द्रष्टव्यं दर्शनं द्रष्टा त्रीण्येतानि द्विशो द्विशः । सर्वशश्च न संसर्गमन्योन्येन व्रजन्त्युत
draṣṭavyaṃ darśanaṃ draṣṭā trīṇyetāni dviśo dviśaḥ / sarvaśaśca na saṃsargamanyonyena vrajantyuta
Sanskrit only: no published translation is held for this verse.
एवं रागश्च रक्तश्च रञ्जनीयं च दृश्यताम् । त्रैधेन शेषाः क्लेशाश्च शेषाण्यायतनानि च
evaṃ rāgaśca raktaśca rañjanīyaṃ ca dṛśyatām / traidhena śeṣāḥ kleśāśca śeṣāṇyāyatanāni ca
Sanskrit only: no published translation is held for this verse.
अन्येनान्यस्य संसर्गस्तच्चान्यत्वं न विद्यते । द्रष्टव्यप्रभृतीनां यन्न संसर्गं व्रजन्त्यतः
anyenānyasya saṃsargastaccānyatvaṃ na vidyate / draṣṭavyaprabhṛtīnāṃ yanna saṃsargaṃ vrajantyataḥ
Sanskrit only: no published translation is held for this verse.
न च केवलमन्यत्वं द्रष्टव्यादेर्न विद्यते । कस्यचित्केनचित्सार्धं नान्यत्वमुपपद्यते
na ca kevalamanyatvaṃ draṣṭavyāderna vidyate / kasyacitkenacitsārdhaṃ nānyatvamupapadyate
Sanskrit only: no published translation is held for this verse.
अन्यदन्यत्प्रतीत्यान्यन्नान्यदन्यदृते ऽन्यतः । यत्प्रतीत्य च यत्तस्मात्तदन्यन्नोपपद्यते
anyadanyatpratītyānyannānyadanyadṛte 'nyataḥ / yatpratītya ca yattasmāttadanyannopapadyate
Sanskrit only: no published translation is held for this verse.
यद्यन्यदन्यदन्यस्मादन्यस्मादप्यृते भवेत् । तदन्यदन्यदन्यस्मादृते नास्ति च नास्त्यतः
yadyanyadanyadanyasmādanyasmādapyṛte bhavet / tadanyadanyadanyasmādṛte nāsti ca nāstyataḥ
Sanskrit only: no published translation is held for this verse.
नान्यस्मिन् विद्यते ऽन्यत्वमनन्यस्मिन्न विद्यते । अविद्यमाने चान्यत्वे नास्त्यन्यद्वा तदेव वा
nānyasmin vidyate 'nyatvamananyasminna vidyate / avidyamāne cānyatve nāstyanyadvā tadeva vā
Sanskrit only: no published translation is held for this verse.
न तेन तस्य संसर्गो नान्येनान्यस्य युज्यते । संसृज्यमानं संसृष्टं संस्रष्टा च न विद्यते
na tena tasya saṃsargo nānyenānyasya yujyate / saṃsṛjyamānaṃ saṃsṛṣṭaṃ saṃsraṣṭā ca na vidyate
Sanskrit only: no published translation is held for this verse.