Liṅga Purāṇa 2.33

इति श्रीलिङ्गमहापुराणे उत्तरभागे सुवर्णमेदिनीनीदानं नाम द्वात्रिंशो ऽध्यायः सनत्कुमार उवाच अथान्यत्संप्रवक्ष्यामि कल्पपादपमुत्तमम् । शतानिष्केण कृत्वैवं सर्वशाखासमन्वितम्

iti śrīliṅgamahāpurāṇe uttarabhāge suvarṇamedinīnīdānaṃ nāma dvātriṃśo 'dhyāyaḥ sanatkumāra uvāca athānyatsaṃpravakṣyāmi kalpapādapamuttamam / śatāniṣkeṇa kṛtvaivaṃ sarvaśākhāsamanvitam

Sanskrit only: no published translation is held for this verse.

शाखानां विविधं कृत्वा मुक्ता दामाद्यलंबनम् । दिव्यैर्मारकतैश्चैव चाङ्कुराग्रं प्रविन्यसेत्

śākhānāṃ vividhaṃ kṛtvā muktā dāmādyalaṃbanam / divyairmārakataiścaiva cāṅkurāgraṃ pravinyaset

Sanskrit only: no published translation is held for this verse.

प्रवालं कारयेद्विद्वान्प्रवालेन द्रुमस्य तु । फलानि पद्मरागैश्च परितो ऽस्य सुशोभयेत्

pravālaṃ kārayedvidvānpravālena drumasya tu / phalāni padmarāgaiśca parito 'sya suśobhayet

Sanskrit only: no published translation is held for this verse.

मूलं च नीलरत्नेन वज्रेण स्कन्धमुत्तमम् । वैडूर्येण द्रुमाग्रं च पुष्परागेण मस्तकम्

mūlaṃ ca nīlaratnena vajreṇa skandhamuttamam / vaiḍūryeṇa drumāgraṃ ca puṣparāgeṇa mastakam

Sanskrit only: no published translation is held for this verse.

गोमेदकेन वै कन्दं सूर्यकान्तेन सुव्रत । चन्द्रकान्तेन वा वेदीं द्रुमस्य स्फटिकेन वा

gomedakena vai kandaṃ sūryakāntena suvrata / candrakāntena vā vedīṃ drumasya sphaṭikena vā

Sanskrit only: no published translation is held for this verse.

वितस्तिमात्रमायामं वृक्षस्य परिकीर्तितम् । शाखाष्टकस्य मानं च विस्तारं चोर्ध्वतस्तथा

vitastimātramāyāmaṃ vṛkṣasya parikīrtitam / śākhāṣṭakasya mānaṃ ca vistāraṃ cordhvatastathā

Sanskrit only: no published translation is held for this verse.

तन्मूले स्तापयेल्लिङ्गं लोकपालैः समावृतम् । पूर्वोक्तवेदिमध्ये तु मण्डले स्थाप्य पादपम्

tanmūle stāpayelliṅgaṃ lokapālaiḥ samāvṛtam / pūrvoktavedimadhye tu maṇḍale sthāpya pādapam

Sanskrit only: no published translation is held for this verse.

पूजये द्देवमीशानं लोकपालांश्च यत्नतः । पूर्ववज्जपहोमाद्यं तुलाभारवदाचरेत्

pūjaye ddevamīśānaṃ lokapālāṃśca yatnataḥ / pūrvavajjapahomādyaṃ tulābhāravadācaret

Sanskrit only: no published translation is held for this verse.

निवेदयेद्द्रुमं शंभोर्योगिनां वाथ वा नृप । भस्माङ्गिभ्यो ऽथवा राजा सार्वभौमो भविष्यति

nivedayeddrumaṃ śaṃbhoryogināṃ vātha vā nṛpa / bhasmāṅgibhyo 'thavā rājā sārvabhaumo bhaviṣyati

Sanskrit only: no published translation is held for this verse.