Liṅga Purāṇa 2.31

इति श्रीलिङ्गमहापुराणे उत्तरभागे तिलपर्वतदानं नाम त्रिंशो ऽध्यायः सनत्कुमार उवाच अथान्यं पर्वतं सूक्ष्ममल्पद्रव्यं महाफलम् । द्रव्यमात्रोपसंयुक्ते काले मध्यं विधीयते

iti śrīliṅgamahāpurāṇe uttarabhāge tilaparvatadānaṃ nāma triṃśo 'dhyāyaḥ sanatkumāra uvāca athānyaṃ parvataṃ sūkṣmamalpadravyaṃ mahāphalam / dravyamātropasaṃyukte kāle madhyaṃ vidhīyate

Sanskrit only: no published translation is held for this verse.

गोमयालिप्तभूमौ तु ह्यंबराणि प्रकीर्य च । तन्मध्ये निक्षिपेद्धीमांस्तिलभारत्रयं शुभम्

gomayāliptabhūmau tu hyaṃbarāṇi prakīrya ca / tanmadhye nikṣipeddhīmāṃstilabhāratrayaṃ śubham

Sanskrit only: no published translation is held for this verse.

पद्ममष्टदलं कुर्यात्कर्णिकाकेसरान्वितम् । दशनिष्केण तत्कार्यं तदर्धार्धेन वा पुनः

padmamaṣṭadalaṃ kuryātkarṇikākesarānvitam / daśaniṣkeṇa tatkāryaṃ tadardhārdhena vā punaḥ

Sanskrit only: no published translation is held for this verse.

तिलमध्ये न्यसेत्पद्मं पद्ममध्ये महेश्वरम् । आराध्य विधिवद्देवं वामादीनि प्रपूजयेत्

tilamadhye nyasetpadmaṃ padmamadhye maheśvaram / ārādhya vidhivaddevaṃ vāmādīni prapūjayet

Sanskrit only: no published translation is held for this verse.

शक्तिरूपं सुवर्णेन त्रिनिष्केण तु कारयेत् । न्यासं तु परितः कुर्याद्विघ्नेशान्परिभागतः

śaktirūpaṃ suvarṇena triniṣkeṇa tu kārayet / nyāsaṃ tu paritaḥ kuryādvighneśānparibhāgataḥ

Sanskrit only: no published translation is held for this verse.

पूर्वोक्त हेममानेन विघ्नेशानपि कारयेत् । तान् अभ्यर्च्य विधानेन गन्धपूष्पादिभिः क्रमात्

pūrvokta hemamānena vighneśānapi kārayet / tān abhyarcya vidhānena gandhapūṣpādibhiḥ kramāt

Sanskrit only: no published translation is held for this verse.