Liṅga Purāṇa 2.48

इति श्रीलिङ्गमहापुराणे उत्तरभागे लिङ्गस्थापनं नाम सप्तचत्वारिंशो ऽध्यायः सूत उवाच सर्वेषामपि देवानां प्रतिष्ठामपि विस्तरात् । स्वैर्मत्रैर्यागकुण्डानि विन्यस्यैकैकमेव च

iti śrīliṅgamahāpurāṇe uttarabhāge liṅgasthāpanaṃ nāma saptacatvāriṃśo 'dhyāyaḥ sūta uvāca sarveṣāmapi devānāṃ pratiṣṭhāmapi vistarāt / svairmatrairyāgakuṇḍāni vinyasyaikaikameva ca

Sanskrit only: no published translation is held for this verse.

स्थापयेदुत्सवं कृत्वा पूजयेच्च विधानतः । भानोः पञ्चाग्निना कार्यं द्वादशाग्निक्रमेण वा

sthāpayedutsavaṃ kṛtvā pūjayecca vidhānataḥ / bhānoḥ pañcāgninā kāryaṃ dvādaśāgnikrameṇa vā

Sanskrit only: no published translation is held for this verse.

सर्वकुण्डानि वृत्तानि पद्माकाराणि सुव्रताः । अंबाया योनिकुण्डं स्याद्वर्धन्येका विधीयते

sarvakuṇḍāni vṛttāni padmākārāṇi suvratāḥ / aṃbāyā yonikuṇḍaṃ syādvardhanyekā vidhīyate

Sanskrit only: no published translation is held for this verse.

शक्तीनां सर्वकार्येषु योनिकुण्डं विधीयते । गायत्रीं कल्पयेच्छंभोः सर्वेषामपि यत्नतः । सर्वे रुद्रांशजा यस्मात्संक्षेपेण वदामि वः

śaktīnāṃ sarvakāryeṣu yonikuṇḍaṃ vidhīyate / gāyatrīṃ kalpayecchaṃbhoḥ sarveṣāmapi yatnataḥ / sarve rudrāṃśajā yasmātsaṃkṣepeṇa vadāmi vaḥ

Sanskrit only: no published translation is held for this verse.

गायत्रीभेदाः तत्पुरुषाय विद्महे वाग्विशुद्धाय धीमहि । तन्नः शिवः प्रचोदयात्

gāyatrībhedāḥ tatpuruṣāya vidmahe vāgviśuddhāya dhīmahi / tannaḥ śivaḥ pracodayāt

Sanskrit only: no published translation is held for this verse.

गणांबिकायै विद्महे कर्मसिद्ध्यै च धीमहि । तन्नो गौरी प्रचोदयात्

gaṇāṃbikāyai vidmahe karmasiddhyai ca dhīmahi / tanno gaurī pracodayāt

Sanskrit only: no published translation is held for this verse.

तत्पुरुषाय विद्महे महादेवाय धीमहि । तन्नो रुद्रः प्रचोदयात्

tatpuruṣāya vidmahe mahādevāya dhīmahi / tanno rudraḥ pracodayāt

Sanskrit only: no published translation is held for this verse.

तत्पुरुषाय विद्महे वक्रतुण्डाय धीमहि । तन्नो दन्तिः प्रचोदयात्

tatpuruṣāya vidmahe vakratuṇḍāya dhīmahi / tanno dantiḥ pracodayāt

Sanskrit only: no published translation is held for this verse.

महासेनाय विद्महे वाग्विशुद्धाय धीमहि । तन्नः स्कन्दः प्रोचदयात्

mahāsenāya vidmahe vāgviśuddhāya dhīmahi / tannaḥ skandaḥ procadayāt

Sanskrit only: no published translation is held for this verse.

तीक्ष्णशृङ्गाय विद्महे वेदपादाय धीमहि । तन्नो वृषः प्रचोदयात्

tīkṣṇaśṛṅgāya vidmahe vedapādāya dhīmahi / tanno vṛṣaḥ pracodayāt

Sanskrit only: no published translation is held for this verse.

हरिवक्त्राय विद्महे रुद्रवक्त्राय धीमहि । तन्नो नन्दी प्रचोदयात्

harivaktrāya vidmahe rudravaktrāya dhīmahi / tanno nandī pracodayāt

Sanskrit only: no published translation is held for this verse.

नारायणाय विद्महे वासुदेवाय धीमहि । तन्नो विष्णुः प्रचोदयात्

nārāyaṇāya vidmahe vāsudevāya dhīmahi / tanno viṣṇuḥ pracodayāt

Sanskrit only: no published translation is held for this verse.

महांबिकायै विद्महे कर्मसिद्धैय च धीमहि । तन्नो लक्ष्मीः प्रचोदयात्

mahāṃbikāyai vidmahe karmasiddhaiya ca dhīmahi / tanno lakṣmīḥ pracodayāt

Sanskrit only: no published translation is held for this verse.

समुद्धृतायै विद्महे विष्णुनैकेन धीमहि । तन्नो धरा प्रचोदयात्

samuddhṛtāyai vidmahe viṣṇunaikena dhīmahi / tanno dharā pracodayāt

Sanskrit only: no published translation is held for this verse.

वैनतेयाय विद्महे सुवर्णपक्षाय धीमहि । तन्नो गरुडः प्रचोदयात्

vainateyāya vidmahe suvarṇapakṣāya dhīmahi / tanno garuḍaḥ pracodayāt

Sanskrit only: no published translation is held for this verse.

पद्मोद्भवाय विद्महे वेदवक्त्राय धीमहि । तन्नः स्रष्टा प्रचोदयात्

padmodbhavāya vidmahe vedavaktrāya dhīmahi / tannaḥ sraṣṭā pracodayāt

Sanskrit only: no published translation is held for this verse.

शिवास्यजायै विद्महे देवरूपायै धीमहि । तन्नो वाचा प्रचोदयात्

śivāsyajāyai vidmahe devarūpāyai dhīmahi / tanno vācā pracodayāt

Sanskrit only: no published translation is held for this verse.

देवराजाय विद्महे वज्रहस्ताय धीमहि । तन्नः शक्रः प्रचोदयात्

devarājāya vidmahe vajrahastāya dhīmahi / tannaḥ śakraḥ pracodayāt

Sanskrit only: no published translation is held for this verse.

रुद्रनेत्राय विद्महे शक्तिहस्ताय धीमहि । तन्नो वह्निः प्रचोदयात्

rudranetrāya vidmahe śaktihastāya dhīmahi / tanno vahniḥ pracodayāt

Sanskrit only: no published translation is held for this verse.

वैवस्वताय विद्महे दण्डहस्ताय धीमहि । तन्नो यमः प्रचोदयात्

vaivasvatāya vidmahe daṇḍahastāya dhīmahi / tanno yamaḥ pracodayāt

Sanskrit only: no published translation is held for this verse.

निशाचराय विद्महे खड्गहस्ताय धीमहि । तन्नो निरृतिः प्रचोदयात्

niśācarāya vidmahe khaḍgahastāya dhīmahi / tanno nirṛtiḥ pracodayāt

Sanskrit only: no published translation is held for this verse.

शुद्धहस्ताय विद्महे पाशहस्ताय धीमहि । तन्नो वरुणः प्रचोदयात्

śuddhahastāya vidmahe pāśahastāya dhīmahi / tanno varuṇaḥ pracodayāt

Sanskrit only: no published translation is held for this verse.

सर्पप्राणाय विद्महे यष्टिहस्ताय धीमहि । तन्नो वुयः प्रचोदयात्

sarpaprāṇāya vidmahe yaṣṭihastāya dhīmahi / tanno vuyaḥ pracodayāt

Sanskrit only: no published translation is held for this verse.

यक्षेश्वराय विद्महे गदाहस्ताय धीमहि । तन्नो यक्षः प्रचोदयात्

yakṣeśvarāya vidmahe gadāhastāya dhīmahi / tanno yakṣaḥ pracodayāt

Sanskrit only: no published translation is held for this verse.

सर्वेश्वराय विद्महे शूलहस्ताय धीमहि । तन्नो रुद्रः प्रचोदयात्

sarveśvarāya vidmahe śūlahastāya dhīmahi / tanno rudraḥ pracodayāt

Sanskrit only: no published translation is held for this verse.

कात्यायन्यै विद्महे कन्याकुमार्यै धीमहि । तन्नो दुर्गा प्रचोदयात्

kātyāyanyai vidmahe kanyākumāryai dhīmahi / tanno durgā pracodayāt

Sanskrit only: no published translation is held for this verse.

एवं प्रभिद्य गायत्रीं तत्तदेवानुरूपतः । पूजयेत् स्थापयेत्तेषामासनं प्रणवं स्मृतम्

evaṃ prabhidya gāyatrīṃ tattadevānurūpataḥ / pūjayet sthāpayetteṣāmāsanaṃ praṇavaṃ smṛtam

Sanskrit only: no published translation is held for this verse.

अथवा विष्णुमतुलं सूक्तेन पुरुषेण वा । विष्णुं चैव महाविष्णुं सदाविष्णुमनुक्रमात्

athavā viṣṇumatulaṃ sūktena puruṣeṇa vā / viṣṇuṃ caiva mahāviṣṇuṃ sadāviṣṇumanukramāt

Sanskrit only: no published translation is held for this verse.

स्थापयेद्देवगायत्र्या परिकल्प्य विधानतः । वासुदेवः प्रधानस्तु ततः संकर्षणः स्वयम्

sthāpayeddevagāyatryā parikalpya vidhānataḥ / vāsudevaḥ pradhānastu tataḥ saṃkarṣaṇaḥ svayam

Sanskrit only: no published translation is held for this verse.

प्रद्युम्नो ह्यनिरुद्धश्च मूर्तिभेदास्तु वै प्रभोः । बहूनि विविधानीह तस्य शापोद्भवानि च

pradyumno hyaniruddhaśca mūrtibhedāstu vai prabhoḥ / bahūni vividhānīha tasya śāpodbhavāni ca

Sanskrit only: no published translation is held for this verse.

सर्वावर्तेषु रूपाणि जगतां च हिताय वै । मत्स्यः कूर्मो ऽथ वाराहो नारसिंहो ऽथ वामनः

sarvāvarteṣu rūpāṇi jagatāṃ ca hitāya vai / matsyaḥ kūrmo 'tha vārāho nārasiṃho 'tha vāmanaḥ

Sanskrit only: no published translation is held for this verse.

रामो रामश्च कृष्णश्च बौद्धः कल्की तथैव च । तथान्यानि न देवस्य हरेः सापोद्भवानि च

rāmo rāmaśca kṛṣṇaśca bauddhaḥ kalkī tathaiva ca / tathānyāni na devasya hareḥ sāpodbhavāni ca

Sanskrit only: no published translation is held for this verse.

तेषामपि च गायत्रीं कृत्वा स्ताप्य च पूजयेत् । गुह्यानि देवदेवस्य हरेर्नारायणस्य च

teṣāmapi ca gāyatrīṃ kṛtvā stāpya ca pūjayet / guhyāni devadevasya harernārāyaṇasya ca

Sanskrit only: no published translation is held for this verse.

विज्ञानानि च यन्त्राणि मन्त्रोपनिषदानि च । पञ्च ब्रह्माङ्गजानीह पञ्चभूतमयानि च

vijñānāni ca yantrāṇi mantropaniṣadāni ca / pañca brahmāṅgajānīha pañcabhūtamayāni ca

Sanskrit only: no published translation is held for this verse.

नमो नारायणायेति मन्त्रः परमशोभनः । हरेरष्टाक्षराणीह प्रणवेन समासतः

namo nārāyaṇāyeti mantraḥ paramaśobhanaḥ / hareraṣṭākṣarāṇīha praṇavena samāsataḥ

Sanskrit only: no published translation is held for this verse.

ॐ नमो वासुदेवाय नमः संकर्षणाय च । प्रद्युम्नाय प्रधानाय अनिरुद्धाय वै नमः

oṃ namo vāsudevāya namaḥ saṃkarṣaṇāya ca / pradyumnāya pradhānāya aniruddhāya vai namaḥ

Sanskrit only: no published translation is held for this verse.

एकमेकेन मन्त्रेण स्थापयेत्परमेश्वरम् । बिंबानियानि देवस्य शिवस्य परमेष्ठिनः

ekamekena mantreṇa sthāpayetparameśvaram / biṃbāniyāni devasya śivasya parameṣṭhinaḥ

Sanskrit only: no published translation is held for this verse.

प्रतिष्ठा चैव पूजा च लिङ्गवन्मुनिसत्तमाः । रत्नविन्याससहितं कौतुकानि हरेरपि

pratiṣṭhā caiva pūjā ca liṅgavanmunisattamāḥ / ratnavinyāsasahitaṃ kautukāni harerapi

Sanskrit only: no published translation is held for this verse.

अचले कारयेत्सर्वं चलेप्येवं विधानतः । तन्नेत्रोन्मीलनं कुर्यान्नेत्रमन्त्रेण सुव्रताः

acale kārayetsarvaṃ calepyevaṃ vidhānataḥ / tannetronmīlanaṃ kuryānnetramantreṇa suvratāḥ

Sanskrit only: no published translation is held for this verse.

क्षेत्रप्रदक्षिणं चैव आरामस्य पुरस्य च । जलाधिवासनं चैव पूर्ववत्परिकीर्तितम्

kṣetrapradakṣiṇaṃ caiva ārāmasya purasya ca / jalādhivāsanaṃ caiva pūrvavatparikīrtitam

Sanskrit only: no published translation is held for this verse.

कुण्डमण्डपनिर्माणं शयनं च विधीयते । हुत्वा नवाग्निभागेन नवकुण्डे यताविधि

kuṇḍamaṇḍapanirmāṇaṃ śayanaṃ ca vidhīyate / hutvā navāgnibhāgena navakuṇḍe yatāvidhi

Sanskrit only: no published translation is held for this verse.

अथवा पञ्चकुण्डेषु प्रधाने केवले ऽथ वा । प्रतिष्ठा कथिता दिव्या पारंपर्यक्रमागता

athavā pañcakuṇḍeṣu pradhāne kevale 'tha vā / pratiṣṭhā kathitā divyā pāraṃparyakramāgatā

Sanskrit only: no published translation is held for this verse.

शिलोद्भवानां बिंबानां चित्राभासस्य वा पुनः । जलाधिवासनं प्रोक्तं वृषेन्द्रस्य प्रकीर्तितम्

śilodbhavānāṃ biṃbānāṃ citrābhāsasya vā punaḥ / jalādhivāsanaṃ proktaṃ vṛṣendrasya prakīrtitam

Sanskrit only: no published translation is held for this verse.

प्रासादस्य प्रतिष्ठायां प्रतिष्ठा परिकीर्तिता । प्रासादाङ्गस्य सर्वस्य यथाङ्गानां तनोरिव

prāsādasya pratiṣṭhāyāṃ pratiṣṭhā parikīrtitā / prāsādāṅgasya sarvasya yathāṅgānāṃ tanoriva

Sanskrit only: no published translation is held for this verse.

वृषाग्निमातृविघ्नेशकुमारानपि यत्नतः । श्रेष्ठां दुर्गां तथा चण्डीं गायत्र्या वै यथाविधि

vṛṣāgnimātṛvighneśakumārānapi yatnataḥ / śreṣṭhāṃ durgāṃ tathā caṇḍīṃ gāyatryā vai yathāvidhi

Sanskrit only: no published translation is held for this verse.

प्रागाद्यं स्थापयेच्छंभोरष्टावरणमुत्तमम् । लोकपालगणेशाद्यानपि शंभोः प्रविन्यसेत्

prāgādyaṃ sthāpayecchaṃbhoraṣṭāvaraṇamuttamam / lokapālagaṇeśādyānapi śaṃbhoḥ pravinyaset

Sanskrit only: no published translation is held for this verse.

उमा चण्डी च नन्दी च महाकालो महामुनिः । विघ्नेश्वरो महाभृङ्गी स्कन्दः सौम्यादितः क्रमात्

umā caṇḍī ca nandī ca mahākālo mahāmuniḥ / vighneśvaro mahābhṛṅgī skandaḥ saumyāditaḥ kramāt

Sanskrit only: no published translation is held for this verse.

इन्द्रादीन्स्वेषु स्थानेषु ब्रह्माणं च जनार्दनम् । स्थापयेच्चैव यत्नेन क्षेत्रेशं वेशगोचरे

indrādīnsveṣu sthāneṣu brahmāṇaṃ ca janārdanam / sthāpayeccaiva yatnena kṣetreśaṃ veśagocare

Sanskrit only: no published translation is held for this verse.

सिंहासने ह्यनन्तादीन् विद्येशामपि च क्रमात् । स्थापयेत्प्रणवेनैव गुह्याङ्गादीनि पङ्कजे

siṃhāsane hyanantādīn vidyeśāmapi ca kramāt / sthāpayetpraṇavenaiva guhyāṅgādīni paṅkaje

Sanskrit only: no published translation is held for this verse.

एवं संक्षेपतः प्रोक्तं चलस्थापनसुत्तमम् । सर्वेषामपि देवानां देवीनां च विशेषतः

evaṃ saṃkṣepataḥ proktaṃ calasthāpanasuttamam / sarveṣāmapi devānāṃ devīnāṃ ca viśeṣataḥ

Sanskrit only: no published translation is held for this verse.