Liṅga Purāṇa 2.43

इति श्रीलिङ्गमहापुराणे उत्तरभागे द्विचत्वारिंशो ऽध्यायः सनत्कुमार उवाच लोकपालाष्टकं दिव्यं साक्षात्परमदुर्लभम् । सर्वसंपत्करं गुह्यं परचक्रविनाशनम्

iti śrīliṅgamahāpurāṇe uttarabhāge dvicatvāriṃśo 'dhyāyaḥ sanatkumāra uvāca lokapālāṣṭakaṃ divyaṃ sākṣātparamadurlabham / sarvasaṃpatkaraṃ guhyaṃ paracakravināśanam

Sanskrit only: no published translation is held for this verse.

स्वदेशरक्षणं दिव्यं गजवाजिविवर्धनम् । पुत्र वृद्धिकरं पुण्यं गोब्राह्मणहितावहम्

svadeśarakṣaṇaṃ divyaṃ gajavājivivardhanam / putra vṛddhikaraṃ puṇyaṃ gobrāhmaṇahitāvaham

Sanskrit only: no published translation is held for this verse.

पूर्वोक्तदेशकाले तु वेदिकोपरिमण्डले । मध्ये शिवं समभ्यर्च्य यथान्यायं यथाक्रमम्

pūrvoktadeśakāle tu vedikoparimaṇḍale / madhye śivaṃ samabhyarcya yathānyāyaṃ yathākramam

Sanskrit only: no published translation is held for this verse.

दिग्विदिक्षु प्रकर्तव्यं स्थण्डिलं वालुकामयम् । अष्टौ विप्रान्समभ्यर्च्य वेदवेदाङ्गपारगान्

digvidikṣu prakartavyaṃ sthaṇḍilaṃ vālukāmayam / aṣṭau viprānsamabhyarcya vedavedāṅgapāragān

Sanskrit only: no published translation is held for this verse.

जितेन्द्रियान्कुलोद्भूतान्सर्वलक्षणसंयुतान् । शिवाभिमुखमासीनानाहतेष्वंबरेषु च

jitendriyānkulodbhūtānsarvalakṣaṇasaṃyutān / śivābhimukhamāsīnānāhateṣvaṃbareṣu ca

Sanskrit only: no published translation is held for this verse.

वस्त्रैराभरणैर्दिव्यैर्लोकपालकमन्त्रकैः । गन्धपुष्पैः सुधूपैश्च ब्राह्मणानर्चयेत्क्रमात्

vastrairābharaṇairdivyairlokapālakamantrakaiḥ / gandhapuṣpaiḥ sudhūpaiśca brāhmaṇānarcayetkramāt

Sanskrit only: no published translation is held for this verse.

पूर्वतो होमयेदग्नौ लोकपालकमन्त्रकैः । समिद्धृताभ्यां होतव्यमग्निकार्यं क्रमेण वा

pūrvato homayedagnau lokapālakamantrakaiḥ / samiddhṛtābhyāṃ hotavyamagnikāryaṃ krameṇa vā

Sanskrit only: no published translation is held for this verse.

एवं हुत्वा विधानेन आचार्यः शिववत्सलः । यजमानं समाहूय सर्वाभरमभूषितान्

evaṃ hutvā vidhānena ācāryaḥ śivavatsalaḥ / yajamānaṃ samāhūya sarvābharamabhūṣitān

Sanskrit only: no published translation is held for this verse.

तेन तान्पूजयित्वाथ द्विजोभ्यो दापयेद्धनम् । पृथक्पृथक्तन्मन्त्रैश्च दशनिष्कं च भूषणम्

tena tānpūjayitvātha dvijobhyo dāpayeddhanam / pṛthakpṛthaktanmantraiśca daśaniṣkaṃ ca bhūṣaṇam

Sanskrit only: no published translation is held for this verse.

दशनीष्केण कर्तव्यमासनं केवलं पृथक् । स्नपनं तत्र कर्तव्यं शिवस्य विधिपूर्वकम्

daśanīṣkeṇa kartavyamāsanaṃ kevalaṃ pṛthak / snapanaṃ tatra kartavyaṃ śivasya vidhipūrvakam

Sanskrit only: no published translation is held for this verse.

दक्षिणा च प्रदातव्या यथाविभवविस्तरम् । एवं यः कुरुते दानं लोकेशानां तु भक्तितः । लोकेशानां चिरं स्थित्वा सार्वभौमौ भवेद्बुधः

dakṣiṇā ca pradātavyā yathāvibhavavistaram / evaṃ yaḥ kurute dānaṃ lokeśānāṃ tu bhaktitaḥ / lokeśānāṃ ciraṃ sthitvā sārvabhaumau bhavedbudhaḥ

Sanskrit only: no published translation is held for this verse.