Library·Liṅga Purāṇa·2·2.6
इति श्रीलिङ्गमहापुराणे उत्तरभागे श्रीमत्याख्यानं नाम पञ्चमो ऽध्यायः ऋषय ऊचुः मायावित्वं श्रुतं विष्णोर्देवदेवस्य धीमतः । कथं ज्येष्ठासमुत्पत्तिर्देवदेवाज्जनार्दनात्
iti śrīliṅgamahāpurāṇe uttarabhāge śrīmatyākhyānaṃ nāma pañcamo 'dhyāyaḥ ṛṣaya ūcuḥ māyāvitvaṃ śrutaṃ viṣṇordevadevasya dhīmataḥ / kathaṃ jyeṣṭhāsamutpattirdevadevājjanārdanāt
Sanskrit only: no published translation is held for this verse.
वक्तुमर्हसि चास्माकं लोमहर्षण तत्त्वतः । सूत उवाच अनादिनिधनः श्रीमान्धाता नारायणः प्रभुः
vaktumarhasi cāsmākaṃ lomaharṣaṇa tattvataḥ / sūta uvāca anādinidhanaḥ śrīmāndhātā nārāyaṇaḥ prabhuḥ
Sanskrit only: no published translation is held for this verse.
जगद्द्वैधमिदं चक्रे मोहनाय जगत्पतिः । विष्णुर्वै ब्राह्मणान्वेदान्वेदधर्मान् सनातनान्
jagaddvaidhamidaṃ cakre mohanāya jagatpatiḥ / viṣṇurvai brāhmaṇānvedānvedadharmān sanātanān
Sanskrit only: no published translation is held for this verse.
श्रियं पद्मां तथा श्रेष्ठां भागमेकमकारयत् । ज्येष्ठामलक्ष्मीमशुभां वेदबाह्यान्नराधमान्
śriyaṃ padmāṃ tathā śreṣṭhāṃ bhāgamekamakārayat / jyeṣṭhāmalakṣmīmaśubhāṃ vedabāhyānnarādhamān
Sanskrit only: no published translation is held for this verse.
अधर्मं च महातेजा भागमेक मकल्पयत् । अलक्ष्मीमग्रतः सृष्ट्वा पश्चात्पद्मां जनार्दनः
adharmaṃ ca mahātejā bhāgameka makalpayat / alakṣmīmagrataḥ sṛṣṭvā paścātpadmāṃ janārdanaḥ
Sanskrit only: no published translation is held for this verse.
ज्येष्ठा तेन समाख्याता अलक्ष्मीर्द्विजसत्तमाः । अमृतोद्भववेलायां विषानन्तरमुल्बणात्
jyeṣṭhā tena samākhyātā alakṣmīrdvijasattamāḥ / amṛtodbhavavelāyāṃ viṣānantaramulbaṇāt
Sanskrit only: no published translation is held for this verse.
अशुभा सा तथोत्पन्ना ज्येष्ठा इति च वै श्रुतम् । ततः श्रीश्च समुत्पन्ना पद्मा विष्णुपरिग्रहः
aśubhā sā tathotpannā jyeṣṭhā iti ca vai śrutam / tataḥ śrīśca samutpannā padmā viṣṇuparigrahaḥ
Sanskrit only: no published translation is held for this verse.
दुःसहो नाम विप्रर्षिरुपयेमे ऽशुभां तदा । ज्येष्ठां तां परिपूर्णो ऽसौ मनसा वीक्ष्य धिष्ठिताम्
duḥsaho nāma viprarṣirupayeme 'śubhāṃ tadā / jyeṣṭhāṃ tāṃ paripūrṇo 'sau manasā vīkṣya dhiṣṭhitām
Sanskrit only: no published translation is held for this verse.
लोकं चचारं हृष्टात्मा तया सह मुनिस्तदा । यस्मिन् घोषो हरेश्चैव हरस्य च महात्मनः
lokaṃ cacāraṃ hṛṣṭātmā tayā saha munistadā / yasmin ghoṣo hareścaiva harasya ca mahātmanaḥ
Sanskrit only: no published translation is held for this verse.
वेदघोषस्तथा विप्रा होमधूमस्तथैव च । भस्माङ्गिनो वा यत्रासंस्तत्र तत्र भयार्दिता
vedaghoṣastathā viprā homadhūmastathaiva ca / bhasmāṅgino vā yatrāsaṃstatra tatra bhayārditā
Sanskrit only: no published translation is held for this verse.
पिधाय कर्णौ संयाति धावमाना इतस्ततः । ज्येष्ठामेवंविधां दृष्ट्वा दुःसहो मोहमागतः
pidhāya karṇau saṃyāti dhāvamānā itastataḥ / jyeṣṭhāmevaṃvidhāṃ dṛṣṭvā duḥsaho mohamāgataḥ
Sanskrit only: no published translation is held for this verse.
तया सह वनं गत्वा चचार स महामुनिः । तपो महद्वने घोरे याति कन्या प्रतिग्रहम्
tayā saha vanaṃ gatvā cacāra sa mahāmuniḥ / tapo mahadvane ghore yāti kanyā pratigraham
Sanskrit only: no published translation is held for this verse.
न करिष्यामि चेत्युक्त्वा प्रतिज्ञाय च तामृषिः । योगज्ञानपरः शुद्धो यत्र योगीश्वरो मुनिः
na kariṣyāmi cetyuktvā pratijñāya ca tāmṛṣiḥ / yogajñānaparaḥ śuddho yatra yogīśvaro muniḥ
Sanskrit only: no published translation is held for this verse.
तत्रायान्तं महात्मानं मार्कण्डेयमपश्यत । प्रणिपत्य महात्मानं दुःसहो मुनिमब्रवीत्
tatrāyāntaṃ mahātmānaṃ mārkaṇḍeyamapaśyata / praṇipatya mahātmānaṃ duḥsaho munimabravīt
Sanskrit only: no published translation is held for this verse.
भार्येयं भगवन्मह्यं न स्थास्यति कथञ्चन । किं करोमीति विप्रर्षे ह्यनया सह भार्यया
bhāryeyaṃ bhagavanmahyaṃ na sthāsyati kathañcana / kiṃ karomīti viprarṣe hyanayā saha bhāryayā
Sanskrit only: no published translation is held for this verse.
प्रविशामि तथा कुत्र कुतो न प्रविशाम्यहम् । मार्कण्डेय उवाच शृणु दुःसह सर्वत्र अकीर्तिरशुभान्विता
praviśāmi tathā kutra kuto na praviśāmyaham / mārkaṇḍeya uvāca śṛṇu duḥsaha sarvatra akīrtiraśubhānvitā
Sanskrit only: no published translation is held for this verse.
अलक्ष्मीरतुला चेयं ज्येष्ठा इत्यभिशब्दिता । नारायणपरा यत्र वेदमार्गानुसारिणः
alakṣmīratulā ceyaṃ jyeṣṭhā ityabhiśabditā / nārāyaṇaparā yatra vedamārgānusāriṇaḥ
Sanskrit only: no published translation is held for this verse.
रुद्रभक्ता महात्मानो भस्मोद्धूलितविग्रहाः । स्थिता यत्र जना नित्यं मा विशेथाः कथञ्चन
rudrabhaktā mahātmāno bhasmoddhūlitavigrahāḥ / sthitā yatra janā nityaṃ mā viśethāḥ kathañcana
Sanskrit only: no published translation is held for this verse.
नारायण हृषीकेश पुण्डरीकाक्ष माधव । अच्युतानन्त गोविन्द वासुदेव जनार्दन
nārāyaṇa hṛṣīkeśa puṇḍarīkākṣa mādhava / acyutānanta govinda vāsudeva janārdana
Sanskrit only: no published translation is held for this verse.
रुद्र रुद्रेति रुद्रेति शिवाय च नमो नमः । नमः शिवतरायेति शङ्करायेति सर्वदा
rudra rudreti rudreti śivāya ca namo namaḥ / namaḥ śivatarāyeti śaṅkarāyeti sarvadā
Sanskrit only: no published translation is held for this verse.
महादेव महादेव महादेवेति कीर्तयेत् । उमायाः पतये चैव हिरण्यपतये सदा
mahādeva mahādeva mahādeveti kīrtayet / umāyāḥ pataye caiva hiraṇyapataye sadā
Sanskrit only: no published translation is held for this verse.
हिरण्यबाहवे तुभ्यं वृषाङ्काय नमो नमः । नृसिंहवामनाचिन्त्य माधवेति च ये जनाः
hiraṇyabāhave tubhyaṃ vṛṣāṅkāya namo namaḥ / nṛsiṃhavāmanācintya mādhaveti ca ye janāḥ
Sanskrit only: no published translation is held for this verse.
वक्ष्यन्ति सततं हृष्टा ब्राह्मणाः क्षत्रियास्तथा । वैश्याः शूद्राश्च ये नित्यं तेषां धनगृहादिषु । आरामे चैव गोष्ठेषु न विशेथाः कथञ्चन
vakṣyanti satataṃ hṛṣṭā brāhmaṇāḥ kṣatriyāstathā / vaiśyāḥ śūdrāśca ye nityaṃ teṣāṃ dhanagṛhādiṣu / ārāme caiva goṣṭheṣu na viśethāḥ kathañcana
Sanskrit only: no published translation is held for this verse.
ज्वालामालाकरालं च सहस्रादित्यसन्निभम् । चक्रं विष्णोरतीवोग्रं तेषां हन्ति सदाशुभम्
jvālāmālākarālaṃ ca sahasrādityasannibham / cakraṃ viṣṇoratīvograṃ teṣāṃ hanti sadāśubham
Sanskrit only: no published translation is held for this verse.
स्वाहाकारो वषट्कारो गृहे यस्मिन् हि वर्तते । तद्धित्वा चान्यमागच्छ समाघोषेथ यत्र वा
svāhākāro vaṣaṭkāro gṛhe yasmin hi vartate / taddhitvā cānyamāgaccha samāghoṣetha yatra vā
Sanskrit only: no published translation is held for this verse.
वेदाभ्यासरता नित्यं नित्यकर्मपरायणाः । वासुदेवार्चनरता दूरतस्तान्विसर्जयेत्
vedābhyāsaratā nityaṃ nityakarmaparāyaṇāḥ / vāsudevārcanaratā dūratastānvisarjayet
Sanskrit only: no published translation is held for this verse.
अग्निहोत्रं गृहे येषां लिङ्गार्चा वा गृहेषु च । वासुदेवतनुर्वापि चण्डिका यत्र तिष्ठति
agnihotraṃ gṛhe yeṣāṃ liṅgārcā vā gṛheṣu ca / vāsudevatanurvāpi caṇḍikā yatra tiṣṭhati
Sanskrit only: no published translation is held for this verse.
दूरतो व्रज तान् हित्वा सर्वपापविवर्जितान् । नित्यनैमित्तिकैर्यज्ञैर्यजन्ति च महेश्वरम्
dūrato vraja tān hitvā sarvapāpavivarjitān / nityanaimittikairyajñairyajanti ca maheśvaram
Sanskrit only: no published translation is held for this verse.
तान् हित्वा व्रज चान्यत्र दुःसहत्वं सहानया । श्रोत्रिया ब्राह्मणा गावो गुरवो ऽतिथयः सदा
tān hitvā vraja cānyatra duḥsahatvaṃ sahānayā / śrotriyā brāhmaṇā gāvo guravo 'tithayaḥ sadā
Sanskrit only: no published translation is held for this verse.
रुद्रभक्ताश्च पूज्यन्ते यैर्नित्यं तान्विवर्जयेत् । दुःसह उवाच यस्मिन्प्रवेशो योग्यो मे तद्ब्रूहि मुनिसत्तम
rudrabhaktāśca pūjyante yairnityaṃ tānvivarjayet / duḥsaha uvāca yasminpraveśo yogyo me tadbrūhi munisattama
Sanskrit only: no published translation is held for this verse.
त्वद्वाक्याद्भयनिर्मुक्तो विशान्मेषां गृहे सदा । मार्कण्डेय उवाच न श्रोत्रिया द्विजा गावो गुरवो ऽतिथयः सदा । यत्र भर्ता च भार्या च परस्परविरोधिनौ
tvadvākyādbhayanirmukto viśānmeṣāṃ gṛhe sadā / mārkaṇḍeya uvāca na śrotriyā dvijā gāvo guravo 'tithayaḥ sadā / yatra bhartā ca bhāryā ca parasparavirodhinau
Sanskrit only: no published translation is held for this verse.
सभार्यस्त्वं गृहं तस्य विशेथा भयवर्जितः । देवदेवो महादेवो रुद्रस्त्रिभुवनेश्वरः
sabhāryastvaṃ gṛhaṃ tasya viśethā bhayavarjitaḥ / devadevo mahādevo rudrastribhuvaneśvaraḥ
Sanskrit only: no published translation is held for this verse.
विनिन्द्यो यत्र भगवान् विशस्व भयवर्जितः । वासुदेवरतिर्नास्ति यत्र नास्ति सदाशिवः
vinindyo yatra bhagavān viśasva bhayavarjitaḥ / vāsudevaratirnāsti yatra nāsti sadāśivaḥ
Sanskrit only: no published translation is held for this verse.
जपहोमादिकं नास्ति भस्म नास्ति गृहे नृणाम् । पर्वण्यभ्यर्चनं नास्ति चतुर्दश्यां विशेषतः
japahomādikaṃ nāsti bhasma nāsti gṛhe nṛṇām / parvaṇyabhyarcanaṃ nāsti caturdaśyāṃ viśeṣataḥ
Sanskrit only: no published translation is held for this verse.
कृष्णाष्टम्यां च रुद्रस्य संध्यायां भस्मवर्जिताः । चतुर्दश्यां महादेवं न यजन्ति च यत्र वै
kṛṣṇāṣṭamyāṃ ca rudrasya saṃdhyāyāṃ bhasmavarjitāḥ / caturdaśyāṃ mahādevaṃ na yajanti ca yatra vai
Sanskrit only: no published translation is held for this verse.
विष्णोर्नामविहिना ये संगताश्च दुरात्मभिः । नमः कृष्णाय शर्वाय शिवाय परमेष्ठिने
viṣṇornāmavihinā ye saṃgatāśca durātmabhiḥ / namaḥ kṛṣṇāya śarvāya śivāya parameṣṭhine
Sanskrit only: no published translation is held for this verse.
ब्राह्मणाश्च नरा मूढा नवदन्ति दुरात्मकाः । तत्रैव सततं वत्स सभार्यस्त्वं समाविस
brāhmaṇāśca narā mūḍhā navadanti durātmakāḥ / tatraiva satataṃ vatsa sabhāryastvaṃ samāvisa
Sanskrit only: no published translation is held for this verse.
वेदघोषो न यत्रास्ति गुरुपूजादयो न च । पितृकर्मविहीनांस्तु सभार्यस्त्वं समाविश
vedaghoṣo na yatrāsti gurupūjādayo na ca / pitṛkarmavihīnāṃstu sabhāryastvaṃ samāviśa
Sanskrit only: no published translation is held for this verse.
रात्रौ रात्रौ गृहे यस्मिन् कलहो वर्तते मिथः । अनया सार्धमनिशं विश त्वं भयवर्जितः
rātrau rātrau gṛhe yasmin kalaho vartate mithaḥ / anayā sārdhamaniśaṃ viśa tvaṃ bhayavarjitaḥ
Sanskrit only: no published translation is held for this verse.
लिङ्गार्चनं यस्य नास्ति यस्य नास्ति जपादिकम् । रुद्रभक्तिर्विनिन्दा च तत्रैव विश निर्भयः
liṅgārcanaṃ yasya nāsti yasya nāsti japādikam / rudrabhaktirvinindā ca tatraiva viśa nirbhayaḥ
Sanskrit only: no published translation is held for this verse.
अतिथिः श्रोत्रियो वापि गुरुर्वावैष्णवोपि वा । न संति यद्गृहे गावः सभार्यस्त्वं समाविश
atithiḥ śrotriyo vāpi gururvāvaiṣṇavopi vā / na saṃti yadgṛhe gāvaḥ sabhāryastvaṃ samāviśa
Sanskrit only: no published translation is held for this verse.
बालानां प्रेक्षमाणानां यत्रादत्त्वा त्वभक्षयन् । भक्ष्याणि तत्र संहृष्टः सभार्यस्त्वं समाविश
bālānāṃ prekṣamāṇānāṃ yatrādattvā tvabhakṣayan / bhakṣyāṇi tatra saṃhṛṣṭaḥ sabhāryastvaṃ samāviśa
Sanskrit only: no published translation is held for this verse.
अनभ्यर्च्य महादेवं वासुदेवमथापि वा । अहुत्वा विधिवद्यत्र तत्र नित्यं समाविश
anabhyarcya mahādevaṃ vāsudevamathāpi vā / ahutvā vidhivadyatra tatra nityaṃ samāviśa
Sanskrit only: no published translation is held for this verse.
पाप कर्मरता मूढा दयाहीनाः परस्परम् । गृहे यस्मिन्समासंते देशे वा तत्र संविश
pāpa karmaratā mūḍhā dayāhīnāḥ parasparam / gṛhe yasminsamāsaṃte deśe vā tatra saṃviśa
Sanskrit only: no published translation is held for this verse.
प्राकारागारविध्वंसा न चैवेड्या कुटुंबिनी । तद्गृहं तु समासाद्य वस नित्यं हि हृष्टधीः
prākārāgāravidhvaṃsā na caiveḍyā kuṭuṃbinī / tadgṛhaṃ tu samāsādya vasa nityaṃ hi hṛṣṭadhīḥ
Sanskrit only: no published translation is held for this verse.
यत्र कण्टकिनो वृक्षा यत्र निष्पाववल्लरी । ब्रह्मवृक्षश्च यत्रास्ति सभार्यास्त्वं समाविश
yatra kaṇṭakino vṛkṣā yatra niṣpāvavallarī / brahmavṛkṣaśca yatrāsti sabhāryāstvaṃ samāviśa
Sanskrit only: no published translation is held for this verse.
अगस्त्यार्कादयो वापि बन्धुजीवो गृहेषु वै । करवीरो विशेषेण नन्द्यावर्तमथापि वा
agastyārkādayo vāpi bandhujīvo gṛheṣu vai / karavīro viśeṣeṇa nandyāvartamathāpi vā
Sanskrit only: no published translation is held for this verse.
मल्लिका वा गृहे येषां सभार्यास्त्वं समाविश । कन्या च यत्र वै वल्ली द्रोही वा च जटी गृहे
mallikā vā gṛhe yeṣāṃ sabhāryāstvaṃ samāviśa / kanyā ca yatra vai vallī drohī vā ca jaṭī gṛhe
Sanskrit only: no published translation is held for this verse.
बहुला कदली यत्र सभार्यस्त्वं समाविश । तालं तमालं भल्लातं तित्तिडीखण्डमेव च
bahulā kadalī yatra sabhāryastvaṃ samāviśa / tālaṃ tamālaṃ bhallātaṃ tittiḍīkhaṇḍameva ca
Sanskrit only: no published translation is held for this verse.
कदंबः खादिरं वापि सभार्यस्त्वं समाविश । न्यग्रोधं वा गृहे येषामश्वत्थं चूतमेव वा
kadaṃbaḥ khādiraṃ vāpi sabhāryastvaṃ samāviśa / nyagrodhaṃ vā gṛhe yeṣāmaśvatthaṃ cūtameva vā
Sanskrit only: no published translation is held for this verse.
उदुंबरं वा पनसं सभार्यास्त्वं समाविश । यस्य काकगृहं निंबे आरामे वा गृहेपि वा
uduṃbaraṃ vā panasaṃ sabhāryāstvaṃ samāviśa / yasya kākagṛhaṃ niṃbe ārāme vā gṛhepi vā
Sanskrit only: no published translation is held for this verse.
दण्डिनी मुण्डिनी वापि सभार्यस्त्वं समाविश । एका दासी गृहे यत्र त्रिगवं पञ्चमाहिषम्
daṇḍinī muṇḍinī vāpi sabhāryastvaṃ samāviśa / ekā dāsī gṛhe yatra trigavaṃ pañcamāhiṣam
Sanskrit only: no published translation is held for this verse.
षडश्वं सप्तमातङ्गं सभार्यस्त्वं समाविश । यस्य काली गृहे देवी प्रेतरूपा च डाकिनी
ṣaḍaśvaṃ saptamātaṅgaṃ sabhāryastvaṃ samāviśa / yasya kālī gṛhe devī pretarūpā ca ḍākinī
Sanskrit only: no published translation is held for this verse.
क्षेत्रपालेथवा यत्र सभार्यस्त्वं समाविश । भिक्षुबिंबं च वै यस्य गृहे क्षपणकं तथा
kṣetrapālethavā yatra sabhāryastvaṃ samāviśa / bhikṣubiṃbaṃ ca vai yasya gṛhe kṣapaṇakaṃ tathā
Sanskrit only: no published translation is held for this verse.
बौद्धं वा बिंबमासाद्य तत्र पूर्णं समाविश । शयनासनकालेषु भोजनाटनवृत्तिषु
bauddhaṃ vā biṃbamāsādya tatra pūrṇaṃ samāviśa / śayanāsanakāleṣu bhojanāṭanavṛttiṣu
Sanskrit only: no published translation is held for this verse.
येषां वदति नो वाणी नामानि च हरेः सदा । तद्गहं ते समाख्यातं सभार्यस्य निवेशितुम्
yeṣāṃ vadati no vāṇī nāmāni ca hareḥ sadā / tadgahaṃ te samākhyātaṃ sabhāryasya niveśitum
Sanskrit only: no published translation is held for this verse.
पाषण्डाचारनिरताः श्रौतस्मार्तबहिष्कृताः । विष्णुभक्ति विनिर्मुक्ता महादेवविनिन्दकाः
pāṣaṇḍācāraniratāḥ śrautasmārtabahiṣkṛtāḥ / viṣṇubhakti vinirmuktā mahādevavinindakāḥ
Sanskrit only: no published translation is held for this verse.
नास्तिकाश्च शठा यत्र सभार्यास्त्वं समाविश । सर्वस्मादधिकत्वं ये न वदन्ति पिनाकिनः
nāstikāśca śaṭhā yatra sabhāryāstvaṃ samāviśa / sarvasmādadhikatvaṃ ye na vadanti pinākinaḥ
Sanskrit only: no published translation is held for this verse.
साधारणं स्मरन्त्येनं सभार्यस्त्वं समाविश । ब्रह्मा च भगवान्विष्णुः शक्रः सर्वसुरेश्वरः
sādhāraṇaṃ smarantyenaṃ sabhāryastvaṃ samāviśa / brahmā ca bhagavānviṣṇuḥ śakraḥ sarvasureśvaraḥ
Sanskrit only: no published translation is held for this verse.
रुद्रप्रसादजाश्चेति न वदन्ति दुरात्मकाः । ब्रह्मा च भगवान्विष्णुः शक्रश्च सम एव च
rudraprasādajāśceti na vadanti durātmakāḥ / brahmā ca bhagavānviṣṇuḥ śakraśca sama eva ca
Sanskrit only: no published translation is held for this verse.
वदन्ति मूढाः खद्योतं भानुं वा मूढचेतसः । तेषां गृहे तथा क्षेत्र आवासे वा सदानया
vadanti mūḍhāḥ khadyotaṃ bhānuṃ vā mūḍhacetasaḥ / teṣāṃ gṛhe tathā kṣetra āvāse vā sadānayā
Sanskrit only: no published translation is held for this verse.
विश भुङ्क्ष्व गृहं तेषां अपि पूर्णमनन्यधीः । ये ऽश्रन्ति केवलं मूढाः पक्वमन्नं विचेतसः
viśa bhuṅkṣva gṛhaṃ teṣāṃ api pūrṇamananyadhīḥ / ye 'śranti kevalaṃ mūḍhāḥ pakvamannaṃ vicetasaḥ
Sanskrit only: no published translation is held for this verse.
स्नानमङ्गलहीनाश् च तेषां त्वं गृहम् आविश । या नारी शौचविभ्रष्टा देहसंस्कारवर्जिता
snānamaṅgalahīnāś ca teṣāṃ tvaṃ gṛham āviśa / yā nārī śaucavibhraṣṭā dehasaṃskāravarjitā
Sanskrit only: no published translation is held for this verse.
सर्वभक्षरता नित्यं तस्याः स्ताने समाविश । मलिनास्याः स्वयं मर्त्या मलिनांबरधारिणः
sarvabhakṣaratā nityaṃ tasyāḥ stāne samāviśa / malināsyāḥ svayaṃ martyā malināṃbaradhāriṇaḥ
Sanskrit only: no published translation is held for this verse.
मलदन्ता गृहस्थाश्च गृहे तेषां समाविश । पादशौचविनिर्मुक्ताः संध्याकाले च शायिनः
maladantā gṛhasthāśca gṛhe teṣāṃ samāviśa / pādaśaucavinirmuktāḥ saṃdhyākāle ca śāyinaḥ
Sanskrit only: no published translation is held for this verse.
संध्यायाम श्रुते ये वै गृहं तेषां समाविश । अत्याशनरता मर्त्या अतिपानरता नराः
saṃdhyāyāma śrute ye vai gṛhaṃ teṣāṃ samāviśa / atyāśanaratā martyā atipānaratā narāḥ
Sanskrit only: no published translation is held for this verse.
द्यूतवादक्रियामूढाः गृहे तेषां समाविश । ब्रह्मस्वहारिणो ये चायोग्यांश्चैव यजन्ति वा
dyūtavādakriyāmūḍhāḥ gṛhe teṣāṃ samāviśa / brahmasvahāriṇo ye cāyogyāṃścaiva yajanti vā
Sanskrit only: no published translation is held for this verse.
शूद्रान्नभोजिनो वापि गृहं तेषां समाविश । मद्यपानरताः पापा मांस भक्षणतत्पराः
śūdrānnabhojino vāpi gṛhaṃ teṣāṃ samāviśa / madyapānaratāḥ pāpā māṃsa bhakṣaṇatatparāḥ
Sanskrit only: no published translation is held for this verse.
परदाररता मर्त्या गृहं तेषां समाविश । पर्वण्यनर्चाभिरता मैथुने वा दिवा रताः
paradāraratā martyā gṛhaṃ teṣāṃ samāviśa / parvaṇyanarcābhiratā maithune vā divā ratāḥ
Sanskrit only: no published translation is held for this verse.
संध्यायां मैथुनं येषां गृहे तेषां समाविश । पृष्ठतो मैथुनं येषां श्वानवन्मृगवच्च वा
saṃdhyāyāṃ maithunaṃ yeṣāṃ gṛhe teṣāṃ samāviśa / pṛṣṭhato maithunaṃ yeṣāṃ śvānavanmṛgavacca vā
Sanskrit only: no published translation is held for this verse.
जले वा मैथुनं कुर्यात्सभार्यस्त्वं समाविश । रजस्वलां स्त्रियं गच्छेच्चाण्डालीं वा नराधमः
jale vā maithunaṃ kuryātsabhāryastvaṃ samāviśa / rajasvalāṃ striyaṃ gaccheccāṇḍālīṃ vā narādhamaḥ
Sanskrit only: no published translation is held for this verse.
कन्यां वा गोगृहे वापि गृहं तेषां समाविश । बहुना किं प्रलापेन नित्यकर्मबहिष्कृताः
kanyāṃ vā gogṛhe vāpi gṛhaṃ teṣāṃ samāviśa / bahunā kiṃ pralāpena nityakarmabahiṣkṛtāḥ
Sanskrit only: no published translation is held for this verse.
रुद्रभक्तिविहीनाये गृहं तेषां समाविश । शृङ्गैर्दिव्यौषधैः क्षुद्रैः शेफ आलिप्य गच्छति
rudrabhaktivihīnāye gṛhaṃ teṣāṃ samāviśa / śṛṅgairdivyauṣadhaiḥ kṣudraiḥ śepha ālipya gacchati
Sanskrit only: no published translation is held for this verse.
भगद्रावं करोत्यस्मात्सभार्यस्त्वं समाविश । सूत उवाच इत्युक्त्वा स मुनिः श्रीमान् निर्मार्ज्य नयने तदा
bhagadrāvaṃ karotyasmātsabhāryastvaṃ samāviśa / sūta uvāca ityuktvā sa muniḥ śrīmān nirmārjya nayane tadā
Sanskrit only: no published translation is held for this verse.
ब्रह्मर्षिर्ब्रह्मसंकाशस्तत्रैवान्तर्द्धिमातनोत् । दुःसहश्च तथोक्तानि स्तानानि च समीयिवान्
brahmarṣirbrahmasaṃkāśastatraivāntarddhimātanot / duḥsahaśca tathoktāni stānāni ca samīyivān
Sanskrit only: no published translation is held for this verse.
विशेषाद्देवदेवस्य विष्णोर्निदारतात्मनाम् । सभार्यो मुनिशार्दूलः सैषा ज्येष्ठा इति स्मृता
viśeṣāddevadevasya viṣṇornidāratātmanām / sabhāryo muniśārdūlaḥ saiṣā jyeṣṭhā iti smṛtā
Sanskrit only: no published translation is held for this verse.
दुःसहस्तामुवाचेदं तडागाश्रममन्तरे । आस्व त्वमत्र चाहं वै प्रवेक्ष्यामि रसातलम्
duḥsahastāmuvācedaṃ taḍāgāśramamantare / āsva tvamatra cāhaṃ vai pravekṣyāmi rasātalam
Sanskrit only: no published translation is held for this verse.
आवयोः स्थानमालोक्य निवासार्थं ततः पुनः । आगमिष्यामि ते पार्श्वमित्युक्ता तमुवाच सा
āvayoḥ sthānamālokya nivāsārthaṃ tataḥ punaḥ / āgamiṣyāmi te pārśvamityuktā tamuvāca sā
Sanskrit only: no published translation is held for this verse.
किमश्रामि महाभाग को मे दास्यति वै बलिम् । इत्युक्तस्तां मुनिः प्राह याः स्त्रियस्त्वां यजन्ति वै
kimaśrāmi mahābhāga ko me dāsyati vai balim / ityuktastāṃ muniḥ prāha yāḥ striyastvāṃ yajanti vai
Sanskrit only: no published translation is held for this verse.
बलिभिः पुष्पधूपैश्च न तासां च गृहं विश । इत्युक्त्वा त्वाविशत्तत्र पातालं बिलयोगतः
balibhiḥ puṣpadhūpaiśca na tāsāṃ ca gṛhaṃ viśa / ityuktvā tvāviśattatra pātālaṃ bilayogataḥ
Sanskrit only: no published translation is held for this verse.
अद्यापि च विनिर्मग्नो मुनिः स जलसंस्तरे । ग्रामपर्वतबाह्येषु नित्यमास्ते ऽशुभा पुनः
adyāpi ca vinirmagno muniḥ sa jalasaṃstare / grāmaparvatabāhyeṣu nityamāste 'śubhā punaḥ
Sanskrit only: no published translation is held for this verse.
प्रसंगाद्देवन्देवेशो विष्णुस्त्रिभुवनेश्वरः । लक्ष्म्या दृष्टस्तया लक्ष्मीः सा तमाह जनार्दनम्
prasaṃgāddevandeveśo viṣṇustribhuvaneśvaraḥ / lakṣmyā dṛṣṭastayā lakṣmīḥ sā tamāha janārdanam
Sanskrit only: no published translation is held for this verse.
भर्ता गतो महाबाहो बिलं त्यक्त्वा स मां प्रभो । अनाथाहं जगन्नाथ वृत्तिं देहि नमोस्तु ते
bhartā gato mahābāho bilaṃ tyaktvā sa māṃ prabho / anāthāhaṃ jagannātha vṛttiṃ dehi namostu te
Sanskrit only: no published translation is held for this verse.
सूत उवाच इत्युक्तो भगवान्विष्णुः प्रहस्याह जनार्दनः । ज्येष्ठामलक्ष्मीं देवेशो माधवो मधुसूदनः
sūta uvāca ityukto bhagavānviṣṇuḥ prahasyāha janārdanaḥ / jyeṣṭhāmalakṣmīṃ deveśo mādhavo madhusūdanaḥ
Sanskrit only: no published translation is held for this verse.
श्रीविष्णुरुवाच ये रुद्रमनघं शर्वं शङ्करं नीललोहितम् । अंबां हैमवतीं वापि जनित्रीं जगतामपि
śrīviṣṇuruvāca ye rudramanaghaṃ śarvaṃ śaṅkaraṃ nīlalohitam / aṃbāṃ haimavatīṃ vāpi janitrīṃ jagatāmapi
Sanskrit only: no published translation is held for this verse.
मद्भक्तान्निन्दयन्त्यत्र तेषां वित्तं तवैव हि । येपि चैव महादेवं विनिन्द्यैव यजन्ति माम्
madbhaktānnindayantyatra teṣāṃ vittaṃ tavaiva hi / yepi caiva mahādevaṃ vinindyaiva yajanti mām
Sanskrit only: no published translation is held for this verse.
मूढा ह्यभाग्या मद्भक्ता अपि तेषां धनं तव । यस्याज्ञया ह्यहं ब्रह्मा प्रसादाद्वर्तते सदा
mūḍhā hyabhāgyā madbhaktā api teṣāṃ dhanaṃ tava / yasyājñayā hyahaṃ brahmā prasādādvartate sadā
Sanskrit only: no published translation is held for this verse.
ये यजन्ति विनिन्द्यैव मम विद्वेषकारकाः । मद्भक्ता नैव ते भक्ता इव वर्तन्ति दुर्मदाः
ye yajanti vinindyaiva mama vidveṣakārakāḥ / madbhaktā naiva te bhaktā iva vartanti durmadāḥ
Sanskrit only: no published translation is held for this verse.
तेषां गृहं धनं क्षेत्रमिष्टापूर्तं तवैव हि । सूत उवाच इत्युक्त्वा तां परित्यज्य लक्ष्म्यालक्ष्मीं जनार्दनः
teṣāṃ gṛhaṃ dhanaṃ kṣetramiṣṭāpūrtaṃ tavaiva hi / sūta uvāca ityuktvā tāṃ parityajya lakṣmyālakṣmīṃ janārdanaḥ
Sanskrit only: no published translation is held for this verse.
जजाप भगवन्रुद्रमलक्ष्मीक्षयसिद्धये । तस्मात्प्रदेयस्तस्यै च बलिर्नित्यंमुनीश्वराः
jajāpa bhagavanrudramalakṣmīkṣayasiddhaye / tasmātpradeyastasyai ca balirnityaṃmunīśvarāḥ
Sanskrit only: no published translation is held for this verse.
विष्णुभक्तैर्न संदेहः सर्वयत्नेन सर्वदा । अङ्गनाभिः सदा पूज्या बलिभिर्विविधैर्द्विजाः
viṣṇubhaktairna saṃdehaḥ sarvayatnena sarvadā / aṅganābhiḥ sadā pūjyā balibhirvividhairdvijāḥ
Sanskrit only: no published translation is held for this verse.
यः पठेच्छृणुयाद्वापि श्रावयेद्वा द्विजोत्तमान् । अलक्ष्मीवृत्तमनघो लक्ष्मीवाल्लंभते गतिम्
yaḥ paṭhecchṛṇuyādvāpi śrāvayedvā dvijottamān / alakṣmīvṛttamanagho lakṣmīvāllaṃbhate gatim
Sanskrit only: no published translation is held for this verse.