyāṇāṃ vidhīyate / pramāṇaṃ caiva sarveṣāṃ dvādaśāṅgulamucyate

Sanskrit only: no published translation is held for this verse.

पलाशोदुंबराश्वत्थवटाः पूर्वादितः क्रमात् । तोरणाद्यानि वै तत्र पट्टमात्रेण पट्टिकाः

palāśoduṃbarāśvatthavaṭāḥ pūrvāditaḥ kramāt / toraṇādyāni vai tatra paṭṭamātreṇa paṭṭikāḥ

Sanskrit only: no published translation is held for this verse.

अष्टमाङ्गुलसंयुक्तदर्भमालासमावृतम् । दिग्ध्वजाष्टकसंयुक्तं द्वारकुंभैः सुशोभनम्

aṣṭamāṅgulasaṃyuktadarbhamālāsamāvṛtam / digdhvajāṣṭakasaṃyuktaṃ dvārakuṃbhaiḥ suśobhanam

Sanskrit only: no published translation is held for this verse.

हेमतोरणकुंभैश्च भूषितं स्नापयेन्नृपम् । सर्वोपरि समासीनं शिवकुंभेन सेचयेत्

hematoraṇakuṃbhaiśca bhūṣitaṃ snāpayennṛpam / sarvopari samāsīnaṃ śivakuṃbhena secayet

Sanskrit only: no published translation is held for this verse.

तन्महेशाय विद्महे वाग्विशुद्धाय धीमहि । तन्नः शिवः प्रचोदयात् ॥ लिप् २,२७।२६५ ॥
मन्त्रेणानेन विधिना वर्धन्या गौरिगीतया । रुद्राध्यायेन वा सर्वमघोरायाथ वा पुनः

tanmaheśāya vidmahe vāgviśuddhāya dhīmahi / tannaḥ śivaḥ pracodayāt // LiP 2,27.265 //
mantreṇānena vidhinā vardhanyā gaurigītayā / rudrādhyāyena vā sarvamaghorāyātha vā punaḥ

Sanskrit only: no published translation is held for this verse.

दिव्यैराभरणैः शुक्लैर्मुकुटाद्यैः सुकल्पितैः । क्षौमवस्त्रैश्च राजानं तोषयेन्नियतं शनैः

divyairābharaṇaiḥ śuklairmukuṭādyaiḥ sukalpitaiḥ / kṣaumavastraiśca rājānaṃ toṣayenniyataṃ śanaiḥ

Sanskrit only: no published translation is held for this verse.

अष्टषष्टिपलेनैव हेम्ना कृत्वा सुदर्शनम् । नवरत्नैरलङ्कृत्य दद्याद्वै दक्षिणाः गुरोः

aṣṭaṣaṣṭipalenaiva hemnā kṛtvā sudarśanam / navaratnairalaṅkṛtya dadyādvai dakṣiṇāḥ guroḥ

Sanskrit only: no published translation is held for this verse.

दशधेनु सवस्त्रं च दद्यात्क्षेत्रं सुशोभनम् । शतद्रोणतिलं चैव शतद्रोणांश्च तण्डुलान्

daśadhenu savastraṃ ca dadyātkṣetraṃ suśobhanam / śatadroṇatilaṃ caiva śatadroṇāṃśca taṇḍulān

Sanskrit only: no published translation is held for this verse.

शयनं वाहनं शय्यां सोपधानां प्रदापयेत् । योगिनां चैव सर्वेषां त्रिंशत्पलमुदाहृतम्

śayanaṃ vāhanaṃ śayyāṃ sopadhānāṃ pradāpayet / yogināṃ caiva sarveṣāṃ triṃśatpalamudāhṛtam

Sanskrit only: no published translation is held for this verse.

अशेषांश्च तदर्धेन शिवभक्तांस्तदर्धतः । महापूजां ततः कुर्यान्महादेवस्य वै नृपः

aśeṣāṃśca tadardhena śivabhaktāṃstadardhataḥ / mahāpūjāṃ tataḥ kuryānmahādevasya vai nṛpaḥ

Sanskrit only: no published translation is held for this verse.

एवं समासतः प्रोक्तं जयसेचनमुत्तमम् । एवं पुराभिषिक्तस्तु शक्रः शक्रत्वमागतः

evaṃ samāsataḥ proktaṃ jayasecanamuttamam / evaṃ purābhiṣiktastu śakraḥ śakratvamāgataḥ

Sanskrit only: no published translation is held for this verse.

ब्रह्मा ब्रह्मत्वमापन्नो विष्णुर्विष्णुत्वमागतः । अंबिका चांबिकात्वं च सौभाग्यमतुलं तथा

brahmā brahmatvamāpanno viṣṇurviṣṇutvamāgataḥ / aṃbikā cāṃbikātvaṃ ca saubhāgyamatulaṃ tathā

Sanskrit only: no published translation is held for this verse.

सावित्री च तथा लक्ष्मीर्देवी कात्यायनी तथा । नन्दिनाथ पुरा मृत्यू रुद्राध्यायेन वै जितः

sāvitrī ca tathā lakṣmīrdevī kātyāyanī tathā / nandinātha purā mṛtyū rudrādhyāyena vai jitaḥ

Sanskrit only: no published translation is held for this verse.

अभिषिक्तो ऽसुरः पूर्वं तारकाख्यो महाबलः । विद्युन्माली हिरण्याक्षो विष्णुना वै विनिर्जितः

abhiṣikto 'suraḥ pūrvaṃ tārakākhyo mahābalaḥ / vidyunmālī hiraṇyākṣo viṣṇunā vai vinirjitaḥ

Sanskrit only: no published translation is held for this verse.

नृसिंहेन पुरा दैत्यो हिरण्यकशिपुर्हतः । स्कन्देन तारकाद्याश्च कौशिक्या च पुरांबया

nṛsiṃhena purā daityo hiraṇyakaśipurhataḥ / skandena tārakādyāśca kauśikyā ca purāṃbayā

Sanskrit only: no published translation is held for this verse.

सुंदोपसुंदतनयौ जितौ दैत्येन्द्रपूजितौ । वसुदेवसुदेवौ तु निहतौ कृतकृत्यया

suṃdopasuṃdatanayau jitau daityendrapūjitau / vasudevasudevau tu nihatau kṛtakṛtyayā

Sanskrit only: no published translation is held for this verse.

स्नानयोगेन विधिना ब्रह्मणा निर्मितेन तु । दैवासुरे दितिसुता जिता देवैरनिन्दिताः

snānayogena vidhinā brahmaṇā nirmitena tu / daivāsure ditisutā jitā devairaninditāḥ

Sanskrit only: no published translation is held for this verse.

स्नाप्यैव सर्वभूपैश्च ततान्यैरपि भूसुरैः । प्राप्ताश्च सिद्धयो दिव्यानात्र कार्या विचारणा

snāpyaiva sarvabhūpaiśca tatānyairapi bhūsuraiḥ / prāptāśca siddhayo divyānātra kāryā vicāraṇā

Sanskrit only: no published translation is held for this verse.

अहो ऽभिषेकमाहात्म्यमहो शुद्धसुभाषितम् । येनैवमभिषिक्तेन सिद्धैर्मृत्युर्जितस्त्विति

aho 'bhiṣekamāhātmyamaho śuddhasubhāṣitam / yenaivamabhiṣiktena siddhairmṛtyurjitastviti

Sanskrit only: no published translation is held for this verse.

कल्पकोटिशतेनापि यत्पापं समुपार्जितम् । स्नात्वैवं मुच्यते राजा सर्वपापैर्न संशयः

kalpakoṭiśatenāpi yatpāpaṃ samupārjitam / snātvaivaṃ mucyate rājā sarvapāpairna saṃśayaḥ

Sanskrit only: no published translation is held for this verse.

व्याधितो मुच्यते राजा क्षयकुष्ठादिभिः पुनः । स नित्यं विजयी भूत्वा पुत्रपौत्रादिभिर्युतः

vyādhito mucyate rājā kṣayakuṣṭhādibhiḥ punaḥ / sa nityaṃ vijayī bhūtvā putrapautrādibhiryutaḥ

Sanskrit only: no published translation is held for this verse.

जनानुरागसंपन्नो देवराज इवापरः । मोदते पापहीनश्च प्रियया धर्मनिष्ठया

janānurāgasaṃpanno devarāja ivāparaḥ / modate pāpahīnaśca priyayā dharmaniṣṭhayā

Sanskrit only: no published translation is held for this verse.

उद्देसमात्रं कथितं फलं परमशोभनम् । नृपाणामुपकाराय स्वायंभुव मनो मया

uddesamātraṃ kathitaṃ phalaṃ paramaśobhanam / nṛpāṇāmupakārāya svāyaṃbhuva mano mayā

Sanskrit only: no published translation is held for this verse.