स्कन्धा न नान्यः स्कन्धेभ्यो नास्मिन् स्कन्धा न तेषु सः । तथागतः स्कन्धवान्न कतमो ऽत्र तथागतः
skandhā na nānyaḥ skandhebhyo nāsmin skandhā na teṣu saḥ / tathāgataḥ skandhavānna katamo 'tra tathāgataḥ
Sanskrit only: no published translation is held for this verse.
बुद्धः स्कन्धानुपादाय यदि नास्ति स्वभावतः । स्वभावतश्च यो नास्ति कुतः स परभावतः
buddhaḥ skandhānupādāya yadi nāsti svabhāvataḥ / svabhāvataśca yo nāsti kutaḥ sa parabhāvataḥ
Sanskrit only: no published translation is held for this verse.
प्रतीत्य परभावं यः सो ऽनात्मेत्युपपद्यते । यश्चानात्मा स च कथं भविष्यति तथागतः
pratītya parabhāvaṃ yaḥ so 'nātmetyupapadyate / yaścānātmā sa ca kathaṃ bhaviṣyati tathāgataḥ
Sanskrit only: no published translation is held for this verse.
यदि नास्ति स्वभावश्च परभावः कथं भवेत् । स्वभावपरभावाभ्यामृते कः स तथागतः
yadi nāsti svabhāvaśca parabhāvaḥ kathaṃ bhavet / svabhāvaparabhāvābhyāmṛte kaḥ sa tathāgataḥ
Sanskrit only: no published translation is held for this verse.
स्कन्धान् यद्यनुपादाय भवेत्कश्चित्तथागतः । स इदानीमुपादद्यादुपादाय ततो भवेत्
skandhān yadyanupādāya bhavetkaścittathāgataḥ / sa idānīmupādadyādupādāya tato bhavet
Sanskrit only: no published translation is held for this verse.
स्कन्धांश्चाप्यनुपादाय नास्ति कश्चित्तथागतः । यश्च नास्त्यनुपादाय स उपादास्यते कथम्
skandhāṃścāpyanupādāya nāsti kaścittathāgataḥ / yaśca nāstyanupādāya sa upādāsyate katham
Sanskrit only: no published translation is held for this verse.
न भवत्यनुपादत्तमुपादानं च किंचन । न चास्ति निरुपादानः कथंचन तथागतः
na bhavatyanupādattamupādānaṃ ca kiṃcana / na cāsti nirupādānaḥ kathaṃcana tathāgataḥ
Sanskrit only: no published translation is held for this verse.
तत्त्वान्यत्वेन यो नास्ति मृग्यमाणश्च पञ्चधा । उपादानेन स कथं प्रज्ञप्येत तथागतः
tattvānyatvena yo nāsti mṛgyamāṇaśca pañcadhā / upādānena sa kathaṃ prajñapyeta tathāgataḥ
Sanskrit only: no published translation is held for this verse.
यदपीदमुपादानं तत्स्वभावत्वान्न विद्यते । स्वभावतश्च यन्नास्ति कुतस्तत्परभावतः
yadapīdamupādānaṃ tatsvabhāvatvānna vidyate / svabhāvataśca yannāsti kutastatparabhāvataḥ
Sanskrit only: no published translation is held for this verse.
एवं शून्यमुपादानमुपादाता च सर्वशः । प्रज्ञप्यते च शून्येन कथं शून्यस्तथागतः
evaṃ śūnyamupādānamupādātā ca sarvaśaḥ / prajñapyate ca śūnyena kathaṃ śūnyastathāgataḥ
Sanskrit only: no published translation is held for this verse.
शून्यमिति न वक्तव्यमशून्यमिति वा भवेत् । उभयं नोभयं चेति प्रज्ञप्त्यर्थं तु कथ्यते
śūnyamiti na vaktavyamaśūnyamiti vā bhavet / ubhayaṃ nobhayaṃ ceti prajñaptyarthaṃ tu kathyate
Sanskrit only: no published translation is held for this verse.
शाश्वताशाश्वताद्या कुतः शान्ते चतुष्टयम् । अन्तानन्तादि चाप्यत्र कुन्तः शान्ते चतुष्टयम्
śāśvatāśāśvatādyā kutaḥ śānte catuṣṭayam / antānantādi cāpyatra kuntaḥ śānte catuṣṭayam
Sanskrit only: no published translation is held for this verse.
येन ग्राहो गृहीतस्तु घनो ऽस्तीति तथागतः । नास्तीति स विकल्पयन्निर्वृतस्यापि कल्पयेत्
yena grāho gṛhītastu ghano 'stīti tathāgataḥ / nāstīti sa vikalpayannirvṛtasyāpi kalpayet
Sanskrit only: no published translation is held for this verse.
स्वभावतश्च शून्ये ऽस्मिंश्चिन्ता नैवोपपद्यते । परं निरोधाद्भवति बुद्धो न भवतीति वा
svabhāvataśca śūnye 'smiṃścintā naivopapadyate / paraṃ nirodhādbhavati buddho na bhavatīti vā
Sanskrit only: no published translation is held for this verse.
प्रपञ्चयन्ति ये बुद्धं प्रपञ्चातीतमव्ययम् । ते प्रपञ्चहताः सर्वे न पश्यन्ति तथागतम्
prapañcayanti ye buddhaṃ prapañcātītamavyayam / te prapañcahatāḥ sarve na paśyanti tathāgatam
Sanskrit only: no published translation is held for this verse.
तथागतो यत्स्वभावस्तत्स्वभावमिदं जगत् । तथागतो निःस्वभावो निःस्वभावमिदं जगत्
tathāgato yatsvabhāvastatsvabhāvamidaṃ jagat / tathāgato niḥsvabhāvo niḥsvabhāvamidaṃ jagat
Sanskrit only: no published translation is held for this verse.