सर्गान्तश्लोकेनाप्य् एतद् एव कथयति मनो जगज् जगद् अखिलं तथा मनः परस्परं त्व् अविरहितं सदैव हि । तयोर् द्वयोर् मनसि निरन्तरं क्षते क्षतं जगन् न तु जगति क्षते मनः ॥मु ४,४।१६॥निरन्तरम् अतिशयेन । तयोः द्वयोर् इति निर्धारणे षष्ठी । तस्मान् मन एव सम्यग्ज्ञानाद्युपायेन नाशनीयम् इति भावः । इति शिवम्
sargāntaślokenāpy etad eva kathayati mano jagaj jagad akhilaṃ tathā manaḥ parasparaṃ tv avirahitaṃ sadaiva hi / tayor dvayor manasi nirantaraṃ kṣate kṣataṃ jagan na tu jagati kṣate manaḥ //MU 4,4.16//nirantaram atiśayena | tayoḥ dvayor iti nirdhāraṇe ṣaṣṭhī | tasmān mana eva samyagjñānādyupāyena nāśanīyam iti bhāvaḥ | iti śivam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.