Nagarjuna: M 9

दर्शनश्रवणादीनि वेदनादीनि चाप्यथ । भवन्ति यस्य प्रागेभ्यः सो ऽस्तीत्येके वदन्त्युत

darśanaśravaṇādīni vedanādīni cāpyatha / bhavanti yasya prāgebhyaḥ so 'stītyeke vadantyuta

Sanskrit only: no published translation is held for this verse.

कथं ह्यविद्यमानस्य दर्शनादि भविष्यति । भावस्य तस्मात्प्रागेभ्यः सो ऽस्ति भावो व्यवस्थितः

kathaṃ hyavidyamānasya darśanādi bhaviṣyati / bhāvasya tasmātprāgebhyaḥ so 'sti bhāvo vyavasthitaḥ

Sanskrit only: no published translation is held for this verse.

दर्शनश्रवणादिभ्यो वेदनादिभ्य एव च । यः प्राग्व्यवस्थितो भावः केन प्रज्ञप्यते ऽथ सः

darśanaśravaṇādibhyo vedanādibhya eva ca / yaḥ prāgvyavasthito bhāvaḥ kena prajñapyate 'tha saḥ

Sanskrit only: no published translation is held for this verse.

विनापि दर्शनादीनि यदि चासौ व्यवस्थितः । अमून्यपि भविष्यन्ति विना तेन न संशयः

vināpi darśanādīni yadi cāsau vyavasthitaḥ / amūnyapi bhaviṣyanti vinā tena na saṃśayaḥ

Sanskrit only: no published translation is held for this verse.

अज्यते केनचित्कश्चित् किंचित्केनचिदज्यते । कुतः किंचिद्विना कश्चित् किंचित्कंचिद्विना कुतः

ajyate kenacitkaścit kiṃcitkenacidajyate / kutaḥ kiṃcidvinā kaścit kiṃcitkaṃcidvinā kutaḥ

Sanskrit only: no published translation is held for this verse.

सर्वेभ्यो दर्शनादिभ्यः कश्चित्पूर्वो न विद्यते । अज्यते दर्शनादीनामन्येन पुनरन्यदा

sarvebhyo darśanādibhyaḥ kaścitpūrvo na vidyate / ajyate darśanādīnāmanyena punaranyadā

Sanskrit only: no published translation is held for this verse.

सर्वेभ्यो दर्शनादिभ्यो यदि पूर्वो न विद्यते । एकैकस्मात्कथं पूर्वो दर्शनादेः स विद्यते

sarvebhyo darśanādibhyo yadi pūrvo na vidyate / ekaikasmātkathaṃ pūrvo darśanādeḥ sa vidyate

Sanskrit only: no published translation is held for this verse.

द्रष्टा स एव स श्रोता स एव यदि वेदकः । एकैकस्माद्भवेत्पूर्वं एवं चैतन्न युज्यते

draṣṭā sa eva sa śrotā sa eva yadi vedakaḥ / ekaikasmādbhavetpūrvaṃ evaṃ caitanna yujyate

Sanskrit only: no published translation is held for this verse.

द्रष्टान्य एव श्रोतान्यो वेदको ऽन्यः पुनर्यदि । सति स्याद् द्रष्टरि श्रोता बहुत्वं चात्मनां भवेत्

draṣṭānya eva śrotānyo vedako 'nyaḥ punaryadi / sati syād draṣṭari śrotā bahutvaṃ cātmanāṃ bhavet

Sanskrit only: no published translation is held for this verse.

दर्शनश्रवणादीनि वेदनादीनि चाप्यथ । भवन्ति येभ्यस्तेष्वेष भूतेष्वपि न विद्यते

darśanaśravaṇādīni vedanādīni cāpyatha / bhavanti yebhyasteṣveṣa bhūteṣvapi na vidyate

Sanskrit only: no published translation is held for this verse.

दर्शनश्रवणादीनि वेदनादीनि चाप्यथ । न विद्यते चेद्यस्य स न विद्यन्त इमान्यपि

darśanaśravaṇādīni vedanādīni cāpyatha / na vidyate cedyasya sa na vidyanta imānyapi

Sanskrit only: no published translation is held for this verse.

प्राक् च यो दर्शनादिभ्यः सांप्रतं चोर्ध्वमेव च । न विद्यते ऽस्ति नास्तीति निवृत्तास्तत्र कल्पनाः

prāk ca yo darśanādibhyaḥ sāṃprataṃ cordhvameva ca / na vidyate 'sti nāstīti nivṛttāstatra kalpanāḥ

Sanskrit only: no published translation is held for this verse.