Liṅga Purāṇa 2.35

इति श्रीलिङ्गमहापुराणे उत्तरभागे गणेशेशदानविदिनिरूपणं नाम चतुस्त्रिंशो ऽध्यायः सनत्कुमार उवाच अथ ते संप्रवक्ष्यामि हेमधेनुविधिक्रमम् । सर्वपापप्रशमनं ग्रहदुर्भिक्षनाशनम्

iti śrīliṅgamahāpurāṇe uttarabhāge gaṇeśeśadānavidinirūpaṇaṃ nāma catustriṃśo 'dhyāyaḥ sanatkumāra uvāca atha te saṃpravakṣyāmi hemadhenuvidhikramam / sarvapāpapraśamanaṃ grahadurbhikṣanāśanam

Sanskrit only: no published translation is held for this verse.

उपसर्गप्रशमनं सर्वव्याधि निवारणम् । निष्काणां च सहस्रेण सुवर्णेन तु कारयेत्

upasargapraśamanaṃ sarvavyādhi nivāraṇam / niṣkāṇāṃ ca sahasreṇa suvarṇena tu kārayet

Sanskrit only: no published translation is held for this verse.

तदर्धेनापि वा सम्यक् तदर्धार्धेन वा पुनः । शतेन वा प्रकर्तव्या सर्वरूपगुणान्विता

tadardhenāpi vā samyak tadardhārdhena vā punaḥ / śatena vā prakartavyā sarvarūpaguṇānvitā

Sanskrit only: no published translation is held for this verse.

गोरूपं सुखुरं दिव्यं सर्वलक्षणसंयुतम् । खुराग्रे विन्यसेद्वज्रं शृङ्गे वै पद्मरागकम्

gorūpaṃ sukhuraṃ divyaṃ sarvalakṣaṇasaṃyutam / khurāgre vinyasedvajraṃ śṛṅge vai padmarāgakam

Sanskrit only: no published translation is held for this verse.

भ्रुवोर्मध्ये न्यसेद्दिव्यं मौक्तिकं मुनिसत्तमाः । वौडूर्येण स्तनाः कार्या लाङ्गूलं नीलतः सुभम्

bhruvormadhye nyaseddivyaṃ mauktikaṃ munisattamāḥ / vauḍūryeṇa stanāḥ kāryā lāṅgūlaṃ nīlataḥ subham

Sanskrit only: no published translation is held for this verse.

दन्तस्थाने प्रकर्तव्यः पुष्परागः सुशोभनः । पशुवत्कारयित्वा तु वत्सं कुर्यात्सुशोभनम्

dantasthāne prakartavyaḥ puṣparāgaḥ suśobhanaḥ / paśuvatkārayitvā tu vatsaṃ kuryātsuśobhanam

Sanskrit only: no published translation is held for this verse.

सुवर्णदशनिष्केण सर्वरत्नसुशोभितम् । पूर्वोक्तवेदिकामध्ये मण्डलं परिकल्प्य तु

suvarṇadaśaniṣkeṇa sarvaratnasuśobhitam / pūrvoktavedikāmadhye maṇḍalaṃ parikalpya tu

Sanskrit only: no published translation is held for this verse.

तन्मध्ये सुरभिं स्थाप्य सवत्सां सर्वतत्त्ववित् । सवत्सां सुरभिं तत्र वस्त्रयुग्मेन वेष्टयेत्

tanmadhye surabhiṃ sthāpya savatsāṃ sarvatattvavit / savatsāṃ surabhiṃ tatra vastrayugmena veṣṭayet

Sanskrit only: no published translation is held for this verse.

संपूजयेद्गां गायत्र्या सवत्सां सुरभिं पुनः । अथैकाग्निविधानेन होमं कुर्याद्यथाविधि

saṃpūjayedgāṃ gāyatryā savatsāṃ surabhiṃ punaḥ / athaikāgnividhānena homaṃ kuryādyathāvidhi

Sanskrit only: no published translation is held for this verse.

समिदाज्यविधानेन पूर्ववच्छेषमाचरेत् । शिवपूजा प्रकर्तव्या लिङ्गं स्नाप्य घृतादिभिः

samidājyavidhānena pūrvavaccheṣamācaret / śivapūjā prakartavyā liṅgaṃ snāpya ghṛtādibhiḥ

Sanskrit only: no published translation is held for this verse.

गामालभ्य च गायत्र्या शिवायादापयेच्छुभाम् । दक्षिणा च प्रकर्तव्या त्रिंशन्निष्का महामते

gāmālabhya ca gāyatryā śivāyādāpayecchubhām / dakṣiṇā ca prakartavyā triṃśanniṣkā mahāmate

Sanskrit only: no published translation is held for this verse.