Library·Mahābhārata (critical edition)·1·1.153
जनमेजय उवाच ते तथा पुरुषव्याघ्रा निहत्य बकराक्षसम् अत ऊर्ध्वं ततो ब्रह्मन् किम् अकुर्वत पाण्डवाः
janamejaya uvāca te tathā puruṣavyāghrā nihatya bakarākṣasam ata ūrdhvaṃ tato brahman kim akurvata pāṇḍavāḥ
Sanskrit only: no published translation is held for this verse.
वैशंपायन उवाच तत्रैव न्यवसन् राजन् निहत्य बकराक्षसम् अधीयानाः परं ब्रह्म ब्राह्मणस्य निवेशने
vaiśaṃpāyana uvāca tatraiva nyavasan rājan nihatya bakarākṣasam adhīyānāḥ paraṃ brahma brāhmaṇasya niveśane
Sanskrit only: no published translation is held for this verse.
ततः कतिपयाहस्य ब्राह्मणः संशितव्रतः प्रतिश्रयार्थं तद् वेश्म ब्राह्मणस्याजगाम ह
tataḥ katipayāhasya brāhmaṇaḥ saṃśitavrataḥ pratiśrayārthaṃ tad veśma brāhmaṇasyājagāma ha
Sanskrit only: no published translation is held for this verse.
स सम्यक् पूजयित्वा तं विद्वान् विप्रर्षभस् तदा ददौ प्रतिश्रयं तस्मै सदा सर्वातिथिव्रती
sa samyak pūjayitvā taṃ vidvān viprarṣabhas tadā dadau pratiśrayaṃ tasmai sadā sarvātithivratī
Sanskrit only: no published translation is held for this verse.
ततस् ते पाण्डवाः सर्वे सह कुन्त्या नरर्षभाः उपासां चक्रिरे विप्रं कथयानं कथास् तदा
tatas te pāṇḍavāḥ sarve saha kuntyā nararṣabhāḥ upāsāṃ cakrire vipraṃ kathayānaṃ kathās tadā
Sanskrit only: no published translation is held for this verse.
कथयाम् आस देशान् स तीर्थानि विविधानि च राज्ञां च विविधाश् चर्याः पुराणि विविधानि च
kathayām āsa deśān sa tīrthāni vividhāni ca rājñāṃ ca vividhāś caryāḥ purāṇi vividhāni ca
Sanskrit only: no published translation is held for this verse.
स तत्राकथयद् विप्रः कथान्ते जनमेजय पाञ्चालेष्व् अद्भुताकारं याज्ञसेन्याः स्वयंवरम्
sa tatrākathayad vipraḥ kathānte janamejaya pāñcāleṣv adbhutākāraṃ yājñasenyāḥ svayaṃvaram
Sanskrit only: no published translation is held for this verse.
धृष्टद्युम्नस्य चोत्पत्तिम् उत्पत्तिं च शिखण्डिनः अयोनिजत्वं कृष्णाया द्रुपदस्य महामखे
dhṛṣṭadyumnasya cotpattim utpattiṃ ca śikhaṇḍinaḥ ayonijatvaṃ kṛṣṇāyā drupadasya mahāmakhe
Sanskrit only: no published translation is held for this verse.
तद् अद्भुततमं श्रुत्वा लोके तस्य महात्मनः विस्तरेणैव पप्रच्छुः कथां तां पुरुषर्षभाः
tad adbhutatamaṃ śrutvā loke tasya mahātmanaḥ vistareṇaiva papracchuḥ kathāṃ tāṃ puruṣarṣabhāḥ
Sanskrit only: no published translation is held for this verse.
कथं द्रुपदपुत्रस्य धृष्टद्युम्नस्य पावकात् वेदिमध्याच् च कृष्णायाः संभवः कथम् अद्भुतः
kathaṃ drupadaputrasya dhṛṣṭadyumnasya pāvakāt vedimadhyāc ca kṛṣṇāyāḥ saṃbhavaḥ katham adbhutaḥ
Sanskrit only: no published translation is held for this verse.
कथं द्रोणान् महेष्वासात् सर्वाण्य् अस्त्राण्य् अशिक्षत कथं प्रियसखायौ तौ भिन्नौ कस्य कृतेन च
kathaṃ droṇān maheṣvāsāt sarvāṇy astrāṇy aśikṣata kathaṃ priyasakhāyau tau bhinnau kasya kṛtena ca
Sanskrit only: no published translation is held for this verse.
एवं तैश् चोदितो राजन् स विप्रः पुरुषर्षभैः कथयाम् आस तत् सर्वं द्रौपदीसंभवं तदा
evaṃ taiś codito rājan sa vipraḥ puruṣarṣabhaiḥ kathayām āsa tat sarvaṃ draupadīsaṃbhavaṃ tadā
Sanskrit only: no published translation is held for this verse.