रूपकारणनिर्मुक्तं न रूपमुपलभ्यते । रूपेणापि न निर्मुक्तं दृश्यते रूपकारणम्
rūpakāraṇanirmuktaṃ na rūpamupalabhyate / rūpeṇāpi na nirmuktaṃ dṛśyate rūpakāraṇam
Sanskrit only: no published translation is held for this verse.
Nagarjuna: M 4
रूपकारणनिर्मुक्ते रूपे रूपं प्रसज्यते । आहेतुकं, न चास्त्यर्थः कश्चिदाहेतुकः क्वचित्
rūpakāraṇanirmukte rūpe rūpaṃ prasajyate / āhetukaṃ, na cāstyarthaḥ kaścidāhetukaḥ kvacit
Sanskrit only: no published translation is held for this verse.
रूपेण तु विनिर्मुक्तं यदि स्याद्रूपकारणम् । अकार्यकं कारणं स्यात् नास्त्यकार्यं च कारणम्
rūpeṇa tu vinirmuktaṃ yadi syādrūpakāraṇam / akāryakaṃ kāraṇaṃ syāt nāstyakāryaṃ ca kāraṇam
Sanskrit only: no published translation is held for this verse.
रूपे सत्येव रूपस्य कारणं नोपपद्यते । रूपे ऽसत्येव रूपस्य कारणं नोपपद्यते
rūpe satyeva rūpasya kāraṇaṃ nopapadyate / rūpe 'satyeva rūpasya kāraṇaṃ nopapadyate
Sanskrit only: no published translation is held for this verse.
निष्कारणं पुना रूपं नैव नैवोपपद्यते । तस्मात् रूपगतान् कांश्चिन्न विकल्पान् विकल्पयेत्
niṣkāraṇaṃ punā rūpaṃ naiva naivopapadyate / tasmāt rūpagatān kāṃścinna vikalpān vikalpayet
Sanskrit only: no published translation is held for this verse.
न कारणस्य सदृशं कार्यमित्युपपद्यते । न कारणस्यासदृशं कार्यमित्युपपद्यते
na kāraṇasya sadṛśaṃ kāryamityupapadyate / na kāraṇasyāsadṛśaṃ kāryamityupapadyate
Sanskrit only: no published translation is held for this verse.
वेदनाचित्तसंज्ञानां संस्काराणां च सर्वशः । सर्वेषामेव भावानां रूपेणैव समः क्रमः
vedanācittasaṃjñānāṃ saṃskārāṇāṃ ca sarvaśaḥ / sarveṣāmeva bhāvānāṃ rūpeṇaiva samaḥ kramaḥ
Sanskrit only: no published translation is held for this verse.
विग्रहे यः परीहारं कृते शून्यतया वदेत् । सर्वं तस्यापरिहृतं समं साध्येन जायते
vigrahe yaḥ parīhāraṃ kṛte śūnyatayā vadet / sarvaṃ tasyāparihṛtaṃ samaṃ sādhyena jāyate
Sanskrit only: no published translation is held for this verse.
व्याख्याने य उपालम्भं कृते शून्यतया वदेत् । सर्वं तस्यानुपालब्धं समं साध्येन जायते
vyākhyāne ya upālambhaṃ kṛte śūnyatayā vadet / sarvaṃ tasyānupālabdhaṃ samaṃ sādhyena jāyate
Sanskrit only: no published translation is held for this verse.