Nagarjuna: M 26

पुनर्भवाय संस्कारानविद्यानिवृतस्त्रिधा । अभिसंस्कुरुते यांस्तैर्गतिं गच्छति कर्मभिः

punarbhavāya saṃskārānavidyānivṛtastridhā / abhisaṃskurute yāṃstairgatiṃ gacchati karmabhiḥ

Sanskrit only: no published translation is held for this verse.

विज्ञानं संनिविशते संस्कारप्रत्ययं गतौ । संनिविष्टे ऽथ विज्ञाने नामरूपं निषिच्यते

vijñānaṃ saṃniviśate saṃskārapratyayaṃ gatau / saṃniviṣṭe 'tha vijñāne nāmarūpaṃ niṣicyate

Sanskrit only: no published translation is held for this verse.

निषिक्ते नामरूपे तु षडायतनसंभवः । षडायतनमागम्य संस्पर्शः संप्रवर्तते

niṣikte nāmarūpe tu ṣaḍāyatanasaṃbhavaḥ / ṣaḍāyatanamāgamya saṃsparśaḥ saṃpravartate

Sanskrit only: no published translation is held for this verse.

चक्षुः प्रतीत्य रूपं च समन्वाहारमेव च । नामरूपं प्रतीत्यैवं विज्ञानं संप्रवर्तते

cakṣuḥ pratītya rūpaṃ ca samanvāhārameva ca / nāmarūpaṃ pratītyaivaṃ vijñānaṃ saṃpravartate

Sanskrit only: no published translation is held for this verse.

संनिपातस्त्रयाणां यो रूपविज्ञानचक्षुषाम् । स्पर्शः सः तस्मात्स्पर्शाच्च वेदना संप्रवर्तते

saṃnipātastrayāṇāṃ yo rūpavijñānacakṣuṣām / sparśaḥ saḥ tasmātsparśācca vedanā saṃpravartate

Sanskrit only: no published translation is held for this verse.

वेदनाप्रत्यया तृष्णा वेदनार्थं हि तृष्यते । तृष्यमाण उपादानमुपादत्ते चतुर्विधम्

vedanāpratyayā tṛṣṇā vedanārthaṃ hi tṛṣyate / tṛṣyamāṇa upādānamupādatte caturvidham

Sanskrit only: no published translation is held for this verse.

उपादाने सति भव उपादातुः प्रवर्तते । स्याद्धि यद्यनुपादानो मुच्येत न भवेद्भवः

upādāne sati bhava upādātuḥ pravartate / syāddhi yadyanupādāno mucyeta na bhavedbhavaḥ

Sanskrit only: no published translation is held for this verse.

पञ्च स्कन्धाः स च भवः भवाज्जातिः प्रवर्तते । जरामरणदुःखादि शोकाः सपरिदेवनाः

pañca skandhāḥ sa ca bhavaḥ bhavājjātiḥ pravartate / jarāmaraṇaduḥkhādi śokāḥ saparidevanāḥ

Sanskrit only: no published translation is held for this verse.

दौर्मनस्यमुपायासा जातेरेतत्प्रवर्तते । केवलस्यैवमेतस्य दुःखस्कन्धस्य संभवः

daurmanasyamupāyāsā jāteretatpravartate / kevalasyaivametasya duḥkhaskandhasya saṃbhavaḥ

Sanskrit only: no published translation is held for this verse.

संसारमूलान्संस्कारानविद्वान् संस्करोत्यतः । अविद्वान् कारकस्तस्मान्न विद्वांस्तत्त्वदर्शनात्

saṃsāramūlānsaṃskārānavidvān saṃskarotyataḥ / avidvān kārakastasmānna vidvāṃstattvadarśanāt

Sanskrit only: no published translation is held for this verse.

अविद्यायां निरुद्धायां संस्काराणामसंभवः । अविद्याया निरोधस्तु ज्ञानेनास्यैव भावनात्

avidyāyāṃ niruddhāyāṃ saṃskārāṇāmasaṃbhavaḥ / avidyāyā nirodhastu jñānenāsyaiva bhāvanāt

Sanskrit only: no published translation is held for this verse.

तस्य तस्य निरोधेन तत्तन्नाभिप्रवर्तते । दुःखस्कन्धः केवलो ऽयमेवं सम्यङ् निरुध्यते

tasya tasya nirodhena tattannābhipravartate / duḥkhaskandhaḥ kevalo 'yamevaṃ samyaṅ nirudhyate

Sanskrit only: no published translation is held for this verse.