Liṅga Purāṇa 2.54

इति श्रीलिङ्गमहापुराणे उत्तरभागे त्रिपञ्चाशत्तमो ऽध्यायः सूत उवाच त्रियंबकेण मन्त्रेण देवदेवं त्रियंबकम् । पूजयेद्बाणलिङ्गे वा स्वयंभूते ऽपि वा पुनः

iti śrīliṅgamahāpurāṇe uttarabhāge tripañcāśattamo 'dhyāyaḥ sūta uvāca triyaṃbakeṇa mantreṇa devadevaṃ triyaṃbakam / pūjayedbāṇaliṅge vā svayaṃbhūte 'pi vā punaḥ

Sanskrit only: no published translation is held for this verse.

आयुर्वेदविदैर्वापि यथावदनुपूर्वशः । अष्टोत्तरसहस्रेण पुण्डरीकेण शङ्करम्

āyurvedavidairvāpi yathāvadanupūrvaśaḥ / aṣṭottarasahasreṇa puṇḍarīkeṇa śaṅkaram

Sanskrit only: no published translation is held for this verse.

कमलेन सहस्रेण तथा नीलोत्पलेन वा । संपूज्य पायसं दत्त्वा सघृतं चौदनं पुनः

kamalena sahasreṇa tathā nīlotpalena vā / saṃpūjya pāyasaṃ dattvā saghṛtaṃ caudanaṃ punaḥ

Sanskrit only: no published translation is held for this verse.

मुद्गान्नं मधुना युक्तं भक्ष्याणि सुरभीणि च । अग्नौ होमश्च विपुलो यथावदनुपूर्वशः

mudgānnaṃ madhunā yuktaṃ bhakṣyāṇi surabhīṇi ca / agnau homaśca vipulo yathāvadanupūrvaśaḥ

Sanskrit only: no published translation is held for this verse.

पूर्वोक्तैरपि पुष्पैश्च चरुणा च विशेषतः । जपेद्वै नियुतं सम्यक् समाप्य च यथाक्रमम्

pūrvoktairapi puṣpaiśca caruṇā ca viśeṣataḥ / japedvai niyutaṃ samyak samāpya ca yathākramam

Sanskrit only: no published translation is held for this verse.

ब्राह्मणानां सहस्रं च भोजयेद्वै सदक्षिणम् । गवां सहस्रं दत्त्वा तु हिरण्यमपि दापयेत्

brāhmaṇānāṃ sahasraṃ ca bhojayedvai sadakṣiṇam / gavāṃ sahasraṃ dattvā tu hiraṇyamapi dāpayet

Sanskrit only: no published translation is held for this verse.

एतद्वः कथितं सर्वं सरहस्यं समासतः । शिवेन देवदेवेन शर्वेणात्युग्रशूलिना

etadvaḥ kathitaṃ sarvaṃ sarahasyaṃ samāsataḥ / śivena devadevena śarveṇātyugraśūlinā

Sanskrit only: no published translation is held for this verse.

कथितं मेरुशिखरे स्कन्दायामिततेजसे । स्कन्देन देवदेवेन ब्रह्मपुत्राय धीमते

kathitaṃ meruśikhare skandāyāmitatejase / skandena devadevena brahmaputrāya dhīmate

Sanskrit only: no published translation is held for this verse.

साक्षात्सनत्कुमारेण सर्वलोकहितैषिणा । पाराशर्याय कथितं पारंपर्यक्रमागतम्

sākṣātsanatkumāreṇa sarvalokahitaiṣiṇā / pārāśaryāya kathitaṃ pāraṃparyakramāgatam

Sanskrit only: no published translation is held for this verse.

शुके गते परन्धाम दृष्ट्वा रुद्रं त्रियंबकम् । गतशोको महाभागो व्यसः पर ऋषिः प्रभुः

śuke gate parandhāma dṛṣṭvā rudraṃ triyaṃbakam / gataśoko mahābhāgo vyasaḥ para ṛṣiḥ prabhuḥ

Sanskrit only: no published translation is held for this verse.

स्कन्दस्य संभवं श्रुत्वा स्थिताय च महात्मने । त्रियंबकस्य माहात्म्यं मन्त्रस्य च विशेषतः

skandasya saṃbhavaṃ śrutvā sthitāya ca mahātmane / triyaṃbakasya māhātmyaṃ mantrasya ca viśeṣataḥ

Sanskrit only: no published translation is held for this verse.

कथितं बहुधा तस्मै कृष्णद्वैपायानाय वै । तत्सक्वं कथयिष्यामि प्रसादादेव तस्य वै

kathitaṃ bahudhā tasmai kṛṣṇadvaipāyānāya vai / tatsakvaṃ kathayiṣyāmi prasādādeva tasya vai

Sanskrit only: no published translation is held for this verse.

देवं संपूज्य विधिना जपेन्मन्त्रं त्रियंबकम् । मुच्यते सर्पपापैश्च सप्तजन्मकृतैरपि

devaṃ saṃpūjya vidhinā japenmantraṃ triyaṃbakam / mucyate sarpapāpaiśca saptajanmakṛtairapi

Sanskrit only: no published translation is held for this verse.

संग्रामे तत्सर्वं लब्ध्वा सौभाग्यमतुलं भवेत् । लक्षहोमेन राज्यार्थी राज्यं लब्ध्वा सुखी भवेत्

saṃgrāme tatsarvaṃ labdhvā saubhāgyamatulaṃ bhavet / lakṣahomena rājyārthī rājyaṃ labdhvā sukhī bhavet

Sanskrit only: no published translation is held for this verse.

पुत्रार्थी पुत्रमाप्नोति नियुतेन न संशयः । धनार्थी प्रयुतेनैव जपेदेव न संशयः

putrārthī putramāpnoti niyutena na saṃśayaḥ / dhanārthī prayutenaiva japedeva na saṃśayaḥ

Sanskrit only: no published translation is held for this verse.

धनधान्यादिभिः सर्वैः संपूर्णः सर्वमङ्गलैः । क्रीडते पुत्रपौत्रैश्च मृतः स्वर्गे प्रजायते

dhanadhānyādibhiḥ sarvaiḥ saṃpūrṇaḥ sarvamaṅgalaiḥ / krīḍate putrapautraiśca mṛtaḥ svarge prajāyate

Sanskrit only: no published translation is held for this verse.

नानेन सदृशो मन्त्रो लोके वेदे च सुव्रताः । तस्मात्त्रियंबकं देवं तेन नित्यं प्रपूजयेत्

nānena sadṛśo mantro loke vede ca suvratāḥ / tasmāttriyaṃbakaṃ devaṃ tena nityaṃ prapūjayet

Sanskrit only: no published translation is held for this verse.

अग्निष्टोमस्य यज्ञस्य फलमष्टगुणं भवेत् । त्रयाणामपि लोकानां गुणानामपि यः प्रभुः

agniṣṭomasya yajñasya phalamaṣṭaguṇaṃ bhavet / trayāṇāmapi lokānāṃ guṇānāmapi yaḥ prabhuḥ

Sanskrit only: no published translation is held for this verse.

वेदानामपि देवानां ब्रह्मक्षत्रविशामपि । अकारोकारमकाराणां मात्राणामपि वाचकः

vedānāmapi devānāṃ brahmakṣatraviśāmapi / akārokāramakārāṇāṃ mātrāṇāmapi vācakaḥ

Sanskrit only: no published translation is held for this verse.

तथा सोमस्य सूर्यस्य वह्नेरग्नित्रयस्य च । अंबा उमा महादेवो ह्यंबकस्तु त्रियंबकः

tathā somasya sūryasya vahneragnitrayasya ca / aṃbā umā mahādevo hyaṃbakastu triyaṃbakaḥ

Sanskrit only: no published translation is held for this verse.

सुपुष्पितस्य वृक्षस्य यथा गन्धः सुशोभनः । वाति द्वरात्तथा तस्य गन्धः शंभोर्महात्मनः

supuṣpitasya vṛkṣasya yathā gandhaḥ suśobhanaḥ / vāti dvarāttathā tasya gandhaḥ śaṃbhormahātmanaḥ

Sanskrit only: no published translation is held for this verse.

तस्मात्सुगन्धो भगवान्गन्धारयति शङ्करः । गान्धारश्चमहादेवो देवानामपि लीलया

tasmātsugandho bhagavāngandhārayati śaṅkaraḥ / gāndhāraścamahādevo devānāmapi līlayā

Sanskrit only: no published translation is held for this verse.

सुगन्धस्तस्य लोकेस्मिन्वायुर्वाति नभस्तले । तस्मात्सुगन्धिस्तं देवं सुगन्धि पुष्टिवर्धनम्

sugandhastasya lokesminvāyurvāti nabhastale / tasmātsugandhistaṃ devaṃ sugandhi puṣṭivardhanam

Sanskrit only: no published translation is held for this verse.

यस्य रेतः पुरा शंभोर्हरेर्योनौ प्रतिष्ठितम् । तस्य वीर्यादभूदण्डं हिरण्मयम् अजोद्भवम्

yasya retaḥ purā śaṃbhorhareryonau pratiṣṭhitam / tasya vīryādabhūdaṇḍaṃ hiraṇmayam ajodbhavam

Sanskrit only: no published translation is held for this verse.

चन्द्रादित्यौ सनक्षत्रौ भूर्भुवः स्वर्महस्तपः । सत्यलोकमतिक्रम्य पुष्टिर्वीर्यस्य तस्य वै

candrādityau sanakṣatrau bhūrbhuvaḥ svarmahastapaḥ / satyalokamatikramya puṣṭirvīryasya tasya vai

Sanskrit only: no published translation is held for this verse.

पञ्चभूतान्यहङ्कारो बुद्धिः प्रकृतिरेव च । पुष्टिर्बीजस्य तस्यैव तस्माद्वै पुष्टिवर्धनः

pañcabhūtānyahaṅkāro buddhiḥ prakṛtireva ca / puṣṭirbījasya tasyaiva tasmādvai puṣṭivardhanaḥ

Sanskrit only: no published translation is held for this verse.

तं पुष्टिवर्धनं देवं घृतेन पयसा तथा । मधुना यवगोधूममाषबिल्वफलेन च

taṃ puṣṭivardhanaṃ devaṃ ghṛtena payasā tathā / madhunā yavagodhūmamāṣabilvaphalena ca

Sanskrit only: no published translation is held for this verse.

कुमुदार्कशमीपत्रगौरसर्षपशालिभिः । हुत्वा लिङ्गे यथान्यायं भक्त्या देवं यजामहे

kumudārkaśamīpatragaurasarṣapaśālibhiḥ / hutvā liṅge yathānyāyaṃ bhaktyā devaṃ yajāmahe

Sanskrit only: no published translation is held for this verse.

ऋतेनानेन मां पाशाद्बन्धनात्कर्मयोगतः । मृत्योश्च बन्दनाच्चैव मुक्षीय भव तेजसा

ṛtenānena māṃ pāśādbandhanātkarmayogataḥ / mṛtyośca bandanāccaiva mukṣīya bhava tejasā

Sanskrit only: no published translation is held for this verse.

उर्वारुकाणां पक्वानां यथा कालादभूत्पुनः । तथैव कालः संप्राप्तो मनुना तेन यत्नतः

urvārukāṇāṃ pakvānāṃ yathā kālādabhūtpunaḥ / tathaiva kālaḥ saṃprāpto manunā tena yatnataḥ

Sanskrit only: no published translation is held for this verse.

एवं मन्त्रविधिं ज्ञात्वा शिवलिङ्गं समर्चयेत् । तस्य पाशक्षयो ऽतीव योगिनो मृत्युनिग्रहः

evaṃ mantravidhiṃ jñātvā śivaliṅgaṃ samarcayet / tasya pāśakṣayo 'tīva yogino mṛtyunigrahaḥ

Sanskrit only: no published translation is held for this verse.

त्रियंबकसमो नास्ति देवो वा घृणयान्वितः । प्रसादशीलः प्रीतश्च तथा मन्त्रोपि सुव्रताः

triyaṃbakasamo nāsti devo vā ghṛṇayānvitaḥ / prasādaśīlaḥ prītaśca tathā mantropi suvratāḥ

Sanskrit only: no published translation is held for this verse.

तस्मात्सर्वं परित्यज्य त्रियंबकमुमापतिम् । त्रियंबकेण मन्त्रेण पूजयेत्सुसमाहितः

tasmātsarvaṃ parityajya triyaṃbakamumāpatim / triyaṃbakeṇa mantreṇa pūjayetsusamāhitaḥ

Sanskrit only: no published translation is held for this verse.

सर्वावस्थां गतो वापि मुक्तो ऽयं सर्वपातकैः । शिवध्यानान्न संदेहो यथा रुद्रस्तथा स्वयम्

sarvāvasthāṃ gato vāpi mukto 'yaṃ sarvapātakaiḥ / śivadhyānānna saṃdeho yathā rudrastathā svayam

Sanskrit only: no published translation is held for this verse.

हत्वा भित्त्वा च भूतानि भुक्त्वा चान्यायतो ऽपि वा । शिवमेकं सकृत्स्मृत्वा सर्वपापैः प्रमुच्यते

hatvā bhittvā ca bhūtāni bhuktvā cānyāyato 'pi vā / śivamekaṃ sakṛtsmṛtvā sarvapāpaiḥ pramucyate

Sanskrit only: no published translation is held for this verse.