एतस्मात् समनन्तरम् एव प्रतिपादितस्वरूपात् । परमात् सर्वोत्कृष्टात् । शान्तात् प्रपञ्चक्षोभरहितात् । परमपावनात् पावनानाम् अपि पावकत्वेन निरतिशयपावनात् । पदात् परात्मलक्षणात् स्थानात् । यथा येन प्रकारेणेदम् अनुभूयमानं । विश्वं जगत् । उत्थितं प्रादुर्भूतं । तत् तं प्रकारम् । उत्तमयोत्कृष्टया । धिया । शृणु । एतेनोत्तमधीर् एवाधिकारित्वेनोक्तः
etasmāt samanantaram eva pratipāditasvarūpāt | paramāt sarvotkṛṣṭāt | śāntāt prapañcakṣobharahitāt | paramapāvanāt pāvanānām api pāvakatvena niratiśayapāvanāt | padāt parātmalakṣaṇāt sthānāt | yathā yena prakāreṇedam anubhūyamānaṃ | viśvaṃ jagat | utthitaṃ prādurbhūtaṃ | tat taṃ prakāram | uttamayotkṛṣṭayā | dhiyā | śṛṇu | etenottamadhīr evādhikāritvenoktaḥ
Sanskrit only: no published translation is held for this verse.
सुषुप्तं सुषुप्तिः । स्वप्नवत् स्वप्न इव । भाति स्फुरति । घननिद्रात उत्थितस्य एव स्वप्नप्रादुर्भावात् । ब्रह्मैव सर्गभावेन बृंहितं चिन्मात्राख्यं वस्तु एव । सर्गवत् सर्ग इव । भाति । ननु तर्हि जगदुपादानभूतं ब्रह्म जगद्वद् एव जडं स्यात् । कार्यवैगुण्ययुक्तस्य कारणस्यादर्शनात् इत्य् । अत्राह सर्वम् इति । तत् ब्रह्म । सर्वं भवति । एकं च भवति । शान्तं च भवति । सर्वथाश्चर्यम् एव तद् इति भावः । ननु कथम् उत्पद्यत इत्य् । अत्राह तत्रेति । तावच्छब्दः साकल्ये
suṣuptaṃ suṣuptiḥ | svapnavat svapna iva | bhāti sphurati | ghananidrāta utthitasya eva svapnaprādurbhāvāt | brahmaiva sargabhāvena bṛṃhitaṃ cinmātrākhyaṃ vastu eva | sargavat sarga iva | bhāti | nanu tarhi jagadupādānabhūtaṃ brahma jagadvad eva jaḍaṃ syāt | kāryavaiguṇyayuktasya kāraṇasyādarśanāt ity | atrāha sarvam iti | tat brahma | sarvaṃ bhavati | ekaṃ ca bhavati | śāntaṃ ca bhavati | sarvathāścaryam eva tad iti bhāvaḥ | nanu katham utpadyata ity | atrāha tatreti | tāvacchabdaḥ sākalye
Sanskrit only: no published translation is held for this verse.