Liṅga Purāṇa 2.41

इति श्रीलिङ्गमहापुराणे उत्तरभागे कन्यादानविधिर्नाम चत्वारिंशो ऽध्यायः सनत्कुमार उवाच हिरण्यवृषदानं च कथयामि समासतः । वृषरूपं हिरण्येन सहस्रेणाथ कारयेत्

iti śrīliṅgamahāpurāṇe uttarabhāge kanyādānavidhirnāma catvāriṃśo 'dhyāyaḥ sanatkumāra uvāca hiraṇyavṛṣadānaṃ ca kathayāmi samāsataḥ / vṛṣarūpaṃ hiraṇyena sahasreṇātha kārayet

Sanskrit only: no published translation is held for this verse.

तदर्धार्धेन वा धीमांस्तदर्धार्धेन वा पुनः । अष्टोत्तरशतेनापि वृषभं धर्मरूपिणम्

tadardhārdhena vā dhīmāṃstadardhārdhena vā punaḥ / aṣṭottaraśatenāpi vṛṣabhaṃ dharmarūpiṇam

Sanskrit only: no published translation is held for this verse.

ललाटे कारयेत्पुण्ड्रमर्धचन्द्रकलाकृतिम् । स्फटिकेन तु कर्त्तव्यं खुरं तु रजतेन वै

lalāṭe kārayetpuṇḍramardhacandrakalākṛtim / sphaṭikena tu karttavyaṃ khuraṃ tu rajatena vai

Sanskrit only: no published translation is held for this verse.

ग्रीवां तु पद्मरागेण ककुद्गोमेदकेन च । ग्रीवायां घाण्टवलयं रत्नचित्रं तु कारयेत्

grīvāṃ tu padmarāgeṇa kakudgomedakena ca / grīvāyāṃ ghāṇṭavalayaṃ ratnacitraṃ tu kārayet

Sanskrit only: no published translation is held for this verse.

वृषाङ्कं कारयेत्तत्र किङ्किणीवलयावृतम् । पूर्वोक्तदेशकाले तु वेदिकोपरिमण्डले

vṛṣāṅkaṃ kārayettatra kiṅkiṇīvalayāvṛtam / pūrvoktadeśakāle tu vedikoparimaṇḍale

Sanskrit only: no published translation is held for this verse.

वृषेन्द्रं स्थापयेत्तत्र पश्चिमामुखमग्रतः । ईश्वरं पूजयेद्भक्त्या वृषारूढं वृषध्वजम्

vṛṣendraṃ sthāpayettatra paścimāmukhamagrataḥ / īśvaraṃ pūjayedbhaktyā vṛṣārūḍhaṃ vṛṣadhvajam

Sanskrit only: no published translation is held for this verse.

वृषेन्द्रं पूज्य गायत्र्या नमस्कृत्य समाहितः । तीक्ष्णशृङ्गाय विद्महे धर्मपादाय धीमहि । तन्नो वृषः प्रचोदयात् ॥ लिप् २,४१।७ ॥
मन्त्रेणानेन संपूज्य वृषं धर्मविवृद्धये । होमयेच्च घृतान्नाद्यैर्यथाविभवविस्तरम्

vṛṣendraṃ pūjya gāyatryā namaskṛtya samāhitaḥ / tīkṣṇaśṛṅgāya vidmahe dharmapādāya dhīmahi / tanno vṛṣaḥ pracodayāt // LiP 2,41.7 //
mantreṇānena saṃpūjya vṛṣaṃ dharmavivṛddhaye / homayecca ghṛtānnādyairyathāvibhavavistaram

Sanskrit only: no published translation is held for this verse.

वृषभः पूज्य दातव्यो ब्राह्मणेभ्यः शिवाय वा । दक्षिणा चैव दातव्या यथावित्तानुसारतः

vṛṣabhaḥ pūjya dātavyo brāhmaṇebhyaḥ śivāya vā / dakṣiṇā caiva dātavyā yathāvittānusārataḥ

Sanskrit only: no published translation is held for this verse.

एतद्यः कुरुते भक्त्या वृषदानमनुत्तमम् । शिवस्यानुचरो भूत्वा तेनैव सह मोदते

etadyaḥ kurute bhaktyā vṛṣadānamanuttamam / śivasyānucaro bhūtvā tenaiva saha modate

Sanskrit only: no published translation is held for this verse.