Liṅga Purāṇa 2.29

इति श्रीलिङ्गमहापुराणे उत्तरभागे तुलापुरुषदानविधावष्टाविंशत्तमो ऽध्यायः सनत्कुमार उवाच तुला ते कथिता ह्येषा आद्या सामान्यरूपिणी । हिरण्यगर्भं वक्ष्यामि द्वितीयं सर्वसिद्धिदम्

iti śrīliṅgamahāpurāṇe uttarabhāge tulāpuruṣadānavidhāvaṣṭāviṃśattamo 'dhyāyaḥ sanatkumāra uvāca tulā te kathitā hyeṣā ādyā sāmānyarūpiṇī / hiraṇyagarbhaṃ vakṣyāmi dvitīyaṃ sarvasiddhidam

Sanskrit only: no published translation is held for this verse.

अधः पात्रं सहस्रेण हिरण्येन विधीयते । ऊर्ध्वपात्रं तदर्धेन मुखं संवेशमात्रकम्

adhaḥ pātraṃ sahasreṇa hiraṇyena vidhīyate / ūrdhvapātraṃ tadardhena mukhaṃ saṃveśamātrakam

Sanskrit only: no published translation is held for this verse.

हैममेवं शुभं कुर्यात् सर्वालंकारसंयुतम् । अधः पात्रे स्मरेद्देवीं गुणत्रयसमन्विताम्

haimamevaṃ śubhaṃ kuryāt sarvālaṃkārasaṃyutam / adhaḥ pātre smareddevīṃ guṇatrayasamanvitām

Sanskrit only: no published translation is held for this verse.

चतुर्विशतिकां देवीं ब्रह्मविष्ण्वग्निरूपिणीम् । ऊर्ध्वपात्रे गुणातीतं षड्विशकमुमापतिम्

caturviśatikāṃ devīṃ brahmaviṣṇvagnirūpiṇīm / ūrdhvapātre guṇātītaṃ ṣaḍviśakamumāpatim

Sanskrit only: no published translation is held for this verse.

आत्मानं पुरुषं ध्यायेत्पञ्चविशकमग्रजम् । पूर्वोक्तस्थानमध्ये ऽथ वेदिकोपरि मण्डले

ātmānaṃ puruṣaṃ dhyāyetpañcaviśakamagrajam / pūrvoktasthānamadhye 'tha vedikopari maṇḍale

Sanskrit only: no published translation is held for this verse.

शालीमध्ये क्षिपेन्नीत्वा नववस्त्रैश्च वेष्टयेत् । माषकल्केन चालिष्य पञ्चद्रव्येण पूजयेत्

śālīmadhye kṣipennītvā navavastraiśca veṣṭayet / māṣakalkena cāliṣya pañcadravyeṇa pūjayet

Sanskrit only: no published translation is held for this verse.

ईशानाद्यैर्यथान्यायं पञ्चभिः परिपूजयेत् । पूर्ववच्छिवपूजा च होमश्चैव यथक्रमम्

īśānādyairyathānyāyaṃ pañcabhiḥ paripūjayet / pūrvavacchivapūjā ca homaścaiva yathakramam

Sanskrit only: no published translation is held for this verse.

देवीं गायत्रिकां जप्त्वा प्रविशेत्प्राङ्मुखः स्वयम् । विधिनैव तु संपाद्य गर्भाधानादिकां क्रियाम्

devīṃ gāyatrikāṃ japtvā praviśetprāṅmukhaḥ svayam / vidhinaiva tu saṃpādya garbhādhānādikāṃ kriyām

Sanskrit only: no published translation is held for this verse.

कृत्वा षोडशमार्गेण विधिना ब्राह्मणोत्तमः । दूर्वाकुरैस्तु कर्तव्या सेचना दक्षिणे पुटे

kṛtvā ṣoḍaśamārgeṇa vidhinā brāhmaṇottamaḥ / dūrvākuraistu kartavyā secanā dakṣiṇe puṭe

Sanskrit only: no published translation is held for this verse.

औदुंबरफलैः सार्धम् एकविंशत्कुशोदकम् । ईशान्यां तावदेवात्र कुर्यात्सीमन्तकर्मणि

auduṃbaraphalaiḥ sārdham ekaviṃśatkuśodakam / īśānyāṃ tāvadevātra kuryātsīmantakarmaṇi

Sanskrit only: no published translation is held for this verse.

उद्वहेत्कन्यकां कृत्वा त्रिंशन्निष्केण शोभनाम् । अलङ्कृत्य तथा हुत्वा शिवाय विनिवेदयेत्

udvahetkanyakāṃ kṛtvā triṃśanniṣkeṇa śobhanām / alaṅkṛtya tathā hutvā śivāya vinivedayet

Sanskrit only: no published translation is held for this verse.

अन्नप्राशनके विद्वान् भोजयेत्पायसादिभिः । एवं विश्वजितान्ता वै गर्भाधानादिकाः क्रियाः

annaprāśanake vidvān bhojayetpāyasādibhiḥ / evaṃ viśvajitāntā vai garbhādhānādikāḥ kriyāḥ

Sanskrit only: no published translation is held for this verse.

शक्तिबीजेन कर्तव्या ब्राह्मणैर्वेदपारगैः । शेषं सर्वं च विधिवत्तुलाहेमवदाचरेत्

śaktibījena kartavyā brāhmaṇairvedapāragaiḥ / śeṣaṃ sarvaṃ ca vidhivattulāhemavadācaret

Sanskrit only: no published translation is held for this verse.