Library·Liṅga Purāṇa·2·2.49
इति श्रीलिङ्गमहापुराणे उत्तरभागे ऽष्टचत्वारिंशो ऽध्यायः ऋषय ऊचुः अघोरेशस्य महात्म्यं भवता कथितं पुरा । पूजां प्रतिष्ठां देवस्य भगवन्वक्तुमर्हसि
iti śrīliṅgamahāpurāṇe uttarabhāge 'ṣṭacatvāriṃśo 'dhyāyaḥ ṛṣaya ūcuḥ aghoreśasya mahātmyaṃ bhavatā kathitaṃ purā / pūjāṃ pratiṣṭhāṃ devasya bhagavanvaktumarhasi
Sanskrit only: no published translation is held for this verse.
सूत उवाच अघोरेणाङ्ग युक्तेन विधिवच्च विशेषतः । प्रतिष्ठालिङ्गविधिना नान्यता मुनिपुङ्गवाः
sūta uvāca aghoreṇāṅga yuktena vidhivacca viśeṣataḥ / pratiṣṭhāliṅgavidhinā nānyatā munipuṅgavāḥ
Sanskrit only: no published translation is held for this verse.
तथाग्निपूजां वै कुर्याद्यथा पूजा तथैव च । सहस्रं वा तदर्धं वा शतमष्टोत्तरं तु वा
tathāgnipūjāṃ vai kuryādyathā pūjā tathaiva ca / sahasraṃ vā tadardhaṃ vā śatamaṣṭottaraṃ tu vā
Sanskrit only: no published translation is held for this verse.
तिलैर्हेमः प्रकर्तव्यो दधिमध्वाज्यसंयुतैः । घृतसक्तुमदूनां च सर्वदुःखप्रमार्जनम्
tilairhemaḥ prakartavyo dadhimadhvājyasaṃyutaiḥ / ghṛtasaktumadūnāṃ ca sarvaduḥkhapramārjanam
Sanskrit only: no published translation is held for this verse.
व्याधीनां नाशनं चैव तिलहोमस्तु भूतिदः । सहस्रेण महाभूतिः शतेन व्याधिनाशनम्
vyādhīnāṃ nāśanaṃ caiva tilahomastu bhūtidaḥ / sahasreṇa mahābhūtiḥ śatena vyādhināśanam
Sanskrit only: no published translation is held for this verse.
सर्वदुःखविनिर्मुक्तो जपेन च न संशयः । अष्टोत्तरशतेनैव त्रिकाले च यथाविधि
sarvaduḥkhavinirmukto japena ca na saṃśayaḥ / aṣṭottaraśatenaiva trikāle ca yathāvidhi
Sanskrit only: no published translation is held for this verse.
अष्टोत्तरसहस्रेण षण्मासाज्जायते ध्रुवम् । सिद्धयो नैव संदेहो राज्यमण्डालिनामपि
aṣṭottarasahasreṇa ṣaṇmāsājjāyate dhruvam / siddhayo naiva saṃdeho rājyamaṇḍālināmapi
Sanskrit only: no published translation is held for this verse.
सहस्रेण ज्वरो याति क्षीरेण च जुहोति यम् । त्रिकालं मासमेकं तु सहस्रं जुहुयात्पयः
sahasreṇa jvaro yāti kṣīreṇa ca juhoti yam / trikālaṃ māsamekaṃ tu sahasraṃ juhuyātpayaḥ
Sanskrit only: no published translation is held for this verse.
मासेन सिद्ध्यते तस्य महासौभाग्यमुत्तमम् । सिद्ध्यते चाब्दहोमेन क्षौद्राज्यदधिसंयुतम्
māsena siddhyate tasya mahāsaubhāgyamuttamam / siddhyate cābdahomena kṣaudrājyadadhisaṃyutam
Sanskrit only: no published translation is held for this verse.
यवक्षीराज्यहोमेन जातितण्डुलकेन वा । प्रीयेत भगवानीशो ह्यघोरः परमेश्वरः
yavakṣīrājyahomena jātitaṇḍulakena vā / prīyeta bhagavānīśo hyaghoraḥ parameśvaraḥ
Sanskrit only: no published translation is held for this verse.
दध्ना पुष्टिर्नृपाणां च क्षीरहोमेन शान्तिकम् । षण्मासं तु घृतं हुत्वा सर्वव्याधिविनाशनम्
dadhnā puṣṭirnṛpāṇāṃ ca kṣīrahomena śāntikam / ṣaṇmāsaṃ tu ghṛtaṃ hutvā sarvavyādhivināśanam
Sanskrit only: no published translation is held for this verse.
राजयक्ष्मा तिलैर्हेमान्नश्यते वत्सरेण तु । यवहोमेन चायुष्यं घृतेन च जयस्तदा
rājayakṣmā tilairhemānnaśyate vatsareṇa tu / yavahomena cāyuṣyaṃ ghṛtena ca jayastadā
Sanskrit only: no published translation is held for this verse.
सर्वकुष्ठक्षयार्थं च मधुनाक्तैश्च तण्डुलैः । जुहुयादयुतं नित्यं षण्मासान्नियतः सदा
sarvakuṣṭhakṣayārthaṃ ca madhunāktaiśca taṇḍulaiḥ / juhuyādayutaṃ nityaṃ ṣaṇmāsānniyataḥ sadā
Sanskrit only: no published translation is held for this verse.
आज्यङ्क्षीरं मधुश्चैव मधुरत्रयमुच्यते । समस्तं तुष्यते तस्य नाशयेद्वै भगन्दरम्
ājyaṅkṣīraṃ madhuścaiva madhuratrayamucyate / samastaṃ tuṣyate tasya nāśayedvai bhagandaram
Sanskrit only: no published translation is held for this verse.
केवलं घृतहोमेन सर्वरोगक्षयः स्मृतः । सर्वव्याधि हरं ध्यानं स्थापनं विधिनार्चनम्
kevalaṃ ghṛtahomena sarvarogakṣayaḥ smṛtaḥ / sarvavyādhi haraṃ dhyānaṃ sthāpanaṃ vidhinārcanam
Sanskrit only: no published translation is held for this verse.
एवं संक्षेपतः प्रोक्तमघोरस्य महात्मनः । प्रतिष्ठा यजनं सर्वं नन्दिना कथितं पुरा
evaṃ saṃkṣepataḥ proktamaghorasya mahātmanaḥ / pratiṣṭhā yajanaṃ sarvaṃ nandinā kathitaṃ purā
Sanskrit only: no published translation is held for this verse.
ब्रह्मपुत्राय शिष्याय तेन व्यासाय सुव्रताः
brahmaputrāya śiṣyāya tena vyāsāya suvratāḥ
Sanskrit only: no published translation is held for this verse.