Library·Mahābhārata (critical edition)·1·1.11
डुण्डुभ उवाच सखा बभूव मे पूर्वं खगमो नाम वै द्विजः भृशं संशितवाक् तात तपोबलसमन्वितः
ḍuṇḍubha uvāca sakhā babhūva me pūrvaṃ khagamo nāma vai dvijaḥ bhṛśaṃ saṃśitavāk tāta tapobalasamanvitaḥ
Sanskrit only: no published translation is held for this verse.
स मया क्रीडता बाल्ये कृत्वा तार्णम् अथोरगम् अग्निहोत्रे प्रसक्तः सन् भीषितः प्रमुमोह वै
sa mayā krīḍatā bālye kṛtvā tārṇam athoragam agnihotre prasaktaḥ san bhīṣitaḥ pramumoha vai
Sanskrit only: no published translation is held for this verse.
लब्ध्वा च स पुनः संज्ञां माम् उवाच तपोधनः निर्दहन्न् इव कोपेन सत्यवाक् संशितव्रतः
labdhvā ca sa punaḥ saṃjñāṃ mām uvāca tapodhanaḥ nirdahann iva kopena satyavāk saṃśitavrataḥ
Sanskrit only: no published translation is held for this verse.
यथावीर्यस् त्वया सर्पः कृतो ऽयं मद्बिभीषया तथावीर्यो भुजंगस् त्वं मम कोपाद् भविष्यसि
yathāvīryas tvayā sarpaḥ kṛto 'yaṃ madbibhīṣayā tathāvīryo bhujaṃgas tvaṃ mama kopād bhaviṣyasi
Sanskrit only: no published translation is held for this verse.
तस्याहं तपसो वीर्यं जानमानस् तपोधन भृशम् उद्विग्नहृदयस् तम् अवोचं वनौकसम्
tasyāhaṃ tapaso vīryaṃ jānamānas tapodhana bhṛśam udvignahṛdayas tam avocaṃ vanaukasam
Sanskrit only: no published translation is held for this verse.
प्रयतः संभ्रमाच् चैव प्राञ्जलिः प्रणतः स्थितः सखेति हसतेदं ते नर्मार्थं वै कृतं मया
prayataḥ saṃbhramāc caiva prāñjaliḥ praṇataḥ sthitaḥ sakheti hasatedaṃ te narmārthaṃ vai kṛtaṃ mayā
Sanskrit only: no published translation is held for this verse.
क्षन्तुम् अर्हसि मे ब्रह्मञ् शापो ऽयं विनिवर्त्यताम् सो ऽथ माम् अब्रवीद् दृष्ट्वा भृशम् उद्विग्नचेतसम्
kṣantum arhasi me brahmañ śāpo 'yaṃ vinivartyatām so 'tha mām abravīd dṛṣṭvā bhṛśam udvignacetasam
Sanskrit only: no published translation is held for this verse.
मुहुर् उष्णं विनिःश्वस्य सुसंभ्रान्तस् तपोधनः नानृतं वै मया प्रोक्तं भवितेदं कथं चन
muhur uṣṇaṃ viniḥśvasya susaṃbhrāntas tapodhanaḥ nānṛtaṃ vai mayā proktaṃ bhavitedaṃ kathaṃ cana
Sanskrit only: no published translation is held for this verse.
यत् तु वक्ष्यामि ते वाक्यं शृणु तन् मे धृतव्रत श्रुत्वा च हृदि ते वाक्यम् इदम् अस्तु तपोधन
yat tu vakṣyāmi te vākyaṃ śṛṇu tan me dhṛtavrata śrutvā ca hṛdi te vākyam idam astu tapodhana
Sanskrit only: no published translation is held for this verse.
उत्पत्स्यति रुरुर् नाम प्रमतेर् आत्मजः शुचिः तं दृष्ट्वा शापमोक्षस् ते भविता नचिराद् इव
utpatsyati rurur nāma pramater ātmajaḥ śuciḥ taṃ dṛṣṭvā śāpamokṣas te bhavitā nacirād iva
Sanskrit only: no published translation is held for this verse.
स त्वं रुरुर् इति ख्यातः प्रमतेर् आत्मजः शुचिः स्वरूपं प्रतिलभ्याहम् अद्य वक्ष्यामि ते हितम्
sa tvaṃ rurur iti khyātaḥ pramater ātmajaḥ śuciḥ svarūpaṃ pratilabhyāham adya vakṣyāmi te hitam
Sanskrit only: no published translation is held for this verse.
अहिंसा परमो धर्मः सर्वप्राणभृतां स्मृतः तस्मात् प्राणभृतः सर्वान् न हिंस्याद् ब्राह्मणः क्व चित्
ahiṃsā paramo dharmaḥ sarvaprāṇabhṛtāṃ smṛtaḥ tasmāt prāṇabhṛtaḥ sarvān na hiṃsyād brāhmaṇaḥ kva cit
Sanskrit only: no published translation is held for this verse.
ब्राह्मणः सौम्य एवेह जायतेति परा श्रुतिः वेदवेदाङ्गवित् तात सर्वभूताभयप्रदः
brāhmaṇaḥ saumya eveha jāyateti parā śrutiḥ vedavedāṅgavit tāta sarvabhūtābhayapradaḥ
Sanskrit only: no published translation is held for this verse.
अहिंसा सत्यवचनं क्षमा चेति विनिश्चितम् ब्राह्मणस्य परो धर्मो वेदानां धरणाद् अपि
ahiṃsā satyavacanaṃ kṣamā ceti viniścitam brāhmaṇasya paro dharmo vedānāṃ dharaṇād api
Sanskrit only: no published translation is held for this verse.
क्षत्रियस्य तु यो धर्मः स नेहेष्यति वै तव दण्डधारणम् उग्रत्वं प्रजानां परिपालनम्
kṣatriyasya tu yo dharmaḥ sa neheṣyati vai tava daṇḍadhāraṇam ugratvaṃ prajānāṃ paripālanam
Sanskrit only: no published translation is held for this verse.
तद् इदं क्षत्रियस्यासीत् कर्म वै शृणु मे रुरो जनमेजयस्य धर्मात्मन् सर्पाणां हिंसनं पुरा
tad idaṃ kṣatriyasyāsīt karma vai śṛṇu me ruro janamejayasya dharmātman sarpāṇāṃ hiṃsanaṃ purā
Sanskrit only: no published translation is held for this verse.
परित्राणं च भीतानां सर्पाणां ब्राह्मणाद् अपि तपोवीर्यबलोपेताद् वेदवेदाङ्गपारगात् आस्तीकाद् द्विजमुख्याद् वै सर्पसत्रे द्विजोत्तम
paritrāṇaṃ ca bhītānāṃ sarpāṇāṃ brāhmaṇād api tapovīryabalopetād vedavedāṅgapāragāt āstīkād dvijamukhyād vai sarpasatre dvijottama
Sanskrit only: no published translation is held for this verse.