Liṅga Purāṇa 2.37

इति श्रीलिङ्गमहापुराणे उत्तरभागे लक्ष्मीदानविधिनिरूपणं नाम षट्त्रिंशत्तमो ऽध्यायः सनत्कुमारा उवाच अथातः संप्रवक्ष्यामि तिलधेनुविधिक्रमम् । पूर्वोक्तमण्डपे कुर्याच्छिवपूजां तु पश्चिमे

iti śrīliṅgamahāpurāṇe uttarabhāge lakṣmīdānavidhinirūpaṇaṃ nāma ṣaṭtriṃśattamo 'dhyāyaḥ sanatkumārā uvāca athātaḥ saṃpravakṣyāmi tiladhenuvidhikramam / pūrvoktamaṇḍape kuryācchivapūjāṃ tu paścime

Sanskrit only: no published translation is held for this verse.

तस्याग्रे मध्यतो भूमौ पद्ममालिख्य शोभनम् । वस्त्रैराच्छादितं पद्मं तन्मध्ये विन्यसेच्छुभम्

tasyāgre madhyato bhūmau padmamālikhya śobhanam / vastrairācchāditaṃ padmaṃ tanmadhye vinyasecchubham

Sanskrit only: no published translation is held for this verse.

तिलपुष्पं तु कृत्वाथ हेमपद्मं विनिक्षिपेत् । त्रिंशन्निष्केम कर्तव्यं तदर्धार्धेन वा पुनः

tilapuṣpaṃ tu kṛtvātha hemapadmaṃ vinikṣipet / triṃśanniṣkema kartavyaṃ tadardhārdhena vā punaḥ

Sanskrit only: no published translation is held for this verse.

पञ्चनिष्केण कर्तव्यं तदर्धार्ह्देन वा पुनः । तमाराध्य विधानेन गन्धपुष्पादिभिः क्रमात्

pañcaniṣkeṇa kartavyaṃ tadardhārhdena vā punaḥ / tamārādhya vidhānena gandhapuṣpādibhiḥ kramāt

Sanskrit only: no published translation is held for this verse.

पद्मस्योत्तरदिग्भागे विप्रानेकादशन्यसेत् । तानभ्यर्च्य विधानेन गन्धपुष्पादिभिः क्रमात्

padmasyottaradigbhāge viprānekādaśanyaset / tānabhyarcya vidhānena gandhapuṣpādibhiḥ kramāt

Sanskrit only: no published translation is held for this verse.

आच्छादनोत्तरासंगं विप्रेभ्यो दापयेत्क्रमात् । उष्णीषं च प्रदातव्यं कुण्डलेच विभूषिते

ācchādanottarāsaṃgaṃ viprebhyo dāpayetkramāt / uṣṇīṣaṃ ca pradātavyaṃ kuṇḍaleca vibhūṣite

Sanskrit only: no published translation is held for this verse.

हेमाङ्गुलीयकं दत्त्वा ब्राह्मणेभ्यो विधानतः । एकं दश च वस्त्राणिं तेषामग्रे प्रकीर्य च

hemāṅgulīyakaṃ dattvā brāhmaṇebhyo vidhānataḥ / ekaṃ daśa ca vastrāṇiṃ teṣāmagre prakīrya ca

Sanskrit only: no published translation is held for this verse.

तेषु वस्त्रेषु निःक्षिप्यतिलाद्यानि पृथक्पृथक् । कांस्यपात्रं शतपलं विभिद्यैकादशांशकम्

teṣu vastreṣu niḥkṣipyatilādyāni pṛthakpṛthak / kāṃsyapātraṃ śatapalaṃ vibhidyaikādaśāṃśakam

Sanskrit only: no published translation is held for this verse.

इक्षुदण्डं च दातव्यं ब्राह्मणेभ्यो विशेषतः । गोशृगे तु हिरण्येन द्विनीष्केण तु कारयेत्

ikṣudaṇḍaṃ ca dātavyaṃ brāhmaṇebhyo viśeṣataḥ / gośṛge tu hiraṇyena dvinīṣkeṇa tu kārayet

Sanskrit only: no published translation is held for this verse.

रजतेन तु कर्तव्याः खुरा निष्कद्वयेन तु । एवं पृथक्पृथग् दत्त्वा तत्तिलेषु विनिक्षिपेत्

rajatena tu kartavyāḥ khurā niṣkadvayena tu / evaṃ pṛthakpṛthag dattvā tattileṣu vinikṣipet

Sanskrit only: no published translation is held for this verse.

रुद्रैकादशमन्त्रैस्तु रुद्रेभ्यो दापयेत्तदा । पद्मस्य पूर्वदिग्भागे विप्रान्द्वादश पूजितान्

rudraikādaśamantraistu rudrebhyo dāpayettadā / padmasya pūrvadigbhāge viprāndvādaśa pūjitān

Sanskrit only: no published translation is held for this verse.

एतेनैव तु मार्गेण तेषु श्रद्धासमन्वितः । द्वादशाधित्यमन्त्रैश्च दापयेदेवमेव च

etenaiva tu mārgeṇa teṣu śraddhāsamanvitaḥ / dvādaśādhityamantraiśca dāpayedevameva ca

Sanskrit only: no published translation is held for this verse.

पूर्ववद्दक्षिणे भागे विप्रान्षोडश संस्थितान् । मूर्ति विघ्नेशमन्त्रैश्च दापयेत्पूर्ववत्पुनः

pūrvavaddakṣiṇe bhāge viprānṣoḍaśa saṃsthitān / mūrti vighneśamantraiśca dāpayetpūrvavatpunaḥ

Sanskrit only: no published translation is held for this verse.

यजमानेन कर्तव्यं सर्वमेतद्यथाक्रमम् । केवलं रुद्रदानं वा अदित्येभ्यो ऽथ वा पुनः

yajamānena kartavyaṃ sarvametadyathākramam / kevalaṃ rudradānaṃ vā adityebhyo 'tha vā punaḥ

Sanskrit only: no published translation is held for this verse.

मूर्त्यादीनां च वा देयं यथाविभवविस्तरम् । पद्मं विन्यस्य राजासौ शेषं वा कारयेन्नृपः

mūrtyādīnāṃ ca vā deyaṃ yathāvibhavavistaram / padmaṃ vinyasya rājāsau śeṣaṃ vā kārayennṛpaḥ

Sanskrit only: no published translation is held for this verse.

दक्षिणा च प्रदातव्या पञ्चनिष्केण भूषणम्

dakṣiṇā ca pradātavyā pañcaniṣkeṇa bhūṣaṇam

Sanskrit only: no published translation is held for this verse.