Library·Mahābhārata (critical edition)·1·1.148
कुन्त्य् उवाच कुतोमूलम् इदं दुःखं ज्ञातुम् इच्छामि तत्त्वतः विदित्वा अपकर्षेयं शक्यं चेद् अपकर्षितुम्
kunty uvāca kutomūlam idaṃ duḥkhaṃ jñātum icchāmi tattvataḥ viditvā apakarṣeyaṃ śakyaṃ ced apakarṣitum
Sanskrit only: no published translation is held for this verse.
ब्राह्मण उवाच उपपन्नं सताम् एतद् यद् ब्रवीषि तपोधने न तु दुःखम् इदं शक्यं मानुषेण व्यपोहितुम्
brāhmaṇa uvāca upapannaṃ satām etad yad bravīṣi tapodhane na tu duḥkham idaṃ śakyaṃ mānuṣeṇa vyapohitum
Sanskrit only: no published translation is held for this verse.
समीपे नगरस्यास्य बको वसति राक्षसः ईशो जनपदस्यास्य पुरस्य च महाबलः
samīpe nagarasyāsya bako vasati rākṣasaḥ īśo janapadasyāsya purasya ca mahābalaḥ
Sanskrit only: no published translation is held for this verse.
पुष्टो मानुषमांसेन दुर्बुद्धिः पुरुषादकः रक्षत्य् असुरराण् नित्यम् इमं जनपदं बली
puṣṭo mānuṣamāṃsena durbuddhiḥ puruṣādakaḥ rakṣaty asurarāṇ nityam imaṃ janapadaṃ balī
Sanskrit only: no published translation is held for this verse.
नगरं चैव देशं च रक्षोबलसमन्वितः तत्कृते परचक्राच् च भूतेभ्यश् च न नो भयम्
nagaraṃ caiva deśaṃ ca rakṣobalasamanvitaḥ tatkṛte paracakrāc ca bhūtebhyaś ca na no bhayam
Sanskrit only: no published translation is held for this verse.
वेतनं तस्य विहितं शालिवाहस्य भोजनम् महिषौ पुरुषश् चैको यस् तद् आदाय गच्छति
vetanaṃ tasya vihitaṃ śālivāhasya bhojanam mahiṣau puruṣaś caiko yas tad ādāya gacchati
Sanskrit only: no published translation is held for this verse.
एकैकश् चैव पुरुषस् तत् प्रयच्छति भोजनम् स वारो बहुभिर् वर्षैर् भवत्य् असुतरो नरैः
ekaikaś caiva puruṣas tat prayacchati bhojanam sa vāro bahubhir varṣair bhavaty asutaro naraiḥ
Sanskrit only: no published translation is held for this verse.
तद्विमोक्षाय ये चापि यतन्ते पुरुषाः क्व चित् सपुत्रदारांस् तान् हत्वा तद् रक्षो भक्षयत्य् उत
tadvimokṣāya ye cāpi yatante puruṣāḥ kva cit saputradārāṃs tān hatvā tad rakṣo bhakṣayaty uta
Sanskrit only: no published translation is held for this verse.
वेत्रकीयगृहे राजा नायं नयम् इहास्थितः अनामयं जनस्यास्य येन स्याद् अद्य शाश्वतम्
vetrakīyagṛhe rājā nāyaṃ nayam ihāsthitaḥ anāmayaṃ janasyāsya yena syād adya śāśvatam
Sanskrit only: no published translation is held for this verse.
एतदर्हा वयं नूनं वसामो दुर्बलस्य ये विषये नित्यम् उद्विग्नाः कुराजानम् उपाश्रिताः
etadarhā vayaṃ nūnaṃ vasāmo durbalasya ye viṣaye nityam udvignāḥ kurājānam upāśritāḥ
Sanskrit only: no published translation is held for this verse.
ब्राह्मणाः कस्य वक्तव्याः कस्य वा छन्दचारिणः गुणैर् एते हि वास्यन्ते कामगाः पक्षिणो यथा
brāhmaṇāḥ kasya vaktavyāḥ kasya vā chandacāriṇaḥ guṇair ete hi vāsyante kāmagāḥ pakṣiṇo yathā
Sanskrit only: no published translation is held for this verse.
राजानं प्रथमं विन्देत् ततो भार्यां ततो धनम् त्रयस्य संचये चास्य ज्ञातीन् पुत्रांश् च धारयेत्
rājānaṃ prathamaṃ vindet tato bhāryāṃ tato dhanam trayasya saṃcaye cāsya jñātīn putrāṃś ca dhārayet
Sanskrit only: no published translation is held for this verse.
विपरीतं मया चेदं त्रयं सर्वम् उपार्जितम् त इमाम् आपदं प्राप्य भृशं तप्स्यामहे वयम्
viparītaṃ mayā cedaṃ trayaṃ sarvam upārjitam ta imām āpadaṃ prāpya bhṛśaṃ tapsyāmahe vayam
Sanskrit only: no published translation is held for this verse.
सो ऽयम् अस्मान् अनुप्राप्तो वारः कुलविनाशनः भोजनं पुरुषश् चैकः प्रदेयं वेतनं मया
so 'yam asmān anuprāpto vāraḥ kulavināśanaḥ bhojanaṃ puruṣaś caikaḥ pradeyaṃ vetanaṃ mayā
Sanskrit only: no published translation is held for this verse.
न च मे विद्यते वित्तं संक्रेतुं पुरुषं क्व चित् सुहृज्जनं प्रदातुं च न शक्ष्यामि कथं चन गतिं चापि न पश्यामि तस्मान् मोक्षाय रक्षसः
na ca me vidyate vittaṃ saṃkretuṃ puruṣaṃ kva cit suhṛjjanaṃ pradātuṃ ca na śakṣyāmi kathaṃ cana gatiṃ cāpi na paśyāmi tasmān mokṣāya rakṣasaḥ
Sanskrit only: no published translation is held for this verse.
सो ऽहं दुःखार्णवे मग्नो महत्य् असुतरे भृशम् सहैवैतैर् गमिष्यामि बान्धवैर् अद्य राक्षसम् ततो नः सहितन् क्षुद्रः सर्वान् एवोपभोक्ष्यति
so 'haṃ duḥkhārṇave magno mahaty asutare bhṛśam sahaivaitair gamiṣyāmi bāndhavair adya rākṣasam tato naḥ sahitan kṣudraḥ sarvān evopabhokṣyati
Sanskrit only: no published translation is held for this verse.