Mahābhārata (critical edition) 1.12

रुरुर् उवाच कथं हिंसितवान् सर्पान् क्षत्रियो जनमेजयः सर्पा वा हिंसितास् तात किमर्थं द्विजसत्तम

rurur uvāca kathaṃ hiṃsitavān sarpān kṣatriyo janamejayaḥ sarpā vā hiṃsitās tāta kimarthaṃ dvijasattama

Sanskrit only: no published translation is held for this verse.

किमर्थं मोक्षिताश् चैव पन्नगास् तेन शंस मे आस्तीकेन तद् आचक्ष्व श्रोतुम् इच्छाम्य् अशेषतः

kimarthaṃ mokṣitāś caiva pannagās tena śaṃsa me āstīkena tad ācakṣva śrotum icchāmy aśeṣataḥ

Sanskrit only: no published translation is held for this verse.

ऋषिर् उवाच श्रोष्यसि त्वं रुरो सर्वम् आस्तीकचरितं महत् ब्राह्मणानां कथयताम् इत्य् उक्त्वान्तरधीयत

ṛṣir uvāca śroṣyasi tvaṃ ruro sarvam āstīkacaritaṃ mahat brāhmaṇānāṃ kathayatām ity uktvāntaradhīyata

Sanskrit only: no published translation is held for this verse.

सूत उवाच रुरुश् चापि वनं सर्वं पर्यधावत् समन्ततः तम् ऋषिं द्रष्टुम् अन्विच्छन् संश्रान्तो न्यपतद् भुवि

sūta uvāca ruruś cāpi vanaṃ sarvaṃ paryadhāvat samantataḥ tam ṛṣiṃ draṣṭum anvicchan saṃśrānto nyapatad bhuvi

Sanskrit only: no published translation is held for this verse.

लब्धसंज्ञो रुरुश् चायात् तच् चाचख्यौ पितुस् तदा पिता चास्य तद् आख्यानं पृष्टः सर्वं न्यवेदयत्

labdhasaṃjño ruruś cāyāt tac cācakhyau pitus tadā pitā cāsya tad ākhyānaṃ pṛṣṭaḥ sarvaṃ nyavedayat

Sanskrit only: no published translation is held for this verse.