नाकाशं विद्यते किंचित्पूर्वमाकाशलक्षणात् । अलक्षणं प्रसज्येत स्यात्पूर्वं यदि लक्षणात्
nākāśaṃ vidyate kiṃcitpūrvamākāśalakṣaṇāt / alakṣaṇaṃ prasajyeta syātpūrvaṃ yadi lakṣaṇāt
Sanskrit only: no published translation is held for this verse.
Nagarjuna: M 5
अलक्षणो न कश्चिच्च भावः संविद्यते क्कचित् । असत्यलक्षणे भावे क्रमतां कुह लक्षणम्
alakṣaṇo na kaścicca bhāvaḥ saṃvidyate kkacit / asatyalakṣaṇe bhāve kramatāṃ kuha lakṣaṇam
Sanskrit only: no published translation is held for this verse.
नालक्षणे लक्षणस्य प्रवृत्तिर्न सलक्षणे । सलक्षणालक्षणाभ्यां नाप्यन्यत्र प्रवर्तते
nālakṣaṇe lakṣaṇasya pravṛttirna salakṣaṇe / salakṣaṇālakṣaṇābhyāṃ nāpyanyatra pravartate
Sanskrit only: no published translation is held for this verse.
लक्षणासंप्रवृत्तौ च न लक्ष्यमुपपद्यते । लक्ष्यस्यानुपपत्तौ च लक्षणस्याप्यसंभवः
lakṣaṇāsaṃpravṛttau ca na lakṣyamupapadyate / lakṣyasyānupapattau ca lakṣaṇasyāpyasaṃbhavaḥ
Sanskrit only: no published translation is held for this verse.
तस्मान्न विद्यते लक्ष्यं लक्षणं नैव विद्यते । लक्ष्यलक्षणनिर्मुक्तो नैव भावो ऽपि विद्यते
tasmānna vidyate lakṣyaṃ lakṣaṇaṃ naiva vidyate / lakṣyalakṣaṇanirmukto naiva bhāvo 'pi vidyate
Sanskrit only: no published translation is held for this verse.
अविद्यमाने भावे च कस्याभावो भविष्यति । भावाभावविधर्मा च भावाभावमवैति कः
avidyamāne bhāve ca kasyābhāvo bhaviṣyati / bhāvābhāvavidharmā ca bhāvābhāvamavaiti kaḥ
Sanskrit only: no published translation is held for this verse.
तस्मान्न भावो नाभावो न लक्ष्यं नापि लक्षणम् । आकाशम् आकाशसमा धातवः पञ्च ये परे
tasmānna bhāvo nābhāvo na lakṣyaṃ nāpi lakṣaṇam / ākāśam ākāśasamā dhātavaḥ pañca ye pare
Sanskrit only: no published translation is held for this verse.
अस्तित्वं ये तु पश्यन्ति नास्तित्वं चाल्पबुद्धयः । भावानां ते न पश्यन्ति द्रष्टव्योपशमं शिवम्
astitvaṃ ye tu paśyanti nāstitvaṃ cālpabuddhayaḥ / bhāvānāṃ te na paśyanti draṣṭavyopaśamaṃ śivam
Sanskrit only: no published translation is held for this verse.