Moksopaya with Bhaskarakantha's Tika [MT] 1.23

स्पष्टम्

spaṣṭam

Sanskrit only: no published translation is held for this verse.

कटुतिक्ताम्लाः अत्यन्ततामसिकतामसिकराजसिकाः । कट्वादिरसविशेषयुक्ताश् च ये भूताः चराचराः भूताः सिद्धद्रव्याणि च । तैः आढ्यैः युक्तैः । परेद्युः उषितैः पर्युषितैः । न तु नवैर् इत्य् अर्थः । काल्यवर्तनम् प्राभातिकभोजनं । अस्येति सर्गाद्यश्लोकस्थं सर्वत्र योज्यम्

kaṭutiktāmlāḥ atyantatāmasikatāmasikarājasikāḥ | kaṭvādirasaviśeṣayuktāś ca ye bhūtāḥ carācarāḥ bhūtāḥ siddhadravyāṇi ca | taiḥ āḍhyaiḥ yuktaiḥ | paredyuḥ uṣitaiḥ paryuṣitaiḥ | na tu navair ity arthaḥ | kālyavartanam prābhātikabhojanaṃ | asyeti sargādyaślokasthaṃ sarvatra yojyam

Sanskrit only: no published translation is held for this verse.

अस्य कालस्य चण्डीति नामधेया शक्तिः । वृकी भवतीति सम्बन्धः । मातृगणः प्रसिद्धः । राजपुत्रो ऽपि आखेटकार्थं वृकीम् पालयति

asya kālasya caṇḍīti nāmadheyā śaktiḥ | vṛkī bhavatīti sambandhaḥ | mātṛgaṇaḥ prasiddhaḥ | rājaputro 'pi ākheṭakārthaṃ vṛkīm pālayati

Sanskrit only: no published translation is held for this verse.

पृथ्वी विस्तीर्णा

pṛthvī vistīrṇā

Sanskrit only: no published translation is held for this verse.

नृसिंहः नरसिंहः । राजपुत्रस्यापि विलासार्थम् पञ्जरे सिंहो भवति

nṛsiṃhaḥ narasiṃhaḥ | rājaputrasyāpi vilāsārtham pañjare siṃho bhavati

Sanskrit only: no published translation is held for this verse.

महाकालः संहाराधिकारी देवविशेषः

mahākālaḥ saṃhārādhikārī devaviśeṣaḥ

Sanskrit only: no published translation is held for this verse.

वान्ताः उद्गीर्णाः । दुःखान्य् एव शराशनयः । येन । सः । अभावनामा चासौ कोदण्डः अभावनामकोदण्डः

vāntāḥ udgīrṇāḥ | duḥkhāny eva śarāśanayaḥ | yena | saḥ | abhāvanāmā cāsau kodaṇḍaḥ abhāvanāmakodaṇḍaḥ

Sanskrit only: no published translation is held for this verse.

ईहते नानाविधाः चेष्टाः करोति । इति शिवम्

īhate nānāvidhāḥ ceṣṭāḥ karoti | iti śivam

Sanskrit only: no published translation is held for this verse.