Liṅga Purāṇa 2.5

तथेत्युक्त्वा च सा देवी प्रहसंती चकार ह । नारदः प्रणिपत्याग्रे प्राह दामोदरं हरिम्

tathetyuktvā ca sā devī prahasaṃtī cakāra ha / nāradaḥ praṇipatyāgre prāha dāmodaraṃ harim

Sanskrit only: no published translation is held for this verse.

प्रियं हि कृतवानद्य मम त्वं पर्वतस्य हि । त्वमेव नूनं गोविन्द कन्यां तां हृतवानासि

priyaṃ hi kṛtavānadya mama tvaṃ parvatasya hi / tvameva nūnaṃ govinda kanyāṃ tāṃ hṛtavānāsi

Sanskrit only: no published translation is held for this verse.

विमोह्यावां स्वयं बुद्ध्या प्रतार्य सुरसत्तम । इत्युक्तः पुरषो विष्णुः पिधाय श्रोत्रमच्युतः । पाणिभ्यां प्राह भगवान् भवद्भ्यां किमुदीरितम्

vimohyāvāṃ svayaṃ buddhyā pratārya surasattama / ityuktaḥ puraṣo viṣṇuḥ pidhāya śrotramacyutaḥ / pāṇibhyāṃ prāha bhagavān bhavadbhyāṃ kimudīritam

Sanskrit only: no published translation is held for this verse.

कामवानपि भावोयं मुनिवृत्तिरहो किल । एवमुक्तो मुनिः प्राह वासुदेवं स नारदः

kāmavānapi bhāvoyaṃ munivṛttiraho kila / evamukto muniḥ prāha vāsudevaṃ sa nāradaḥ

Sanskrit only: no published translation is held for this verse.

कर्णमूले मम कथं गोलाङ्गूलमुखं त्विति । कर्णमूले तमाहेदं वानरत्वं कृतं मया

karṇamūle mama kathaṃ golāṅgūlamukhaṃ tviti / karṇamūle tamāhedaṃ vānaratvaṃ kṛtaṃ mayā

Sanskrit only: no published translation is held for this verse.

पर्वतस्य मया विद्वन् गोलाङ्गूलमुखं तव । मया तव कृतं तत्र प्रियार्थं नान्यथा त्विति

parvatasya mayā vidvan golāṅgūlamukhaṃ tava / mayā tava kṛtaṃ tatra priyārthaṃ nānyathā tviti

Sanskrit only: no published translation is held for this verse.

पर्वतो ऽपि तथा प्राह तस्याप्येवं जगादसः । शृण्वतोरुभयोस्तत्र प्राह दामोदरो वचः

parvato 'pi tathā prāha tasyāpyevaṃ jagādasaḥ / śṛṇvatorubhayostatra prāha dāmodaro vacaḥ

Sanskrit only: no published translation is held for this verse.

प्रियं भवद्भ्यां कृतवान् सत्येनात्मानमालभे । नारदः प्राह धर्मात्मा आवयोर्मध्यतः स्थितः

priyaṃ bhavadbhyāṃ kṛtavān satyenātmānamālabhe / nāradaḥ prāha dharmātmā āvayormadhyataḥ sthitaḥ

Sanskrit only: no published translation is held for this verse.

धनुष्मान् पुरुषः को ःत्र तां हृत्वा गतवान्किल । तच् छ्रुत्वा वासुदेवो ऽसौ प्राह तौ मुनिसत्तमौ

dhanuṣmān puruṣaḥ ko ḥtra tāṃ hṛtvā gatavānkila / tac chrutvā vāsudevo 'sau prāha tau munisattamau

Sanskrit only: no published translation is held for this verse.

मायाविनो महात्मनो बहवः संति सत्तमाः । तत्र सा श्रीमती नूनमदृष्ट्वा मुनिसत्तमौ

māyāvino mahātmano bahavaḥ saṃti sattamāḥ / tatra sā śrīmatī nūnamadṛṣṭvā munisattamau

Sanskrit only: no published translation is held for this verse.

चक्रपाणिरहं नित्यं चतुर्बाहुरिति स्थितः । तां तथा नाहमैच्छं वै भवद्भ्यां विदितं हि तत्

cakrapāṇirahaṃ nityaṃ caturbāhuriti sthitaḥ / tāṃ tathā nāhamaicchaṃ vai bhavadbhyāṃ viditaṃ hi tat

Sanskrit only: no published translation is held for this verse.

इत्युक्तौ प्रणिपत्यैनमूचतुः प्रीतिमानसौ । को ऽत्र दोषस्तव विभो नारायण जगत्पते

ityuktau praṇipatyainamūcatuḥ prītimānasau / ko 'tra doṣastava vibho nārāyaṇa jagatpate

Sanskrit only: no published translation is held for this verse.

दौरात्म्यं तन्नृपस्यैव मायां हि कृतवानसौ । इत्युक्त्वा जग्मतुस्तस्मान्मुनीनारदपर्वतौ

daurātmyaṃ tannṛpasyaiva māyāṃ hi kṛtavānasau / ityuktvā jagmatustasmānmunīnāradaparvatau

Sanskrit only: no published translation is held for this verse.

अंबरीषं समासाद्य शापेनैनमयोजयत् । नारदः पर्वतश्चैव यस्मादावामिहागतौ

aṃbarīṣaṃ samāsādya śāpenainamayojayat / nāradaḥ parvataścaiva yasmādāvāmihāgatau

Sanskrit only: no published translation is held for this verse.

आहूय पश्चादन्यस्मै कन्यां त्वं दत्तवानसि । मायायोगेन तस्मात्त्वं तमो ह्यभिभविष्यति

āhūya paścādanyasmai kanyāṃ tvaṃ dattavānasi / māyāyogena tasmāttvaṃ tamo hyabhibhaviṣyati

Sanskrit only: no published translation is held for this verse.

तेन चात्मानमत्यर्थं यथावत्त्वं च वेत्स्यसि । एवं शापेप्रदत्ते तु तमोराशिरथोत्थितः

tena cātmānamatyarthaṃ yathāvattvaṃ ca vetsyasi / evaṃ śāpepradatte tu tamorāśirathotthitaḥ

Sanskrit only: no published translation is held for this verse.

नृपं प्रति ततश्चक्रं विष्णोः प्रादुरभूत् क्षणात् । चक्रवित्रासितं घोरं तावुभौ तम अभ्यगात्

nṛpaṃ prati tataścakraṃ viṣṇoḥ prādurabhūt kṣaṇāt / cakravitrāsitaṃ ghoraṃ tāvubhau tama abhyagāt

Sanskrit only: no published translation is held for this verse.

ततः संत्रस्तसर्वाङ्गौ धावमानौ महामुनी । पृष्ठतश्चक्रमालोक्य तमोराशिं दुरासदम्

tataḥ saṃtrastasarvāṅgau dhāvamānau mahāmunī / pṛṣṭhataścakramālokya tamorāśiṃ durāsadam

Sanskrit only: no published translation is held for this verse.

कन्यासिद्धिरहो प्राप्ता ह्यावयोरिति वेगितौ । लोकालोकान्तमनिशं धावमानौ भयार्दितौ

kanyāsiddhiraho prāptā hyāvayoriti vegitau / lokālokāntamaniśaṃ dhāvamānau bhayārditau

Sanskrit only: no published translation is held for this verse.

त्राहित्राहीति गोविन्दं भाषमाणौ भयार्दितौ । विष्णुलोकं ततो गत्वा नारायण जगत्पते

trāhitrāhīti govindaṃ bhāṣamāṇau bhayārditau / viṣṇulokaṃ tato gatvā nārāyaṇa jagatpate

Sanskrit only: no published translation is held for this verse.

वासुदेव हृषीकेश पद्मनाभ जनार्दन । त्राह्यावां पुण्डरीकाक्ष नाथो ऽसि पुरुषोत्तम

vāsudeva hṛṣīkeśa padmanābha janārdana / trāhyāvāṃ puṇḍarīkākṣa nātho 'si puruṣottama

Sanskrit only: no published translation is held for this verse.

ततो नारायणश्चिन्त्य श्रीमाञ्छ्रीवत्सलाञ्छनः । निवार्य चक्रं ध्वान्तं च भक्तानुग्रहकाम्यया

tato nārāyaṇaścintya śrīmāñchrīvatsalāñchanaḥ / nivārya cakraṃ dhvāntaṃ ca bhaktānugrahakāmyayā

Sanskrit only: no published translation is held for this verse.

अंबरीषश्च मद्भक्तस्तथैतौ मुनिसत्तमौ । अनयोरस्य च तथा हितं कार्यं मयाधुना

aṃbarīṣaśca madbhaktastathaitau munisattamau / anayorasya ca tathā hitaṃ kāryaṃ mayādhunā

Sanskrit only: no published translation is held for this verse.

आहूय तत्तमः श्रीमान् गिरा प्रह्लादयन् हरिः । प्रोवाच भगवान् विष्णुः शृणुतां म इदंवचः

āhūya tattamaḥ śrīmān girā prahlādayan hariḥ / provāca bhagavān viṣṇuḥ śṛṇutāṃ ma idaṃvacaḥ

Sanskrit only: no published translation is held for this verse.

ऋषिशापो न चैवासीदन्यथा च वरो मम । दत्तो नृपाय रक्षार्थं नास्ति तस्यान्यथा पुनः

ṛṣiśāpo na caivāsīdanyathā ca varo mama / datto nṛpāya rakṣārthaṃ nāsti tasyānyathā punaḥ

Sanskrit only: no published translation is held for this verse.

अंबरीषस्य पुत्रस्यनप्तुः पुत्रो महायशाः । श्रीमान्दसरथो नाम राजा भवति धार्मिकः

aṃbarīṣasya putrasyanaptuḥ putro mahāyaśāḥ / śrīmāndasaratho nāma rājā bhavati dhārmikaḥ

Sanskrit only: no published translation is held for this verse.

तस्याहमग्रजः पुत्रो रामनामा भवाम्यहम् । तत्र मे दक्षिणोबाहुर्भरतो नाम वै भवेत्

tasyāhamagrajaḥ putro rāmanāmā bhavāmyaham / tatra me dakṣiṇobāhurbharato nāma vai bhavet

Sanskrit only: no published translation is held for this verse.

शत्रुघ्नो नाम सव्यश्च शेषो ऽसौ लक्ष्मणः स्मृतः । तत्र मां समुपागच्छ गच्छेदानीं नृपं विना

śatrughno nāma savyaśca śeṣo 'sau lakṣmaṇaḥ smṛtaḥ / tatra māṃ samupāgaccha gacchedānīṃ nṛpaṃ vinā

Sanskrit only: no published translation is held for this verse.

मुनिश्रेष्ठौ च हित्वा त्वमिति स्माह च माधवः । एवम् उक्तं तमो नाशं तत्क्षणाच् च जगाम वै

muniśreṣṭhau ca hitvā tvamiti smāha ca mādhavaḥ / evam uktaṃ tamo nāśaṃ tatkṣaṇāc ca jagāma vai

Sanskrit only: no published translation is held for this verse.

निवारितं हरेश्चक्रं यथापूर्वमतिष्ठत । मुनिश्रेष्ठौ भयान्मुक्तौ प्रणिपत्य जनार्दनम्

nivāritaṃ hareścakraṃ yathāpūrvamatiṣṭhata / muniśreṣṭhau bhayānmuktau praṇipatya janārdanam

Sanskrit only: no published translation is held for this verse.

निर्गतौ शोकसंतप्तौ ऊचतुस्तौ परस्परम् । अद्यप्रभृति देहान्तमावां कन्यापरिग्रहम्

nirgatau śokasaṃtaptau ūcatustau parasparam / adyaprabhṛti dehāntamāvāṃ kanyāparigraham

Sanskrit only: no published translation is held for this verse.

न करिष्याव इत्युक्त्वा प्रतिज्ञाय च तावृषी । योगध्यानपरौ शुद्धौ यथापूर्वं व्यवस्थितौ

na kariṣyāva ityuktvā pratijñāya ca tāvṛṣī / yogadhyānaparau śuddhau yathāpūrvaṃ vyavasthitau

Sanskrit only: no published translation is held for this verse.

अंबरीषश्च राजासौ परिपाल्य च मेदिनीम् । सभृत्यज्ञातिसंपन्नो विष्णुलोकं जगाम वै

aṃbarīṣaśca rājāsau paripālya ca medinīm / sabhṛtyajñātisaṃpanno viṣṇulokaṃ jagāma vai

Sanskrit only: no published translation is held for this verse.

मानार्थमंबरीषस्य तथैव मुनिसिंहयोः । रामो दाशरथिर् भूत्वा नात्मवेदीश्वरो ऽभवत्

mānārthamaṃbarīṣasya tathaiva munisiṃhayoḥ / rāmo dāśarathir bhūtvā nātmavedīśvaro 'bhavat

Sanskrit only: no published translation is held for this verse.

मुनयश्च तथा सर्वे भृग्वाद्या मुनिसत्तमाः । माया न कार्या विद्वद्भिरित्याहुः प्रेक्ष्यतं हरिम्

munayaśca tathā sarve bhṛgvādyā munisattamāḥ / māyā na kāryā vidvadbhirityāhuḥ prekṣyataṃ harim

Sanskrit only: no published translation is held for this verse.

नारदः पर्वतश्चैव चिरं ज्ञात्वा विचेष्टितम् । मायां विष्णोर्विनिन्द्यैव रुद्रभक्तौ बभूवतुः

nāradaḥ parvataścaiva ciraṃ jñātvā viceṣṭitam / māyāṃ viṣṇorvinindyaiva rudrabhaktau babhūvatuḥ

Sanskrit only: no published translation is held for this verse.

एतद्धि कथितंसर्व मया युष्माकमद्य वै । अंबरीषस्य माहात्म्यं मायावित्वं च वै हरेः

etaddhi kathitaṃsarva mayā yuṣmākamadya vai / aṃbarīṣasya māhātmyaṃ māyāvitvaṃ ca vai hareḥ

Sanskrit only: no published translation is held for this verse.

यः पठेच्छृणुयाद्वापि श्रावयेद्वापि मानवः । मायां विसृज्य पुण्यात्मा रुद्रलोकं स गच्छति

yaḥ paṭhecchṛṇuyādvāpi śrāvayedvāpi mānavaḥ / māyāṃ visṛjya puṇyātmā rudralokaṃ sa gacchati

Sanskrit only: no published translation is held for this verse.

इदं पवित्रं परमं पुण्यं वेदैरुदीरितम् । सायं प्रातः पठेन्नित्यं विष्णोः सायुज्यमाप्नुयात्

idaṃ pavitraṃ paramaṃ puṇyaṃ vedairudīritam / sāyaṃ prātaḥ paṭhennityaṃ viṣṇoḥ sāyujyamāpnuyāt

Sanskrit only: no published translation is held for this verse.