Liṅga Purāṇa 2.52

इति श्रीलिंङ्गमहापाराणे उत्तरभागे एकपञ्चाशत्तमो ऽध्यायः ऋषय ऊचुः श्रुता वज्रेश्वरी विद्या ब्राह्मी शक्रोपकारिणी । अनया सर्वकार्याणि नृपामामिति नः श्रुतम्

iti śrīliṃṅgamahāpārāṇe uttarabhāge ekapañcāśattamo 'dhyāyaḥ ṛṣaya ūcuḥ śrutā vajreśvarī vidyā brāhmī śakropakāriṇī / anayā sarvakāryāṇi nṛpāmāmiti naḥ śrutam

Sanskrit only: no published translation is held for this verse.

विनियोगं वदस्वास्या विद्याया रोमहर्षण । सूत उवाच वश्यमाकर्षणं चैव विद्वेषणमतः परम्

viniyogaṃ vadasvāsyā vidyāyā romaharṣaṇa / sūta uvāca vaśyamākarṣaṇaṃ caiva vidveṣaṇamataḥ param

Sanskrit only: no published translation is held for this verse.

उच्चाटनं स्तंभनं च मोहनं ताडनं तथा । उत्सादनं तथा छेदं मारणं प्रतिबन्धनम्

uccāṭanaṃ staṃbhanaṃ ca mohanaṃ tāḍanaṃ tathā / utsādanaṃ tathā chedaṃ māraṇaṃ pratibandhanam

Sanskrit only: no published translation is held for this verse.

सेनास्तंभनकादीनि सावित्र्या सर्वमाचरेत् । आगच्छ वरदे देवि भूम्यां पर्वतमूर्धनि

senāstaṃbhanakādīni sāvitryā sarvamācaret / āgaccha varade devi bhūmyāṃ parvatamūrdhani

Sanskrit only: no published translation is held for this verse.

ब्राह्मणेब्यो ह्यनुज्ञाता गच्छ देवि यथासुखम् । उद्वास्यानेन मन्त्रेण गन्तव्यं नान्यथा द्विजाः

brāhmaṇebyo hyanujñātā gaccha devi yathāsukham / udvāsyānena mantreṇa gantavyaṃ nānyathā dvijāḥ

Sanskrit only: no published translation is held for this verse.

प्रतिकार्यं तथा बाह्यं कृत्वा पश्यादिकां क्रियाम् । उद्वास्य वह्निमाधाय पुनरन्यं यथाविधि

pratikāryaṃ tathā bāhyaṃ kṛtvā paśyādikāṃ kriyām / udvāsya vahnimādhāya punaranyaṃ yathāvidhi

Sanskrit only: no published translation is held for this verse.

देवीमावाह्य च पुनर्जपेत्संपूजयेत्पुनः । होमं च विधिना वह्नौ पुनरेव समाचरेत्

devīmāvāhya ca punarjapetsaṃpūjayetpunaḥ / homaṃ ca vidhinā vahnau punareva samācaret

Sanskrit only: no published translation is held for this verse.

सर्वकार्याणि विधिना साधयेद्विद्यया पुनः । जातीपुष्पैश्च वश्यार्थि जुहुयादयुतत्रयम्

sarvakāryāṇi vidhinā sādhayedvidyayā punaḥ / jātīpuṣpaiśca vaśyārthi juhuyādayutatrayam

Sanskrit only: no published translation is held for this verse.

घृतेन करवीरेण कुर्यादाकर्षणं द्विजाः । विद्वेषणं विशेषेण कुर्याल्लाङ्गलकस्य च

ghṛtena karavīreṇa kuryādākarṣaṇaṃ dvijāḥ / vidveṣaṇaṃ viśeṣeṇa kuryāllāṅgalakasya ca

Sanskrit only: no published translation is held for this verse.

तैलेनोच्चाटनं प्रोक्तं स्तंभनं मधुना स्मृतम् । तिलेन मोहनं प्रोक्तं ताडनं रुधिरेण च

tailenoccāṭanaṃ proktaṃ staṃbhanaṃ madhunā smṛtam / tilena mohanaṃ proktaṃ tāḍanaṃ rudhireṇa ca

Sanskrit only: no published translation is held for this verse.

खरस्य च गजस्याथ उष्ट्रस्य च यथाक्रमम् । स्तंभनं सर्षपेणापि पाटनं चाकुशेन च

kharasya ca gajasyātha uṣṭrasya ca yathākramam / staṃbhanaṃ sarṣapeṇāpi pāṭanaṃ cākuśena ca

Sanskrit only: no published translation is held for this verse.

मारणोच्चाटने चैव रोहीबीजेन सुव्रताः । बन्धनन्त्वहिपत्रेण सेनास्तंभमतः परम्

māraṇoccāṭane caiva rohībījena suvratāḥ / bandhanantvahipatreṇa senāstaṃbhamataḥ param

Sanskrit only: no published translation is held for this verse.

कुनट्या नियतं विद्यात्पूजयेत्परमेश्वरीम् । घृतेन सर्वसिद्धिः स्यात्पयसा वा विशुद्ध्यते

kunaṭyā niyataṃ vidyātpūjayetparameśvarīm / ghṛtena sarvasiddhiḥ syātpayasā vā viśuddhyate

Sanskrit only: no published translation is held for this verse.

तिलेन रोगनाशश्च कमलेन धनं भवेत् । कान्तिर्मधूकपुष्पेण सावित्र्या ह्ययुतत्रयम्

tilena roganāśaśca kamalena dhanaṃ bhavet / kāntirmadhūkapuṣpeṇa sāvitryā hyayutatrayam

Sanskrit only: no published translation is held for this verse.

जयादिप्रभृतीन्सर्वान् स्विष्टान्तं पूर्ववत्स्मृतम् । एवं संक्षेपतः प्रोक्तो विनियोगोतिविस्तृतः

jayādiprabhṛtīnsarvān sviṣṭāntaṃ pūrvavatsmṛtam / evaṃ saṃkṣepataḥ prokto viniyogotivistṛtaḥ

Sanskrit only: no published translation is held for this verse.

जपेद्वा केवलां विद्यां संपूज्य च विधानतः । सर्वसिद्धिमवाप्नोति नात्र कार्या विचारणा

japedvā kevalāṃ vidyāṃ saṃpūjya ca vidhānataḥ / sarvasiddhimavāpnoti nātra kāryā vicāraṇā

Sanskrit only: no published translation is held for this verse.