Nagarjuna: M 12

स्वयं कृतं परकृतं द्वाभ्यां कृतमहेतुकम् । दुःखमित्येक इच्छन्ति तच्च कार्यं न युज्यते

svayaṃ kṛtaṃ parakṛtaṃ dvābhyāṃ kṛtamahetukam / duḥkhamityeka icchanti tacca kāryaṃ na yujyate

Sanskrit only: no published translation is held for this verse.

स्वयं कृतं यदि भवेत्प्रतीत्य न ततो भवेत् । स्कन्धानिमानमी स्कन्धाः संभवन्ति प्रतीत्य हि

svayaṃ kṛtaṃ yadi bhavetpratītya na tato bhavet / skandhānimānamī skandhāḥ saṃbhavanti pratītya hi

Sanskrit only: no published translation is held for this verse.

यद्यमीभ्य इमे ऽन्ये स्युरेभ्यो वामी परे यदि । भवेत्परकृतं दुःखं परैरेभिरमी कृताः

yadyamībhya ime 'nye syurebhyo vāmī pare yadi / bhavetparakṛtaṃ duḥkhaṃ parairebhiramī kṛtāḥ

Sanskrit only: no published translation is held for this verse.

स्वपुद्नलकृतं दुःखं यदि दुःखं पुनर्विना । स्वपुद्गलः स कतमो येन दुःखं स्वयं कृतम्

svapudnalakṛtaṃ duḥkhaṃ yadi duḥkhaṃ punarvinā / svapudgalaḥ sa katamo yena duḥkhaṃ svayaṃ kṛtam

Sanskrit only: no published translation is held for this verse.

परपुद्गलजं दुःखं यदि यस्मै प्रदीयते । परेण कृत्वा तद्दुःखं स दुःखेन विना कुतः

parapudgalajaṃ duḥkhaṃ yadi yasmai pradīyate / pareṇa kṛtvā tadduḥkhaṃ sa duḥkhena vinā kutaḥ

Sanskrit only: no published translation is held for this verse.

परपुद्गलजं दुःखं यदि कः परपुद्गलः । विना दुःखेन यः कृत्वा परस्मै प्रहिणोति तत्

parapudgalajaṃ duḥkhaṃ yadi kaḥ parapudgalaḥ / vinā duḥkhena yaḥ kṛtvā parasmai prahiṇoti tat

Sanskrit only: no published translation is held for this verse.

स्वयंकृतस्याप्रसिद्धेर्दुःखं परकृतं कुतः । परो हि दुःखं यत्कुर्यात्तत्तस्य स्यात्स्वयं कृतम्

svayaṃkṛtasyāprasiddherduḥkhaṃ parakṛtaṃ kutaḥ / paro hi duḥkhaṃ yatkuryāttattasya syātsvayaṃ kṛtam

Sanskrit only: no published translation is held for this verse.

न तावत्स्वकृतं दुःखं न हि तेनैव तत्कृतम् । परो नात्मकृतश्चेत्स्याद्दुःखं परकृतं कथम्

na tāvatsvakṛtaṃ duḥkhaṃ na hi tenaiva tatkṛtam / paro nātmakṛtaścetsyādduḥkhaṃ parakṛtaṃ katham

Sanskrit only: no published translation is held for this verse.

स्यादुभाभ्यां कृतं दुःखं स्यादेकैककृतं यदि । पराकारास्वयंकारं दुःखमहेतुकं कुतः

syādubhābhyāṃ kṛtaṃ duḥkhaṃ syādekaikakṛtaṃ yadi / parākārāsvayaṃkāraṃ duḥkhamahetukaṃ kutaḥ

Sanskrit only: no published translation is held for this verse.

न केवलं हि दुःखस्य चातुर्विध्यं न विद्यते । बाह्यानामपि भावानां चातुर्विध्यं न विद्यते

na kevalaṃ hi duḥkhasya cāturvidhyaṃ na vidyate / bāhyānāmapi bhāvānāṃ cāturvidhyaṃ na vidyate

Sanskrit only: no published translation is held for this verse.