Liṅga Purāṇa 2.50

श्रीलीङ्गमहापुराणे उत्तरभागे एकोनपञ्चाशत्तमो ऽध्यायः ऋषय ऊचुः निग्रहः कथितस्तेन शिववक्त्रेण शूलिना । कृतापरान्धिनां तं तु वक्तुमर्हसि सुव्रत

śrīlīṅgamahāpurāṇe uttarabhāge ekonapañcāśattamo 'dhyāyaḥ ṛṣaya ūcuḥ nigrahaḥ kathitastena śivavaktreṇa śūlinā / kṛtāparāndhināṃ taṃ tu vaktumarhasi suvrata

Sanskrit only: no published translation is held for this verse.

त्वया नविदिनं नास्ति लौकिकं वैदिकं तथा । श्रौतं स्मार्तं महाभाग रोमहर्षण सुव्रत

tvayā navidinaṃ nāsti laukikaṃ vaidikaṃ tathā / śrautaṃ smārtaṃ mahābhāga romaharṣaṇa suvrata

Sanskrit only: no published translation is held for this verse.

सूत उवाच पुरा भृगुसुतेनोक्तो हिरण्याक्षाय सुव्रताः । निग्रहो ऽघोरशिष्येण शुक्रेणाक्षयतेजसा

sūta uvāca purā bhṛgusutenokto hiraṇyākṣāya suvratāḥ / nigraho 'ghoraśiṣyeṇa śukreṇākṣayatejasā

Sanskrit only: no published translation is held for this verse.

तस्य प्रसादद्दैत्येन्द्रो हिरण्याक्षः प्रतापवान् । त्रैलोक्यमखिलं जित्वा सदेवासुरमानुषम्

tasya prasādaddaityendro hiraṇyākṣaḥ pratāpavān / trailokyamakhilaṃ jitvā sadevāsuramānuṣam

Sanskrit only: no published translation is held for this verse.

उत्पाद्य पुत्रं गणपं चान्धकं चारुविक्रमम् । रराज लोके देवेन वराहेण निषूदितः

utpādya putraṃ gaṇapaṃ cāndhakaṃ cāruvikramam / rarāja loke devena varāheṇa niṣūditaḥ

Sanskrit only: no published translation is held for this verse.

स्त्रीबाधां बालबाधां च गवामपि विशेषतः । कुर्वतो नास्ति विजयो मार्गेणानेन भूतले

strībādhāṃ bālabādhāṃ ca gavāmapi viśeṣataḥ / kurvato nāsti vijayo mārgeṇānena bhūtale

Sanskrit only: no published translation is held for this verse.

तेन दैत्येन सा देवी धरा नीता रसातलम् । तेनाघोरेण देवेन निष्फलो निग्रहः कृतः

tena daityena sā devī dharā nītā rasātalam / tenāghoreṇa devena niṣphalo nigrahaḥ kṛtaḥ

Sanskrit only: no published translation is held for this verse.

संवत्सर सहस्रान्ते वराहेण च सूदितः । तस्मादघोरसिद्ध्यर्थं ब्राह्मणान्नैव बाधयेत्

saṃvatsara sahasrānte varāheṇa ca sūditaḥ / tasmādaghorasiddhyarthaṃ brāhmaṇānnaiva bādhayet

Sanskrit only: no published translation is held for this verse.

स्त्रीणामपि विशेषेण गवामपि न कारयेत् । गुह्याद्गुह्यतमङ्गोप्यमतिगुह्यं वदामि वः

strīṇāmapi viśeṣeṇa gavāmapi na kārayet / guhyādguhyatamaṅgopyamatiguhyaṃ vadāmi vaḥ

Sanskrit only: no published translation is held for this verse.

आततायिनमुद्दिश्य कर्तव्यं नृपसत्तमैः । ब्राह्मणेभ्यो न कर्तव्यं स्वराष्ट्रेशस्य वा पुनः

ātatāyinamuddiśya kartavyaṃ nṛpasattamaiḥ / brāhmaṇebhyo na kartavyaṃ svarāṣṭreśasya vā punaḥ

Sanskrit only: no published translation is held for this verse.

अतीवदुर्जये प्राप्ते बले सर्वे निषूदिते । अधर्मयुद्धे संप्राप्ते कुर्याद्विधिमनुत्तमम्

atīvadurjaye prāpte bale sarve niṣūdite / adharmayuddhe saṃprāpte kuryādvidhimanuttamam

Sanskrit only: no published translation is held for this verse.

अघृणेनैव कर्तव्यो ह्यघृणेनैव कारयेत् । कृतमात्रे न संदेहो निग्रहः संप्रजायते

aghṛṇenaiva kartavyo hyaghṛṇenaiva kārayet / kṛtamātre na saṃdeho nigrahaḥ saṃprajāyate

Sanskrit only: no published translation is held for this verse.

लक्षमात्रं पुमाञ्जप्त्वा अघोरं घोररूपिणम् । दशांशं विधिना हुत्वा तिलेन द्विजसत्तमाः

lakṣamātraṃ pumāñjaptvā aghoraṃ ghorarūpiṇam / daśāṃśaṃ vidhinā hutvā tilena dvijasattamāḥ

Sanskrit only: no published translation is held for this verse.

संपूज्य लक्षपुष्पेण सितेन विधिपूर्वकम् । बाणलिङ्गे ऽथवा वह्नौ दक्षिणामूर्तिमाश्रितः

saṃpūjya lakṣapuṣpeṇa sitena vidhipūrvakam / bāṇaliṅge 'thavā vahnau dakṣiṇāmūrtimāśritaḥ

Sanskrit only: no published translation is held for this verse.

सिद्धमन्त्रो ऽन्यता नास्ति द्रष्टा सिद्ध्यादयः पुनः । सिद्धमन्त्रः स्वयं कुर्यात्प्रेतस्थाने विशेषतः

siddhamantro 'nyatā nāsti draṣṭā siddhyādayaḥ punaḥ / siddhamantraḥ svayaṃ kuryātpretasthāne viśeṣataḥ

Sanskrit only: no published translation is held for this verse.

मातृस्थाने ऽपि वा विद्वान्वेदवेदाङ्गपारगः । केवलं मन्त्रसिद्धो वा ब्राह्मणः शिवभावितः

mātṛsthāne 'pi vā vidvānvedavedāṅgapāragaḥ / kevalaṃ mantrasiddho vā brāhmaṇaḥ śivabhāvitaḥ

Sanskrit only: no published translation is held for this verse.

कुर्याद्विधिमिमं धीमानात्मनोर्ऽथं नृपस्य वा । सूलाष्टकं न्यसेद्विद्वान्पूर्वादीशानकान्तकम्

kuryādvidhimimaṃ dhīmānātmanor'thaṃ nṛpasya vā / sūlāṣṭakaṃ nyasedvidvānpūrvādīśānakāntakam

Sanskrit only: no published translation is held for this verse.

त्रिशिखं च त्रिशूलं च चतुर्विशाच्छिकाग्रतः । अघोरविग्रहं कृत्वा संकलीकृतविग्रहः

triśikhaṃ ca triśūlaṃ ca caturviśācchikāgrataḥ / aghoravigrahaṃ kṛtvā saṃkalīkṛtavigrahaḥ

Sanskrit only: no published translation is held for this verse.

सर्वनाशकरं ध्यात्वा सर्वकर्माणि कारयेत् । कालाग्निकोटिसंकाशं स्वदेहमपि भावयेत्

sarvanāśakaraṃ dhyātvā sarvakarmāṇi kārayet / kālāgnikoṭisaṃkāśaṃ svadehamapi bhāvayet

Sanskrit only: no published translation is held for this verse.

शूलं कपालं पाशं च दण्डं चैव शरासनम् । बाणं डमरुकं खड्गमष्टायुधमनुक्रमात्

śūlaṃ kapālaṃ pāśaṃ ca daṇḍaṃ caiva śarāsanam / bāṇaṃ ḍamarukaṃ khaḍgamaṣṭāyudhamanukramāt

Sanskrit only: no published translation is held for this verse.

अष्टहस्तश्च वरदो नीलकण्ठो दिगंबरः । पञ्चतत्त्वसमारूढो ह्यर्धचन्द्रधरः प्रभुः

aṣṭahastaśca varado nīlakaṇṭho digaṃbaraḥ / pañcatattvasamārūḍho hyardhacandradharaḥ prabhuḥ

Sanskrit only: no published translation is held for this verse.

दंष्ट्राकरालवदनो रौद्रदृष्टिर्भयङ्करः । हुंफट्कारमहाशब्दशब्दिताखिलदिङ्मुखः

daṃṣṭrākarālavadano raudradṛṣṭirbhayaṅkaraḥ / huṃphaṭkāramahāśabdaśabditākhiladiṅmukhaḥ

Sanskrit only: no published translation is held for this verse.

त्रिनेत्रं नागपाशेन सुबद्धमुकुटं स्वयम् । सर्वाभरणसंपन्नं प्रेतभस्मावगुण्ठितम्

trinetraṃ nāgapāśena subaddhamukuṭaṃ svayam / sarvābharaṇasaṃpannaṃ pretabhasmāvaguṇṭhitam

Sanskrit only: no published translation is held for this verse.

भूतैः प्रेतैः पिशाचैश्च डाकिनीभिश्च राक्षसैः । संवृतं गजकृत्त्वा च सर्पभूषणभूषितम्

bhūtaiḥ pretaiḥ piśācaiśca ḍākinībhiśca rākṣasaiḥ / saṃvṛtaṃ gajakṛttvā ca sarpabhūṣaṇabhūṣitam

Sanskrit only: no published translation is held for this verse.

वृश्चिकाभरणं देवं नीलनीरदनिस्वनम् । नीलाञ्जनाद्रिसंकाशं सिंहचर्मोत्तरीयकम्

vṛścikābharaṇaṃ devaṃ nīlanīradanisvanam / nīlāñjanādrisaṃkāśaṃ siṃhacarmottarīyakam

Sanskrit only: no published translation is held for this verse.

ध्यायेदेवमघोरेशं घोरघोरतरं शिवम् । षट्त्रिंशदुक्तमात्राभिः प्राणायामेन सुव्रताः

dhyāyedevamaghoreśaṃ ghoraghorataraṃ śivam / ṣaṭtriṃśaduktamātrābhiḥ prāṇāyāmena suvratāḥ

Sanskrit only: no published translation is held for this verse.

महामुद्रासमायुक्तः सर्वकर्माणि कारयेत् । सिद्धमन्त्रश्चिताग्नौ वा प्रेतस्थाने यथाविधि

mahāmudrāsamāyuktaḥ sarvakarmāṇi kārayet / siddhamantraścitāgnau vā pretasthāne yathāvidhi

Sanskrit only: no published translation is held for this verse.

स्थापयेन्मध्यदेशे तु एएन्द्रे याम्ये च वारुणे । कौबेर्यां विदिवत्कृत्वा होमकुण्डानि शास्त्रतः

sthāpayenmadhyadeśe tu eendre yāmye ca vāruṇe / kauberyāṃ vidivatkṛtvā homakuṇḍāni śāstrataḥ

Sanskrit only: no published translation is held for this verse.

आचार्यो मध्यकुण्डे तु साधकाश्च दिशासु वै । परिस्तीर्य विलोमेन पूर्ववच्छूलसंभृतः

ācāryo madhyakuṇḍe tu sādhakāśca diśāsu vai / paristīrya vilomena pūrvavacchūlasaṃbhṛtaḥ

Sanskrit only: no published translation is held for this verse.

कालाग्निपीठमध्यस्थः स्वयं शिष्यैश्च तादृशैः । ध्यात्वा घोरमघोरेशं द्वात्रिंशाक्षरसंयुतम्

kālāgnipīṭhamadhyasthaḥ svayaṃ śiṣyaiśca tādṛśaiḥ / dhyātvā ghoramaghoreśaṃ dvātriṃśākṣarasaṃyutam

Sanskrit only: no published translation is held for this verse.

विभीतकेन वै कृत्वा द्वादशाङ्गुलमानतः । पीठे न्यस्य नृपेन्द्रस्य शत्रुमङ्गारकेण तु

vibhītakena vai kṛtvā dvādaśāṅgulamānataḥ / pīṭhe nyasya nṛpendrasya śatrumaṅgārakeṇa tu

Sanskrit only: no published translation is held for this verse.

कुण्डस्याधः खनेच्छत्रुं ब्राह्मणः क्रोधमूर्च्छितः । अधोमुखोर्ध्वपादं तु सर्वकुण्डेषु यत्नतः

kuṇḍasyādhaḥ khanecchatruṃ brāhmaṇaḥ krodhamūrcchitaḥ / adhomukhordhvapādaṃ tu sarvakuṇḍeṣu yatnataḥ

Sanskrit only: no published translation is held for this verse.

श्मशानाङ्गारमानीय तुषेण सह दाहयेत् । तत्राग्निं स्थापयेत्तूष्णीं ब्रह्मचर्यपरायणः

śmaśānāṅgāramānīya tuṣeṇa saha dāhayet / tatrāgniṃ sthāpayettūṣṇīṃ brahmacaryaparāyaṇaḥ

Sanskrit only: no published translation is held for this verse.

मायूरास्त्रेण नाभ्यां तु ज्वलनं दीपयेत्ततः । कञ्चुकं तुषसंयुक्तैः कार्पासास्थिसमन्वितैः

māyūrāstreṇa nābhyāṃ tu jvalanaṃ dīpayettataḥ / kañcukaṃ tuṣasaṃyuktaiḥ kārpāsāsthisamanvitaiḥ

Sanskrit only: no published translation is held for this verse.

रक्तवस्त्रसमं मिश्रैर्हेमद्रव्यैर्विशेषतः । हस्तयन्त्रोद्भवैस्तैलैः सह होमं तु कारयेत्

raktavastrasamaṃ miśrairhemadravyairviśeṣataḥ / hastayantrodbhavaistailaiḥ saha homaṃ tu kārayet

Sanskrit only: no published translation is held for this verse.

अष्टोत्तरसहस्रं तु होमयेदनुपूर्वशः । कृष्णपक्षे चतुर्दश्यां समारभ्य यथाक्रमम्

aṣṭottarasahasraṃ tu homayedanupūrvaśaḥ / kṛṣṇapakṣe caturdaśyāṃ samārabhya yathākramam

Sanskrit only: no published translation is held for this verse.

अष्टम्यन्तं तथाङ्गारमण्डलस्थानवर्जितः । एवं कृते नृपेन्द्रस्य शत्रवः कुलजैः सह

aṣṭamyantaṃ tathāṅgāramaṇḍalasthānavarjitaḥ / evaṃ kṛte nṛpendrasya śatravaḥ kulajaiḥ saha

Sanskrit only: no published translation is held for this verse.

सर्वदुःखसमोपेताः प्रयान्ति यमसादनम् । मन्त्रेणानेन चादाय नृकपाले नखं तथा

sarvaduḥkhasamopetāḥ prayānti yamasādanam / mantreṇānena cādāya nṛkapāle nakhaṃ tathā

Sanskrit only: no published translation is held for this verse.

केशं नृणां तथाङ्गारं तुषं कञ्चुकमेव च । चीरच्छटां राजधूलीं गृहसंमार्जनस्य वा

keśaṃ nṛṇāṃ tathāṅgāraṃ tuṣaṃ kañcukameva ca / cīracchaṭāṃ rājadhūlīṃ gṛhasaṃmārjanasya vā

Sanskrit only: no published translation is held for this verse.

विषसर्पस्य दन्तानि वृषदन्तानि यानि तु । गवां चैव क्रमेणैव व्याघ्रदन्तनखानि च

viṣasarpasya dantāni vṛṣadantāni yāni tu / gavāṃ caiva krameṇaiva vyāghradantanakhāni ca

Sanskrit only: no published translation is held for this verse.

तथा कृष्णमृगाणां च बिडालस्य च पूर्ववत् । नकुलस्य च दन्तानि वराहस्य विशेषतः

tathā kṛṣṇamṛgāṇāṃ ca biḍālasya ca pūrvavat / nakulasya ca dantāni varāhasya viśeṣataḥ

Sanskrit only: no published translation is held for this verse.

दंष्ट्राणि साधयित्वा तु मन्त्रेणानेन सुव्रताः । जपेदष्टोत्तरशतं मन्त्रं चाघोरमुत्तमम्

daṃṣṭrāṇi sādhayitvā tu mantreṇānena suvratāḥ / japedaṣṭottaraśataṃ mantraṃ cāghoramuttamam

Sanskrit only: no published translation is held for this verse.

तत्कपालं नखं क्षेत्रे गृहे वा नगरे ऽपि वा । प्रेतस्थाने ऽपि वा राष्ट्रे मृतवस्त्रेण वेष्टयेत्

tatkapālaṃ nakhaṃ kṣetre gṛhe vā nagare 'pi vā / pretasthāne 'pi vā rāṣṭre mṛtavastreṇa veṣṭayet

Sanskrit only: no published translation is held for this verse.

शत्रोरष्टमाराशौ वा परिविष्टे दिवाकरे । सोमे वा परिविष्टे तु मन्त्रेणानेन सुव्रताः

śatroraṣṭamārāśau vā pariviṣṭe divākare / some vā pariviṣṭe tu mantreṇānena suvratāḥ

Sanskrit only: no published translation is held for this verse.

स्थाननाशो भवेत्तस्य शत्रोर्नाशश्च जायते । शत्रुं राज्ञः समालिख्य गमने समवस्थिते

sthānanāśo bhavettasya śatrornāśaśca jāyate / śatruṃ rājñaḥ samālikhya gamane samavasthite

Sanskrit only: no published translation is held for this verse.

भूतले दर्पणप्रख्ये वितानोपरि शोभिते । चतुस्तोरणसंयुक्ते दर्भमालासमावृते

bhūtale darpaṇaprakhye vitānopari śobhite / catustoraṇasaṃyukte darbhamālāsamāvṛte

Sanskrit only: no published translation is held for this verse.

वेदाध्ययनसंपन्ने राष्ट्रे वृद्धिप्रकाशके । दक्षिणेन तु पादेन मूर्ध्नि संताडयेत्स्वयम्

vedādhyayanasaṃpanne rāṣṭre vṛddhiprakāśake / dakṣiṇena tu pādena mūrdhni saṃtāḍayetsvayam

Sanskrit only: no published translation is held for this verse.

एवं कृते नृपेन्द्रस्य शत्रुनाशो भविष्यति । स्वाराष्ट्रपतिमुद्दिश्य यः कुर्यादाभिचारिकम्

evaṃ kṛte nṛpendrasya śatrunāśo bhaviṣyati / svārāṣṭrapatimuddiśya yaḥ kuryādābhicārikam

Sanskrit only: no published translation is held for this verse.

स आत्मानं निहत्यैव स्वकुलं नाशयेत्कुधीः । तस्मात्स्वराष्ट्रगांप्तारं नृपतिं पालयेत्सदा

sa ātmānaṃ nihatyaiva svakulaṃ nāśayetkudhīḥ / tasmātsvarāṣṭragāṃptāraṃ nṛpatiṃ pālayetsadā

Sanskrit only: no published translation is held for this verse.

मन्त्रैषधिक्रियाद्यैश्च सर्वयत्नेन सर्वदा । एतद्रहस्यं कथितं न देयं यस्य कस्यचित्

mantraiṣadhikriyādyaiśca sarvayatnena sarvadā / etadrahasyaṃ kathitaṃ na deyaṃ yasya kasyacit

Sanskrit only: no published translation is held for this verse.