Library·Mahābhārata (critical edition)·1·1.131
वैशंपायन उवाच ततो दुर्योधनो राजा सर्वास् ताः प्रकृतीः शनैः अर्थमानप्रदानाभ्यां संजहार सहानुजः
vaiśaṃpāyana uvāca tato duryodhano rājā sarvās tāḥ prakṛtīḥ śanaiḥ arthamānapradānābhyāṃ saṃjahāra sahānujaḥ
Sanskrit only: no published translation is held for this verse.
धृतराष्ट्रप्रयुक्तास् तु के चित् कुशलमन्त्रिणः कथयां चक्रिरे रम्यं नगरं वारणावतम्
dhṛtarāṣṭraprayuktās tu ke cit kuśalamantriṇaḥ kathayāṃ cakrire ramyaṃ nagaraṃ vāraṇāvatam
Sanskrit only: no published translation is held for this verse.
अयं समाजः सुमहान् रमणीयतमो भुवि उपस्थितः पशुपतेर् नगरे वारणावते
ayaṃ samājaḥ sumahān ramaṇīyatamo bhuvi upasthitaḥ paśupater nagare vāraṇāvate
Sanskrit only: no published translation is held for this verse.
सर्वरत्नसमाकीर्णे पुंसां देशे मनोरमे इत्य् एवं धृतराष्ट्रस्य वचनाच् चक्रिरे कथाः
sarvaratnasamākīrṇe puṃsāṃ deśe manorame ity evaṃ dhṛtarāṣṭrasya vacanāc cakrire kathāḥ
Sanskrit only: no published translation is held for this verse.
कथ्यमाने तथा रम्ये नगरे वारणावते गमने पाण्डुपुत्राणां जज्ञे तत्र मतिर् नृप
kathyamāne tathā ramye nagare vāraṇāvate gamane pāṇḍuputrāṇāṃ jajñe tatra matir nṛpa
Sanskrit only: no published translation is held for this verse.
यदा त्व् अमन्यत नृपो जातकौतूहला इति उवाचैनान् अथ तदा पाण्डवान् अम्बिकासुतः
yadā tv amanyata nṛpo jātakautūhalā iti uvācainān atha tadā pāṇḍavān ambikāsutaḥ
Sanskrit only: no published translation is held for this verse.
ममेमे पुरुषा नित्यं कथयन्ति पुनः पुनः रमणीयतरं लोके नगरं वारणावतम्
mameme puruṣā nityaṃ kathayanti punaḥ punaḥ ramaṇīyataraṃ loke nagaraṃ vāraṇāvatam
Sanskrit only: no published translation is held for this verse.
ते तात यदि मन्यध्वम् उत्सवं वारणावते सगणाः सानुयात्राश् च विहरध्वं यथामराः
te tāta yadi manyadhvam utsavaṃ vāraṇāvate sagaṇāḥ sānuyātrāś ca viharadhvaṃ yathāmarāḥ
Sanskrit only: no published translation is held for this verse.
ब्राह्मणेभ्यश् च रत्नानि गायनेभ्यश् च सर्वशः प्रयच्छध्वं यथाकामं देवा इव सुवर्चसः
brāhmaṇebhyaś ca ratnāni gāyanebhyaś ca sarvaśaḥ prayacchadhvaṃ yathākāmaṃ devā iva suvarcasaḥ
Sanskrit only: no published translation is held for this verse.
कं चित् कालं विहृत्यैवम् अनुभूय परां मुदम् इदं वै हास्तिनपुरं सुखिनः पुनर् एष्यथ
kaṃ cit kālaṃ vihṛtyaivam anubhūya parāṃ mudam idaṃ vai hāstinapuraṃ sukhinaḥ punar eṣyatha
Sanskrit only: no published translation is held for this verse.
धृतराष्ट्रस्य तं कामम् अनुबुद्ध्वा युधिष्ठिरः आत्मनश् चासहायत्वं तथेति प्रत्युवाच तम्
dhṛtarāṣṭrasya taṃ kāmam anubuddhvā yudhiṣṭhiraḥ ātmanaś cāsahāyatvaṃ tatheti pratyuvāca tam
Sanskrit only: no published translation is held for this verse.
ततो भीष्मं महाप्राज्ञं विदुरं च महामतिम् द्रोणं च बाह्लिकं चैव सोमदत्तं च कौरवम्
tato bhīṣmaṃ mahāprājñaṃ viduraṃ ca mahāmatim droṇaṃ ca bāhlikaṃ caiva somadattaṃ ca kauravam
Sanskrit only: no published translation is held for this verse.
कृपम् आचार्यपुत्रं च गान्धारीं च यशस्विनीम् युधिष्ठिरः शनैर् दीनम् उवाचेदं वचस् तदा
kṛpam ācāryaputraṃ ca gāndhārīṃ ca yaśasvinīm yudhiṣṭhiraḥ śanair dīnam uvācedaṃ vacas tadā
Sanskrit only: no published translation is held for this verse.
रमणीये जनाकीर्णे नगरे वारणावते सगणास् तात वत्स्यामो धृतराष्ट्रस्य शासनात्
ramaṇīye janākīrṇe nagare vāraṇāvate sagaṇās tāta vatsyāmo dhṛtarāṣṭrasya śāsanāt
Sanskrit only: no published translation is held for this verse.
प्रसन्नमनसः सर्वे पुण्या वाचो विमुञ्चत आशीर्भिर् वर्धितान् अस्मान् न पापं प्रसहिष्यति
prasannamanasaḥ sarve puṇyā vāco vimuñcata āśīrbhir vardhitān asmān na pāpaṃ prasahiṣyati
Sanskrit only: no published translation is held for this verse.
एवम् उक्तास् तु ते सर्वे पाण्डुपुत्रेण कौरवाः प्रसन्नवदना भूत्वा ते ऽभ्यवर्तन्त पाण्डवान्
evam uktās tu te sarve pāṇḍuputreṇa kauravāḥ prasannavadanā bhūtvā te 'bhyavartanta pāṇḍavān
Sanskrit only: no published translation is held for this verse.
स्वस्त्य् अस्तु वः पथि सदा भूतेभ्यश् चैव सर्वशः मा च वो ऽस्त्व् अशुभं किं चित् सर्वतः पाण्डुनन्दनाः
svasty astu vaḥ pathi sadā bhūtebhyaś caiva sarvaśaḥ mā ca vo 'stv aśubhaṃ kiṃ cit sarvataḥ pāṇḍunandanāḥ
Sanskrit only: no published translation is held for this verse.
ततः कृतस्वस्त्ययना राज्यलाभाय पाण्डवाः कृत्वा सर्वाणि कार्याणि प्रययुर् वारणावतम्
tataḥ kṛtasvastyayanā rājyalābhāya pāṇḍavāḥ kṛtvā sarvāṇi kāryāṇi prayayur vāraṇāvatam
Sanskrit only: no published translation is held for this verse.