Liṅga Purāṇa 2.51

इति श्रीलिङ्गमहापुराणे उत्तरभागे पञ्चाशत्तमो ऽध्यायः ऋषय ऊचुः निग्रहो ऽघोररूपेयं कथितो ऽस्माकमुत्तमम् । वज्रवाहनिकां विद्यां वक्तुमर्हसि सत्तम

iti śrīliṅgamahāpurāṇe uttarabhāge pañcāśattamo 'dhyāyaḥ ṛṣaya ūcuḥ nigraho 'ghorarūpeyaṃ kathito 'smākamuttamam / vajravāhanikāṃ vidyāṃ vaktumarhasi sattama

Sanskrit only: no published translation is held for this verse.

सूत उवाच वज्रवाहनिका नाम सर्वशत्रुभयङ्करी । अनया सेचयेद्वज्रं नृपाणां साधयेत्तथा

sūta uvāca vajravāhanikā nāma sarvaśatrubhayaṅkarī / anayā secayedvajraṃ nṛpāṇāṃ sādhayettathā

Sanskrit only: no published translation is held for this verse.

वज्रं कृत्वा विधानेन तद्वज्रमभिषिच्य च । अनया विद्यया तस्मिन्विन्येसेत्काञ्चनेन च

vajraṃ kṛtvā vidhānena tadvajramabhiṣicya ca / anayā vidyayā tasminvinyesetkāñcanena ca

Sanskrit only: no published translation is held for this verse.

ततश्चाक्षरलक्षं च जपेद्विद्वान्समाहितः । वज्रीदशांशं जुहुयाद्वज्रकुण्डे घृतादिभिः

tataścākṣaralakṣaṃ ca japedvidvānsamāhitaḥ / vajrīdaśāṃśaṃ juhuyādvajrakuṇḍe ghṛtādibhiḥ

Sanskrit only: no published translation is held for this verse.

तद्वज्रं गोपयेन्नित्यं दापयेन्नृपतेस्ततः । तेन वज्रेण वै गच्छञ्छत्रूञ्जीयाद्रणाजिरे

tadvajraṃ gopayennityaṃ dāpayennṛpatestataḥ / tena vajreṇa vai gacchañchatrūñjīyādraṇājire

Sanskrit only: no published translation is held for this verse.

पुरा पिता महेनैव लब्धा विद्या प्रयत्नतः । देवी शक्रोपकारार्थं साक्षाद्वज्रेश्वरी तथा

purā pitā mahenaiva labdhā vidyā prayatnataḥ / devī śakropakārārthaṃ sākṣādvajreśvarī tathā

Sanskrit only: no published translation is held for this verse.

पुरा त्वष्ट प्रजानाथो हतपुत्रः सुरेश्वरात् । विद्ययाहरतः सोममिन्द्रवैरेण सुव्रताः

purā tvaṣṭa prajānātho hataputraḥ sureśvarāt / vidyayāharataḥ somamindravaireṇa suvratāḥ

Sanskrit only: no published translation is held for this verse.

तस्मिन्यज्ञे यताप्राप्तं विदिनोपकृतं हविः । तदैच्छत महाबाहुर्विश्वरूपविमर्दनः

tasminyajñe yatāprāptaṃ vidinopakṛtaṃ haviḥ / tadaicchata mahābāhurviśvarūpavimardanaḥ

Sanskrit only: no published translation is held for this verse.

मत्पुत्रमवधीः शक्र न दास्ये तव शोभनम् । भागं भागार्हता नैव विश्वरूपो हतस्त्वया

matputramavadhīḥ śakra na dāsye tava śobhanam / bhāgaṃ bhāgārhatā naiva viśvarūpo hatastvayā

Sanskrit only: no published translation is held for this verse.

इत्युक्त्वा चाश्रमं सर्वं मोहयामास मायया । ततो मायां विनिर्भिद्य विश्वरूपविमर्दनः

ityuktvā cāśramaṃ sarvaṃ mohayāmāsa māyayā / tato māyāṃ vinirbhidya viśvarūpavimardanaḥ

Sanskrit only: no published translation is held for this verse.

प्रसह्य सोममपिबत्सगणैश्च शचीपतिः । ततस्तच्छेषमादाय क्रोधाविष्टः प्रजापतिः

prasahya somamapibatsagaṇaiśca śacīpatiḥ / tatastaccheṣamādāya krodhāviṣṭaḥ prajāpatiḥ

Sanskrit only: no published translation is held for this verse.

इन्द्रस्य शत्रो वर्धस्व स्वाहेत्यग्नौ जुहाव ह । ततः कालाग्निसंकाशो वर्तनाद्वृत्रसंज्ञितः

indrasya śatro vardhasva svāhetyagnau juhāva ha / tataḥ kālāgnisaṃkāśo vartanādvṛtrasaṃjñitaḥ

Sanskrit only: no published translation is held for this verse.

प्रादुरासीत् सुरेशारिर् दुद्राव च वृषान्तकः । ततः किरीटी भगवान्परित्यज्य दिवं क्षणात्

prādurāsīt sureśārir dudrāva ca vṛṣāntakaḥ / tataḥ kirīṭī bhagavānparityajya divaṃ kṣaṇāt

Sanskrit only: no published translation is held for this verse.

सहस्रनेत्रः सगणो दुद्राव भयविह्वलः । तदा तमाह स विभृर्हृष्टो ब्रह्मा च विश्वसृट्

sahasranetraḥ sagaṇo dudrāva bhayavihvalaḥ / tadā tamāha sa vibhṛrhṛṣṭo brahmā ca viśvasṛṭ

Sanskrit only: no published translation is held for this verse.

त्यक्त्वा वज्रं तमेतेन जहीत्यरिसरिन्दमः । सो ऽपि सन्नह्य देवेन्द्रो देवैः सार्धं महाभुजः

tyaktvā vajraṃ tametena jahītyarisarindamaḥ / so 'pi sannahya devendro devaiḥ sārdhaṃ mahābhujaḥ

Sanskrit only: no published translation is held for this verse.

निहत्य चाप्रयत्नेन गतवान्विगतज्वरः । तस्माद्वज्रेश्वरीविद्या सर्वशत्रुभयङ्करी

nihatya cāprayatnena gatavānvigatajvaraḥ / tasmādvajreśvarīvidyā sarvaśatrubhayaṅkarī

Sanskrit only: no published translation is held for this verse.

मन्देहा राक्षसा नित्यं विजिता विद्ययैव तु । तां विद्यां संप्रवक्ष्यामि सर्वपापप्रमोचनीम्

mandehā rākṣasā nityaṃ vijitā vidyayaiva tu / tāṃ vidyāṃ saṃpravakṣyāmi sarvapāpapramocanīm

Sanskrit only: no published translation is held for this verse.

ॐ भूर्भुवस्वः तत्सवितुर्वरेण्यं भर्गो देवस्य धीमहि । धियो यो नः प्रचोदयात् । ॐ फट् जहि हुं फट् छिन्धि भिन्धि जहि हनहन स्वाहा । विद्या वज्रेश्वरीत्येषा सर्वशत्रुभयङ्करी । अनया संहृतिः शंभोर्विद्याया मुनिपुङ्गवाः

oṃ bhūrbhuvasvaḥ tatsaviturvareṇyaṃ bhargo devasya dhīmahi / dhiyo yo naḥ pracodayāt / oṃ phaṭ jahi huṃ phaṭ chindhi bhindhi jahi hanahana svāhā / vidyā vajreśvarītyeṣā sarvaśatrubhayaṅkarī / anayā saṃhṛtiḥ śaṃbhorvidyāyā munipuṅgavāḥ

Sanskrit only: no published translation is held for this verse.