Library·Mahābhārata (critical edition)·1·1.108
जनमेजय उवाच ज्येष्ठानुज्येष्ठतां तेषां नामधेयानि चाभिभो धृतराष्ट्रस्य पुत्राणाम् आनुपूर्व्येण कीर्तय
janamejaya uvāca jyeṣṭhānujyeṣṭhatāṃ teṣāṃ nāmadheyāni cābhibho dhṛtarāṣṭrasya putrāṇām ānupūrvyeṇa kīrtaya
Sanskrit only: no published translation is held for this verse.
वैशंपायन उवाच दुर्योधनो युयुत्सुश् च राजन् दुःशासनस् तथा दुःसहो दुःशलश् चैव जलसंधः समः सहः
vaiśaṃpāyana uvāca duryodhano yuyutsuś ca rājan duḥśāsanas tathā duḥsaho duḥśalaś caiva jalasaṃdhaḥ samaḥ sahaḥ
Sanskrit only: no published translation is held for this verse.
विन्दानुविन्दौ दुर्धर्षः सुबाहुर् दुष्प्रधर्षणः दुर्मर्षणो दुर्मुखश् च दुष्कर्णः कर्ण एव च
vindānuvindau durdharṣaḥ subāhur duṣpradharṣaṇaḥ durmarṣaṇo durmukhaś ca duṣkarṇaḥ karṇa eva ca
Sanskrit only: no published translation is held for this verse.
विविंशतिर् विकर्णश् च जलसंधः सुलोचनः चित्रोपचित्रौ चित्राक्षश् चारुचित्रः शरासनः
viviṃśatir vikarṇaś ca jalasaṃdhaḥ sulocanaḥ citropacitrau citrākṣaś cārucitraḥ śarāsanaḥ
Sanskrit only: no published translation is held for this verse.
दुर्मदो दुष्प्रगाहश् च विवित्सुर् विकटः समः ऊर्णनाभः सुनाभश् च तथा नन्दोपनन्दकौ
durmado duṣpragāhaś ca vivitsur vikaṭaḥ samaḥ ūrṇanābhaḥ sunābhaś ca tathā nandopanandakau
Sanskrit only: no published translation is held for this verse.
सेनापतिः सुषेणश् च कुण्डोदरमहोदरौ चित्रबाणश् चित्रवर्मा सुवर्मा दुर्विमोचनः
senāpatiḥ suṣeṇaś ca kuṇḍodaramahodarau citrabāṇaś citravarmā suvarmā durvimocanaḥ
Sanskrit only: no published translation is held for this verse.
अयोबाहुर् महाबाहुश् चित्राङ्गश् चित्रकुण्डलः भीमवेगो भीमबलो बलाकी बलवर्धनः
ayobāhur mahābāhuś citrāṅgaś citrakuṇḍalaḥ bhīmavego bhīmabalo balākī balavardhanaḥ
Sanskrit only: no published translation is held for this verse.
उग्रायुधो भीमकर्मा कनकायुर् दृढायुधः दृढवर्मा दृढक्षत्रः सोमकीर्तिर् अनूदरः
ugrāyudho bhīmakarmā kanakāyur dṛḍhāyudhaḥ dṛḍhavarmā dṛḍhakṣatraḥ somakīrtir anūdaraḥ
Sanskrit only: no published translation is held for this verse.
दृढसंधो जरासंधः सत्यसंधः सदःसुवाक् उग्रश्रवा अश्वसेनः सेनानीर् दुष्पराजयः
dṛḍhasaṃdho jarāsaṃdhaḥ satyasaṃdhaḥ sadaḥsuvāk ugraśravā aśvasenaḥ senānīr duṣparājayaḥ
Sanskrit only: no published translation is held for this verse.
अपराजितः पण्डितको विशालाक्षो दुरावरः दृढहस्तः सुहस्तश् च वातवेगसुवर्चसौ
aparājitaḥ paṇḍitako viśālākṣo durāvaraḥ dṛḍhahastaḥ suhastaś ca vātavegasuvarcasau
Sanskrit only: no published translation is held for this verse.
आदित्यकेतुर् बह्वाशी नागदन्तोग्रयायिनौ कवची निषङ्गी पाशी च दण्डधारो धनुर्ग्रहः
ādityaketur bahvāśī nāgadantograyāyinau kavacī niṣaṅgī pāśī ca daṇḍadhāro dhanurgrahaḥ
Sanskrit only: no published translation is held for this verse.
उग्रो भीमरथो वीरो वीरबाहुर् अलोलुपः अभयो रौद्रकर्मा च तथा दृढरथस् त्रयः
ugro bhīmaratho vīro vīrabāhur alolupaḥ abhayo raudrakarmā ca tathā dṛḍharathas trayaḥ
Sanskrit only: no published translation is held for this verse.
अनाधृष्यः कुण्डभेदी विरावी दीर्घलोचनः दीर्घबाहुर् महाबाहुर् व्यूढोरुः कनकध्वजः
anādhṛṣyaḥ kuṇḍabhedī virāvī dīrghalocanaḥ dīrghabāhur mahābāhur vyūḍhoruḥ kanakadhvajaḥ
Sanskrit only: no published translation is held for this verse.
कुण्डाशी विरजाश् चैव दुःशला च शताधिका एतद् एकशतं राजन् कन्या चैका प्रकीर्तिता
kuṇḍāśī virajāś caiva duḥśalā ca śatādhikā etad ekaśataṃ rājan kanyā caikā prakīrtitā
Sanskrit only: no published translation is held for this verse.
नामधेयानुपूर्व्येण विद्धि जन्मक्रमं नृप सर्वे त्व् अतिरथाः शूराः सर्वे युद्धविशारदाः
nāmadheyānupūrvyeṇa viddhi janmakramaṃ nṛpa sarve tv atirathāḥ śūrāḥ sarve yuddhaviśāradāḥ
Sanskrit only: no published translation is held for this verse.
सर्वे वेदविदश् चैव राजशास्त्रेषु कोविदाः सर्वे संसर्गविद्यासु विद्याभिजनशोभिनः
sarve vedavidaś caiva rājaśāstreṣu kovidāḥ sarve saṃsargavidyāsu vidyābhijanaśobhinaḥ
Sanskrit only: no published translation is held for this verse.
सर्वेषाम् अनुरूपाश् च कृता दारा महीपते धृतराष्ट्रेण समये समीक्ष्य विधिवत् तदा
sarveṣām anurūpāś ca kṛtā dārā mahīpate dhṛtarāṣṭreṇa samaye samīkṣya vidhivat tadā
Sanskrit only: no published translation is held for this verse.
दुःशलां समये राजा सिन्धुराजाय भारत जयद्रथाय प्रददौ सौबलानुमते तदा
duḥśalāṃ samaye rājā sindhurājāya bhārata jayadrathāya pradadau saubalānumate tadā
Sanskrit only: no published translation is held for this verse.