Library·Mahābhārata (critical edition)·1·1.139
वैशंपायन उवाच तत्र तेषु शयानेषु हिडिम्बो नाम राक्षसः अविदूरे वनात् तस्माच् छालवृक्षम् उपाश्रितः
vaiśaṃpāyana uvāca tatra teṣu śayāneṣu hiḍimbo nāma rākṣasaḥ avidūre vanāt tasmāc chālavṛkṣam upāśritaḥ
Sanskrit only: no published translation is held for this verse.
क्रूरो मानुषमांसादो महावीर्यो महाबलः विरूपरूपः पिङ्गाक्षः करालो घोरदर्शनः पिशितेप्सुः क्षुधार्तस् तान् अपश्यत यदृच्छया
krūro mānuṣamāṃsādo mahāvīryo mahābalaḥ virūparūpaḥ piṅgākṣaḥ karālo ghoradarśanaḥ piśitepsuḥ kṣudhārtas tān apaśyata yadṛcchayā
Sanskrit only: no published translation is held for this verse.
ऊर्ध्वाङ्गुलिः स कण्डूयन् धुन्वन् रूक्षाञ् शिरोरुहान् जृम्भमाणो महावक्त्रः पुनः पुनर् अवेक्ष्य च
ūrdhvāṅguliḥ sa kaṇḍūyan dhunvan rūkṣāñ śiroruhān jṛmbhamāṇo mahāvaktraḥ punaḥ punar avekṣya ca
Sanskrit only: no published translation is held for this verse.
दुष्टो मानुषमांसादो महाकायो महाबलः आघ्राय मानुषं गन्धं भगिनीम् इदम् अब्रवीत्
duṣṭo mānuṣamāṃsādo mahākāyo mahābalaḥ āghrāya mānuṣaṃ gandhaṃ bhaginīm idam abravīt
Sanskrit only: no published translation is held for this verse.
उपपन्नश् चिरस्याद्य भक्षो मम मनःप्रियः स्नेहस्रवान् प्रस्रवति जिह्वा पर्येति मे मुखम्
upapannaś cirasyādya bhakṣo mama manaḥpriyaḥ snehasravān prasravati jihvā paryeti me mukham
Sanskrit only: no published translation is held for this verse.
अष्टौ दंष्ट्राः सुतीक्ष्णाग्राश् चिरस्यापातदुःसहाः देहेषु मज्जयिष्यामि स्निग्धेषु पिशितेषु च
aṣṭau daṃṣṭrāḥ sutīkṣṇāgrāś cirasyāpātaduḥsahāḥ deheṣu majjayiṣyāmi snigdheṣu piśiteṣu ca
Sanskrit only: no published translation is held for this verse.
आक्रम्य मानुषं कण्ठम् आच्छिद्य धमनीम् अपि उष्णं नवं प्रपास्यामि फेनिलं रुधिरं बहु
ākramya mānuṣaṃ kaṇṭham ācchidya dhamanīm api uṣṇaṃ navaṃ prapāsyāmi phenilaṃ rudhiraṃ bahu
Sanskrit only: no published translation is held for this verse.
गच्छ जानीहि के त्व् एते शेरते वनम् आश्रिताः मानुषो बलवान् गन्धो घ्राणं तर्पयतीव मे
gaccha jānīhi ke tv ete śerate vanam āśritāḥ mānuṣo balavān gandho ghrāṇaṃ tarpayatīva me
Sanskrit only: no published translation is held for this verse.
हत्वैतान् मानुषान् सर्वान् आनयस्व ममान्तिकम् अस्मद्विषयसुप्तेभ्यो नैतेभ्यो भयम् अस्ति ते
hatvaitān mānuṣān sarvān ānayasva mamāntikam asmadviṣayasuptebhyo naitebhyo bhayam asti te
Sanskrit only: no published translation is held for this verse.
एषां मांसानि संस्कृत्य मानुषाणां यथेष्टतः भक्षयिष्याव सहितौ कुरु तूर्णं वचो मम
eṣāṃ māṃsāni saṃskṛtya mānuṣāṇāṃ yatheṣṭataḥ bhakṣayiṣyāva sahitau kuru tūrṇaṃ vaco mama
Sanskrit only: no published translation is held for this verse.
भ्रातुर् वचनम् आज्ञाय त्वरमाणेव राक्षसी जगाम तत्र यत्र स्म पाण्डवा भरतर्षभ
bhrātur vacanam ājñāya tvaramāṇeva rākṣasī jagāma tatra yatra sma pāṇḍavā bharatarṣabha
Sanskrit only: no published translation is held for this verse.
ददर्श तत्र गत्वा सा पाण्डवान् पृथया सह शयानान् भीमसेनं च जाग्रतं त्व् अपराजितम्
dadarśa tatra gatvā sā pāṇḍavān pṛthayā saha śayānān bhīmasenaṃ ca jāgrataṃ tv aparājitam
Sanskrit only: no published translation is held for this verse.
दृष्ट्वैव भीमसेनं सा शालस्कन्धम् इवोद्गतम् राक्षसी कामयाम् आस रूपेणाप्रतिमं भुवि
dṛṣṭvaiva bhīmasenaṃ sā śālaskandham ivodgatam rākṣasī kāmayām āsa rūpeṇāpratimaṃ bhuvi
Sanskrit only: no published translation is held for this verse.
अयं श्यामो महाबाहुः सिंहस्कन्धो महाद्युतिः कम्बुग्रीवः पुष्कराक्षो भर्ता युक्तो भवेन् मम
ayaṃ śyāmo mahābāhuḥ siṃhaskandho mahādyutiḥ kambugrīvaḥ puṣkarākṣo bhartā yukto bhaven mama
Sanskrit only: no published translation is held for this verse.
नाहं भ्रातृवचो जातु कुर्यां क्रूरोपसंहितम् पतिस्नेहो ऽतिबलवान् न तथा भ्रातृसौहृदम्
nāhaṃ bhrātṛvaco jātu kuryāṃ krūropasaṃhitam patisneho 'tibalavān na tathā bhrātṛsauhṛdam
Sanskrit only: no published translation is held for this verse.
मुहूर्तम् इव तृप्तिश् च भवेद् भ्रातुर् ममैव च हतैर् एतैर् अहत्वा तु मोदिष्ये शाश्वतिः समाः
muhūrtam iva tṛptiś ca bhaved bhrātur mamaiva ca hatair etair ahatvā tu modiṣye śāśvatiḥ samāḥ
Sanskrit only: no published translation is held for this verse.
सा कामरूपिणी रूपं कृत्वा मानुषम् उत्तमम् उपतस्थे महाबाहुं भीमसेनं शनैः शनैः
sā kāmarūpiṇī rūpaṃ kṛtvā mānuṣam uttamam upatasthe mahābāhuṃ bhīmasenaṃ śanaiḥ śanaiḥ
Sanskrit only: no published translation is held for this verse.
विलज्जमानेव लता दिव्याभरणभूषिता स्मितपूर्वम् इदं वाक्यं भीमसेनम् अथाब्रवीत्
vilajjamāneva latā divyābharaṇabhūṣitā smitapūrvam idaṃ vākyaṃ bhīmasenam athābravīt
Sanskrit only: no published translation is held for this verse.
कुतस् त्वम् असि संप्राप्तः कश् चासि पुरुषर्षभ क इमे शेरते चेह पुरुषा देवरूपिणः
kutas tvam asi saṃprāptaḥ kaś cāsi puruṣarṣabha ka ime śerate ceha puruṣā devarūpiṇaḥ
Sanskrit only: no published translation is held for this verse.
केयं च बृहती श्यामा सुकुमारी तवानघ शेते वनम् इदं प्राप्य विश्वस्ता स्वगृहे यथा
keyaṃ ca bṛhatī śyāmā sukumārī tavānagha śete vanam idaṃ prāpya viśvastā svagṛhe yathā
Sanskrit only: no published translation is held for this verse.
नेदं जानाति गहनं वनं राक्षससेवितम् वसति ह्य् अत्र पापात्मा हिडिम्बो नाम राक्षसः
nedaṃ jānāti gahanaṃ vanaṃ rākṣasasevitam vasati hy atra pāpātmā hiḍimbo nāma rākṣasaḥ
Sanskrit only: no published translation is held for this verse.
तेनाहं प्रेषिता भ्रात्रा दुष्टभावेन रक्षसा बिभक्षयिषता मांसं युष्माकम् अमरोपम
tenāhaṃ preṣitā bhrātrā duṣṭabhāvena rakṣasā bibhakṣayiṣatā māṃsaṃ yuṣmākam amaropama
Sanskrit only: no published translation is held for this verse.
साहं त्वाम् अभिसंप्रेक्ष्य देवगर्भसमप्रभम् नान्यं भर्तारम् इच्छामि सत्यम् एतद् ब्रवीमि ते
sāhaṃ tvām abhisaṃprekṣya devagarbhasamaprabham nānyaṃ bhartāram icchāmi satyam etad bravīmi te
Sanskrit only: no published translation is held for this verse.
एतद् विज्ञाय धर्मज्ञ युक्तं मयि समाचर कामोपहतचित्ताङ्गीं भजमानां भजस्व माम्
etad vijñāya dharmajña yuktaṃ mayi samācara kāmopahatacittāṅgīṃ bhajamānāṃ bhajasva mām
Sanskrit only: no published translation is held for this verse.
त्रास्ये ऽहं त्वां महाबाहो राक्षसात् पुरुषादकात् वत्स्यावो गिरिदुर्गेषु भर्ता भव ममानघ
trāsye 'haṃ tvāṃ mahābāho rākṣasāt puruṣādakāt vatsyāvo giridurgeṣu bhartā bhava mamānagha
Sanskrit only: no published translation is held for this verse.
अन्तरिक्षचरा ह्य् अस्मि कामतो विचरामि च अतुलाम् आप्नुहि प्रीतिं तत्र तत्र मया सह
antarikṣacarā hy asmi kāmato vicarāmi ca atulām āpnuhi prītiṃ tatra tatra mayā saha
Sanskrit only: no published translation is held for this verse.
भीम उवाच मातरं भ्रातरं ज्येष्ठं कनिष्ठान् अपरान् इमान् परित्यजेत को न्व् अद्य प्रभवन्न् इव राक्षसि
bhīma uvāca mātaraṃ bhrātaraṃ jyeṣṭhaṃ kaniṣṭhān aparān imān parityajeta ko nv adya prabhavann iva rākṣasi
Sanskrit only: no published translation is held for this verse.
को हि सुप्तान् इमान् भ्रातॄन् दत्त्वा राक्षसभोजनम् मातरं च नरो गच्छेत् कामार्त इव मद्विधः
ko hi suptān imān bhrātṝn dattvā rākṣasabhojanam mātaraṃ ca naro gacchet kāmārta iva madvidhaḥ
Sanskrit only: no published translation is held for this verse.
राक्षस्य् उवाच यत् ते प्रियं तत् करिष्ये सर्वान् एतान् प्रबोधय मोक्षयिष्यामि वः कामं राक्षसात् पुरुषादकात्
rākṣasy uvāca yat te priyaṃ tat kariṣye sarvān etān prabodhaya mokṣayiṣyāmi vaḥ kāmaṃ rākṣasāt puruṣādakāt
Sanskrit only: no published translation is held for this verse.
भीम उवाच सुखसुप्तान् वने भ्रातॄन् मातरं चैव राक्षसि न भयाद् बोधयिष्यामि भ्रातुस् तव दुरात्मनः
bhīma uvāca sukhasuptān vane bhrātṝn mātaraṃ caiva rākṣasi na bhayād bodhayiṣyāmi bhrātus tava durātmanaḥ
Sanskrit only: no published translation is held for this verse.
न हि मे राक्षसा भीरु सोढुं शक्ताः पराक्रमम् न मनुष्या न गन्धर्वा न यक्षाश् चारुलोचने
na hi me rākṣasā bhīru soḍhuṃ śaktāḥ parākramam na manuṣyā na gandharvā na yakṣāś cārulocane
Sanskrit only: no published translation is held for this verse.
गच्छ वा तिष्ठ वा भद्रे यद् वापीच्छसि तत् कुरु तं वा प्रेषय तन्वङ्गि भ्रातरं पुरुषादकम्
gaccha vā tiṣṭha vā bhadre yad vāpīcchasi tat kuru taṃ vā preṣaya tanvaṅgi bhrātaraṃ puruṣādakam
Sanskrit only: no published translation is held for this verse.