Mahābhārata (critical edition) 1.132

वैशंपायन उवाच एवम् उक्तेषु राज्ञा तु पाण्डवेषु महात्मसु दुर्योधनः परं हर्षम् आजगाम दुरात्मवान्

vaiśaṃpāyana uvāca evam ukteṣu rājñā tu pāṇḍaveṣu mahātmasu duryodhanaḥ paraṃ harṣam ājagāma durātmavān

Sanskrit only: no published translation is held for this verse.

स पुरोचनम् एकान्तम् आनीय भरतर्षभ गृहीत्वा दक्षिणे पाणौ सचिवं वाक्यम् अब्रवीत्

sa purocanam ekāntam ānīya bharatarṣabha gṛhītvā dakṣiṇe pāṇau sacivaṃ vākyam abravīt

Sanskrit only: no published translation is held for this verse.

ममेयं वसुसंपूर्णा पुरोचन वसुंधरा यथेयं मम तद्वत् ते स तां रक्षितुम् अर्हसि

mameyaṃ vasusaṃpūrṇā purocana vasuṃdharā yatheyaṃ mama tadvat te sa tāṃ rakṣitum arhasi

Sanskrit only: no published translation is held for this verse.

न हि मे कश् चिद् अन्यो ऽस्ति वैश्वासिकतरस् त्वया सहायो येन संधाय मन्त्रयेयं यथा त्वया

na hi me kaś cid anyo 'sti vaiśvāsikataras tvayā sahāyo yena saṃdhāya mantrayeyaṃ yathā tvayā

Sanskrit only: no published translation is held for this verse.

संरक्ष तात मन्त्रं च सपत्नांश् च ममोद्धर निपुणेनाभ्युपायेन यद् ब्रवीमि तथा कुरु

saṃrakṣa tāta mantraṃ ca sapatnāṃś ca mamoddhara nipuṇenābhyupāyena yad bravīmi tathā kuru

Sanskrit only: no published translation is held for this verse.

पाण्डवा धृतराष्ट्रेण प्रेषिता वारणावतम् उत्सवे विहरिष्यन्ति धृतराष्ट्रस्य शासनात्

pāṇḍavā dhṛtarāṣṭreṇa preṣitā vāraṇāvatam utsave vihariṣyanti dhṛtarāṣṭrasya śāsanāt

Sanskrit only: no published translation is held for this verse.

स त्वं रासभयुक्तेन स्यन्दनेनाशुगामिना वारणावतम् अद्यैव यथा यासि तथा कुरु

sa tvaṃ rāsabhayuktena syandanenāśugāminā vāraṇāvatam adyaiva yathā yāsi tathā kuru

Sanskrit only: no published translation is held for this verse.

तत्र गत्वा चतुःशालं गृहं परमसंवृतम् आयुधागारम् आश्रित्य कारयेथा महाधनम्

tatra gatvā catuḥśālaṃ gṛhaṃ paramasaṃvṛtam āyudhāgāram āśritya kārayethā mahādhanam

Sanskrit only: no published translation is held for this verse.

शणसर्जरसादीनि यानि द्रव्याणि कानि चित् आग्नेयान्य् उत सन्तीह तानि सर्वाणि दापय

śaṇasarjarasādīni yāni dravyāṇi kāni cit āgneyāny uta santīha tāni sarvāṇi dāpaya

Sanskrit only: no published translation is held for this verse.

सर्पिषा च सतैलेन लाक्षया चाप्य् अनल्पया मृत्तिकां मिश्रयित्वा त्वं लेपं कुड्येषु दापयेः

sarpiṣā ca satailena lākṣayā cāpy analpayā mṛttikāṃ miśrayitvā tvaṃ lepaṃ kuḍyeṣu dāpayeḥ

Sanskrit only: no published translation is held for this verse.

शणान् वंशं घृतं दारु यन्त्राणि विविधानि च तस्मिन् वेश्मनि सर्वाणि निक्षिपेथाः समन्ततः

śaṇān vaṃśaṃ ghṛtaṃ dāru yantrāṇi vividhāni ca tasmin veśmani sarvāṇi nikṣipethāḥ samantataḥ

Sanskrit only: no published translation is held for this verse.

यथा च त्वां न शङ्केरन् परीक्षन्तो ऽपि पाण्डवाः आग्नेयम् इति तत् कार्यम् इति चान्ये च मानवाः

yathā ca tvāṃ na śaṅkeran parīkṣanto 'pi pāṇḍavāḥ āgneyam iti tat kāryam iti cānye ca mānavāḥ

Sanskrit only: no published translation is held for this verse.

वेश्मन्य् एवं कृते तत्र कृत्वा तान् परमार्चितान् वासयेः पाण्डवेयांश् च कुन्तीं च ससुहृज्जनाम्

veśmany evaṃ kṛte tatra kṛtvā tān paramārcitān vāsayeḥ pāṇḍaveyāṃś ca kuntīṃ ca sasuhṛjjanām

Sanskrit only: no published translation is held for this verse.

तत्रासनानि मुख्यानि यानानि शयनानि च विधातव्यानि पाण्डूनां यथा तुष्येत मे पिता

tatrāsanāni mukhyāni yānāni śayanāni ca vidhātavyāni pāṇḍūnāṃ yathā tuṣyeta me pitā

Sanskrit only: no published translation is held for this verse.

यथा रमेरन् विश्रब्धा नगरे वारणावते तथा सर्वं विधातव्यं यावत् कालस्य पर्ययः

yathā rameran viśrabdhā nagare vāraṇāvate tathā sarvaṃ vidhātavyaṃ yāvat kālasya paryayaḥ

Sanskrit only: no published translation is held for this verse.

ज्ञात्वा तु तान् सुविश्वस्ताञ् शयानान् अकुतोभयान् अग्निस् ततस् त्वया देयो द्वारतस् तस्य वेश्मनः

jñātvā tu tān suviśvastāñ śayānān akutobhayān agnis tatas tvayā deyo dvāratas tasya veśmanaḥ

Sanskrit only: no published translation is held for this verse.

दग्धान् एवं स्वके गेहे दग्धा इति ततो जनाः ज्ञातयो वा वदिष्यन्ति पाण्डवार्थाय कर्हि चित्

dagdhān evaṃ svake gehe dagdhā iti tato janāḥ jñātayo vā vadiṣyanti pāṇḍavārthāya karhi cit

Sanskrit only: no published translation is held for this verse.

तत् तथेति प्रतिज्ञाय कौरवाय पुरोचनः प्रायाद् रासभयुक्तेन नगरं वारणावतम्

tat tatheti pratijñāya kauravāya purocanaḥ prāyād rāsabhayuktena nagaraṃ vāraṇāvatam

Sanskrit only: no published translation is held for this verse.

स गत्वा त्वरितो राजन् दुर्योधनमते स्थितः यथोक्तं राजपुत्रेण सर्वं चक्रे पुरोचनः

sa gatvā tvarito rājan duryodhanamate sthitaḥ yathoktaṃ rājaputreṇa sarvaṃ cakre purocanaḥ

Sanskrit only: no published translation is held for this verse.