Library·Mahābhārata (critical edition)·1·1.129
वैशंपायन उवाच प्राणाधिकं भीमसेनं कृतविद्यं धनंजयम् दुर्योधनो लक्षयित्व पर्यतप्यत दुर्मतिः
vaiśaṃpāyana uvāca prāṇādhikaṃ bhīmasenaṃ kṛtavidyaṃ dhanaṃjayam duryodhano lakṣayitva paryatapyata durmatiḥ
Sanskrit only: no published translation is held for this verse.
ततो वैकर्तनः कर्णः शकुनिश् चापि सौबलः अनेकैर् अभ्युपायैस् ताञ् जिघांसन्ति स्म पाण्डवान्
tato vaikartanaḥ karṇaḥ śakuniś cāpi saubalaḥ anekair abhyupāyais tāñ jighāṃsanti sma pāṇḍavān
Sanskrit only: no published translation is held for this verse.
पाण्डवाश् चापि तत् सर्वं प्रत्यजानन्न् अरिंदमाः उद्भावनम् अकुर्वन्तो विदुरस्य मते स्थिताः
pāṇḍavāś cāpi tat sarvaṃ pratyajānann ariṃdamāḥ udbhāvanam akurvanto vidurasya mate sthitāḥ
Sanskrit only: no published translation is held for this verse.
गुणैः समुदितान् दृष्ट्वा पौराः पाण्डुसुतांस् तदा कथयन्ति स्म संभूय चत्वरेषु सभासु च
guṇaiḥ samuditān dṛṣṭvā paurāḥ pāṇḍusutāṃs tadā kathayanti sma saṃbhūya catvareṣu sabhāsu ca
Sanskrit only: no published translation is held for this verse.
प्रज्ञाचक्षुर् अचक्षुष्ट्वाद् धृतराष्ट्रो जनेश्वरः राज्यम् अप्राप्तवान् पूर्वं स कथं नृपतिर् भवेत्
prajñācakṣur acakṣuṣṭvād dhṛtarāṣṭro janeśvaraḥ rājyam aprāptavān pūrvaṃ sa kathaṃ nṛpatir bhavet
Sanskrit only: no published translation is held for this verse.
तथा भीष्मः शांतनवः सत्यसंधो महाव्रतः प्रत्याख्याय पुरा राज्यं नाद्य जातु ग्रहीष्यति
tathā bhīṣmaḥ śāṃtanavaḥ satyasaṃdho mahāvrataḥ pratyākhyāya purā rājyaṃ nādya jātu grahīṣyati
Sanskrit only: no published translation is held for this verse.
ते वयं पाण्डवं ज्येष्ठं तरुणं वृद्धशीलिनम् अभिषिञ्चाम साध्व् अद्य सत्यं करुणवेदिनम्
te vayaṃ pāṇḍavaṃ jyeṣṭhaṃ taruṇaṃ vṛddhaśīlinam abhiṣiñcāma sādhv adya satyaṃ karuṇavedinam
Sanskrit only: no published translation is held for this verse.
स हि भीष्मं शांतनवं धृतराष्ट्रं च धर्मवित् सपुत्रं विविधैर् भोगैर् योजयिष्यति पूजयन्
sa hi bhīṣmaṃ śāṃtanavaṃ dhṛtarāṣṭraṃ ca dharmavit saputraṃ vividhair bhogair yojayiṣyati pūjayan
Sanskrit only: no published translation is held for this verse.
तेषां दुर्योधनः श्रुत्वा तानि वाक्यानि भाषताम् युधिष्ठिरानुरक्तानां पर्यतप्यत दुर्मतिः
teṣāṃ duryodhanaḥ śrutvā tāni vākyāni bhāṣatām yudhiṣṭhirānuraktānāṃ paryatapyata durmatiḥ
Sanskrit only: no published translation is held for this verse.
स तप्यमानो दुष्टात्मा तेषां वाचो न चक्षमे ईर्ष्यया चाभिसंतप्तो धृतराष्ट्रम् उपागमत्
sa tapyamāno duṣṭātmā teṣāṃ vāco na cakṣame īrṣyayā cābhisaṃtapto dhṛtarāṣṭram upāgamat
Sanskrit only: no published translation is held for this verse.
ततो विरहितं दृष्ट्वा पितरं प्रतिपूज्य सः पौरानुरागसंतप्तः पश्चाद् इदम् अभाषत
tato virahitaṃ dṛṣṭvā pitaraṃ pratipūjya saḥ paurānurāgasaṃtaptaḥ paścād idam abhāṣata
Sanskrit only: no published translation is held for this verse.
श्रुता मे जल्पतां तात पौराणाम् अशिवा गिरः त्वाम् अनादृत्य भीष्मं च पतिम् इच्छन्ति पाण्डवम्
śrutā me jalpatāṃ tāta paurāṇām aśivā giraḥ tvām anādṛtya bhīṣmaṃ ca patim icchanti pāṇḍavam
Sanskrit only: no published translation is held for this verse.
मतम् एतच् च भीष्मस्य न स राज्यं बुभूषति अस्माकं तु परां पीडां चिकीर्षन्ति पुरे जनाः
matam etac ca bhīṣmasya na sa rājyaṃ bubhūṣati asmākaṃ tu parāṃ pīḍāṃ cikīrṣanti pure janāḥ
Sanskrit only: no published translation is held for this verse.
पितृतः प्राप्तवान् राज्यं पाण्डुर् आत्मगुणैः पुरा त्वम् अप्य् अगुणसंयोगात् प्राप्तं राज्यं न लब्धवान्
pitṛtaḥ prāptavān rājyaṃ pāṇḍur ātmaguṇaiḥ purā tvam apy aguṇasaṃyogāt prāptaṃ rājyaṃ na labdhavān
Sanskrit only: no published translation is held for this verse.
स एष पाण्डोर् दायाद्यं यदि प्राप्नोति पाण्डवः तस्य पुत्रो ध्रुवं प्राप्तस् तस्य तस्येति चापरः
sa eṣa pāṇḍor dāyādyaṃ yadi prāpnoti pāṇḍavaḥ tasya putro dhruvaṃ prāptas tasya tasyeti cāparaḥ
Sanskrit only: no published translation is held for this verse.
ते वयं राजवंशेन हीनाः सह सुतैर् अपि अवज्ञाता भविष्यामो लोकस्य जगतीपते
te vayaṃ rājavaṃśena hīnāḥ saha sutair api avajñātā bhaviṣyāmo lokasya jagatīpate
Sanskrit only: no published translation is held for this verse.
सततं निरयं प्राप्ताः परपिण्डोपजीविनः न भवेम यथा राजंस् तथा शीघ्रं विधीयताम्
satataṃ nirayaṃ prāptāḥ parapiṇḍopajīvinaḥ na bhavema yathā rājaṃs tathā śīghraṃ vidhīyatām
Sanskrit only: no published translation is held for this verse.
अभविष्यः स्थिरो राज्ये यदि हि त्वं पुरा नृप ध्रुवं प्राप्स्याम च वयं राज्यम् अप्य् अवशे जने
abhaviṣyaḥ sthiro rājye yadi hi tvaṃ purā nṛpa dhruvaṃ prāpsyāma ca vayaṃ rājyam apy avaśe jane
Sanskrit only: no published translation is held for this verse.