Nagarjuna: M 13

तन्मृषा मोषधर्म यद्भगवानित्यभाषत । सर्वे च मोषधर्माणः संस्कारास्तेन ते मृषा

tanmṛṣā moṣadharma yadbhagavānityabhāṣata / sarve ca moṣadharmāṇaḥ saṃskārāstena te mṛṣā

Sanskrit only: no published translation is held for this verse.

तन्मृषा मोषधर्म यद्यदि किं तत्र मुष्यते । एतत्तूक्तं भगवता शून्यतापरिदीपकम्

tanmṛṣā moṣadharma yadyadi kiṃ tatra muṣyate / etattūktaṃ bhagavatā śūnyatāparidīpakam

Sanskrit only: no published translation is held for this verse.

भावानां निःस्वभावत्वमन्यथाभावदर्शनात् । अस्वभावो भावो नास्ति भावानां शून्यता यतः

bhāvānāṃ niḥsvabhāvatvamanyathābhāvadarśanāt / asvabhāvo bhāvo nāsti bhāvānāṃ śūnyatā yataḥ

Sanskrit only: no published translation is held for this verse.

कस्य स्यादन्यथाभावः स्वभावश्चेन्न विद्यते । कस्य स्यादन्यथाभावः स्वभावो यदि विद्यते

kasya syādanyathābhāvaḥ svabhāvaścenna vidyate / kasya syādanyathābhāvaḥ svabhāvo yadi vidyate

Sanskrit only: no published translation is held for this verse.

तस्यैव नान्यथाभावो नाप्यन्यस्यैव युज्यते । युवा न जीर्यते यस्माद्यस्माज्जीर्णो न जीर्यते

tasyaiva nānyathābhāvo nāpyanyasyaiva yujyate / yuvā na jīryate yasmādyasmājjīrṇo na jīryate

Sanskrit only: no published translation is held for this verse.

तस्य चेदन्यथाभावः क्षीरमेव भवेद्दधि । क्षीरादन्यस्य कस्याथ दधिभावो भविष्यति

tasya cedanyathābhāvaḥ kṣīrameva bhaveddadhi / kṣīrādanyasya kasyātha dadhibhāvo bhaviṣyati

Sanskrit only: no published translation is held for this verse.

यद्यशून्यं भवेत्किंचित्स्याच्छून्यमिति किंचन । न किंचिदस्त्यशून्यं च कुतः शून्यं भविष्यति

yadyaśūnyaṃ bhavetkiṃcitsyācchūnyamiti kiṃcana / na kiṃcidastyaśūnyaṃ ca kutaḥ śūnyaṃ bhaviṣyati

Sanskrit only: no published translation is held for this verse.

शून्यता सर्वदृष्टीनां प्रोक्ता निःसरणं जिनैः । येषां तु शून्यता दृष्टिस्तानसाध्यान् बभाषिरे

śūnyatā sarvadṛṣṭīnāṃ proktā niḥsaraṇaṃ jinaiḥ / yeṣāṃ tu śūnyatā dṛṣṭistānasādhyān babhāṣire

Sanskrit only: no published translation is held for this verse.