Liṅga Purāṇa 2.30

इति श्रीलिङ्गमहापुराणे उत्तरभागे एकोनत्रिंशो ऽध्यायः सनत्कुमार उवाच अधुना संप्रवक्ष्यामि तिलपर्वतमुत्तमम् । पूर्वोक्तस्थानकाले तु कृत्वा संपूज्य यत्नतः

iti śrīliṅgamahāpurāṇe uttarabhāge ekonatriṃśo 'dhyāyaḥ sanatkumāra uvāca adhunā saṃpravakṣyāmi tilaparvatamuttamam / pūrvoktasthānakāle tu kṛtvā saṃpūjya yatnataḥ

Sanskrit only: no published translation is held for this verse.

सुसमे भूतले रम्ये वेदिना च विवर्जिते । दशतालप्रमाणएन दण्डं संस्थाप्य वै मुने

susame bhūtale ramye vedinā ca vivarjite / daśatālapramāṇaena daṇḍaṃ saṃsthāpya vai mune

Sanskrit only: no published translation is held for this verse.

अद्भिः संप्रोक्ष्य पश्चाद्धि तिलांस्त्वस्मिन्विनिक्षिपेत् । पञ्चगव्येन तं देशं प्रोक्षयेद्ब्राह्मणोत्तमः

adbhiḥ saṃprokṣya paścāddhi tilāṃstvasminvinikṣipet / pañcagavyena taṃ deśaṃ prokṣayedbrāhmaṇottamaḥ

Sanskrit only: no published translation is held for this verse.

मण्डलं कल्पयेद्विद्वान्पूर्ववत्सुसमन्ततः । नववस्त्रैश्च संस्थाप्य रम्यपुष्पैर्विकीर्य च

maṇḍalaṃ kalpayedvidvānpūrvavatsusamantataḥ / navavastraiśca saṃsthāpya ramyapuṣpairvikīrya ca

Sanskrit only: no published translation is held for this verse.

तस्मिन्संचयनं कार्यं तिलभारैर्विशेषतः । दण्डप्रादेशमुत्सेधमुत्तमं परिकीर्तितम्

tasminsaṃcayanaṃ kāryaṃ tilabhārairviśeṣataḥ / daṇḍaprādeśamutsedhamuttamaṃ parikīrtitam

Sanskrit only: no published translation is held for this verse.

चतुरङ्गुलहीनं तु मध्यमं मुनिपुङ्गवाः । दण्डतुल्यं कनिष्ठं स्याद्दण्डहीनं न कारयेत्

caturaṅgulahīnaṃ tu madhyamaṃ munipuṅgavāḥ / daṇḍatulyaṃ kaniṣṭhaṃ syāddaṇḍahīnaṃ na kārayet

Sanskrit only: no published translation is held for this verse.

वेष्टयित्वा नवैर्वस्त्रैः परितः पूजयेत्क्रमात् । सद्यादीनि प्रविन्यस्य पूजयेद्विधिपूर्वकम्

veṣṭayitvā navairvastraiḥ paritaḥ pūjayetkramāt / sadyādīni pravinyasya pūjayedvidhipūrvakam

Sanskrit only: no published translation is held for this verse.

अष्टदिक्षु च कर्तव्याः पूर्वोक्ता मूर्तयः क्रमात् । त्रिनिष्केन सुवर्णेन प्रत्येकं कारयेत्क्रमात्

aṣṭadikṣu ca kartavyāḥ pūrvoktā mūrtayaḥ kramāt / triniṣkena suvarṇena pratyekaṃ kārayetkramāt

Sanskrit only: no published translation is held for this verse.

दक्षिणा विधिना कार्या तुलाभारवदेव तु । होमश्चपूर्ववत्प्रोक्तो यथावन्मुनिसत्तमाः

dakṣiṇā vidhinā kāryā tulābhāravadeva tu / homaścapūrvavatprokto yathāvanmunisattamāḥ

Sanskrit only: no published translation is held for this verse.

अर्चयेद्देवदेवेशं लोकपालसमावृतम् । तिलपर्वतमध्यस्थं तिलपर्वतरूपिणम्

arcayeddevadeveśaṃ lokapālasamāvṛtam / tilaparvatamadhyasthaṃ tilaparvatarūpiṇam

Sanskrit only: no published translation is held for this verse.

शिवार्चना च कर्तव्या सहस्रकलशादिभिः । दर्शयेत्तिलमध्यस्थं देवदेवमुमापतिम्

śivārcanā ca kartavyā sahasrakalaśādibhiḥ / darśayettilamadhyasthaṃ devadevamumāpatim

Sanskrit only: no published translation is held for this verse.

पूजयित्वा विधानेन क्रमेण च विसर्जयेत् । श्रोत्रियाय दरिद्राय दापयेत्तिलपर्वतम्

pūjayitvā vidhānena krameṇa ca visarjayet / śrotriyāya daridrāya dāpayettilaparvatam

Sanskrit only: no published translation is held for this verse.

एवं तिलनगः प्रोक्तः सर्वस्मादधिकः परः

evaṃ tilanagaḥ proktaḥ sarvasmādadhikaḥ paraḥ

Sanskrit only: no published translation is held for this verse.